رابطة ملاك كيا سبكترا وقطع غيارها

[Karim_Mohy]

موضوع الكهرباء والفرقعه تقريبا مظهرش...مجربتش العربية غير مرتين من ساعتها
روحت للكهربائي...طلع سبب الفرقعه واستهلاك البنزين في البوجيهات وسلوك البوجيهات...ونضفنا الانجيكشن بالاسبراي
البوجيهات ب 100 ج ngk 4 الواحد ب 25ج
السلوك ب 80 وكان عايز 85
الاسبراي ب 35
والحاجة كانت من عند واحد في الضاهر عشان لو فيه فروق في الاسعار

[3bdelr7man]

السلام عليكم

معروض علي عربية سبكترا 2005 اوتوماتيك ب 50000

حالتها معقولة وصاحبها وبيقولي لسه مغيرلها فتيس ومساعدين

ماشية حوالي 100000

انا عايز اعرف من جضراتكم عيوب ومميزات هذه السيارة من ناحية الاعتمادية وقطع الغيار والعفشة هل هي ناعمة في المطبات وتتحمل المطبات في مصر ولا ايه وكمان اعادة البيع

وهل فعلا اي عربية اوتوماتيك قديمة بيبقى فيها مشاكل كتير ؟

للمعلومة انا مش بعرف اسوق ودي اول عربية هاشتريها ان شاء الله يعني انا مش عايز جري ولا شقاوه انا محتاج من العربية تكون اعتمادية واعطالها قليلة علشان انا قليل الخبرة في عالم السيارات
استخدامي داخل 6 اكتوبر يعني حوالي 50 كيلو بيني وبين الشغل 25 رايح وزيهم جاي وسفرية 400 كيلو رايح جاي كل كام شهر


وجزاكم الله خيرا

[wma_eg]

السلام عليكم

معروض علي عربية سبكترا 2005 اوتوماتيك ب 50000

حالتها معقولة وصاحبها وبيقولي لسه مغيرلها فتيس ومساعدين

ماشية حوالي 100000

انا عايز اعرف من جضراتكم عيوب ومميزات هذه السيارة من ناحية الاعتمادية وقطع الغيار والعفشة هل هي ناعمة في المطبات وتتحمل المطبات في مصر ولا ايه وكمان اعادة البيع

وهل فعلا اي عربية اوتوماتيك قديمة بيبقى فيها مشاكل كتير ؟

للمعلومة انا مش بعرف اسوق ودي اول عربية هاشتريها ان شاء الله يعني انا مش عايز جري ولا شقاوه انا محتاج من العربية تكون اعتمادية واعطالها قليلة علشان انا قليل الخبرة في عالم السيارات
استخدامي داخل 6 اكتوبر يعني حوالي 50 كيلو بيني وبين الشغل 25 رايح وزيهم جاي وسفرية 400 كيلو رايح جاي كل كام شهر


وجزاكم الله خيرا

نصيحة لله وعن تجربة لانى معايا 2004 اتوماتيك ،
ابعد عنها احسنلك
1- لان قطع غيارها نادرة و غالية وبلاقيها بصعوبة
2- وفيه حاجات كتيير للاسف مابتنزلش جديد فاهتطر تجيبها استيراد وانت وحظك
3- كمان موضوع تغيير الفتييس دا يقلق جدا

ومدام اول مرة تسوق يبقى خليك فى حاجة مصاريفها حنينة عالشان فى الاول هاتخبط كتير وحاجات هاتبوظ منك لقلة الخبرة وهاتصرف علشان تصلحها دا غير الوقفة عند الصنايعية

لو داخلة دماغك وخلاص هاتخدها خالى بالك لازم تاخد حد معاك يكون عنده خبرة وياريت لو كان ركب اسبكترا اتوماتيك قبل كدا عالشان هو دا الوحيد اللى هايحس باى عيوب فى العربية
وربنا يوفقك للخير ..

اللهم بلغت اللهم فاشهد

[3bdelr7man]

نصيحة لله وعن تجربة لانى معايا 2004 اتوماتيك ،
ابعد عنها احسنلك
1- لان قطع غيارها نادرة و غالية وبلاقيها بصعوبة
2- وفيه حاجات كتيير للاسف مابتنزلش جديد فاهتطر تجيبها استيراد وانت وحظك
3- كمان موضوع تغيير الفتييس دا يقلق جدا

ومدام اول مرة تسوق يبقى خليك فى حاجة مصاريفها حنينة عالشان فى الاول هاتخبط كتير وحاجات هاتبوظ منك لقلة الخبرة وهاتصرف علشان تصلحها دا غير الوقفة عند الصنايعية

لو داخلة دماغك وخلاص هاتخدها خالى بالك لازم تاخد حد معاك يكون عنده خبرة وياريت لو كان ركب اسبكترا اتوماتيك قبل كدا عالشان هو دا الوحيد اللى هايحس باى عيوب فى العربية
وربنا يوفقك للخير ..

