تحذير من شراء السارة البروتون الجين 2 2013

[Gexo]

حسب كلام أحد المهندسين في التوكيل، أن منظومة فرامل بروتون عامةً مشكلتها أن الـ abs بيفتح بدري عشان كده العربية مش بتقف على طول، وبتزحف. وأضاف أن أصواتهم اتنبحت مع الشركة الأم في ماليزيا لتعديل منظومة الفرامل، لتلافي هذه المشكلة، ولكن فيما يبدو أن بروتون ماليزيا متحفظة على هذا الطلب، ومتمسكة بمنظومة الفرامل كما هي دون تعديل. والعهدة على المهندس الذي روي لي هذه الحكاية منذ أيام.

طيب هل حضرتك الفرامل بالسوء للدرجه دي؟؟؟

[ramyayash]

فرامل البروتون عاملة زي فرامل الفورد الطويل اللي في السعودية.. لو فرملت فجاة يزحلق معاك لو حضرتله يقف معاك كويس.. ودي مشكلة بيتفادوها هنا بتوع البروتون بتركيب تيل فرامل سيراميك وتفريغ الهوا من زيت الفرامل..بتبقي افضل لكن عموما هي اقل فعلا من المستوى المطلوب

[Motarjim]

طيب هل حضرتك الفرامل بالسوء للدرجه دي؟؟؟

هي بالنسبة للاستخدام العادي في تهدئة السرعة على السرعات البطيئة والعالية تمام، وكذلك الفرملة الكاملة على السرعات البطيئة شغالة تمام.

ولكن السرعات العالية، تيجي تضرب فرملة كاملة، تلاقي العربية تزحف شوية ده عن تجارب مقصودة في طرق فاضية.

والحمد لله لم اضطر للفرملة الكاملة في الواقع إلا مرة واحدة، وكانت على الرمل، والعربية بفضل الله، كان أداؤها ممتاز.

ما يزعجني الآن من الفرامل هو صوت الصفارة، وإن شاء الله، يتعالج، يختفي.

عمومًا تقييمي لمنظومة الفرامل لم يكتمل بعد لأن لسه العربية ما مشيتش كتير، وأرى ألا يُعتد به الآن.

وإن شاء الله، الملاك القدامي المحترمون يفيدوك أكتر مني بالتأكيد.

[mhassan9]

تحذير ابعد تماما عن البروتون الجين 2 و البيرسونا

انا عربيتي عامله 800 كم

و اسوأ من ما تتخيل انا اتخدعت في العربية دي خدعة عمري

1 من اسوأ تقفيل السيارات اللي ممكن تشوفها لدرجة ان اي عربية تقفيل مصري احسن منها.
*ملحوظة انا رفضت استلام عربيتين عشان عيوب التقفيل دي

2سيئة جدا جدا في الفرامل انا لسه مكملتش 800 كم ولا عملت صيانة 1000 و روحت التوكيل مرتين

3 استهلاك بنزين بشع لدرجة ان العربية متوسط استهلاكها داخل المدينة 7.5 الي 8كم/ ليتر يعني 150/160 في الصفيحة

4 بتنزل فيها عيب في الزوايا و مش بيعرفوا يضبطوها

5 لما تشغل التكييف تحس ان العربية تحول صوتها الي غسالة فول اوتوماتيك من صوت مروحة التكييف.

6 حرام فيها الفلوس اللي بتدفعها في تمنها و قطع غيارها حيث انها ليست في مستوي الجودة التي تستحق هذه المبالغ.

و مفيهاش حاجة عدلة غير العفشة و الثبات بصراحة

علي فكرة يا جماعة انا ما اشتريتش العربية دي عمياني و لكن بعد دراسة شاملة من اراء الأعضاء

هذه شهادة حق عشان ماحدش يتدبس و معظم السيارات بها نفس العيوب زاد او نقص و لكن فعلا عيب الفرامل الأكثر شيوعا

انا مش عارف هاعمل ايه بس في الأغلب هعرض العريبة للبيع و ربنا يعوض عليا

أسمحلي هرد علي نقاطك نقطة نقطة:

1- أنت لما كنت بتقول العربية تقفيلها سئ وأسوء من عربية تقفيل مصري أكيد كنت بتبالغ عشان الحقيقة أنا وجهة نظري المتواضعة أن خامتها أنضف من عربيات كوري كتيير وأفضل من صني الجديدة كمان فياريت توضع أيه العيوب اللي تقصدها وكمان هل هي من معلوماتك عيب خاص بعربيتك ولا في كل العربيات

2- أنا هعترف أن فيه مشكلة في تصفير الفرامل (بيروح عندي ويجي) بس هو علي خفيف ومش بسمعه إلا لو فاتح الأزاز وكمان بيروح ويجي مش مستمر.
أنا عن جودة الفرامل فالحمد لله أحمد ربنا وأشكر فضله الفرامل أسعفتني في عدة مواقع ممكن تروح فيها أرواح مش عربيات.....جايز بس عربيتك من العربيات اللي حظها وحش وفيها مشكلة في موضوع الفرامل

