رابطة الوحوش ملاك السيفيا (ج3)

[ezatahmed]

كده يبقى احسن حل تحط السياره على الكمبيوتر وتشوف مسجله وبرضو خليه يبصلك على حساس الاوكسوجين علشان ده برضو لو فى مشاكل ممكن ياكل بنزين كثير

تمام وماذا عن الخطفة فى السيارة بين الغيارين الاول والثانى وهى تنقل اوتوماتيكياً هل هذا يعنى مشكلة فى الفتيس؟ وهل يظهرها الكمبيوتر؟

[pero17]

السلام عليكم با أهل السيفياوية، عندى فى السيفيا 99 أتو لما بدور الصبح بلاقى دخنة رحتها تقرف لمدة 30 ثانية و بعد كدة بتروح، من الكلام مع جورج الميكانيكى قال دة جلد صباب و هييفك وش السلندر و يتغير، انا متعماتش مع جورج قبل كدة فهل هوة كفاءة فى عمل نص العمرة و لأ علما انه هياخد مصنعية اغلى شوية من العادى. لو حد جرب جورج ياريت يفيدنى اعمل عندو و لا لأ و لو حد عندو أى ميكانيكى تانى كفاءة و جربو في ياريت يدلنى عليه.

[the9ranger]

تمام وماذا عن الخطفة فى السيارة بين الغيارين الاول والثانى وهى تنقل اوتوماتيكياً هل هذا يعنى مشكلة فى الفتيس؟ وهل يظهرها الكمبيوتر؟

مشاكل الفتيس الاوتو كثيره جدا وبصراحه انا مش بفهم فيها اوى علشان طول عمرى معايا مانيوال بس ممكن حد ثانى معاه اوتوماتك يفيدنا على موضوع النتشه دى وبرضو هسالك اصحابى ولو عرفت حاجه هقولك

[SPY123]

تمام وماذا عن الخطفة فى السيارة بين الغيارين الاول والثانى وهى تنقل اوتوماتيكياً هل هذا يعنى مشكلة فى الفتيس؟ وهل يظهرها الكمبيوتر؟

انا معايا سيفيا اتوماتيك ومعايا الخطفه الى بتتكلم عليها دى بين الاول والتانى بقالها سنه ومعرفش ده ايه لو عرفت دى من ايه ياريت تقولنا

[mas0h]

السلام عليكم با أهل السيفياوية، عندى فى السيفيا 99 أتو لما بدور الصبح بلاقى دخنة رحتها تقرف لمدة 30 ثانية و بعد كدة بتروح، من الكلام مع جورج الميكانيكى قال دة جلد صباب و هييفك وش السلندر و يتغير، انا متعماتش مع جورج قبل كدة فهل هوة كفاءة فى عمل نص العمرة و لأ علما انه هياخد مصنعية اغلى شوية من العادى. لو حد جرب جورج ياريت يفيدنى اعمل عندو و لا لأ و لو حد عندو أى ميكانيكى تانى كفاءة و جربو في ياريت يدلنى عليه.

نصيحة لله بلاش, وخصوصا انها مش هتأثر عليك فى حاجة غير شوية الهبابا اللى بيطلعوا الصبحية, وده غالبا بيبقى بسبب البنزين لان معظم البنزينات بقت تغش البنزين, لا جلد صباب ولا اى حاجة, شوف الزيت بتاعك طالما مش بينقص يبقى انت فى التمام.

الموضوع ده كان حصل عندى الشتاء اللى فات وكان بسبب البنزين.

[the9ranger]

يا جماعه اقصى سرعه جت بالسيفيا كام انا امبارح جبت بيها 195 مش راضيه تجيب 20 خالص الا فى المنزل حد جاب اكثر من كده

[pero17]

نصيحة لله بلاش, وخصوصا انها مش هتأثر عليك فى حاجة غير شوية الهبابا اللى بيطلعوا الصبحية, وده غالبا بيبقى بسبب البنزين لان معظم البنزينات بقت تغش البنزين, لا جلد صباب ولا اى حاجة, شوف الزيت بتاعك طالما مش بينقص يبقى انت فى التمام.

الموضوع ده كان حصل عندى الشتاء اللى فات وكان بسبب البنزين.

شكرا جدا لردك و أهتمامك بس الدخنة عندى بتطلع لما بكون راكن العربية باليومين و اكثر و لكن لو كل يوم بنزل بيها الصبح مفيش حاجة غير انها حصلت معايا الشتاء اللى فات بس مكنش الدخان و لا الريحة جامدة كدة و فى الصيف مفيش دخان خالص بس فيه ريحة دخنة مع أول الدوارة، مش عارف بقة هل لما تتركن فترة فى البرد دة بيكون الجلد بينشف و يشقق فينزل رشح زيت على البساتم يكون هوة دة الى بيتحرق مع أول دوارة و بعد كدة بيروح و لا يكون بسبب البنزين زى ما حضرتك بتقولى،، طب هل كشفت وقتها عليها و لا غيرت محطة البنزين بس

[SPY123]

يا رجاله انا لبست بلاعه امبارح وصوت العربيه بقى زى الزفت روحت للميكانيكى علبه الشكمان يا ترى دى اتخرمت ولا اتكسرت ولو هتتغير حد يعرف بكام دى جديده ؟؟؟ واستيراد؟؟؟