اللهم بلغت اللهم فاشهد

انا بشكر حضرتك جدا على الرد
انا بقالي كتير متردد وقبل ما تيجي قدامي السبكترا كنت بفكر في لوجان 2009 مانيوال

والسبب الي خلاني افضل الاسبكترا انها مع واحد صاحبي في الشغل انا بثق فيه انما اللوجان لسه هادور على النت
ثانيا هو قاللي ان قطع غيارها متوفره عادي وقالي في واحد عند سنترال رمسيس عنده كل لحاجة العربية وعددلي في مميزاتها

ارجوا من حضرتك توضحلي ليه موضوع الفتيس ده مقلق

[mohamedkaouh]

موضوع الكهرباء والفرقعه تقريبا مظهرش...مجربتش العربية غير مرتين من ساعتها
روحت للكهربائي...طلع سبب الفرقعه واستهلاك البنزين في البوجيهات وسلوك البوجيهات...ونضفنا الانجيكشن بالاسبراي
البوجيهات ب 100 ج ngk 4 الواحد ب 25ج
السلوك ب 80 وكان عايز 85
الاسبراي ب 35
والحاجة كانت من عند واحد في الضاهر عشان لو فيه فروق في الاسعار

حسيت بفرق في سحب العربيه ؟

[Karim_Mohy]

حسيت بفرق في سحب العربيه ؟

الي حد ما بقي احسن...وجربتها الصراحة في مشوار لقيت الاستهلاك مبقاش كتير وبقي زي الاول...

[wma_eg]

انا بشكر حضرتك جدا على الرد
انا بقالي كتير متردد وقبل ما تيجي قدامي السبكترا كنت بفكر في لوجان 2009 مانيوال

والسبب الي خلاني افضل الاسبكترا انها مع واحد صاحبي في الشغل انا بثق فيه انما اللوجان لسه هادور على النت
ثانيا هو قاللي ان قطع غيارها متوفره عادي وقالي في واحد عند سنترال رمسيس عنده كل لحاجة العربية وعددلي في مميزاتها

ارجوا من حضرتك توضحلي ليه موضوع الفتيس ده مقلق

تقلق من الفتيس لان مافيش اى حاجة تخص الفتيس موجودة جديدة فى السوق فالازم تجيبها استيراد ودا معناه انك هاتتعامل مع تجار الاستيراد ودى معاملتهم اوسخ معاملة لانهم طماعين وهايبعو ويشترو فيك عالشان تاخد منهم حاجة للفتيس وطبعا مغالاه فى اسعار وكمان بعد ماتخد قطعة الغيار انت وحظك يتطلع شغالة يا تقرفك وتروح لواحد غيره وتعيد القصة الكلام دا عن تجربة لانى مغير 2 فتيس اتوماتيك استيراد

(: الظاهر ان التاريخ بيعيد نفسه

انا من سنة ونصف تقريبا كنت بدور على عربية ودى كانت اول تجربة ليا و اول مرة اسوق استلمنى واحد صاحبى من الشغل كنت بثق فيه برضه وقعد يعددلى فى مميزتها وافنعنى بيها وخدتها منه وقولت لنفسى اللى اعرفه احسن من اللى معرفوش واهى تبقى اضمن ماشترى من السوق

عايز اقولك انا صارف على العربية لحد دلوقتى اكتر من 17000 جنيه فى خلال فترة السنة ونص بس
منهم تغيير 2 فتيس اتوماتيك استيراد
وكمان غيرت 4 كاوتش وبطارية
و 4 قواعد ماتور

و2 فانوس امامى وقربة مساحات وسمكرة ودوكو اكصدام ورفرفين وكبوت (دول منى انا بسبب خبطة )
ورديتاتير وطربمة مية
وبربيز ازاز امامى و مكنة رفع الازاز اللى جنبى
والعفشة بالكامل 4 مساعدين و2 كوبلن داخلى و2 كوبلن خارجى وبطاحات
وحاجات تانية كتير مش فاكرها دلوقتى

انا عايز اقولك انا كنت لا أفقه شيء فى العربيات ومن وقفتى عند الميكانيكية و العفشجية والكهربائية و الصنايعية بقيت خبرة و اتعلمت فيها كتييييير عن الصيانة بس كل دا على حساب وقتى واعصابى وطبعا جيبي
): بصراحة انا كرهت المستعمل ..

بص عالشان ماتفكرش كتيير العربية نفسها كا موديل محترم ممتازة واعتمادية وجسمها تقيل وقوى ومحمل مش زى الجديد
وان كان فيها بعض العيوب زى ان فراملها ضعيفة بتاخد وقت اطول عالشان توقف مقارنة بالعربيبات الجديدة دا عالشان مافيهاش abs استهلاكها فى البنزين ازيد شوية عن الجديد دا عالشان عدى عليها 10 سنين شغل فاطبيعى يكون ادائها اقل

بس فى الاخر كل عربيه ليها وعليها ومافيش عربية مالهاش عيب ... المهم تكون عارف عيب الموديل اللى هاتركبه وعارف هاتتعامل معاه ازاى وتقبله ...

