مرجع لجميع اعطال و مشاكل الانوس و حلولها

[biomedo]

في دمشق الأوبل gm بي 70 جنيه

جزاك الله خيراً

[Ahmed-SAMIR]

*العطل :
=====
- صوت خبطة من ناحية العجلة الامامية يمين (مش طقطقة كبالن) وكأن حديد بيخبط فى بعضه

*السبب:
=====
- كاوتش مسمار الميزان للعجلة

*التكلفة:
=====
- 20 جنيه ثمن المسمار + 20 جنيه مصنعية تغييره

*زمن الاصلاح:
========
- أقل من 30 دقيقة

[صبرى ابراهيم]

سيارة لانوس ون 2000
العطل المراوح لاتعمل نهائيا حتى مع وصول قراءة عداد الحرارة للعلامة الحمراء ولكنها تعمل عندما انزع السلوك الواصله لحساس الحرارة
الحل
تم تغيير حساس الحرارة بواحد جديد ب 25 جنية ولم يعمل ايضا
تم شراء حساس استعمال ب 50 جنية واتحلت المشكلة والمراوح اشتغلت

[a7medsh3rawi]

لانوس 2000
العطل : الدبرياج بيعلق و بيتقل و بيطلع اصوات غريبة
الحل : غيرت اسطوانة وماستر
عطل اخر : الفرامل كانت ضعيفة جدااااا
الحل: مليت تانك زيت الفرامل و غيرت التيل
عطل اخر: الدركسيون كان تقيييييييييييييييييييييل
الحل : غيرت طقم الكاوتش
عطل اخر:العربية فصلت خالص لابتجيب كونتاك ولا اي حاجة
الحل: عملت و صلة كهربا
عطل اخر:الكهربا في فترة كانت زفت
الحل : عملت كتاوت مساعديين
غير كدة زي الفل

عندى مشكلة الدركسيون تقيل اغير كاوتش الاسكاترا ولا فى كاوتش تانى
والوصله الكهربا دى عباره عن ايه

[داود1977]

موضوع جميل جدا

الشكر لجميع اعضاء المنتدى الرائع على الموضوع والفكرة الفعالة في تجنب الاعطال وتكوين فكرة مبسطة لبعض مكونات السيارة ولانني احببت المشكاركة في فعالية الموضوع اليكم بعض ما تعلمته
1- عند تغيير المساعدين يرجى تغيير البطاحات والكوبايات والتاكيد على رباط المساعد في الشمعدان (المكان اللي بينزل فيه المساعد) رباط قوي ثم التاكد من رباط صامولة المساعد العلوية في البطاحة جيدا والتاكد من ان الصامولة قامت بتثبيت بلية البطاحة في مكانها على المساعد تجنبا لتكوين (بوش) او مسافة بينية تسمح لرجرجة الاجزاء في بعضها اثناء المطبات الخفيفة توفيرا لعناء التربيط بعد تركيب الاجزاء جميعها في السيارة
2-عند فك عمود الكامة لعمل اي صيانة كتغيير كستبان هيدروليكي او عمل روديه او تغيير كامة (اي طالما تم فك مسمير الوش العلوية يجب تغيير جوان وش السلندر )والسبب هو ان المسامير العلوية هي التي تقوم برباط بيت الكامة و وش السلندر في البلوك (جسم المحرك) مع العلم انه في بعض السيارات لكل جزء منهم مسامير رباط خاصة به
3-على قدر الامكان عند فصل فيشة اي من الحساسات لعمل تنظيف التاكد قبل توصيل الفيشة تاكد ان مفتاح الكونتاكت مغلق او للامان اكثر قم بفصل كابل الارضي من البطارية
4-عند وجود اشتباه في شحن الدينامو للبطارية لا تقم او تجعل الكهربائي يقوم بعمل الاختبار البدائي لقيمة شحن الدينامو بادارة السيارة وفصل احد كابلات البطارية فقد يكلفك ذلك تغيير ecm جديد وحصلت معايا فعلا
معلومة جديدة اتمنى ان يساعدني احد الزملاء فيه وهي
توصيل تيار لمبة check مع جرس انذار الابواب
واتمنى ان تتقبلوني صديقا لكم وللمنتدى

[داود1977]

