رابطة ملاك الكيا برايد - كلاكيت تانى مرة!

[أحمد الجندى]

في موضوع لتسعير السيارات
انا سعرت في العربيه قبل كدا
كيا برايد سيدان موديل 2000
خبطه خفيفه في الرفرف اللي قدام مش ماثر في حاجة و اعتقد قالي 38
هاتاكد لحضرتك من الموضوع و اجيب الرابط

ممكن يجيب حاجة حالتها كويسة وباقل من كده الفين جنيه كمان .

بقالها 11 سنه و انا عندي 20 سنه يعني اصغركوا سننا "مش معناه انكوا كبار او عواجيز"
بس ما فيش مانع ابقي العمده هههههههه:oc_sun1[1]:
لا بهزر انا ابتديت افهم فيها ييجي من 5 او 6 سنين و ان شاء الله افيدكوا و ممكن اسال والدي عن اي استفسار مش هاعرف اجاوبكو عليه ان شاء الله

اخوكم الصغير "بردوا مش معناه انكوا كبار و عواجيز ههههه " ايمن

يا باشا احنا كلنا بنتعلم من بعض وموضوع السن ده مش مقياس خالص

[أحمد الجندى]

ايه يا جماعة هى العربية بسم الله ما شاء الله محدش بيوديها لورشة أو بيغيرلها قطع غيار ولا ايه ؟ عايزين خبراتكم وتجاربكم علشان نستفيد كلنا

وحاقولكم على اخر المستجدات للافادة العربية عندى بقالها كام شهر بتطلع البوجيهات مفحمة والدخنة من الشكمان هباب اسود وسحبها بقى تعبان شوية روحت للميكانيكى قالى ده الكربراتير هات الاسبراى اللى بينضفه وحاظبطلك الدنيا جيبت المنظف ونضفنا وجيبت بوجيهات جديدة الحال اتحسن والدنيا اتظبطت وهوب مفيش شهر والقصة رجعت تانى ـ قالى الميكانيكى روح لواحد بتاع كاربرتيرات يفكهولك ويغسلهولك ويغير أى حاجة محتاجة تغيير وبالفعل عملت كده وروحت لواحد فى السواح فك وغير ونضف وجيبت بوجيهات جديدة بس نوع تعبان قوى والكلام ده عمله 70 جنيه برضو العربية ظبطت فى الاول ولقيت البوجيهات لسه بتطلع مفحمة والشكمان بيطلع دخنة سودة ، روحت لميكانيكى تانى شاطر وامين قالى انت مشكلتك فى الكربراتير واللى روحتله معرفش يظبطهالك وراح مورينى ازاى ان فيه هوا بيدخل زيادة بيعمل المشكلة دى وقالى انت عايز تروح لحد بيفهم وبعدين تغير فلتر هوا وبوجيهات وشوف الدنيا حاتعمل ايه ، وعليه أنا دلوقتى سمعت عن واحد كويس فى شبرا اسمه ابراهيم ناوى اروحله على أول الشهر لما الماديات تتظبط وحابقى اقولكم على المستجدات إن شاء الله .

[may_moon911]

ممكن يجيب حاجة حالتها كويسة وباقل من كده الفين جنيه كمان .

اها انا عارف ... السعر اللي مكتوب دا بقالوا مده:b4_611:

يا باشا احنا كلنا بنتعلم من بعض وموضوع السن ده مش مقياس خالص

انا بهزر مع سيادتك مش اكتر و ربنا يديم المحبه و يطولنا في عمر كيكه حبيبت قلبي

[may_moon911]

ايه يا جماعة هى العربية بسم الله ما شاء الله محدش بيوديها لورشة أو بيغيرلها قطع غيار ولا ايه ؟ عايزين خبراتكم وتجاربكم علشان نستفيد كلنا

