رابطة ملاك كيا سبكترا وقطع غيارها

[mohmmedzohier]

السلام عليكم

ياكبير المشكله اللى عندك دى مش ماتور طرمبه انا بتكلم عن الشوما . والمشكله الى مكتوبه على الموقع الاجنبى دى تسريب بنزين مش زى اللى عندك

افصل الخرطوم الواصل من الكانستر الى بلف الكانستر



كنت عايز اعرف فك ماتور الطلمبه ولو عندك صور لما بدلتها

[mohamedkaouh]

انا مغيرتش ماتور طرمبة البنزين , انا بس نضفة الطرمبه و الحمدلله تنفيس هوا التانك مبقاش موجود , بالنسبه للكانستر انا فكت الخراطيم بتاعته بس مفيش فرق و رجعته تاني ... بالنسيه للينك اللي فوق هو مش زي المشكله اللي عندي بالظبط بس انا بدات افكر اني اجربها بتغيير غطا التانك و اشوف النتيجه :)

[مصطفى احمد عبد]

عندى مشكلة فى عربيتى كيا سبيكترا 2005 اوتوماتيك بصراحة عربية فاشلة جدااااااا ومفيش قطع غيار انا لفيت الكرة الارضية على علبة فيوزات بالفيشة بتاعتها مش موجودة اطلاقا والتوكيل بيقولى ب2200جم ونجيبهالك بعد شهر ونص حد عندة حل للمشكلة دى مع العلم بان العربية واقفة مش بركبها نظرا للمشكلة دى

[mohamedkaouh]

جرب استيراد

[wma_eg]

يا جماعة عربيتى اسبكترا 2004 اتوماتيك .. جابت فتيس وانا عايز اعرف ايه الافضل اجيبه من استيراد من بورسعيد ولا من الحاج سوسو فى المريوطية ولا الحرفين هما كلهم بيتكلمو فى 2000 الى 2500 ايه ريكم لو مكانى هاتعملو ايه .. ارجو النصيحة

وكمان مش لاقى كبالن داخلى لو حد يعرف الاقيها فين وبكام ياريت يقولى اكون شاكر

[mohmmedzohier]

يا جماعة عربيتى اسبكترا 2004 اتوماتيك .. جابت فتيس وانا عايز اعرف ايه الافضل اجيبه من استيراد من بورسعيد ولا من الحاج سوسو فى المريوطية ولا الحرفين هما كلهم بيتكلمو فى 2000 الى 2500 ايه ريكم لو مكانى هاتعملو ايه .. ارجو النصيحة

وكمان مش لاقى كبالن داخلى لو حد يعرف الاقيها فين وبكام ياريت يقولى اكون شاكر

بص الكبالن الداخليه عمرى ما سالت عليها ولاقيته غير مره واحده وكانت تيوانى


نصيحه فكها وروح لحد بيبيع قطع غيار كورى وقوله هات زى دى بيبقى فيه زيها واول لما تقوله كيا سبكترا بيجلوه شلل


او فى حل تانى لسه عرفه امبارح ان الصليبه بس اللى بتبوظ وبتباع 60 تقربيا

[teefa1985]

اولا انا مبسوط اني لقيت الرابطة دي هنا
ثانيا يسعدني اني انضممت للرابطة ﻷني اشتريت سبكترا النهاردة
العربية فعﻻ حلوة وناعمة وسحبها حلو جدا وتكييفها ما شاء الله عليه بس حاسس فيها برجرجة وكمان الشبك اليمين قفيله مش حلو اوي وكاوتش عصاية الفتيس وفرامل اليد عاوز يتغير
ياريت يا جماعة تقوليلي اعمل في الغربية عشان اخليها جديدة واظبطها وياريت تقولولي علي حد شاطر فيها يكون فيحلوان او المعادي وكمان محلات قطع غيار ليها في نفس المناطق
وشكرا

[mohmmedzohier]