3- مبدئياً في تقديري المتواضع لو العربية بتستهلك 7.5 - 8 في 100 كيلو (دا علي أساس أنك بتحسب يدوي مش حساب كمبيوتر الرحلات) يبقي بحسبة بسيطة الصفيحة اللي هي 20 لتر هتمشيك 250 كيلو بالراحة ودا خيال في الجين طبعاً (حضرتك حاسب غلط) وكمان دا أستهلاك مثالي جداً جداً جداً لعربية 1600 سي سي دا علي أساس أنها كمان مانويل لو عايز أستهلاك أقل من كدا يبقي عليك وعلي الألتو أو الماروتي أو أي عربية 900 سي سي وأقل.
الحقيقة أنا العربية في أحسن الأحوال جوا البلد بتعمل 10 لتر لكل 100 كيلو علي الطريق 8.5 لتر ومش مدايق لأن مقارنة بالفيرنا المانويل اللي كانت معايا قبل كدا مفيش فرق تقريباً!!

4- تصدق ظبطهولي في توكيل العجوزة من غير ما يكون عندهم جهاز ظبط زوايا كمان

5- فعلاً صوت التكييف لما بيتشغل عالي بس أحب ابشرك أنه مع الوقت بيخف كتيير

6 - فعلاُ عندك حق قطع غيرها غالية وربنا يسامح زل العرب هو السبب

الخلاصة تجربة حضرتك تجربة سيئة مفيش كلام وحظك وحش جداً بس دا مش مستوي العربية بشكل عام كمان هي عربية لا تقارن بأي عربية في فئتها السعرية ولا حتي مقاربة ليها فخلي بالك أنت بتاخد علي قد ما بتدفع في الأخر

الخلاصة من وجهة نظري الشخصية أن العربية دي فيها نسبة حظ كبيرة لكن بشكل عام عربية ممتازة والحمد لله مش ندمان عليها

ونصيحة ما دام قفلت منها كدا بيعها في ناس بتشمشم علي حاجه كسر زيرو

[a7mad_mo7amad6]

استاذي الفاضل
انا بحكم شغلي في مصر ساعات بسافر انجلترا وبقعد فتره هناك سابورت لجاجور ولاند روفر في حل بعض مشاكل ضفاير العربيات الي بتتصنع في مصر
عاوز اقلك انه يوميا بيجلنا مشاكل after market عن طريق الوكلاء الخاصيين بالعربيات علي مشاكل متفاوته
منها على سبيل المثال..
1- الريموت بيعلق
2- لمبه ساعات تنور وساعات لا
3- نظام الفرامل فيه مشاكل لعطل بنظام ال ABS
4-المساحات بتجيب مياه من عند ماتور المياه
5- المساحات الخلفيه بعض الاحيان لا تعمل

وفي مشاكل بيكتشفوها فعلا في المصنع قبل ما العربيه تخرج
منها ما لايقل يوميا عن 4 عربيات عليهم ورقه لا تقد السياره لا يوجد بها فرامل !!
ومنها مشاكل تسييل زيوت سواء من الماتور او غيره

وغيره وغيره وغيره

والله لا يمكن تتخيل كمية المشاكل الي بشوفها يوميا وده طبيعي جدااااا حتي في افخم انواع العربيات

عاوز اقلك ان الجاجوار بينتجوا من موديل العربيه البتكلم عليه من 30 ل 60 عربيه في اليوم

يعني بهدوووووء وبراحتهم واخر دلع وبالرغم لكده مشاكل بتظهر

الخلاصه ان اي عربيه تشتريها من المتوقع يكون فيها مشاكل متبنش الا بعد الاستخدام وده زي الي حصل معاك في بعض الحاجات

يارب اكون افدتك باي حاجه

[mido_soliman]

بالنسبالى انا مش حعلق الاخوة الافاضل ردوا بزيادة كمان
هوة بس انا كل اللى بطلبة منك حاجة واحدة بس لو ينفع يعنى
انا عايز اشوف العربية دى !!!!!

بجد والله عايز اشوفها ونتقابل انا وانت بعربيتى وعربيتك ونشوف اية اللى مدايقك منها
اية رايك ؟
انا فى اكتوبر
لو انت فى اى وقت رايح التوكيل او بتروح اكتوبر بجد ياريت تقابلنى
وتحياتى لك

[Sealion]

ana ma3aya GEN2 2010 mashoftesh feha ay 3eeb min el 3yob di masha allah .a3taked di 3yob fardia we 7agat bete7sal le2ay 3arabia. bgad el 3arabia a7san min el Kory fe nazary kaman ya3kfy EL CAMPRO MOTOR WL 3AFSHA ay 7aga tania 3ady.

