تحذير من شراء السارة البروتون الجين 2 2013

[dramrmostafa]

الكاوتش مضبوط نيتروجين في بريدجيستون يا باشا

[Motarjim]

abaza auto يا باشا

المفترض أن أباظة موزع معتمد، ومن المعارض الكبيرة المحترمة، وتقريبًا كان ساحب معظم عربيات الدفعات الأولى لجين تو وبرسونا 2013. وبينقي عربياته كويس على حد علمي.

[abdo moustafa]

متابع ...

[S O P H O S]

ربنا يعوضك خير
لو مش حابب العربية حاول تبعها وتجيب حاجة تانية
لان الجين بتبقي حظ ومسالة استحمال للاقتناع بالعربية

[amrrageb]

نقض مبالغ فية جدا على فكرة وعن تجربة

[Sealion]

شوف عزيزي الفاضل انا زي ماقلت انا معاية جين ٢٠١٠ ماشاء ربنا يبارك مره احتجت الفرامل مره واحده واسعفتنى والاربع كوتشات شحططوا في الارض يعني الفرامل مش وحشه ال ايه بي اس كله كده
المهم ان عالسرعات العاليه بس هي اللي فيها المشكله يعني عالطريق السريع علي ١٣٠ مثل فما فوق لو احتجت لاقدر الله الفرامل فجاه ممكن ماتسعفك . برده بصراحه وكل امانه كل لما العربيه قدمت معاك بحس ان فعلا بتظبط اكتر بالذات الفرامل انا حصل معايه كده مش بقول انها بيرفكت في فراملها لكن انا كنت راكب فورد فوكس مع واحد صاحبي وبيشتيكى من فراملها ركبت بتاعته وهو ركب بتاعتي قلي انى بتاعتي اقوى شويه انا مش بعيب عالفورد لكن موضوع الفرامل ده انا متاكد ان بختلف في وجهات النظر من جين٢ لجين٢ تانيه٠انا لما بغير تيل الفرامل علي فكره بغير الاربعه مع بعض مره واحده امامى وخلفي٠ نظام توزيع الفرامل موجود علي فكره في الجين يعني اللي ورا بيشتغلوا معاك برده٠ اعتذر الاطاله

[Sealion]

وعلي فكره عربيتى اللي قبل الجين تو كانت ابيزا سيات ٢٠٠١ طبعا غنيه عن التعريف اسبانى والمانى موتورها لكن بالنسبه للفرامل عندي مش حاسس باختلاف كبير بس الاولي مش ايبي اس لكن الجين تو اي ب س بصراحه الجين تو بشكل عام بالرغم من العيوب الموجوده فيها والموجوده وواجهتها شخصيا في نوع عربيه تانيه٠ العربية راااااااائعه ده رايي وافقتوني فيه ولا لا ٠لان اكيد كل عربيه هتكون مختلفه عن التانيه حتي لو الاتنين نفس سنه الصنع ونفس الكيلو مترات

[mido_soliman]

كنت اتمنى العنوان يتعدل بصراحة لان العنوان مبالغ فية الى درجة كبيرة جدا

[shshtawy]

كنت اتمنى العنوان يتعدل بصراحة لان العنوان مبالغ فية الى درجة كبيرة جدا

بحس يااستاذ ميدو ان حضرتك بتخاف على سمعة الجين 2 جدا جدا جدا لدرجة ان حضرتك بتطالب بالغاء اى موضوع يتعلق بالمزايدة او المبالغة عن الجين
ودا فى جميل جدا بصراحة

[tamerosman]

انا شايف ان الجين 2 بالنسبة لثمنها ...تعتبر اعلى value for money فى السوق المصرى
يعنى الى بيقول الخامات مش اوى او الفرامل او اى حاجة تانية مش عجباه .. يشوف اﻻول هو دافع كام و المبلغ الى دفعة كان ممكن يشترى ايه تانى

انا عن نفسى الثبات و قوة الصاج و الشكل الرياضى الخارجى و شكل التابلوه و الكراسى الرياضية و اداء الموتور شايف انه مستحيل حد يﻻقيه فى عربية بالسعر ده .

بالنسبة للفرامل انا شايف انها طبعا مش زى فرامل المرسيدس بس معقولة يعنى مثل افضل من النترا 2005 الى كنت راكبها 5 سنين قبلها و اقل من مازدا 3 برضه ركبتها سنة ....تقريبا اداءها متوسط بس مش سىء ابدا هى بس الدواسة واطية شوية و مش باللمس عايزة بس تكبس جامد

[amrseif]

على فكرة انا عايز اعلق على موضوع استهلاك البنزين ...... أنا معايا ساجا 2012 اوتو 1300 سي سي , الطبيعى ان استهلاكها يكون افضل من جين 2 اللى هيا 1600 ....... و لكن الحقيقة غير ذلك تماما - استهلاكها جوه البلد بدون تكييف 115 او 120 كيلو فى الصفيحة !!!!!!!!!!!!!!!!!!!!!! يعنى عربيتك اللى انت بتشتكى منها افضل من عربيتى فى استهلاك البنزين ....... عشان كده اعتقد ان موضوع استهلاك البنزين ده مش عيب . يا رب تطمئن شوية على عربيتك و متحاولش تكرهها عشان لو بعتها ممكن تندم . ده رأيي الشخصى ......