عفشة

العطل خبط ودق شديد في المطبات الصغيرة وطقة عند لف الدريكسون لاخر اليمين
محاولة فاشلة تربيط عفشة وتغيير مسمار الميزان
التشخيص تلف كوباية المساعد
الاصلاح بما اني فكيت بنفسي غيرت بالمرة 2 مساعدين كوري 320 جنيه 2 بطاحة كوري 140 جنيه 2كوباية مساعد 80 جنيه
اجمالي 540 جنيه والمصنعية لا يوجد لاني قمت بالتركيب

[fathiazab]

غياب الدوارة الصبح مع تقطيع
الحل غيرت الموبينة

[Ahmed-SAMIR]

*العطل :
=====
- تنقيط زيت والعربية دايرة من تحت الموتور اقرب للعجلة لليمين

*السبب:
=====
- ساعة الزيت

*التكلفة:
=====
- 30 جنيه ثمن الساعة + 20 جنيه مصنعية تغييرها

*زمن الاصلاح:
========
- أقل من 30 دقيقة

[Ahmed-SAMIR]

*العطل :
=====
- لا يوجد شرارة خارجة من الموبينة ولا يوجد ضخ للبنزين

*السبب:
=====
- حساس الكرنك/ترس حساس الكرنك

[Abo Yasso]

المراوح لا تعمل

لانوس 1
المراوح مش شغاله حتى لما الحراره تعلى مش بتشتغل خالص
جربت اشغل التكيف برضو مش شغاله
شيلت السلك اللى راكب على حساس الحراره اشتغلت على اقصى سرعه
الحل
راجعت على الكتاوت والفيوزات كلها تمام
العيب طلع من حساس الحراره تم تغيره

[Abo Yasso]

صباع الحراره

المشكله
عدم ثبات مؤشر الحراره فى التابلوه فى السرعات العاليه برغم من وجود ترموثتات الكوعه وعند المنتصف داخل المدينه
الحل
تغير صباع الحراره

[aymansalem11]

عربيتي جوليت 1997 اشتريتها من 6 شهور واتعلمت عليها وبحاول استفيد من الاعزاء في المنتدي في تحسينها واستفدت فعلا كتير واهم استفادة تغيير الرشاشات

[أبو أروي]

والله يا جماعه دا موضوع اكتر من رائع بجد وانا ليا تجربه مع اللانوس حبيبتي بدات تنتش واتضح ان العيب في موبينه التكرير الخط التالت شرارته ضعيفه وسعر الموبينه حاليا ما بين 250 الي 350 ده استيراد وبعد معاناه وفقني الله وقفلت البوجيه بتاع الخط التالت للموبينه اللي شرارته ضعيفه والمشكله زالت والحمد لله تمام خالص دلوقتي

[كابتن وصفى]

السلام عليكم ورحمة الله وبركاته

معايا دايو ﻻنوس 99 اتوماتيك و فابلتنى فيها كذا مشكله ياريت الناس تستفاد منها
1 رعشه فى العربيه كلها و انا ماشى حتى بعد ظبط الزوايا و الترصيص و كان حلها تغيير طقم الكاوتش و بقبت العربيه زى الفل و الحمدلله

2 و انا بنقل الفتيس من dالى nاو الى r بﻻقى خبطه فى الموتور و دى عﻻجها الكبالن الداخليه اللى راكبه فى الفتيس و طبعا اﻻفضل انك تجيب الكوبلن كله استيراد و تربح نفسك و تراجع قواعد الموتور و قواعد الفتيس و طبعا ﻻزم تراجع زيت الفتيس

3 رعشه فى الموتور على السﻻنسيه او و انا ماشى فكرتها ترصيص و عملت كل حاجه و فى اﻻخر طلع دفيرة الكهرباء لماغيرتها الموتور فرق جدا معايا و طبعا جبتها استيراد من عزبو شلبى ب 250 جنيه تقريبا

4 العربيه واطيه جدا و بلبس كل المطبات حتى لو صغيره و اخد مطب على سرعه العربيه بتعوم منى .. جبتلها عﻻيتين ورا الواحده ب 15 جنيه وغيرت طقم بلى للعجل اللى ورا و غيرت كوتش المقصات اللى ادام و ظبطت زوايا والحمد لله بقيت زى الفل و ده كله عملته عند واحد فى الزاوية صنامحترممحترميمحترميعةمحترميع

[ahmedmkm]

موضوع مفيد جداااا