[Sealion]

wel 3ala fekra ana kan ma3aya seat IBIZA abl el GEN2 we nafs mashakel el ola bardo bala2iha fel Gen kollaha General. bgad el Gen2 3arbia kwaysa we mostawa el Safety kwayes gedan a7san min 3arbiat tania kteeer fel soo2,

[Sealion]

2اللهم صل على محمد وعلى آله وصحبه أجمعين I love this Caaaaaaaaaaaaar . GEN

[dramrmostafa]

طيب اول حاجة انا مبسوط جدا ان في ناس بتدافع عن البروتون كده بالقوة دي فده معناه ان فعلا العربية كويسة مش

مقلب بس انا هاستأذنكم نتكلم بأسلوب بعمق اكتر يمكن حد يفيدني بالنصيحة لأني فعلا حابب العربية و

مش عايز ابيعها بالساهل.

1 عيوب التقفيل فعلا موجودة ممكن اكون بالغت حبتين في التقفيل المصري .و لكن ( حدفه يمين رغم ان مقاسات

السيارة مضبوطةو الكاوتش مضبوط الخ الخ، موتور المساحات الخلفي كان لا يعمل و اكتشفت ان الفيشة مخلوعه و

ركبتها، طبة فيبر في التابلوه ناقصه و كتيتها في تقرير الاستلام ووعدوني هيجيبوها، مشكلة في الملتي فنكشن

ووعدوني هيحلوها بتغيير القطعة و صدقوني كده متنقية علي الفرازة لأن دي العربية الوحيدة اللي جاتلي بدون عيوب

دهان او خبطات والله العربية اللي قبلها كانت رشه اكصدام و اللون مفارق كمان واللي قابلها المراية مجرحه و متلقطه

والكبوت في كسر في الدهان من الحرف و مصدي كمان)

2 مشكلة التكييف مش كومبريسور لكن تصميم المروحة سيء لدرجة ان المراوح لما تشتغل تحس بصوتها و اهتزازها

داخل السيارة والله تقفل التكييف من الصداع و مستعد اوريها لحضراتكم انا جربت عربية تانية 2013 و نفس القصة

3 العيب اللي فعلا نكد هو الفرامل والموقف كالأتي و ارجو من السادة الاخوة الأعزاء محاولة ترجمته الي حلول:

أ الدواسه كانت فعلا طرية جدا و مسافة البدال طويله قوي و طبعا مع ضعف الفرامل الرهيب.

كل ما سبق كان اول 250كم و اعتبرت اني لسه بطبع التيل زي ما كاتبين في الكتالوج.

لما كملت 500 رحت التوكيل قالولي هي فراملها كده و هتتعود عليها و عامة علي صيانة الألف هناخد هوا بالكومبيوتر

من ABS قلتلهم المفروض تصلحوها دلوقت مش ضامن توصل للألف سليمة قالولي صيانة الألف هي المجانية غير كده

هاتدفع .بيني و بينكم مقتنعتش بالكلام ده قلت انا هاجرب مع نفسي اضبطها لحد ماتيجي الصيانة.

ب المهم رحت ليكوي مولي جبت زيت dot 4 و قعدت و غيرت الزيت من عجله عجله لحد ما فضيت الهواء خالص بالطريقة

التقليدية المهم اتحسنت 50% بمنتهي الصراحة و لكن الفرامل المفاجيء لازم تدوس مرتين ( تحضر ) عشان تمسك و

الفرامل في التهدئة سيئة برضه.

ج قلت اجرب تاني بس المره دي حطيت dot 5.1 من ليكوي مولي وهو افضل في المواصفات و مكافيء للDOT 4

المفاجاءة ان الفرامل الخلفية بتمسك بطريقة ممتازة و لكن قبل الأمامية و طبعا رغم النتيجة بس ده خطر.

د المهم دلوقتي فعلا مشكلتي في السرعات البطيئة مشوار البدال لسه طويل و الفرامل ماتمسكش كويس الا

بدوستين ورا بعض.

رأيكم اعمل ايه؟ انا فعلا خايف من الفرامل !

و اسف علي الاطاله بس هشوف هايعملوا ايه في صيانة الألف و بعدين اتصرف

[Motarjim]

طيب اول حاجة انا مبسوط جدا ان في ناس بتدافع عن البروتون كده بالقوة دي فده معناه ان فعلا العربية كويسة مش

مقلب بس انا هاستأذنكم نتكلم بأسلوب بعمق اكتر يمكن حد يفيدني بالنصيحة لأني فعلا حابب العربية و

مش عايز ابيعها بالساهل.

