رابطة ملاك الكيا برايد - كلاكيت تانى مرة!

[samizahran]

معايا برايد سيدان ٢٠٠٠ مانيوال. العربية عاملة حوالي ٤٠ ألف ك.م.اشتريتها علي الزيرو،بس نظرا لظروف معينة كنت سايبها راكنة فترات طويلة تصل لشهور. دلوقتي انا بأسمع صوت طأطأة مع الملفات و برضه في السير مستقيما. مش دايما و مش عالي. عاوز أعرف حد بتاع عفشة ،و ياترى المشكلة ممكن تكون أيه. تنصحوني بمين بتاع عفشة كويس يكون قريب من الرحاب أو مدينة نصر،و ان كان لازم أروح الحرفيين،تعرفوا مين كويس هناك و ياترى سعر الكبالن كام و المصنعية كام.لإني مش عاوز اتبهدل مع الميكاتيكية و الصنايعية. و شكرا لكم.

[samizahran]

السلام عليكم يا جماعه
انا عضو جديد معاكم ويشرفنى الانضمام اليكم بالطبع
انا معايا كيابرايد 2000سيدان اتوماتك وهى عربيه جميله فعلا بس انا تعبان مع الميكانيكه لجهلهم فكنت بفكر اروح للتوكيل
فهل ياترى فى توكيل للكيابرايد وفين ووسيله الاتصال وهل هو غالى ولا لا
ولو مفيش توكيل فى حد يعرف مركز صيانه محترم وامين واهم حاجه الامانه مع العلم انى ساكن فى نطاق حى مصر الجديدة
معلش يا جماعه ارجو ا الافاده وبسرعه
شكرا :_alshmokh22[1]:

يا ريت لو عرفت مكان خدمة كويس للبرايد و أسعاره كويسة ،تقول.شكرا.

[samizahran]

السلام عليكم انا اشتريت عربيه كيا برايد سيدان من حوالى 3 أسابيع موديل 98 العربيه كانت مع واحده بس كانت مهمله اوى فيها وانا تقريبا عملت فيها كل حاجه من أول وجديد يعنى بدون الرفاهية العربيه كلفت 5000 جنيه تقريبا بس الحمد لله رجعتها لإصلها بنسبة 90 % واسمحوا ليا انى إنضم للرابطه واللى عايز أى استفسار يسألني لانى تقريبا من اللى شوفوا مع العربيه بقى عندى خبرة فيها بنسبة 60 % فا ممكن اقدر افيد

فعلا، معايا عربية و عاوز أشد العفشة بتاعتها.عايز أعرف سعر الكبالن و المساعدين.و فين ممكن ألاقي حد بتاع عفشة كويس في نطاق التجمع او مصر ااجديدة او مدينة نصر.شكرا

[TaoTao]

لسة شاري عفشة كاملة من "حلمي سليمان" مساعدين أمامي وخلفي وزوج كبالن وطقم بلي عجل، هاجيب الاسعار من الورقة وابعتها بالليل لما اروح.
المساعدين كانوا صيني مالقيتش غيرهم عنده :( بس قلت لنفسي مش مشكلة، اللي قبلهم كان محفور عليهم made in korea وماكملوش 6 شهور .. نجرب الصيني ! والكبالن تايواني، والبلي كوري (بس الأسعار بالليل اقولهالكم :) )

[samizahran]

شكرا و لو تعرف حد كويس بتاع عفشة يكون قريب من منطقة مدينة نصر،ابقي متشكر ليك.

[TaoTao]

معلش اتأخرت عليكم، اليكم بيان الأسعار:
بلي وأويل سيل: ٨٠ جنيه
طقم مساعدين أمامي وخلفي: ٦٠٠ البيان مكتوب رقم واحد! بس المساعدين الخلفيين اغلى من الأماميين. وكانوا نوع صيني.
جوز كبالن تايواني: ٢٨٠ جنيه
سير كاتينة: ٦٥ جنيه
بلية سير كاتينة: ٧٠ جنيه
تيل فرامل أمامي ٦٠ جنيه
تيل خلفي ٧٠ جنيه.

[TaoTao]

شكرا و لو تعرف حد كويس بتاع عفشة يكون قريب من منطقة مدينة نصر،ابقي متشكر ليك.

للأسف ماعرفش حد في مدينة نصر، بس فيه عفشجي ممتاز في الصف، وسمعت عم واحد في روض الفرج عند كوبري الصنايع الناس بتشكر فيه. وربنا يوفقك.

[islam.orabi]

لسه دافع عربون عربيه كيا برايد سيدان 2001 مانيوال العربيه عامله 73 الف كيلوو كانت مركونه من فتره طويله
العربيه فبريكه بره وجوه وصلت مع الراجل لسعر 37 الفجنيه
طبعا العربيه ها تترش من بره كامله عشان البوهيا بظات من عليها مفهاش سمكره كتيير خلاص هو اكصدام خلفي عايز يتظبت
طبعا هاغير طقم سرفس كامل وزيت ماتور و فتيس وعايز تروح لسروجى يظبط شويه حاجات فى الابوب
البطريه الرجل هيجبلى وحده وهيرخصهالى لمده سنه عشان الرخصه خلاصنا من فتره
السعر كده مقبول ولا كتيير عليها
شكراا

[Mo7amedSa3ed]