[Sealion]

انا شايف ان الجين 2 بالنسبة لثمنها ...تعتبر اعلى value for money فى السوق المصرى
يعنى الى بيقول الخامات مش اوى او الفرامل او اى حاجة تانية مش عجباه .. يشوف اﻻول هو دافع كام و المبلغ الى دفعة كان ممكن يشترى ايه تانى

انا عن نفسى الثبات و قوة الصاج و الشكل الرياضى الخارجى و شكل التابلوه و الكراسى الرياضية و اداء الموتور شايف انه مستحيل حد يﻻقيه فى عربية بالسعر ده .

بالنسبة للفرامل انا شايف انها طبعا مش زى فرامل المرسيدس بس معقولة يعنى مثل افضل من النترا 2005 الى كنت راكبها 5 سنين قبلها و اقل من مازدا 3 برضه ركبتها سنة ....تقريبا اداءها متوسط بس مش سىء ابدا هى بس الدواسة واطية شوية و مش باللمس عايزة بس تكبس جامد

طب انا عايز ايه غير كدة اديكو قلته صاج قوي وثبات ملوش مثيل وشكل تحفه ٠ طبعا ماحدش يقدر يتكلم عن الكامبرو انجين الوحش بدون مبالغه ٠ انا قلت قبل كده انا كان معايا سيات ابيزا غنيه عن التعريف بس الجين تو بصراحه محسيتش باى اختلاف من حيث المشاكل العاديه اللي كانت في الابيزا او الجين٠بالعكس بقي من حيث الثبات فال الجين تو بصراحه اثبت٠

[Sealion]

تحذير ابعد تماما عن البروتون الجين 2 و البيرسونا

انا عربيتي عامله 800 كم

و اسوأ من ما تتخيل انا اتخدعت في العربية دي خدعة عمري

1 من اسوأ تقفيل السيارات اللي ممكن تشوفها لدرجة ان اي عربية تقفيل مصري احسن منها.
*ملحوظة انا رفضت استلام عربيتين عشان عيوب التقفيل دي

2سيئة جدا جدا في الفرامل انا لسه مكملتش 800 كم ولا عملت صيانة 1000 و روحت التوكيل مرتين

3 استهلاك بنزين بشع لدرجة ان العربية متوسط استهلاكها داخل المدينة 7.5 الي 8كم/ ليتر يعني 150/160 في الصفيحة

4 بتنزل فيها عيب في الزوايا و مش بيعرفوا يضبطوها

5 لما تشغل التكييف تحس ان العربية تحول صوتها الي غسالة فول اوتوماتيك من صوت مروحة التكييف.

6 حرام فيها الفلوس اللي بتدفعها في تمنها و قطع غيارها حيث انها ليست في مستوي الجودة التي تستحق هذه المبالغ.

و مفيهاش حاجة عدلة غير العفشة و الثبات بصراحة

علي فكرة يا جماعة انا ما اشتريتش العربية دي عمياني و لكن بعد دراسة شاملة من اراء الأعضاء

هذه شهادة حق عشان ماحدش يتدبس و معظم السيارات بها نفس العيوب زاد او نقص و لكن فعلا عيب الفرامل الأكثر شيوعا

انا مش عارف هاعمل ايه بس في الأغلب هعرض العريبة للبيع و ربنا يعوض عليا

اخي العزيز طبعا انت لو نفسك قفلت مالعربيه فاطبعا ربنا يعوض عليك ويرزقك احسن بس زي ما انت قلت انك مجبتش العربيه الا بعد دراسه يعني اكيد لقيتها كويسه اما بالنسبه للمشاكل اللي حضرتك ذكرتها فالبنسبه لاستهلاك البنزين فا ده يتوقف علي عوامل كتير وسواقتك برده
اما موضوع الزوايا ده مشفتش حد قال كده ان بتنزل فيها عيب ومبيتصلحش طب ازاى ما في ناس جايبنها ٢٠١٣ ومذكروش اي حاجه من دي فاعتقد مش المفروض تعمم ممكن تكون حاله فرديه عندك
التكييف بكل امانه وحياديه صوته عالي شويه اه بس عمري ماحسيت انه زي الغساله او بيرجرج العربيه٠ علي فكره اغلب التكيفات في عربيات كتير عالسرعه العاليه بهبط العربيه اما في الجين فا ماشاء اللهعال١٧٠ وبشغل التكييف وبتسحب بزياده كمان لو عايز
طبعا الصاج والعفشه والكامبرو انجين فانت قيمتهم بنفسك انهم كويسين السوال هل في حاجه اهم من التلاته دول عايزهم يكونوا كويسين
اعتذر عن الاطاله بس بكل صراحه الجين تو عربيه ممتازه بشكل عام
ملحوظه انا كنت راكب بولو الماني وابيزا سيات اسبانى قبل كدة اتمني لككل خير

[Sealion]

اللهم صل على محمد وعلى آله وصحبه أجمعين

[dramrmostafa]

عليه افضل الصلاة و السلام