1 عيوب التقفيل فعلا موجودة ممكن اكون بالغت حبتين في التقفيل المصري .و لكن ( حدفه يمين رغم ان مقاسات

السيارة مضبوطةو الكاوتش مضبوط الخ الخ، موتور المساحات الخلفي كان لا يعمل و اكتشفت ان الفيشة مخلوعه و

ركبتها، طبة فيبر في التابلوه ناقصه و كتيتها في تقرير الاستلام ووعدوني هيجيبوها، مشكلة في الملتي فنكشن

ووعدوني هيحلوها بتغيير القطعة و صدقوني كده متنقية علي الفرازة لأن دي العربية الوحيدة اللي جاتلي بدون عيوب

دهان او خبطات والله العربية اللي قبلها كانت رشه اكصدام و اللون مفارق كمان واللي قابلها المراية مجرحه و متلقطه

والكبوت في كسر في الدهان من الحرف و مصدي كمان)

2 مشكلة التكييف مش كومبريسور لكن تصميم المروحة سيء لدرجة ان المراوح لما تشتغل تحس بصوتها و اهتزازها

داخل السيارة والله تقفل التكييف من الصداع و مستعد اوريها لحضراتكم انا جربت عربية تانية 2013 و نفس القصة

3 العيب اللي فعلا نكد هو الفرامل والموقف كالأتي و ارجو من السادة الاخوة الأعزاء محاولة ترجمته الي حلول:

أ الدواسه كانت فعلا طرية جدا و مسافة البدال طويله قوي و طبعا مع ضعف الفرامل الرهيب.

كل ما سبق كان اول 250كم و اعتبرت اني لسه بطبع التيل زي ما كاتبين في الكتالوج.

لما كملت 500 رحت التوكيل قالولي هي فراملها كده و هتتعود عليها و عامة علي صيانة الألف هناخد هوا بالكومبيوتر

من abs قلتلهم المفروض تصلحوها دلوقت مش ضامن توصل للألف سليمة قالولي صيانة الألف هي المجانية غير كده

هاتدفع .بيني و بينكم مقتنعتش بالكلام ده قلت انا هاجرب مع نفسي اضبطها لحد ماتيجي الصيانة.

ب المهم رحت ليكوي مولي جبت زيت dot 4 و قعدت و غيرت الزيت من عجله عجله لحد ما فضيت الهواء خالص بالطريقة

التقليدية المهم اتحسنت 50% بمنتهي الصراحة و لكن الفرامل المفاجيء لازم تدوس مرتين ( تحضر ) عشان تمسك و

الفرامل في التهدئة سيئة برضه.

ج قلت اجرب تاني بس المره دي حطيت dot 5.1 من ليكوي مولي وهو افضل في المواصفات و مكافيء للdot 4

المفاجاءة ان الفرامل الخلفية بتمسك بطريقة ممتازة و لكن قبل الأمامية و طبعا رغم النتيجة بس ده خطر.

د المهم دلوقتي فعلا مشكلتي في السرعات البطيئة مشوار البدال لسه طويل و الفرامل ماتمسكش كويس الا

بدوستين ورا بعض.

رأيكم اعمل ايه؟ انا فعلا خايف من الفرامل !

و اسف علي الاطاله بس هشوف هايعملوا ايه في صيانة الألف و بعدين اتصرف

معلش يا باشا سؤال صغير كده...العربية اشتريتها من مين...عز العرب؟ موزع معتمد زي أباظة أو الأحمدي؟ ولا صالة عربيات عادية؟

[A. Ibrahim]

ربنا يعينك بجد بس لو مكانك حماية المستهلك وش
بس انا معايه العربيه من 2009 و بسراحه ما شفتش اللي بتقول عليه ده و اعرف ناس بالهبل معاهم جين من 2006 العربيه فيها شوية عيوب بس مش كل ده مع بعض
البي ام و المرسيديس فيها عربيت كده فعلا بس الاغلبيه العظمه سليمه
ارجع فعلا لحماية المستهلك و جرب
بس نصيحه بعها لانك هتفضل شيفها وحشه ديما

[A. Ibrahim]

اما الفرامل فعن خبره راجع ضغط الكاوتش زي اللي في الكاتلوج في بنزينه كويسه او بردجستون و العربيه برده و هتحس بالفرق

[shshtawy]

والله على الرغم قريتة كلة انا شايف ان البروتون ممتازة كخمات داخلية ولانى ركبت 2013 بسم الله مشاء الله
تحفة وعجبت المدام جدا جدا جدا
وانا شايف ان الصالوان من جوة قريب جدا من الميجان والنيسان وحاجات كتير قوى وشايف بردة انا مش كل الناس اشتكت من الى حضرتك اشتكيت منة مع انى قريت مواضيع لحد 150 صغحة ملقيتش الى حضرتك وصفة قوى واو يمكن فى مبالغة شوية
والله اعلم

[dramrmostafa]

ABAZA Auto يا باشا