رابطة ملاك الكيا برايد - كلاكيت تانى مرة!

[أحمد الجندى]

السادة الاعضاء الافاضل حمدا لله علي عودة الجروب وكل عام وانتم بخير
اما بعد
كنت قلت من قبل ان الفتيس بيرجع علي المور في الغيار الثاني فقط ولما اكون داخل علي مطب وأجيب
الثاني ممكن يجي علي الفاضي فغيرت زيت الفتيس فلقيت الموضوع اتحست بنسبة 75 % يعني كان مشوار الشغل حوالي 14 كيلو كان الغيار بيدايقني علي طول ولما غيرت الزيت بقي يعلق معايا في مطبات المسافة ده حوالي 4 مرات اما الاول كان حوالي 12 مرة
ياتري ده معناه ايه 00000000 ممكن الافادة عن المشكلة وحلها

انا اللى اعرفه ان الفتيس لما بيبدأ يبوظ بيبتدى بالعضة ولما بيتطور بيوصل لان الغيار بيرجع تانى زى عندك .... والحل بيبقى يا اما توديها لحد متخصص فى شغل الفتيس زى صليب اللى فى شبرا أو تغير الفتيس خالص بواحد استيراد ... والله اعلم

[M.Shawky]

مرحباً بيكم يا رجاله , انا لسه مشترك في الصفحه جديد
بس عندي مشكله كبيره شويه ف العربيه بتاعتي (( برايد 2001 سيدان أوتوماتيك ))
الموضوع ده كان اول امبارح بس
العربيه كانت مظبوطه و 100/100 و فاجئه رحت غيرت زيت الفتيس علشان كان قليل أوي و بعد ما الزيت الجديد أتحط بدور لقيت دخنه شديده جداً خارجه من الشكمان و العربيه بتسقف مع كبس الأسبراتير روحت لميكانيكي قالي ده كده الماتور فوت عايز علي الأقل طقم شنبر أو ربما عمره كامله (( نفتح و نشوف ))
أنا بقي دلوقتي عايزكم تدلوني علي ميكانيكي محترم يكون متخصص كيا علشان يشوفلي العربيه الأول و بعد كده يعملي العمره
ملحوظه :- العربيه لسه شاريها من 3 أسابيع و كانت زي الفل و اللي حصل ده بدون اي سابق انذار
وشكراً ليكم علي الرد و الأهتمام

[M.Shawky]

و من فضلكم تعرفوني سعر طقم الشنبر دلوقتي كام , و العمره الكامله تعمل كام برده
و لو مافيهاش رخامه سعر الموتور أستيراد كام

[amir_nabil]

اخر اسعار طقم الفلاتر و السيور لكيا برايد العصفورة

:018a1d~146:
لسة جايب كيا برايد العصفورة و غيرتلها طقم الفلاتر و السيور
سير كاتينة 65
بلية كاتينة 85
فلتر بنزين 20
فلتر هواء 30
طقم بوجيهات 45
جوان غطاء تكيهات 20
اويل سيل سير كرنك أمامي 25
اوي سيل سير كرنك خلفي 45
اويل سيل كامة 25
اويل سيل اورينج اسبراتير 5

من محل الدكتور مينا لقطع الغيار - شبرا مسرة

[Chok00la]

ممكن اطلب تسعير برايد

سيدان موديل 2004 - فابريكا من الداخل مرشوشة من برا ما عدا القوايم و السقف - تكييف و ازاز كهربا
و ده كل الى نعرفه عنها و لسه هنشوفها .. صاحبها عاوز 36 الف .. ايه رايكم ف السعر؟

[hazemsherif2000]

انا كان عندى كيا برايد 97
بس بعتها من فترة
المهم انا عندى الكارتيرة البلاستيك الامامى شمال و يمين ( جديد لم يستعمل )
لو فى حد محتاجهم يبعتلى على الخاص

[M_N]