وحاقولكم على اخر المستجدات للافادة العربية عندى بقالها كام شهر بتطلع البوجيهات مفحمة والدخنة من الشكمان هباب اسود وسحبها بقى تعبان شوية روحت للميكانيكى قالى ده الكربراتير هات الاسبراى اللى بينضفه وحاظبطلك الدنيا جيبت المنظف ونضفنا وجيبت بوجيهات جديدة الحال اتحسن والدنيا اتظبطت وهوب مفيش شهر والقصة رجعت تانى ـ قالى الميكانيكى روح لواحد بتاع كاربرتيرات يفكهولك ويغسلهولك ويغير أى حاجة محتاجة تغيير وبالفعل عملت كده وروحت لواحد فى السواح فك وغير ونضف وجيبت بوجيهات جديدة بس نوع تعبان قوى والكلام ده عمله 70 جنيه برضو العربية ظبطت فى الاول ولقيت البوجيهات لسه بتطلع مفحمة والشكمان بيطلع دخنة سودة ، روحت لميكانيكى تانى شاطر وامين قالى انت مشكلتك فى الكربراتير واللى روحتله معرفش يظبطهالك وراح مورينى ازاى ان فيه هوا بيدخل زيادة بيعمل المشكلة دى وقالى انت عايز تروح لحد بيفهم وبعدين تغير فلتر هوا وبوجيهات وشوف الدنيا حاتعمل ايه ، وعليه أنا دلوقتى سمعت عن واحد كويس فى شبرا اسمه ابراهيم ناوى اروحله على أول الشهر لما الماديات تتظبط وحابقى اقولكم على المستجدات إن شاء الله .

1- انا اعرف ازاي البوجيهات شغاله تمام ولا فيها حاجة يا باشا

2- طب انا العربيه كانت بتطلع نقط مياه و عرفت ان كدا كويس دا كدا زي العربيات الزيرو بتعرق
بس من مده ضغيرة كدا بقت تطلع نقط سودا لما بدورها الصبح و باقي اليوم مش بتطلع النقط دي
ياتري حد عارف ايه النقط دي

[أحمد الجندى]

1- انا اعرف ازاي البوجيهات شغاله تمام ولا فيها حاجة يا باشا

اقرا الموضوع ده وادعيلى

http://www.nilemotors.net/Nile/168201-a.html

2- طب انا العربيه كانت بتطلع نقط مياه و عرفت ان كدا كويس دا كدا زي العربيات الزيرو بتعرق
بس من مده ضغيرة كدا بقت تطلع نقط سودا لما بدورها الصبح و باقي اليوم مش بتطلع النقط دي
ياتري حد عارف ايه النقط دي

http://www.nilemotors.net/Nile/53571-a.html

[may_moon911]

اقرا الموضوع ده وادعيلى

http://www.nilemotors.net/nile/168201-a.html

جزاك الله كل خير
دا زي ما يكون حضرتك مستني اسال ولا ايه دا اللينك علي طول كدا دا انا قولت ممكن انام شوية و اجي

http://www.nilemotors.net/nile/53571-a.html

الف شكر و ربنا يخلي سعادتك و يحميك
اّمــــيـــــــــــــــــــــن

[johnghaly]

الف شكر و ربنا يخلي سعادتك و يحميك
اّمــــيـــــــــــــــــــــن

لا مواهلك جاهز على طول يا معلم بدال كيا يبقى انسى :)

[أحمد الجندى]

أنا فى الخدمة يا جماعة

يا عم جون أنت مش واخد بالك انى غيرت اسمى ولا ايه ؟ شكلك كده الاسم القديم لسه معلق معاك :)

[may_moon911]

انا بقول نسخن الموضوع دا شوية لذلك هاسال و مالكي البرايد يجاوبو
1- يتحط لعربيتك بنزين كام و سحبها عامل ايه علي حسب نوع البنزين دا
2- بتستهلك كام ليتر بنزين لكل 100 كيلو
3- "انا مش بحب السؤال دا بس ماشي مش مهم" اقصي سرعه جبتها بالبرايد كام و علي طريق ايه و سحبها كان عامل ازاي و ثباتها كان عامل ازاي
4- ثبات و سحب العربيه كويس لحد السرعه كام و بتنقل علي ار بي ام كام
5- بتعمل صيانه دوريه للعربيه ولا زيت و بنزين و كاوتش و بطاريه بس و مطنش للسيور و الكاوتشات و الذي منو

