رابطة ملاك كيا سبكترا وقطع غيارها

[bassam nagy]

كيا اسبكترا 2004 العربية بتكتم على الغيار الثانى لمدة 10 ثوانى وتسحب تانى وساعات على الثلاث بالرغم من البوجيهات جديدة وفلتر البنزين والهواء

[mohamedkaouh]

نضف علبة الكانستر او جرب الغيها شويه و شوف كده ايه النظام

[mohamedkaouh]

يا جماعه انا عايز اغير رومان البلي الامامي , ايه احسن الانواع و هل فيه مقاس بسأل عنه ؟ و الاسعار بكام و تكلفة التركيب ؟

هو بتاع العفشه بيغيره و لا ميكانيكي احسن ؟

[mohamedkaouh]

في انتظار الردود في موضوع رمان بلي العجل :)

[mohmmedzohier]

السلام عليكم

skf يابانى




الاصليه فى علبه كيا ومن الداخل skf


يا تشتريها من الجندى يا تفكها عشان المقاس وتنزل بيها وسط البلد عند المستورد العنتيلى (خلى بالك فى مضروب من كتير

[Karim_Mohy]

تصليح الباور:

الباور فصل مني وانا ماشي ومالقتش نقطة زيت والدريكسيون ناشف جدا...زودت زيت....نزل ع الارض...المهم الميكانيكي قالي انزل شارع شامبليون قبل كشري ابو طارق فيه ممر علي الشمال هو اول محل ...مكانش عرف اسمه بس بالسؤال والوصف لقيناه اسمه صلاح...للعلم هاتلاقي ناس بتوقفك وتقولك تصليح دريكسيون..باور...وماتضمنش
المهم بص وقالي تغيير خرطوم عشان مقطوع..الحمد لله انها جت في كده..وقالي لو مشيت عليها كتير ممكن تجيب ماكينة باور....التكلفة 160 ج ومش عايز لا يتكلم ولا ينزل وبيقول الخرطوم بره ب 110 هاته وكده...المهم مجبر عشان كذا حد قالي لو مشيت من غير زيت ماكينة الباور ممكن تبوظ..........فعلا غير الخرطوم وزود الزيت...والحمدلله تمام..وقال لو الزيت نقص اعدي عليه...ربنا يستر بقي ان شاء الله...بس الحمد لله تمام لغاية دلوقتي

[mohamedkaouh]

انا حصل نفس الموضوع معايا , جبت الخرطوم ب 50 جنيه و لفيت كتير على ما لقيته و كنت مستغليه و تمن التركيب تقريبا 20 جنيه

[mohamedkaouh]

skf يابانى




الاصليه فى علبه كيا ومن الداخل skf


يا تشتريها من الجندى يا تفكها عشان المقاس وتنزل بيها وسط البلد عند المستورد العنتيلى (خلى بالك فى مضروب من كتير

شكرا لردك , بس معندكش فكره عن سعره و تمن تركيبه , و هل ممكن عفشجي ولا لازم ميكانيكي ؟

[ramiomr]

السلام عليكم
حد غير دراع النور قبل كده وبكام

[Karim_Mohy]

انا حصل نفس الموضوع معايا , جبت الخرطوم ب 50 جنيه و لفيت كتير على ما لقيته و كنت مستغليه و تمن التركيب تقريبا 20 جنيه

طب ده 50 ج ده كويس بالنسبة للاشتغالات اللي حصلت ....الحمد لله

[Karim_Mohy]

السلام عليكم
حد غير دراع النور قبل كده وبكام

مره سألت عليه وكان ب 160 او 170 بس مش عارف اصلي ولا لأ

[mohamedkaouh]

طب ده 50 ج ده كويس بالنسبة للاشتغالات اللي حصلت ....الحمد لله

هو 50 ده علشان مكنش عارف ايه نوع العربيه , لما سألت في تارجت و قولتله سبكترا قاللي 75 تقريبا و مش موجود ... الحمدلله المهم ان الموضوع اتقضى :)

[dreamsmake]

هو 50 ده علشان مكنش عارف ايه نوع العربيه , لما سألت في تارجت و قولتله سبكترا قاللي 75 تقريبا و مش موجود ... الحمدلله المهم ان الموضوع اتقضى :)

هو ده كان انهي خرطوم ياباشا ..علشان انا عندي الخرطوم اللي تحت خالص هو اللي مرشح وبينقص زيت وتارجت قالي ب 75 وموجود عنده.. وكمان انا كنت مغير كبالن كوري من حوالي سنة ودلوقتي فرده منهم بطقطق فلو حد يعرف نوع نضيف يقولي ولا ده العمر الافتراضي بتاعهم

[mohamedkaouh]

هو ده كان انهي خرطوم ياباشا ..علشان انا عندي الخرطوم اللي تحت خالص هو اللي مرشح وبينقص زيت وتارجت قالي ب 75 وموجود عنده.. وكمان انا كنت مغير كبالن كوري من حوالي سنة ودلوقتي فرده منهم بطقطق فلو حد يعرف نوع نضيف يقولي ولا ده العمر الافتراضي بتاعهم

هو ده الخرطوم اللي ناحيت علبة الكانستر السوده اللي راكبه في صدر العربيه

[dreamsmake]

تحت ولا من فوق من عند علبة الزيت