[zomprakes]

شكرا جدا لردك و أهتمامك بس الدخنة عندى بتطلع لما بكون راكن العربية باليومين و اكثر و لكن لو كل يوم بنزل بيها الصبح مفيش حاجة غير انها حصلت معايا الشتاء اللى فات بس مكنش الدخان و لا الريحة جامدة كدة و فى الصيف مفيش دخان خالص بس فيه ريحة دخنة مع أول الدوارة، مش عارف بقة هل لما تتركن فترة فى البرد دة بيكون الجلد بينشف و يشقق فينزل رشح زيت على البساتم يكون هوة دة الى بيتحرق مع أول دوارة و بعد كدة بيروح و لا يكون بسبب البنزين زى ما حضرتك بتقولى،، طب هل كشفت وقتها عليها و لا غيرت محطة البنزين بس

باشا نفس الحوار حصل معايا و بعض الزملة هنا و دا مش جلد صباب دا بس من الركنة فالزيت بيترسب و لما تدور الصبح بيتحرق فابيطلع دخنة و حلها تمشي بالعربية مشوار طويل شوية و تقرص شوية عليها في الجري هاتلاقيها اختفت

[zomprakes]

يا رجاله انا لبست بلاعه امبارح وصوت العربيه بقى زى الزفت روحت للميكانيكى علبه الشكمان يا ترى دى اتخرمت ولا اتكسرت ولو هتتغير حد يعرف بكام دى جديده ؟؟؟ واستيراد؟؟؟

لو شكمان بيتلحم عادي و بيرجع زي الاول لو الصوت بقي عامل كانك مركب ديفيل بس وحش يبقي شكمان

[pero17]

باشا نفس الحوار حصل معايا و بعض الزملة هنا و دا مش جلد صباب دا بس من الركنة فالزيت بيترسب و لما تدور الصبح بيتحرق فابيطلع دخنة و حلها تمشي بالعربية مشوار طويل شوية و تقرص شوية عليها في الجري هاتلاقيها اختفت

مشكور لردك يا باشا بس ممكن توضحلى الزيت بيتسرب منين لى فين، علما أن انا من سكان الشيخ زايد و شغلى فى التحرير و مشاورى غالبيها طرق مفتوح و بشد بيها سرعات عالية

[SPY123]

لو شكمان بيتلحم عادي و بيرجع زي الاول لو الصوت بقي عامل كانك مركب ديفيل بس وحش يبقي شكمان

انا عملت الشكمان النارده طلع الززوور بتاع علبه الشكمان مقطوع ومتبهدل لحمه لحام كهرباء وركبه رجعت زى الفل الحمد لله انها جت على قد كده وخلو بالكو يا رجاله لما تيجو تركنو بصو كويس يمينكو وشمالكو قبل ما تيجو تطلعو تانى من الركنه انا كنت راكن جنب بلاعه غطاها مسروق والناس الله يكرمها كانو حاطين جبل حجر حواليها رجعت لورا وبعدين بطلع لقدام لبست حجرين كبار من تحت من الخده بتاعت الصوت الى بيكحت من تحت الى كان بيكحت فى قلبى بصراحه جبت ريفرس ورجعت فراح الززور اتقطم 3/4 والحمد لله على كل شيء

[medo_chemist]

السلام عليكم ورحمة الله وبركاتة
انا نويت اغير ماكينة الباور (سيفيا 2000 مانويال)الافضل اني اجبها استيراد ولا جديد؟؟؟
في ناس بتقول الاستراد احسن علشان دة بتاع بلادة وسنته
انا محتار

[Ahmed_Ramadan]

مشكور لردك يا باشا بس ممكن توضحلى الزيت بيتسرب منين لى فين، علما أن انا من سكان الشيخ زايد و شغلى فى التحرير و مشاورى غالبيها طرق مفتوح و بشد بيها سرعات عالية

أنت غيرت زيت قريب ؟؟

ممكن تجرب حاجة و تقولى النتيجة فى خرطوم فايز من وش الموتور على اليمين رايح للخرطوم الهوا اللى رايح على المانفولد ....هو خرطوم رفيع كدهإخلعه من خرطوم الهوا قبل ما تدور الصبح لمدة يومين و قولى النتيجة إيه

[Ahmed_Ramadan]

انا عملت الشكمان النارده طلع الززوور بتاع علبه الشكمان مقطوع ومتبهدل لحمه لحام كهرباء وركبه رجعت زى الفل الحمد لله انها جت على قد كده وخلو بالكو يا رجاله لما تيجو تركنو بصو كويس يمينكو وشمالكو قبل ما تيجو تطلعو تانى من الركنه انا كنت راكن جنب بلاعه غطاها مسروق والناس الله يكرمها كانو حاطين جبل حجر حواليها رجعت لورا وبعدين بطلع لقدام لبست حجرين كبار من تحت من الخده بتاعت الصوت الى بيكحت من تحت الى كان بيكحت فى قلبى بصراحه جبت ريفرس ورجعت فراح الززور اتقطم 3/4 والحمد لله على كل شيء

الحمد لله إنها جت سليمة و محتاجتش تغير حاجة