واطية قوى

[mahmoudysf]

ايه دخل الاوكتافيا فى اللانوس؟؟؟
دخل الاوكتافيا يا عزيزى ان حضرتك اتكلمت على النظرية بصفة عامة وهى مركز الثقل والاتزان الديناميكى وانا متفق مع هذة النظريات بالتاكيد لاكن المشكلة اللي احنا فيها دلوقتى هل حضرتك برضة من الناحية النظرية عملت حسابات فيزيائية دقيقة عشان تعرف الارتفاع الامثل للعربية وبعدين نحدد ان بعد الارتفاع دة الثبات هيكون خطر اذا حضرتك اعتمدت ان ارتفاع اى عربية من الفابريقة هو الارتفاع الامثل ودة غير مقنع لان فية عربيات كتير بيكون ثباتها بدون تعديل اسوا بكتير من ثباتها بعد التعديل التعلية يعنى
يا سيدى انا كمستخدم اللى يهمنى من النظرية التطبيق العملى منها وهو اذا كانت التعديل للعربية بيقلل الثبات هل نسبة التعلية اللى هاعملها مؤثرة ام لا والنتيجة مع التـــــــــــــــــــــــــــــــــجربة لا


احنا بنقارن رد فعل عربية قبل و بعد التعلية يبقى وضع اى عربية تانية ميفرقش... او ببساطة حقولك لو علينا الاوكتافيا حيقل ثباتها برضة او حقولك الافيو ارتفاعها زى الاوكتافيا بس الافيو ثباتها اقل من اللانوس و نفضل نجادل الى ما لا نهاية و مش حنوصل لحاجة...
برضة انا بتكلم على اللانوس قبل وبعد وبرضة يا سيدى لا تستطيع ان تحكم على الاوكتافيا بعد التعلية الا بعد التجربة ومرة تانية عشان حضرتك متعرفش الحسابات اللى على اساسها ممكن يكون فية خطورة من التعلية يعنى ما ينفعش نتكلم على التعلية انها حلوه او وحشه فى المطلق وانا عن نفسي مش معقول هاعمل حسابات نظرية فيزيائية عشان اعرف اللي 2 سم اللى علتهم هياثرو ولا لا لاكن انانفذت الشق العملى اللي ممكن استنتج منه النظرى واكون حكم اعلي لغاية كام سم وبعدة يكون التعلية خطر وبكدة نكون افيد بدل الجدل فعلا
الموضوع لازم يبقى محصور فى عربية واحدة عشان يبقى التحليل منطقى... يبقى احنا نتكلم عن اى عربية (مش شرط لانوس او اوكتافيا او اى حاجة تانية) و نقارن حالتها هى قبل و بعد التعلية
ودة اللي عملته مع اللانوس وفية مشاركة لعضو اخر بياكد كلامى
و على ذلك حتلاقى ان اى عربية فى الدنيا لو مستواها وطى و قربت من الارض ثباتها حيزيد... و دة واضح جدا فى كل العفشات الرياضية اللى بتوطى العربية و واضح كمان فى وضع كل عربيات السباق اللى بتجرى على تراك مقارنة بنسخة العربية اللى معملة للاستخدام اليومى... العكس باللعكس حتلاقى ان اى عربية ترفع مستواها عن الارض ثباتها حيقل نتيجة ارتفاع مركز ثقلها عن الارض
انت عارف كويس ان دى عربيات مصممة لغرض معين وكويس ان حضرتك بتقول سباق يعنى سرعات ومناورات فوق 180 وهاقولك تانى ان هنا مش بناقش نظرية الثبات مع وطو العربية دى مفروغ منها
لاكن احنا بنتكلم عن اللانوس بالتحديد اللي هيتم استخداها استخدام يومى عادى اذا تمت تعليتها بمقدار محدد ليس هناك فروق تسبب خطورة فى كل الاحاول ولو فية خطورة بالنسبة للانوس هتكون سواء متعلية او لا ملحوظة انا بتكلم على التعلية بحدود عشان يتفهم كلامى صح
من الناحية العملية انت بتتكلم فى تعلية 2 سنتى... ماشى دة مش قدر كبير من الفرق اللى ثبات العربية معاه يتدهور و تبقى العربية خطر... لكن بردة مش معنى كدة ان العربية "مش حيبقى فيها فرق"... و دة لازم نحذر منة لان ممكن فى اى لحظة حد معلى عربيتة زى حضرتك تاخدة الجلالة و يجرى شوية و بالتالى لازم يكون حريص و عارف ان العربية ممكن يبقى رد فعلها مختلف عن ما كانت علية زمان و بالتالى لازم يبقى اكثر حرصا
كدة قربنا نقرب وجهات النظر وده اللي بتكلم فيه من اول المشاركة فى الموضوع دة
انا شايف ان نقطة الخلاف بيننا هى الناحية النظرية (انا) و الناحية العملية (انت)... اعتقد فى النهاية حنقول ان النظرية صح... و التطبيق العملى المقنن يقدر يقلل من التاثير السلبى للعملية دى مع الاخذ فى الاعتبار ان التقنين دة لن يلغى التاثيرات السلبية لكن حيخليها فى اقل الحدود
سيدى فى علم الانتاج بيتم تعريف كلمة التكنولوجيا (الصناعة يعنى) على انها التطبيق العملى للنظريات واللي انا عملتها انى افترضت نظرية وهى عدم الاخلال بالثبات الحالى للعربية مع وجود علايات 2سم وجربت النظرية فعلا وطبقتها والنتيجة مرضية جدا عن تجــــــــــــــــــــــــــــــــــــربة
النظرية بدون تطبيق عملى ليس لها اى فائدة والا كانت الصناعة وتطورها عبارة عن كتب بس بدون تطبيق اللي دايما بيصحح ويعدل من النظرية واذا حدث دائما تضارب بين التطبيق والنظرية بيكون التعديل لصالح التطبيق والتجربة
حلو الاستنتاج دة
MMamdouh