السلام عليكم

حد غير رشاشات قبل كدا وهل فيه نوع بتاع عربيه تانيه يركب عندنا .فيرنا مثلا وتمنهم كام جديد او استراد

[ahmed2r3]

عربيتي للبيع
كيا سبكترا 2004 كاملة مانيوال
فايركه دواخل في كل حاجه
رشة بره بالكامل
سماوي اللون
حالة عامه جيدة ماشاء الله

[mohamedkaouh]

عازيز حد بتاع ظبط زوايا يكون كويس و عنده سبكترا في الهرم

[wma_eg]

عازيز حد بتاع ظبط زوايا يكون كويس و عنده سبكترا في الهرم

انا كمان متابع معاك لانى مش لاقى حد عنده مقاستها على جهاز ظبط الزوايا ..
ياريت حد يفيدنا يا جماعة

[wma_eg]

يا جماعة انا ظبط عفشة العربية وحابب اقولكم على تجربتى
اولا انا غيرت 2 بطاحة امامى و2 كوبلن خارجى وصلحت الكبالن الداخلى عالشان مالقتهاش وجبت 2 مساعد خلفى

الاسعار:
2 مساعد خلفى يابانى kyp بـ 650 جنيه من عند ابو زيد فى المريوطية
2 بطاحة امامى كورى بـ 300 جنيه من عند الصحبة فى دمشق
2 كاوتشة ميزان بـ 20 جنيه من ابو زيد
2 كاوتشة علبة دركسيون
2 كوبلن خارجى يابانى بـ 600 جنيه من عند نافع فى دمشق
وجبت 2 كاوتشة زجزاج للكبالن الداخلية بـ 50 جنيه وتم لحام للصليبة الكوبلن القديم وملو الكوتشا شحم واتركب واشتغل تمام

ملاحظات بعد الشغل ما خلص
الدركسيون بقى اخف من الاول والباور اداءه اتحسن كتير عن الاول
العربية بقت ناعمة وتمام وحاسيت بفرق كبير خاصة فى المطبات

حبيت انقل لكم تجربتى يمكن حد يستفيد منها ولو فى اى استفسار انا تحت امركم

[mohmmedzohier]

السلام عليكم

جبت منين الكاوتشه الكبالن الداخليه ويعنى ايه كاوتشة ميزان بـ 20 جنيه من ابو زيد

[mohamedkaouh]

بالنسبه لزوايا العربيه , بيكون موجود فعلا نوع العربيه "سبكترا" عند ورش ظبط الزوايا ؟ علشان انا عمري ماسألت عن الموضوع ده قبل كده ؟

[ahmedss3]

يا جماعة انا ظبط عفشة العربية وحابب اقولكم على تجربتى
اولا انا غيرت 2 بطاحة امامى و2 كوبلن خارجى وصلحت الكبالن الداخلى عالشان مالقتهاش وجبت 2 مساعد خلفى

الاسعار:
2 مساعد خلفى يابانى kyp بـ 650 جنيه من عند ابو زيد فى المريوطية
2 بطاحة امامى كورى بـ 300 جنيه من عند الصحبة فى دمشق
2 كاوتشة ميزان بـ 20 جنيه من ابو زيد
2 كاوتشة علبة دركسيون
2 كوبلن خارجى يابانى بـ 600 جنيه من عند نافع فى دمشق
وجبت 2 كاوتشة زجزاج للكبالن الداخلية بـ 50 جنيه وتم لحام للصليبة الكوبلن القديم وملو الكوتشا شحم واتركب واشتغل تمام

ملاحظات بعد الشغل ما خلص
الدركسيون بقى اخف من الاول والباور اداءه اتحسن كتير عن الاول
العربية بقت ناعمة وتمام وحاسيت بفرق كبير خاصة فى المطبات

حبيت انقل لكم تجربتى يمكن حد يستفيد منها ولو فى اى استفسار انا تحت امركم

يا باشا لو سمحت ممكن تقولى الكبالن الداخليه بتعمل معاك ايه وهيا بايظه ؟؟ظ