بس مش اكتر من كدا اتفضلوا ردوا علي دول و هابقي احط حبه كمان لما نخلص دول

[أحمد الجندى]

ايوه بقى يا أيمن

1- يتحط لعربيتك بنزين كام و سحبها عامل ايه علي حسب نوع البنزين دا

دلوقتى بحطلها 92 علشان عندى مشاكل فى الكربراتير والعربية بتفضل تسقف وسحبها بيبقى وحش وبتبقى بهدلة مع 80 مجرد ما اظبط الدنيا ممكن ارجع ل 80 تانى بس العربية بتبهى رهوان مع ال 92 وبتفوق قوى

2- بتستهلك كام ليتر بنزين لكل 100 كيلو

العربية وصلت معايا لمعدلات عالية جدا فى الاستهلاك بسبب ميكانيكى مابيفهمش يعنى كنت بعمل 10 لتر فى الـ 100 كيلو فى الطريق الطوالى على سرعة 90 من غير تحميل بعدين روحت لواحد تانى وظبطت شوية تظبيطات بقت بتوصل دلوقتى ل 7 لتر ومتوقع انها ممكن تنزل ل 5.5 أو 6 لما اظبط العربية إن شاء الله

3- "انا مش بحب السؤال دا بس ماشي مش مهم" اقصي سرعه جبتها بالبرايد كام و علي طريق ايه و سحبها كان عامل ازاي و ثباتها كان عامل ازاي

أنا مرة وصلت ل 150 وكانت حاتجيب 160 بس قلبى ما طاوعنيش لان العربية كانت زى الريشة فى الهوا وكنت فى طريق مصر اسماعلية الصحراوى وماجيبتش السرعة دى غير لما حرقت على كل غيار وخليته ياخد حقه

4- ثبات و سحب العربيه كويس لحد السرعه كام و بتنقل علي ار بي ام كام

أنا ماعنديش ار بى ام وبنقل على حسب صوت الموتور وبالنسبة للسرعات فأنا من بعد كام تجربة فى بلدنا العظيمة بقيت عمرى ما ازود على 100

5- بتعمل صيانه دوريه للعربيه ولا زيت و بنزين و كاوتش و بطاريه بس و مطنش للسيور و الكاوتشات و الذي منو

أنا بصراحة مواظب على الزيوت والسيور والبطارية والاساسيات بس فيه حاجات مأجلها علشان الدنيا ماديا مش مظبوطة بس هى كلها حسبة 1500 جنيه والعربية ترجع عروسة بإذن الله

[may_moon911]

هيا بتفوق اه علي ال92 بس ال80 بيمشيها اصلا ولا هاتفضل تسقف و ما ترضاش تسحب

انا بتعمل معايا ببنزين 92 حوالي 8 لتر في ال100 كيلو بس بسرعه مش اقل من 110 او 120 ز سمعت اني لو حطيت 90 او 80هاتعمل اكتر لان حرقوا بيبقي اصعب و مش فاكر الصراحه لما بسوق بالراحه بتعمل كام بس المفروض تعمل كلوهات اكتر من كدا في كلتا الحالتين سريع او بطيئ لان المعدل دا قليل بالنسبه لموتورها هيا دي سيدان مش هاتشباك ف انا مش متاكد بعدين مش بحرق علي الغيارات خالص الا الرابع و دا لو مسافر غير كدا عادي من 2 و ريع ل 2 و نص ار بي ام

ههههههه للاسف كل اللي ساقوا العربيه دي في العيله جابوا بيها ال150 و والدتي ربنا يديها الصحه علي اسكندريه الصحراوي مشيت الطريق كلو علي 170 بس انا كنت حاسس ان العربيه بتطير و دا كان اخرها مع الحرق علي الغيار الرابع شويتين