اعتقد اننا بدل ما نضيع وقت فى النظرية نشوف التجربة العملية عاملة ازاى عشان نقدر نساعد اخوانا فى المنتدى بالطريقة الصح للتعلية والنسبة المسموح بيها دون مخاطر حقيقية وكدة نكون افيد للناس وعملنا حاجة جديدة هتفيد قطاع كبير من اللي بيعانو من وطو العربية واللي شايف ان عربيتة كدة مناسبة مفيهاش مشاكل ما يعليش الاهم اننا نتناقش فى كيفية التعلية نفسها بدل ما نسيب كل واحد لفتاوى العفشجية والميكانيكية
متفقين كدة يا استاذ محمد

[samirayad]

فيه حاجه برضه عاوز أضيفها فى حتة التعليه البسيطه دى تفاديا لمطباتنا الجميله أثناء السفر على الطريق.........

_ لما بنعمل تعليه بسيطه وبنيجىء نركب الأسره وخلافه من أحمال فى الشنطه حتلاحظ أن العربيه مستواها نزل عن الطبيعه كمان .....وبكده مش حيحصل أى حاجه فى ثبات ولا أتزان العربيه حتى مع السرعه (لأن الحمل حينزل العربيه لتحت أكتر من الطبيعى كمان )

** وعلشان ننهى الموضوع ده.....أى واحد ممكن يعلى عادى (فى حدود طبعا ) لو كان الهدف من السياره الأستخدام الأسرى ( ياعنى للعيله كلها )........

*** أما لو السياره شبابى وكيك داون وخلافه ونظام أديها ......محدش يعلى ولا حاجه..........

*** وفى النهايه دى حرية قرار وأختيار تبعا لظروف سفر كل واحد ( عن نفسى بأحط فى العربيه شوال رز وخلافه فى الشنطه وأنا جاى من البلد.....) ومعنديش أى مشاكل نهائيا مع السرعه وجربت لحد 140 كم /ساعه......وأنا فعلا مش من هواة السرعه الزايده.......*** أعتقد كده تمام يا محمود باشا......مع أحترامنا الكامل لكل الآراء وخصوصا رأى أخونا محمد باشا ممدوح.............

[A.samy]

اعتقد اننا بدل ما نضيع وقت فى النظرية نشوف التجربة العملية عاملة ازاى عشان نقدر نساعد اخوانا فى المنتدى بالطريقة الصح للتعلية والنسبة المسموح بيها دون مخاطر حقيقية وكدة نكون افيد للناس وعملنا حاجة جديدة هتفيد قطاع كبير من اللي بيعانو من وطو العربية واللي شايف ان عربيتة كدة مناسبة مفيهاش مشاكل ما يعليش الاهم اننا نتناقش فى كيفية التعلية نفسها بدل ما نسيب كل واحد لفتاوى العفشجية والميكانيكية
متفقين كدة يا استاذ محمد

ايوة هو دة اللى انا عايزة منك يا استاذ محمود الطريقة الصح للتعلية

[hisham343]

ايه رايكم في الموضوع اللي في الرابط

http://www.jeddahboys.com/vb/JB104529.html

لو اتنفذ يبقي معاك عربيه تعليها عند اللزوم (قفز الموانع) ولما تمشي عادي توطيها وان شفت الموضوع ده في الستروين القديمه بتعلي وتوطي. ادونا رايكم يا خبراء.

