تحذير من شراء السارة البروتون الجين 2 2013

[realhossam]

بالنسبالى انا مش حعلق الاخوة الافاضل ردوا بزيادة كمان
هوة بس انا كل اللى بطلبة منك حاجة واحدة بس لو ينفع يعنى
انا عايز اشوف العربية دى !!!!!

بجد والله عايز اشوفها ونتقابل انا وانت بعربيتى وعربيتك ونشوف اية اللى مدايقك منها
اية رايك ؟
انا فى اكتوبر
لو انت فى اى وقت رايح التوكيل او بتروح اكتوبر بجد ياريت تقابلنى
وتحياتى لك

تصدق انك أستاذ ، و الله أنا كمان حسيت انه بيبالغ بشدة ، و لا كأنه قاصد، و الله أعلم

[mhassan9]

أسمحولي هضيف تجربتي مع العربية وأنا حالياً 28 ألف كيلو
1- عيوب التقفيل:
موجودة زي أي عربية في الدنيا بس في حالتي كانت بسيطة جداً فلا ترقي لأني أقول عليها عيوب..(دا مقارنة مثلاً بالكوري اللي بقا مولع وعبارة عن موتور وصندوق صاج)

2- الفرامل:
أنا كان معايا فيرنا وطبعاطوب الأرض أشتكي من فراملها بس أنا الحمد لله كنت بعرف أتعامل معاها وأهم حاجه في أي عربية هتركبها أنك تعرف تقدر فراملها كويس بمعني تقدر العربية محتاجه مسافة قد أيه عشان تقف علي أختلاف سرعاتك.
تخيل بقا لما ركبت الجين لأول مرة حسيت أن فراملها أسوء...أه والله بس أكتشفت أن الموضوع بمنتهي البساطة مش أنها أسوء لكن الموضوع هو طول مشوار الفرامل يعني بتحتاج تدوس أكتر من عربيات تاني وفي مرحلة معينة هيشتغل معاك ال abs (دا علي أعتبار أن الفرامل أصلاً سليمة).
في حالة صاحب الموضوع ممكن يكون ماستر عجلة من العجل أو أكتر أو الماستر الرئيسي فيه مشكلة ودا ممكن يبان بالكشف علي العربية زي ما أخونا قالوا في عصام وصفا أفضل من التوكيل
الحالة التانية أنك فعلاً مقلق من موضوع طوول مشوار الفرامل...بالمناسبة لسه كنت سايق مرسيدس سي 180 فراملها علي الشعرة لدرجة أني فرملت أول مرة علي سرعة بطيئة كنت هلبس في الأزاز :) ففعلاً دا ممكن يكون سبب.
لو العربية بقا بتزحف ودا عن تجربة أحد الأعضاء ممكن جداً يكون كوتش سئ مش هتخسر حاجه روح أكشف عليه في بريدجستون وهيقولولك لو فيه حاجه...أنا عارف أنه لسه جديد بس معلش أعرف أن كان هو السبب ولا لأ عشان لو مش هو أستبعده وشوف غيره.

3- الحدفة اليمن
أتظبطت في توكيل العجوزة مع صيانة الألف مع أنهم معندهمش ظبط زوايا علي فكرة...وأحياناً بتحتاج ظبط زوايا وأحيان تاني بتحتاج تبدل العجلة اليمين شمال.

4- أستهلاك البنزين
كل اللي أقدر أقولهواك في الموضوع دا أن للأسف الموضوع دا حظوظ يعني عربيات وعربيات بس عن تجربة أن شاء الله هيتظبط معاك بعد صيانة العشرين بشكل ملحوظ

أخيراً...ربنا يعوضك خير لو كانت العربية فيها مشاكل بس أن شاء الله تتحل وأخيراً أقدر أقولك أن علي كل عيوب الجين هي أفضل عربية في فئتها بالسعر دا والكماليات دي علي الأطلاق
تحياتي

[bondok20002002]

مع إحترامى لصاحب الموضوع والأعضاء :
دلوقتى إنت عربيتك فيها مشاكل أعتقد كل عربية فيها مشاكل بس فى إلى يتقبل ذلك أو لا يتقبل .. بس أعتقد إن الموضوع لا يصل لدرجة التحذير يعنى ...
موضوع الفرامل حصلت مع واحد صاحبى نفس المشكلة بالظبط وراح التوكيل وتم تعلية البدال شوية والعربية أدائها إتغير تماماً وأعتقد زى ما الأخوة قالو ده سعر حلو جداً صعب تجيب عربية يا إما كاملة مانيوال أو كاملة أوتوماتيك .
وموضوع إستهلاك البنزين حاول تاخد بالورقة والقلم بلاش كمبيوتر الرحلات لأنه أكيد مش حيكون مظبوط قوى
أنا معايا العربية موديل 2013 مفيش شكوى خالص من ساعة ما أخدتها غير بس التكييف كان فى مشكلة وتم تغيير الكباس فى الضمان لكن الفرامل عندى ما شاء الله إستملتها مرتين وكانت 100 / 100
وأرجو بلاش موضوع التحذير ده لأن العربية حلوة فى الفئة السعرية كمان كويسة لأن كل واحد حر فى إختياره
وأسف للإطالة وربنا يوفقك يارب وياريت تحاول تقتنع بالعربية إلى معاك بجد عربية تحفة وأصبر عليها وخلى بالك طويل معاها وأكيد مش حتندم .... حاول
تحياتى

[AhmedNasrCoca]

شباب بدور على جين 2 ومش هلاقى احسن منكوا. اللى يعرف عربيه للبيع مضمونه انا اكون شاكر جداا ياجماعه

[omarahmedmaher]

عندك حق وفى مشكله كمان ان البويه بتاعتها بتطرقع ومن الواضح ان التوكيل عارف المشكله دى وبيضحك على الناس ويبعلهم من غير مايذكر المشكله وانا واحد من الناس اللى متضرر وعملت شكوى لان انا عربيتى لسه مشتريها فى شهر يناير وماشى فى اجراءات محضر جنحة نصب ومحضر غش تجارى وليا اللى ينشرها وشكوى فى حماية المستهلك لان دا نصب علنى ويانا يا ان العربيه دى تفضل تتباع فى عز العرب والله المستعان واللى عنده المشكله دى ياريت يبقى ورايا عشان تبقى شكوى عامه

[carrier]

عنوان وموضوع عجيب وغريب ..........