انا الصراحه زيوت اه بطاريه كاوتش ... سيور كانت مره واحد غالبا و العفشه و الحاجت دي بردة مش فاكر كام مرة بس باين واحده ما عدا الكبالن للاسف بتبوظ بسرعه مش عارف عيب ف السواقه ولا العربيه

[monmonty]

ســــــــــــــــــــــــــــــــــــــــــــؤال

معلش يا رجالة الأول مساء الخير عليكوا وشكراً للمجهود الجبار اللي إنتوا عاملينوا
بس أنا عندي سؤال
أنا لسه شاري كيا ريو 2001 مستعملة بس إظاهر إنها خدت عين محترمة المهم إن الإكصدام الأمامي باظ خالص وكنت عاوز واحد تاني فسألت عليه فى التوكيل قاللولي ب 700 جنيه فهل ممكن أجيبة بسعر أقل من كدة ولو حتي إستيراد
وللمعلومات أنا سألت في الحرفيين ملقتش غير الجديد وبرضو ب 700 جنيه.
أرجو الإفادة سريعاً لأني من يوم مإشتريت العربية مركبتهاش غير مرة واحدة بس.
وشكراً

[roma33540]

السلام عليكم ورحمة الله وبركاته
احب اعرفكم بنفسى الاول
اسمى كريم ومن الاسكندرية ومعايا العربية موديل 99 السيدان وكاملة اوتوماتيك
بس عندى مشكلتين جامديين ياريت حد من السادة الافاضل يفيدنى فيهم
الاولى العربية بتاكل بنزين بشكل جامد
والتانية التكييف ضعييف شوية
لكن عدا >لك العربية زى الفل

[may_moon911]

السلام عليكم ورحمة الله وبركاته
احب اعرفكم بنفسى الاول
اسمى كريم ومن الاسكندرية ومعايا العربية موديل 99 السيدان وكاملة اوتوماتيك
بس عندى مشكلتين جامديين ياريت حد من السادة الافاضل يفيدنى فيهم
الاولى العربية بتاكل بنزين بشكل جامد
والتانية التكييف ضعييف شوية
لكن عدا >لك العربية زى الفل

وعليكم السلام و رحمه الله و بركاته
اهلا وسهلا استاذ كريم منورنا والله
الاول حضرتك بتحط بنزين كام و بتعمل معاك قد ايه
بالنسبه للتكييف مش هاقدر اساعد حضرتك عشان ما عنديش بس اعتقد انو بعد ال90 او 100 بيبتدي يضعف شويه بس مش جامد
علي العموم اكيد الاساتذه الاخرين هايردوا علي حضرتك في الموضوع دا
و هل حضرتك مواظب علي صيانت العربيه ولا لأ لان دا مهم جدا في تحديد المشكله

[may_moon911]

معلش يا رجالة الأول مساء الخير عليكما وشكراً للمجهود الجبار اللي إنتوا عاملينوا
بس أنا عندي سؤال
أنا لسه شاري كيا ريو 2001 مستعملة بس إظاهر إنها خدت عين محترمة المهم إن الإكصدام الأمامي باظ خالص وكنت عاوز واحد تاني فسألت عليه فى التوكيل قاللولي ب 700 جنيه فهل ممكن أجيبة بسعر أقل من كدة ولو حتي إستيراد
وللمعلومات أنا سألت في الحرفيين ملقتش غير الجديد وبرضو ب 700 جنيه.
أرجو الإفادة سريعاً لأني من يوم مإشتريت العربية مركبتهاش غير مرة واحدة بس.
وشكراً

هل حضرتك سألت في ميدان الجامع في شارع دمشق او في جسر السويس و في اماكن تانيه لقطع غيار الكيا في الصفحه الاولي تحت و بيها ارقام التليفونات ....... اشهر واحد هوا الجندي و دا في جسر السويس و في شارع دمشق و في كتير تانيين في كابري كمان كويس بس عاوز حد يفاصلوا بس هوا مش مغلي اوي
لو حضرتك عايز نمر تليفونات الجندي و كابري و واحد كمان في اول الشارع بس مش فاكر اسموا اجيبهم لحضرتك