رابطة ملاك الكيا برايد - كلاكيت تانى مرة!

[promise2008]

تعديل كيا برايد سيدان بموتور ريو

ياجماعه انا معايا كيا برايد سيدان 2001 العربيه حلوه بس الصراحه انا تعبت الفترة الاخيره من الميكانيكيه تعبوني معاهم ومش عارف حد يظبطها كويس زي الاول فبفكر اسقطلها ماتور عربيه ريو في حد عنده نصايح بالموضوع ومين خبره في الموضوع والتكلفه قد ايه واعملها فين؟ ارجو الافادة وشكرا

[gehadhemdan]

مشكلة فى الفتيس المنوال للكيا العصفورة

اخوانى عندى مشكلة فى الفتيس الغيار الرابع بينطر ويرجع للمور واتا ماشى لازم اسندة بايدى والغيار الثانى فية عضة هل يمكن اصلاح الفتيس وعند مين وعنوانة اية ورقم تلفونة ان امكن لانى من الاسماعيلية

[محمود سامح]

متابع

[محمود سامح]

متابع

[TaoTao]

كل سنة وانتم طيبين، أنا جددت حاجات في العفشة وقلت اشارك معاكم أسعار قطع الغيار (مابعرفش افاصل وخدت السعر من بق صاحب المحل يادوب نزلت 50 جنيه من مجمل الفاتورة بالعافية ماليش في الفصال للأسف):
- علبة دريكسيون: 400 جنيه
- زوج مقصات كامل: 250 حنيه
- زوج مساعدين خلفي: 470 جنيه
- طقم بلي للعجل الأمامي (كل عجلة لها بلينين): 160 جنيه
- طقم بلي للعجل الخلفي (كل عجلة ليها بليتين): 120 جنيه.
كل القطع من محل الصوابي في شارع شبرا.

[M.Shawky]

صباح الفل و كل سنه و انت طيب
الأسعار اللي انت حاططها معقوله بعد خصم الخمسين جنيه
لاني لسه شاري جوز المقصات ب 220 جنيه و البلي الأمامي بالأولسيهات بتاعته ب 150 جنيه خلي بالك الأولسيهات لوحدها عامله 30 جنيه .
و عندك بقي كاوتشات الميزان عامله 20 جنيه
ممكن بقي تقولي علبة الدركسيون بلد الصناعه ايه , علشان انا روحت من فتره كبيره عملت طقم صيانه و اصلاح كامل لعلبة الدركسيون بتاعتي كلفتني حوالي 450 جنيه في معروف , مش عارف بقي شكلي كده اتظبط
و كل سنه و انت طيب و كل الناس اللي معانا

[ashrafpower]

فتيس كيا برايد الاتوماتيك

السيارة اتوماتيك موديل 2002 كانت شغاله كويس وبعدين في اخر مره سافرت فيها من السويس الي القاهره ابتدت المشكلة وهي ثبات السرعة علي 40 كم وبعد فترة حوالي 5 دقايق تبتدي تمشي شوية كمان لحد70 كم وتفضل علي كده شويه وبعدين ترفع لل 100
ذهبت عند الميكانيكي فحص كل حاجة في الماكينة الكاتينة والكاربراتير واكتشف تسرب زيت الفتيس وبعد تغيير الخرطوم اللي كان بيسرب وتعبئة الزيت للفتيس مازالت المشكله موجوده
برجاء من له خبره بالموضوع الافاده وشكرا

[a_hafez82]

الكيا والسايبا العصفورة

السلام عليكم ....
دي اول مشاركة ليه في المنتدى واتمنى حد يرد عليا ..........لاني بصراحة زهقت من عربيتي وشكلي هبيعها قريب انا معايا سايبا عصفورة 2006 العربية بصراحة اقتصادية وسحبها تمام وممتازة ولكن للاسف قطع الغيار بدوخ عليها انا بنزل عند حلمي سليمان والجندي بمجرد اني بقول عصفورة ايراني يكون الرد لا مبنشتغلش في السايبا فياريت يا جماع حد يقولي مكان متخصص اكتير للسايبا واية المشترك والمختلف بين الكيا العصفورة والسايبا العصفورة تحياتي للجميع ........منتظر الرد

[amrzohier]

