رابطة ملاك الكيا برايد - كلاكيت تانى مرة!

[hithamkhafaga]

انا اشترين عربيه كيا برايد 99 من شهر والعربيه ماشاء الله حلوه وحالتها كويسه من فضل الله
بقالها تقريبا 10 ايام بتاكل بنزين جامد روحت نضيفت الكاربرتير وبردو المشكله مستمره
رجاء الافاده اعمل ايه خاصه ان دى اول عربيه اشتريها ومعلوماتى زيرو
وياريت تدلونى على ميكانيكى كويس فى محيط جسر السويس
واشكركم مقدما

اكشف على البوجيهات والله اعلم
والله المستعان

[albsty]

غير البوجيهات

[EL Henawie]

السلام عليكم ورحمة الله وبركاتة

لو سمحتو كان عندي سؤال بخصوص :-

انا قدامي عربية كيا برايد سيدان مودل 99 كل حاجة فيها تمام علي كلام صاحبها بس الماتور محتاج عمرة هل ترشحولي اشتريها ولو هشتريها بكام ؟؟؟ هو الرقم اللي عرضو 31000 وطبعا هنزل معاه جامد انزل لحد كام ؟؟؟ ولو هشتري ماتور استيراد دة سهل ومتوفر ولا صعب ؟؟ ولو متوفر سعرو كام بتركيبو واجيبو منين
ولو حبيت أكشف عليها قبل ما أشتريها علشان اتاكد منها اكشف عليها فين وازاي
اسف جدا علي الأطالة ومتشكر ليكم جداً

[perfavore2006]

رجاء سعر طقم مساعدين امامي وخلفي + 2 مقص ....كيا برايد سيدان 2000

[mamdouh1]

رابطه كيا برايد

السلام عليكم يا جماعه
انا عضو جديد معاكم ويشرفنى الانضمام اليكم بالطبع
انا معايا كيابرايد 2000سيدان اتوماتك وهى عربيه جميله فعلا بس انا تعبان مع الميكانيكه لجهلهم فكنت بفكر اروح للتوكيل
فهل ياترى فى توكيل للكيابرايد وفين ووسيله الاتصال وهل هو غالى ولا لا
ولو مفيش توكيل فى حد يعرف مركز صيانه محترم وامين واهم حاجه الامانه مع العلم انى ساكن فى نطاق حى مصر الجديدة
معلش يا جماعه ارجو ا الافاده وبسرعه
شكرا

[John Adel]

السلام عليكم

السلام عليكم انا اشتريت عربيه كيا برايد سيدان من حوالى 3 أسابيع موديل 98 العربيه كانت مع واحده بس كانت مهمله اوى فيها وانا تقريبا عملت فيها كل حاجه من أول وجديد يعنى بدون الرفاهية العربيه كلفت 5000 جنيه تقريبا بس الحمد لله رجعتها لإصلها بنسبة 90 % واسمحوا ليا انى إنضم للرابطه واللى عايز أى استفسار يسألني لانى تقريبا من اللى شوفوا مع العربيه بقى عندى خبرة فيها بنسبة 60 % فا ممكن اقدر افيد

[John Adel]

اكشف على البوجيهات والله اعلم
والله المستعان

فى مركز فى جسر السويس اسمه الصفا شغلت ضبط الحرق والعام وقياس الكهرباء بس ممتاز هاتدعيلى

[hsghl]

بتوع الكيا فى المعادى فى شارع احمد زكى الهانى اول الشارع بجانب مدخل شارع 77 والأيمان فى نفس الشارع بعد كشرى لوكس والصفوة فى صقر قريش
بس انا عندى مشكلة الار بى ام فى الكيا البريد 2002 اتوماتك بيعلى ويوطى لوحدة والعربية بتبطل على السلانسية مع كسر الدركسيون والفرامل والنقل d او r واتضح ان ولا الباور ولا الفرامل او السرفو ولا الفتيس ليهم دعوة بالعطل وانا شاكك فى حساس السلانسية اللى فى الكربيراتير والمكانيكى بيقولى لا كانت العربية تبطل فورا مش تعلى وتوطى او يمكن الشفاط بيعلق ياريت حد يساعدنى لو واجة نفس المشكلة

[miro amir]

عندى مشكله مع اﻻسبراتير وتوصيل الكهرباء للموتور

[Crusher]

انا كنت بفكر اجيب كيا برايد سيدان اوتو ماتيك ايه رايكم بالنسبة لاستعمال عائلي وايه رينج السعر بتاعها وتنصحوني بايه عموما خصوصا ان اللي هتسوقها بنت ،،،، وشكرا ليكم مقدما

[Geyad]

شكرا علي كل كلام دا بتع سيارة بس هي سعر 1999 كام عمله 10000كليو

[lada2010]

ياريت يا جماعة اى حد عندوا قطع غيار كيا عضفور زيادة مش عايزها لانى هشد العربية والفلوس معايا مش ادى كدا وياريت كل واحد اشترى حاجة قريبا يقول اسعارهم

[Ramez Farghaly]

أين تباع قطع غيار الكيا برايد فى الاسكندرية ؟

يا جماعة انا لسة شارى كيا برايد النهاردة و الحمدلله حالتها كويسة بس هي محتاجة شوية تظبيطات كده
مين بيبع قطع غيارها فى اسكندرية ؟

[hossamrady]

انا رايح بكره ان شاء الله اشوف بريد سيدان بور ة تكييف موديل 2009 ماشية 30000كم و عامله 45000ج
يا تري سعرها مناسب ؟
مع العلم انها فابريكه بالكامل

[hossamrady]

عفوا السيارة بدون بور