السلام عليكم عندى كيا برا يد اتوماتيك موديل 2001

عندى عربيه كيا برايد سيدان اتوماتيك موديل 2001 العربيه الحمد لله كويسه انا لسه شاريها من شهر ونصف
1- الريتداتير فيه زى طحينى وده انا عارف انه زيت الماتور لان نقص انا كنت مغير زيت التعاون 3000 الاف كيلو ولما نقص زوت شيل كيلو الاحمر زيت تقيل والحمد لله الميه مش بتنقص خالص ولا العربيه مبتسخن الحمد لله الموشرالربع وبيرجع تانى وسحب كويس جدا وزيت الفتيس برده مش بينقص عشان لوحد قال منه بس هو مش بينقص
2- بشم ريحه بنزين اول ما ادور مع انى مغير بوجيهات وفلاتر ( بنزين - وهوا ) ومنظف كاربراتير
3- استهلاك البنزين من غير التكيف 170 كيلو او اكتر فى الصفيحه بس السفر بتعمل 240 واكتر لانى جربتها سحبها كويس ومع التكيف ممكن يقل عن 170 ممكن140 او 150عايز اعرف كده كويس وله لاه
4- زيت الفرامل بينقص ومحتاج ازوده كل اسبوعين على حسب مشاويرى اه السبب وهل سهل تصليحه
بس لكن هى عربيه كويس الحمد لله ومفيش مشاكل غير موضوع الزبت اللى فى الريتداتير ده ومضايقنى اكتر حاجه

ارجو الرد على الاستفسارات ده لو سمحتوا ضرورى

[M_N]

عندى عربيه كيا برايد سيدان اتوماتيك موديل 2001 العربيه الحمد لله كويسه انا لسه شاريها من شهر ونصف
1- الريتداتير فيه زى طحينى وده انا عارف انه زيت الماتور لان نقص انا كنت مغير زيت التعاون 3000 الاف كيلو ولما نقص زوت شيل كيلو الاحمر زيت تقيل والحمد لله الميه مش بتنقص خالص ولا العربيه مبتسخن الحمد لله الموشرالربع وبيرجع تانى وسحب كويس جدا وزيت الفتيس برده مش بينقص عشان لوحد قال منه بس هو مش بينقص
2- بشم ريحه بنزين اول ما ادور مع انى مغير بوجيهات وفلاتر ( بنزين - وهوا ) ومنظف كاربراتير
3- استهلاك البنزين من غير التكيف 170 كيلو او اكتر فى الصفيحه بس السفر بتعمل 240 واكتر لانى جربتها سحبها كويس ومع التكيف ممكن يقل عن 170 ممكن140 او 150عايز اعرف كده كويس وله لاه
4- زيت الفرامل بينقص ومحتاج ازوده كل اسبوعين على حسب مشاويرى اه السبب وهل سهل تصليحه
بس لكن هى عربيه كويس الحمد لله ومفيش مشاكل غير موضوع الزبت اللى فى الريتداتير ده ومضايقنى اكتر حاجه

ارجو الرد على الاستفسارات ده لو سمحتوا ضرورى

ارجو الرد لو سمحتوا على الاسئله ضرورى وعايز اوضح بخصوص نقص الزيت انى مفيش فى مقياس الزيت وله على غطاء الماتور اى طحينى خالص بس فى الريتداتير والاربه الميه بقع زيت فقط وانا فى ميكانيكى قال لى ده جوان وش سلندر ضرب بس لسه فى اوله وممكن تمشى بيها عادى عشان مش بتسخن اه رايكم اعمله وده تكلفته كام وافصل جوان وهل ده باثر على سحب العربيه او كفاءه الماتور والافضل اقيس كبس الماتور قبل ما اعمل الجوان عشان اتاكد اذا كان ماتور كويس وله اعمله من غير ما اقيس الكبس بتاع الماتور معلش انا بسال كتير عشان معلوماتى قليله عن العربيات

[TaoTao]

عندي مشكلة في الكاربيراتير صوته عالي والسخان دايماً شغال، الميكانيكي شاور لي على حساس في الكبوت (تحت البربريز من جهة الشمال) وقال لي إنه بايظ وهو المسئول عن الصوت العالي (واستهلاك البنزين المرعب !)
رحت لحلمي سليمان ووصفت لهم الحساس ومكانه مافهموش وقالولي أفكه وادور على واحد استيراد !