[MMamdouh]

اعتقد اننا بدل ما نضيع وقت فى النظرية نشوف التجربة العملية عاملة ازاى عشان نقدر نساعد اخوانا فى المنتدى بالطريقة الصح للتعلية والنسبة المسموح بيها دون مخاطر حقيقية وكدة نكون افيد للناس وعملنا حاجة جديدة هتفيد قطاع كبير من اللي بيعانو من وطو العربية واللي شايف ان عربيتة كدة مناسبة مفيهاش مشاكل ما يعليش الاهم اننا نتناقش فى كيفية التعلية نفسها بدل ما نسيب كل واحد لفتاوى العفشجية والميكانيكية
متفقين كدة يا استاذ محمد

انا معاك فى اللى قولتة فى جوانب كتير بس فيه بعض التعليقات... و بردة تمس الجانب النظرى و الجانب العملى

الجانب النظرى بيقول ان فيه قواعد و قوانين فزيائية ثابتة بتحكم كل حاجة فى الدنيا... و دى الاساس فى الحسابات اللى اتكلمت عنها... و منها قاعدة بتقول ان اى جسم بيرتفع مركز ثقلة عن الارض بيقل ثباتة فى المناورات

الجانب العملى حيبقى الحسابات الدقيقة اللى انت اشرت ليها حنلاقى ان الحسابات دى حتؤدى فى النهاية الى نتيجة بتقول ان مثلا رفع مستوى العربية عن الارض 2 سنتى بيقلل اقصى سرعة امنة للعربية 10 كيلو... يعنى بدل 172 فى اللانوس تبقى 162

اذا الجانب المشترك بين الجانبين هو ان الثبات حيقل مع رفع مركز الثقل... بس رفع قد ايه حيقلل الثبات بنسبة كام... الله اعلم... لازم حسابات... متفقين؟؟

لو جينا لحتة التجربة فا انا شايف ان التجارب فى الموضوع دة خطر لسبب... انت بتدور على الحد الاقصى للامان بقى فين بعد التعديل... يعنى انت حتوصل للاجابة لما تقلب العربية... و اكيد لا انا ولا اى واحد هنا عايز يوصل للموقف دة ولا يتمنى ان حد يوصلة

و بما ان محدش يقدر يحسب الحسابات الدقيقة دى و التجربة قد تؤدى لكوارث (ربنا يسلم طريقنا كلنا) يبقى من الاسلم انك تبقى حريص... صح؟

طبعا انا عارف الغرض من التعديل دة ايه و طبيعة استخدام العربية و بالتالى حد الخطر بعيد شوية بس برضة خلليك حريص :k10:

MMamdouh

[hisham343]

وشوفوا الرابط ده كمان

http://www.youtube.com/watch?v=D1IgfniOIdM&NR=1

احنا محتاجين التعليق النشط ده في مصر, ياريت تفكرولنا في تعديل يخللي عربياتنا زي الستروين القديمه دي.

[hisham343]

وشوفوا دي كمان
http://www.youtube.com/watch?v=YhuEoX_y0qY&
feature=related

[Samah AbdAllah]

هو العجل اللى وراه مقاسه مش مظبوط

وممكن تعلى العربية شوية بس مش كتير خليك فى المعقول ده لو انت بتسافر كتير ومعاك ناس ووزن فى العربية مش هيحصل مشاكل ومتزودش طبعا فى السرعة
وكده كده التعلية هتنفع فى المطبات فى السفر وجوة البلد كمان الشوارع كلها مطبات

[PoweRPassioN]

جرب كده تحط اللى ورا قدام ....واللى قدام ورا .......وشوف الوضع كده حيبقى كويس ويرضيك ولا لا .......طالما الكاوتش اللى ورا حالته كويسه زى ما بتقول

+1111111111111
كنت هقولها

[ehab4367]

خد المطب بالجنب,,,,,,,,,,,,,,,

[A.samy]

خد المطب بالجنب,,,,,,,,,,,,,,,

عملت كل حاجة كان ناقص انى الف واشوف شارع تانى بعيد عت المطب

[mahmoudysf]

طبعا انا عارف الغرض من التعديل دة ايه و طبيعة استخدام العربية و بالتالى حد الخطر بعيد شوية بس برضة خلليك حريص :k10:

كدة تمام واحيي فيك الاقتناع عن واحد مجرب وكدة كدة الحرص مطلوب فى كل الاحوال

[waleedrahmy]

الموضوع ملخصه الاتي:

عايز تجري جامد سيب العربية زي ماهي بتحمل شيل ثقيلة وركاب وخايف من المطبات علي العربية

بس خلاص

:

:

[ehab4367]

الحل الوحيد انك تركب عليات
مفيش حل تانى

[mahmoudysf]

الحل الوحيد انك تركب عليات
مفيش حل تانى

+111