رابطة ملاك كيا سبكترا وقطع غيارها

[mohamedkaouh]

اسف اللزوجة تقيلة.. علشان كده بياخد وقت على ما يزيت المكنة

انا بقالي مرتين بستخدم زيت اماراتي "بروتك" 5000 كم و بغيره على 4000 كم و بيكون زي الفل و مش ناقص

بس وجهة نظرك نظر تحترم بردوا :) وممكن يكون تحليل صح

[mohamed galaa]

السلام عليكم
انا محمد العجمي من المنصوره
عاوز اجيب سيارة اسبكترا معاقين
مواصفاتها كالتالي
كيا اسبكترا جولد كامله اتوماتيك موديل 2002 باور. سنتر. تكيف تاتش. جنوط اسبور. ارباج. Abs فرامل كراسي جلد مريات ضم. زجاج كهرباء تحكم طاره حاله ممتازه السعر 38500 الف
ايه رايكم
ان خايف اوي من الاسبكترا خصوصا اني عرفت ان قطع غيارها غاليه ومش منتشره اوي زي النوبيرا او اللانوس
مع العلم اني معايا كريستاله 99 وهبيعها

[mohamed galaa]

ولو في جروب للاسبكترا تبعكم ع الفيس يبقي ياريت حد يحط اللينك

[dreamsmake]

انا بقالي مرتين بستخدم زيت اماراتي "بروتك" 5000 كم و بغيره على 4000 كم و بيكون زي الفل و مش ناقص

بس وجهة نظرك نظر تحترم بردوا :) وممكن يكون تحليل صح

هو عامة .. موضوع اللزوجة ملوش علاقة بنظافة الزيت أو الماكينة او النقصان... بس لمبة الزيت دي المفروض انها بتدل على حاجتين ... 1- نقص الزيت... 2- لزوجة الزيت
وطبعاً حضرتك وضحت ان الزيت مش بينقص فبكده هانستبعد الفكرة الاولى
وطالما انها بتطفى بعد شوية يبقى المشكلة التانية مش كلها عندك انت عندك نصها بس يعني الزيت درجة لزوجته كويسه بس بعد ما بيسخن
وبرضه ممكن يكون العيب من الحساس

[kassemaa]

العربية بتحدف يمين

العربية عندى بتحدف يمين بالرغم من ان انا ظبط زوايا اكتر من مرة وبرده العيب زى ما هو
مش عارف الحل ؟!!
أرجو الرد بسرعة

[kassemaa]

انا عندى نفس المشكلة

وعليكم السلام عندى نفس المشكلة دراع النور بيعلق ومش عارف حله ايه ؟؟

متابع معاك

انا عندى نفس المشكلة يا ريت حد يرد نصلحه ازاى وفين

[kassemaa]

ياريت حد يفيدنا

هو ياجماعة في المانوال العربية الطبيعي بتاعها الار بي ام ايه والغيار بتدي لحد سرعة كام
انا عندي العربية
الثاني بيديني لحد 40 والصوت كويس والار بي ام على 3 ولو جبت ال60 الار بي ام بيجيب 4
الثالث لو بدأئتو من الاربعين اخره 80 وبيكون الار بي امي على 4 ولو بدأت من 60 بيجيب معايا لحد 90
الرابع اخره من 100 ل 120 وده لما اكون قارص وبحرق كل غيار لاخره
الخامس طالما بشد بيجيب من 140 ل 160 بس بيبقى الار بي ام على 4
ده طبيعي ولا انا عندي مشكلة

مستنيين الرد

[mohamedkaouh]

هو عامة .. موضوع اللزوجة ملوش علاقة بنظافة الزيت أو الماكينة او النقصان... بس لمبة الزيت دي المفروض انها بتدل على حاجتين ... 1- نقص الزيت... 2- لزوجة الزيت
وطبعاً حضرتك وضحت ان الزيت مش بينقص فبكده هانستبعد الفكرة الاولى
وطالما انها بتطفى بعد شوية يبقى المشكلة التانية مش كلها عندك انت عندك نصها بس يعني الزيت درجة لزوجته كويسه بس بعد ما بيسخن
وبرضه ممكن يكون العيب من الحساس

شكر على الرد :)

[mohamedkaouh]

شكر على الرد :)

معلش اللمبه اللي بتنور عندي طلعت لمبة الشيك الصفراء مش بتاعة الزيت , بس هل معني كده ان في مشكله و لا ده الطبيعي ؟

[mohmmedzohier]

السلام عليكم

تنور تانيتن تلاته وتطفى

[mohamedkaouh]

اه بالظبط كده

[mohmmedzohier]

متابع

[Karim_Mohy]

هيا اسعار المرايات دلوقتي ايه؟
ولو فيه شاسيه المراية (القاعدة بس) منين وبكام

[wma_eg]

عن تجربة :

العربية عندى بتحدف يمين بالرغم من ان انا ظبط زوايا اكتر من مرة وبرده العيب زى ما هو
مش عارف الحل ؟!!
أرجو الرد بسرعة

عن تجربة :
فى واحد فى شارع منشية التحرير من جسر السويس بيظبط زويا بالنظام القديم (المريات ) بس ممتاز انا ظبط الزويا كذا مرة بالكمبيوتر بس ماطلعتش مظبوطة زى المريات بصراحة اديه تتلف فى حرير
جربة هو مش بياخد كتير هما 40 جنيه بس فى ظبط زويا

[wma_eg]

الفكرة لو حد فكر يبيع العربية مش هاتجيب سعر او رينج عربية كويسه مقارنة بيها
رأيكوا ايه في الكلام ده

عندك حق فعلا لو اتباعت هاتبقى بخسارة خاصة ان الواحد مابيستخسرش فيها حاجة وكل حاجة بفضل انى اجيبها جديدة واصلى من مكانها عالشان انسها بعد كدا ،
انا صرفت كتيير اوى عليها لكن بصراحة اللى بحطه فيها بلاقيه قطع غيارها غالية نسبيا بس معمرة
و بصراحة كل ماافكر ابيع مالاقيش حاجة افضل منها بنفس الثمن
فارجع فى راى تانى !! واقول العربية كويسة وبنت حلال
بس انا بحب اغير ومحتار ايه افضل منها بنفس سعرها او ازيد شوية ..؟؟ ايه رايكم يا شباب ؟؟