السلام عليكم انا معايا كيا برايد سيدان 2004 وعندرى ايريال الكهربا بايظ وعايز اجيب ايريال تانى بس لفيت مش لاقى على العلم انا من اسكندرية ياريت حد يفيدنى

[Dr. Islam]

السلام عليكم
بحس برجرجة فى العربية لما اعدى بالسرعة فوق ال 90 معرفش ليه؟
وللعلم انا لسه ظابط العفشة والزوايا وضغط الكوتشات... ياترى ممكن السبب يكون ايه؟
عربيتى برايد 97 هاتش باك

[Maz_2006]

يا جماعه لكل ملاك سايبااااا......قطع الغيار هاتها من التوكيل.....التوكيل متوفر فيه كل قطع الغيار......وهو ناشونال موتورز وموجود فى شارع الطيران...وكمان فيه مراكز معتمده لصانتها....وسمعت ان فيه واحد فى صقر قريش اسمه اسلام كراره بيبيع كل حاجتها......وفيه جروب على الفيس اسمه سايبا اونرز..بس اكتبه بالانجليزى.دول ملاك للعربيه

[elkingg36]

السلام عليكم ورخمة الله
انا عابز عربيه مستعملة تكون مشاكلها قليله لانها اول عربيه وفي ناس اشاروا بالكيا برايد السيدان 98 او 99
فياريت اهل الخبره بعرفوني عيوبها ومميزاتها واكون شاكر ليكم مع العلم ان المبلغ المتاح في حدود 30000

[hithamkhafaga]

السلام عليكم ورحمة الله وبركاته
انا تجربتى مع البرايد الهاتشباك موديل 96
اول ما جبتها كانت كويسه ومفيش اى مشاكل مرة واحده برجع بالعربريه للوراء
حسيت ان فيه معركه فى العربيه من تحت وحاجات عماله تتكسر
واحد قريبى اتصلت بيه قالى انا جايلك وفعلا بعدها بدقايق لقيته جنبى قالى دى قاعده الماتور اللى تحت الدريبوكس
العربيه ليها 3 قاعدات اتنين مدورين واحده فى الجنب اليميين والتانيه قدام جنب الريداتير
والتالته تحت الدريبوكس ودى مربعه
المهم رحت جبتهتا من شارع صلاح الدين فى اليكس ب 65 جنيه وركبتها وبقت زييى الفل الحمد لله
التجربه التانيه لقيت زيت نازل من الجنب الشمال رحت للميكانيكى قالى اويل سيل الكوبلن الشمال
قمت مغير الاتنين الواحد ب 10 جنيه تمنه
التجربه التالته ودى الاخيره الكاربراتيير نظفته لان العربيه كانت بتستهلك بنزين كتير وفيه بنزيين نيئ
ودخان اسود فى الجكمان
طبعا العربيه الحمد لله ما شاء الله بعد الموضوع دا ما اتعمل العربيه اختلفت تماما
سحب العربيه زاد واستهلاكها بقى اقل والعربيه نعمت معايا
والله المستعان

[shooosh]

سلام عليكم

انا اشترين عربيه كيا برايد 99 من شهر والعربيه ماشاء الله حلوه وحالتها كويسه من فضل الله
بقالها تقريبا 10 ايام بتاكل بنزين جامد روحت نضيفت الكاربرتير وبردو المشكله مستمره
رجاء الافاده اعمل ايه خاصه ان دى اول عربيه اشتريها ومعلوماتى زيرو
وياريت تدلونى على ميكانيكى كويس فى محيط جسر السويس
واشكركم مقدما

[محمد فريد]

انا اشترين عربيه كيا برايد 99 من شهر والعربيه ماشاء الله حلوه وحالتها كويسه من فضل الله
بقالها تقريبا 10 ايام بتاكل بنزين جامد روحت نضيفت الكاربرتير وبردو المشكله مستمره
رجاء الافاده اعمل ايه خاصه ان دى اول عربيه اشتريها ومعلوماتى زيرو
وياريت تدلونى على ميكانيكى كويس فى محيط جسر السويس
واشكركم مقدما

عايزة متخصص كربراتير يظبطه كويس لان الكربراتير بتاعها رخم شويه
حاجة من اتنين يا اما هيغير بكات او هيكون محتاج اكس وباب