رابطة الوحوش ملاك السيفيا (ج3)

[2amh]

استفسار عن سيفيا 99

السلام عليكم ورحمة الله وبركاته

أنا عايز رأيكوا يا شباب في السيفيا 99 كوري أصلي
كاملة مانيول دواخل فابريكة، من برة في جزء من الشنطة البوية بتاعته متأطأة، جنوك سبور، كاوتش جديد معروضة عليا بـ41 ألف ومش راضي ينزل ولا جنية، فأنا كنت عاوز أعرف السعر دة كدة مناسب عليها ولا لأ وحاجة كمان لو حد عند علم بأسعار قطع الغيار بتاعتها، لأني سمعت انها غالية حبتين ولكم جزيل الشكر

[medo_mony]

خلي بالكو من المطبات فى الاماكن الضلمة يا شباب فى عربية اتاخدت قدامي من يومين وانا راجع من الشغل واحد بيهدي للمطب من اقصى اليمين طلعت من على شماله عربية وزنقت عليه وقفلت عليه الطريق خالص ونزل منها 3 برشاشات وبعد كده مشفتش حاجة علشان طرت بالعربية

وكان فيه 3 عربيات غير 1 ملاكي و2 ميكروباص وكلهم طاروا معايا. الساعة كانت 8ونص مساءا

ربنا يعوض على صاحب العربية خير

ربنا يسترها معانا جميعا ان شاء الله

[max_ziro]

ربنا يسترها معانا جميعا ان شاء الله

يارب استرها معرنا فعلا الايام دى فيها حاجة غريبة

[max_ziro]

السلام عليكم ورحمة الله وبركاته

أنا عايز رأيكوا يا شباب في السيفيا 99 كوري أصلي
كاملة مانيول دواخل فابريكة، من برة في جزء من الشنطة البوية بتاعته متأطأة، جنوك سبور، كاوتش جديد معروضة عليا بـ41 ألف ومش راضي ينزل ولا جنية، فأنا كنت عاوز أعرف السعر دة كدة مناسب عليها ولا لأ وحاجة كمان لو حد عند علم بأسعار قطع الغيار بتاعتها، لأني سمعت انها غالية حبتين ولكم جزيل الشكر

لو حالتها نضيفى توكل على الله

[2amh]

لو حالتها نضيفى توكل على الله

هي خالتها نضيفة بس فيها شوية خدوش برة والكوبلن اليمين بيطأطأ وصاحب العربية قافش علي 41000، أنا بسأل الميكانيكي اللي بتاعمل معاه، قالي ان آخرها لو حالتها نضيفة قوي 38000 وبالعافية 38500، فأنا مش عارف أعمل ايه، وأستأذنك لو عندك خلفية بأسعار قطع الغيار الأساسية فيها، فوانيس تيل فرامل إكصدامات، الحاجات الإستهلاكية يعني

[engwms]

هي خالتها نضيفة بس فيها شوية خدوش برة والكوبلن اليمين بيطأطأ وصاحب العربية قافش علي 41000، أنا بسأل الميكانيكي اللي بتاعمل معاه، قالي ان آخرها لو حالتها نضيفة قوي 38000 وبالعافية 38500، فأنا مش عارف أعمل ايه، وأستأذنك لو عندك خلفية بأسعار قطع الغيار الأساسية فيها، فوانيس تيل فرامل إكصدامات، الحاجات الإستهلاكية يعني

حضرتك ممكن تحاول معاه ينزل السعر او تتفق معاه انه يصلحلك الحاجات اللى فيها
بالنسبة لقطع الغيار ان لسه مغير كبالن خارجى الواحد ب140 جنيه والداخلى 175 دول طبعا استيراد
عندك تيل امامى 80 ماستر فرامل اصلى 450 طقم بوجيهات nkg 55 فلتر بنزين 75 فلتر هواء 50

[2amh]

حضرتك ممكن تحاول معاه ينزل السعر او تتفق معاه انه يصلحلك الحاجات اللى فيها
بالنسبة لقطع الغيار ان لسه مغير كبالن خارجى الواحد ب140 جنيه والداخلى 175 دول طبعا استيراد
عندك تيل امامى 80 ماستر فرامل اصلى 450 طقم بوجيهات nkg 55 فلتر بنزين 75 فلتر هواء 50

الف شكر ليك
أنا فعلا هحاول معاه في كدة

[medo_mony]

الف شكر ليك
أنا فعلا هحاول معاه في كدة

بالتوفيق ان شاء الله ومبروك مقدما

[hima13385]

على فكره انا زعلان جدا جدا من الرابطه دي
ليه لان انا لاحظت انكم مش بتجوبو على اسئلة حد انتم مش تعرفوها واشتركت اكترمن مره وبسال اسئلةومش بلاقي حد يجاوبني حد لو انتم مش عارفين الاجابه المفروض تقدرو اللي بيسال
متشكر جدا للرابطه

[2amh]

ألف شكر لحضرتك
الله يبارك فيك

[max_ziro]