حد يعرف اسم الحساس ده إيه وممكن اجيبه منين؟

[mostafa_wahid]

اى مشكلة فى الكاربراتير محدش يصلحها غير متخصص كاربراتير ... نصيحة روح لواحد متخصص تصليح كاربراتير وتكون سمعته كويسة فى المنطقة وبلاش تخلى الميكانيكى يفك الكاربراتير او يلعب فيه علشان ميبوظلكش السخان

[mohamed shawky]

برايد هاتشباك مكيفة

السلام عليكم ورحمة الله وبركاته
السادة اعضاء الرابطة الكرام دي اول سيارة اشتريها في حياتي
انا قررت ان شاء الله تعالى اشتري عربية كيا برايد هاتشباك من موديلات التسعينات الكوري وده بعد بحث طويل ومقارنات كتير لاقيتها انسب عربية بالنسبة ليا في الوقت الحالي
واخص بالشكر أ / احمد الجندي
بس بعد إذن اصحاب البرايد كنت محتاج أسأل عن حاجتين قبل ما انزل اشتري
1- ايه افضل سنة في الكيا برايد الهاتشباك في فترة التسعينات ؟ وهل في اختلاف جوهري يخليني ابحث عن انتاج سنة معينة منهم بالتحديد ولا مش هتفرق كتير ؟
2- هل البرايد هاتشباك بها تكييف فبريكة متصنعة به ؟ لاني وجدت الكثير منها به تكييف ولا اعلم ان كان فبريكة ام ان اصحابها هم من قاموا بتركيبه ؟ وفي حالة انه متركب عليها ومش فبريكة في مشكلة ولا اشتري السيارة عادي طالما حالتها كويسة
3- في منها سيارات كتير جداً معروضة للبيع لكن في تفاوت في الاسعار فيا ترى ايه متوسط السعر للحالة المعقولة
وألف شكر مقدماً
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[mostafa_wahid]

ربنا يكرمك بحاجة كويسة ان شاء الله
1- افضل سنة هية 99 لانها اخر موديل فى الهاتشبالك الكورى وكانت فتيس 5 غيار والموديلات اللى قبل كده فتيس 4 غيار بس
2- الافضل تكييف فابريكا طبعا بس يكون شغال ومفيهوش مشاكل، بس لو تكييف متركب عليها مش وحش وشغال المهم يكون متركب كويس وطبعا دة حيبان وانت بتجرب العربية اللى حتشتريها
3- بالنسبة للبرايد الهاتشباك 1100 سى سى سعر الحالة الجيدة والفابريكا ومفيهاش مشاكل من 29 - 30 الف، وبالنسبة للحالات الشاذة اللى بتكون فابريكا برة وجوة وتكييف وماشية عداد كيلو متر قليل ومفيهاش اى مشاكل تعيبها ممكن توصل لحد 32 الف .... ومتستخسرش 500 او 1000 جنية فى حالة كويسة علشان كده كده حتدفعهم صيانات بعدين فاشترى نفسك وراحتك بيهم
وربنا يوفقك لحالة كويسة

[mohamed shawky]

الف شكر للرد وربنا يكرمك .. فعلاً استفدت من اجابتك

[mostafa_wahid]

ربنا يكرمك وتلاقى حالة كويسة وتريحك ,العربية حلوة وكويسة بالنسبة لمبتدئ سواقة ومصاريف تشغيلها كويسة جدا بالنسبة لشاب بيبدأ حياتة وفوق كل دة بتسافر وبتروح كل حتة المهم تعمل صياناتها اول باول ومتخليش حد يقولك لا دى صغيرة ومبتسافرش والكلام دة .. العربية حلوة على طريق السفر بس متعديش ال 130 او 140 الا لما تكون متمكن لانها فعلا بتخف جدا بعد السرعة دى

[mohamed shawky]

ربنا يباركلك يا استاذ مصطفى .. هي فعلاً حجمها مناسب لأسرتي لأني لدي طفل واحد مازال صغيراً ومشاويري قريبة .. والسفر هي مرة في السنة وقت المصيف .. وبعدين موضوع انها بتخف على السرعات العالية انا مش من هواة السرعة .. وحتى لو من هواة السرعة فين الطريق اللي يسمح بكده وانت سيد العارفين .. ده الصحراوي اللي اسمه صحراوي نفسه احيانا بيتزحم وبيقف .... ربنا يصلح الاحوال .... وألف شكر على ردك