استفسار عاجل فى برايد هاتش 1997

السلام عليكم
لو سمحتم يا اخونا انا قدامي عربية كيا برايد هاتش باك مع العلم اني بطيخ فى العربيات ولسة اول مرة هسوق
المهم بعد ما الميكانيكي كشف عليها قالى الماتور كويس والعفشة سليمة
بس كان فى ضأرة فى التاني بتاع الفتيس(كلام الميكانيكي)
العربية راشة برة بس بس اللى رش حمار لانه عفر القوايم والكرتيرة وهما سلام ومفيهمش خطبطات ولا اي حاجة
الكاربراتير عاوز يتنضف
العربية من برة فيها شوية خدوش فى الاكصدامين وخبطة فى الباب
السعر الاخير 28 الف
لاصحاب الخبرة الحاجات دي عشان تتعمل تكلف كام مع العلم ان الميكانيكي قالى اني هحتاج اغير طقم سيور وبوجيهات و كذا زيت كدة عشان العربية تبقى كويسة معايا
الميكانيكي بيقولى الحاجات دي هتكلفك فى حدود 1000 جنيه فياريت اعرف كل حاجة بالتفصيل عشان مش عاوز يتضحك عليا وزي ما بقولكم انا بطيخ ولسة هتعلم فياريت الرد يبقى بالتفاصيل وبأعار قطع الغيار والافضل ايه وبكام عشان اعرف اتعامل
وشكرا مقدما وياريت الرد السريع عشان هروح اخلص بكرة او بعده بالكتير

[mopop]

السلام عليكم
لو سمحتم يا اخونا انا قدامي عربية كيا برايد هاتش باك مع العلم اني بطيخ فى العربيات ولسة اول مرة هسوق
المهم بعد ما الميكانيكي كشف عليها قالى الماتور كويس والعفشة سليمة
بس كان فى ضأرة فى التاني بتاع الفتيس(كلام الميكانيكي)
العربية راشة برة بس بس اللى رش حمار لانه عفر القوايم والكرتيرة وهما سلام ومفيهمش خطبطات ولا اي حاجة
الكاربراتير عاوز يتنضف
العربية من برة فيها شوية خدوش فى الاكصدامين وخبطة فى الباب
السعر الاخير 28 الف
لاصحاب الخبرة الحاجات دي عشان تتعمل تكلف كام مع العلم ان الميكانيكي قالى اني هحتاج اغير طقم سيور وبوجيهات و كذا زيت كدة عشان العربية تبقى كويسة معايا
الميكانيكي بيقولى الحاجات دي هتكلفك فى حدود 1000 جنيه فياريت اعرف كل حاجة بالتفصيل عشان مش عاوز يتضحك عليا وزي ما بقولكم انا بطيخ ولسة هتعلم فياريت الرد يبقى بالتفاصيل وبأعار قطع الغيار والافضل ايه وبكام عشان اعرف اتعامل
وشكرا مقدما وياريت الرد السريع عشان هروح اخلص بكرة او بعده بالكتير

اولا المشكله محتاجه طقم اصلاح علوى للفتيس و رخيص مش غالي
ثانيا مفيش مشكله من تعفير القوايم و الكارتيره
ثالثا السعر يعتمد على الكماليات اللي في العربيه و سنة الصنع
اخيرا العربيه دي ممتااااااااازة

[karimkemo]

برجاء انضمام ملاك ومحبي ومتابعي كيا برايد إلي الجروب الخاص

https://www.facebook.com/groups/482015401935936/

[karimkemo]

معلش اتأخرت عليكم، اليكم بيان الأسعار:
بلي وأويل سيل: ٨٠ جنيه
طقم مساعدين أمامي وخلفي: ٦٠٠ البيان مكتوب رقم واحد! بس المساعدين الخلفيين اغلى من الأماميين. وكانوا نوع صيني.
جوز كبالن تايواني: ٢٨٠ جنيه
سير كاتينة: ٦٥ جنيه
بلية سير كاتينة: ٧٠ جنيه
تيل فرامل أمامي ٦٠ جنيه
تيل خلفي ٧٠ جنيه.

https://www.facebook.com/groups/482015401935936/

انضم لينا في جروب كيا برايد

[karimkemo]

لو كنت جيت بدري شوية كنت اديتهملك

https://www.facebook.com/groups/482015401935936/

انضم لينا في جروب كيا برايد

[karimkemo]

يا جماعة انا عاوز اغير مرايات العربية عندي ولفيت علي كل الناس اني الاقي مرايات كيا برايد سيدان كهرباء ملقتش . ياريت لو حد يعرف موجودة فين يقولي ضروري ولو مفيش منها ياريت تقولولي اجيب مرايات كهرباء موديل ايه ينفع يركب عليها
انا مش عاوز اجيب اليدوي بتاعتها عشان موضوع التعديل والتخريم في الصاج وطالما كدة كدة هعدل يبقي اجيب كهرباء احسن . ولا انتم شايفين ايه

لو كنت جيت بدري شوية كنت اديتهملك

https://www.facebook.com/groups/482015401935936/

انضم لينا في جروب كيا برايد

[حازم حمدى]

كنت حابب اسأل عن سعر موتور كيا برايد 2004 مانيوال
وهل الافضل انى اعملها عمرة و لا اجيب موتور استعمال ارخص
انا من اسكندرية و يا ريت حد يفيدنى