السلام عليكم
امبارح كنت مسافر بالعربيه وكنت ماشي يها تمام وانا راجع من السفر فجاه حسيت ان زي ميكون الكاوتش الامامي اليمين فضى شويه بمعنى اصح لقيت العربيه تحدف ناحية اليمين والتاره بترعش في ايدي وفيها تقل شويه مش عارف ده من ايه بس بعديها بشويه العربيه مشيت تمام وبعد كده اجي اضغط فرامل الاقي العربيه بتحدف يمين برده مع رعشة في الطاره وجيت في ملف يمين كسرت العجل لاقيت طقه من تحت من عند العجل
بعد ماروحت بصيت من تحت لاقيت كوتشة الاسكاترا مقطوعه والكاوتش منفوخ ومفيش حاجه فيه فهل دي تكون سبب للحصل ولا ايه
ياريت ياجماعه حد يفيدني عشان انا مش عارف السبب ايه؟
ملحوظه صغيره
ان العربيه مكنش فيها اي حاجه خالص وكانت ماشيه تمام وزي الفل ومخدش مطبات خالص بيها على فاجاه

المهم متزعلش يا عم
ملهمش علاقة ببعض خالص و الاعراض الى بتقولها دى ممكن تنتطبق على حجات كتير

[max_ziro]

بقول اية يا جدعان متيجى نتقابل الاسبوع الجاى

[Esam Mosaad]

يارب الجميع يكون بخير

انهارده كنت ناوى اروح اركب الكاسيت الى جبتوا هوا نوعه ادريان زى الى الجندى ركبه جبناه من شارع الازهر
وقولت انزل اروح لحد بتاع كاستات اركبه وبالمره اعدى على ميكانيكى يشوفلى اسلاك البوجيهات عشان بقى عندى تنتيشه اكن العربيه متلته

لاقيت بتاع الكاسيتات قافل والميكانيكى زحمه بعد مشترتهم عملين 50 جنيه كورى

المهم جه فى دماغى اركب الكاسيت بنفسى وقعدت اشوف المواضيع وتوصيل الاسلاك وغيره
وفعلا نزلت على الجراج وابتدى الشغل لاقيت الفيش فيها الوان مختلفه والوان متشابه ابتديت الاول بالكهربا والارضى واتاكد ان الكهربا ماشيه تمام مع الكونتاكت وابتديت اظبطت سلوك السماعات والموضوع كان لذيذ والحمدلله الكاسيت اشتغل وبقى زى الفل ومحتجتش افك حاجه لانى ركبت الكاسيت على فريم الكاسيت القديم

بعد مخلصت الكاسيت طلعت على سلوك البوجيهات ركبتها وكلوا تمام والعربيه ظبطت وان شاء الله اروح بكره مشوار اجربها اكتر

الرابط ده فى موديلات كتير اغلبيه الكاسيتات الموجوده فى السوق والدواير بتعتهم والتوصيلات هيفيدكوا كتير
http://www.4shared.com/rar/vlPFRZ75/...?cau2=403tNull

ديه شويه صور

[engwms]

يارب الجميع يكون بخير

انهارده كنت ناوى اروح اركب الكاسيت الى جبتوا هوا نوعه ادريان زى الى الجندى ركبه جبناه من شارع الازهر
وقولت انزل اروح لحد بتاع كاستات اركبه وبالمره اعدى على ميكانيكى يشوفلى اسلاك البوجيهات عشان بقى عندى تنتيشه اكن العربيه متلته

لاقيت بتاع الكاسيتات قافل والميكانيكى زحمه بعد مشترتهم عملين 50 جنيه كورى

المهم جه فى دماغى اركب الكاسيت بنفسى وقعدت اشوف المواضيع وتوصيل الاسلاك وغيره
وفعلا نزلت على الجراج وابتدى الشغل لاقيت الفيش فيها الوان مختلفه والوان متشابه ابتديت الاول بالكهربا والارضى واتاكد ان الكهربا ماشيه تمام مع الكونتاكت وابتديت اظبطت سلوك السماعات والموضوع كان لذيذ والحمدلله الكاسيت اشتغل وبقى زى الفل ومحتجتش افك حاجه لانى ركبت الكاسيت على فريم الكاسيت القديم

بعد مخلصت الكاسيت طلعت على سلوك البوجيهات ركبتها وكلوا تمام والعربيه ظبطت وان شاء الله اروح بكره مشوار اجربها اكتر

الرابط ده فى موديلات كتير اغلبيه الكاسيتات الموجوده فى السوق والدواير بتعتهم والتوصيلات هيفيدكوا كتير
4shared.com - free file sharing and storage

ديه شويه صور

الف مبروك ياباشا ع الكاسيت
ياريت لو تدينا فكرة عن السعر بتاعه كام؟؟؟؟؟؟؟؟

[Ahmed_Ramadan]

بقول اية يا جدعان متيجى نتقابل الاسبوع الجاى

ما تأخروها شوية الواحد بقاله أسبوعين مريحش ...يعنى الأسبوع اللى بعديه تمام