انا عن نفسى لو رجع بيا الزمن لورا ومتطر اشترى مستعمل هاختار عربية قطع غيارها رخيصة زى الانوس مثلا عالشان مصاريفها اقل وقطع غيارها متوفرة مش هاتلف وتدوخ عليها زى الاسبكترا غير كمان سهولة اعادة البيع .. لو بتفكر فى المستعمل هات عربية تكون منتشرة عالشان ماتتعبش زيه

والافضل من كل دا انك تجيب زيرو طبعا حتى لو كان بالقسط

وربنا يوفقك

[wma_eg]

انا بشكر حضرتك جدا على الرد
انا بقالي كتير متردد وقبل ما تيجي قدامي السبكترا كنت بفكر في لوجان 2009 مانيوال

والسبب الي خلاني افضل الاسبكترا انها مع واحد صاحبي في الشغل انا بثق فيه انما اللوجان لسه هادور على النت
ثانيا هو قاللي ان قطع غيارها متوفره عادي وقالي في واحد عند سنترال رمسيس عنده كل لحاجة العربية وعددلي في مميزاتها

ارجوا من حضرتك توضحلي ليه موضوع الفتيس ده مقلق

نسيت اقولك لو خدت قرار بشرئها انا اقدر اساعدك لانى عند كل الداتا اللى تلزمك من اسماء واماكن وتليفونات كل محلات قطع الغيار الجديد والمستعمل واعرف افضلهم كمان

بس تقل جيبك يا حلو ... وفضى نفسك ... عالشان هاتوقف عند الصنايعية كتير

[3bdelr7man]

نسيت اقولك لو خدت قرار بشرئها انا اقدر اساعدك لانى عند كل الداتا اللى تلزمك من اسماء واماكن وتليفونات كل محلات قطع الغيار الجديد والمستعمل واعرف افضلهم كمان

بس تقل جيبك يا حلو ... وفضى نفسك ... عالشان هاتوقف عند الصنايعية كتير

ربنا يبارك في حضرتك يا بشمهندس ويجازيك خير على النصائح الغالية دي كلام حضرتك منطقي ميه في الميه

وربنا يعوضك خير

فعلا الواحد يجيب فرنا او لانوس او نوبيرا او حتى لوجان ودول ديتهم معروفه لحد ما ربنا يسهل والواحد يقدر يجيب زيرو

انا بس فكرت في الاسبكترا علشان دلع الاوتوماتيك بس واضح انه مش دلع خالص

انا بشكر حرتك مره تانيه وجزاك الله خيرا

[mohamedkaouh]

انا عندي لمبة الزيت ساعات بتفضل منوره بعد ما ادور العربيه حوالي ثانيتين و او تلاته و تطفي ... هو دا عادي ؟

[wma_eg]

شييك على الزيت

انا عندي لمبة الزيت ساعات بتفضل منوره بعد ما ادور العربيه حوالي ثانيتين و او تلاته و تطفي ... هو دا عادي ؟

1- شييك على الزيت
واذا كان تمام
2- اعمل ريست للكنترول بتاع العربية

[mohamedkaouh]

1- شييك على الزيت
واذا كان تمام
2- اعمل ريست للكنترول بتاع العربية

الزيت تمام , انا لسه مغيره من شهرين و كان ناز كويس الحمدلله و مش ناقص ..
ريست كنترول ممكن فعلا اجربها , بس معنى كده الوضع ده مش طبيعي ؟

[dreamsmake]

الزيت تمام , انا لسه مغيره من شهرين و كان ناز كويس الحمدلله و مش ناقص ..
ريست كنترول ممكن فعلا اجربها , بس معنى كده الوضع ده مش طبيعي ؟

انا اعتقد انها مشكلة لزوجة الزيت ممكن تكون خفيفة .. وأول الزيت ما بيسخن بيظبط فاللمبة بتطفي وياريت متحركش العربية قبل ما اللمبة تنطفي علشان متعملكش مشكلة
بس الموضوع اجتهاد شخصي

[dreamsmake]

انا اعتقد انها مشكلة لزوجة الزيت ممكن تكون خفيفة .. وأول الزيت ما بيسخن بيظبط فاللمبة بتطفي وياريت متحركش العربية قبل ما اللمبة تنطفي علشان متعملكش مشكلة
بس الموضوع اجتهاد شخصي

اسف اللزوجة تقيلة.. علشان كده بياخد وقت على ما يزيت المكنة

[Karim_Mohy]

الفكرة لو حد فكر يبيع العربية مش هاتجيب سعر او رينج عربية كويسه مقارنة بيها
رأيكوا ايه في الكلام ده