رابطة الوحوش ملاك السيفيا (ج3)

[max_ziro]

هما مش h4 بس عالى وواطي
يعنى هى لمبة بول واحد جوا العدسة وفى قدامها حاجز معدني كده مغطي نص العدسة او ما تشغل العالى الحاجز ده بينزل يقوم يكشف نص العدسة التانى ويطلع شعاع النور كله

الفيديو ده فيه طريقة عمله

https://www.youtube.com/watch?v=iFF2XoZJIBo

اما بقه مسألة منين فى التوفيقية دي اسف مش هقدر اوصفلك المحل بالظبط لانى تقريبا عديت على كل المحلات لحد ملقيت واحد بيبيعهم

لو تفتكر انا اتصلت بيك يوميها علشان اسألك فين بالظبط وانت قلتلي مش عارف فين
انا اساسا اول مرة كنت انزل التوفيقية ومعرفش اوصفلك بس لو حابب انزل معاك هناك فى اي وقت علشان اوريك المحل انا تحت امرك وتليفوني معاك واهو بالمرة اردلك شوية من الجمايل بتاعتك :)

جمايل اية بس يا راجل يا طيب
انا عايز اقولك يوم ما كلمتنى انا كنت فى طنطا و بشترى حجات و مستعجل فحت عشات الحق القطر
معلش معرفتش اتكلم معاك باستفاضة
عموما يا باشا الف مبروك عليك و هما كدة يعتبروا h4 بيركبوا بلاج اند بلاى علطول فية عموما لو مش هيضايقك لو اقابلك اليومين دول اشوفهم عندك و بعد كدة نتوكل على الله و نجيبهم

[mas0h]

جمايل اية بس يا راجل يا طيب
انا عايز اقولك يوم ما كلمتنى انا كنت فى طنطا و بشترى حجات و مستعجل فحت عشات الحق القطر
معلش معرفتش اتكلم معاك باستفاضة
عموما يا باشا الف مبروك عليك و هما كدة يعتبروا h4 بيركبوا بلاج اند بلاى علطول فية عموما لو مش هيضايقك لو اقابلك اليومين دول اشوفهم عندك و بعد كدة نتوكل على الله و نجيبهم

تحت امرك يا باشا, شوف يناسبك امته وكلمني, انا شغلي فى المعادي لو انت قريب مني اعدي عليك ولو مش كده ممكن نتفق على مكان نتقابل فيه بس يكون بعيد عن القلق بتاع التحرير والمنطقة دي ولو حابب انهرده انا معنديش مانع

هخلص شغل على الساعة 5 بالكتير وهبقي فاضي بعد كده.

[medo_mony]

الله يبارك فيكو يا ردالة. مبدأيا كده اللى مش مركب عدسات على الزينون ماعرفش يعني ايه اضاءة حلوة بالليل. بجد يا جماعة حاجة تانية خالص واهم حاجة ان مفيش اى عربية مقابلاني قلبتلي العالي يعني مريح للى جاي فى وشك

النوع صيني اشتريته من التوفيقية ب 625 جنيه شامل:
2 بروجكتور + 2 رنج (Angle Eye)
2 محول 35 وات
2 غطا للعدسات شكله حلو وابن ناس
2 لمبة زينون 6000 كيلفن كنت عاوز اجيب ال 4300 بس ملقيتش
2 حاجة اسمها CCFL inverter ده تقريبا المحول بتاع الرينجات والمحول ده جاهز لتركيب الديفيل اى (Devil Eye) عين شوشو والعياز بالله , او ممكن يركب عليه كمان رنج
وجاي معاه كل الوصلات المطلوبة من ريلاي وحاجة اسمها هارنس (harnes)

ابتديت اليوم من الساعة 10 الصبح
فكيت الاكصدام علشان عربيتي شوما لازم عشان اطلع الفوانيس افك الاكصدام وده كان ارخم جزء بصراحة بس انا فكيته قبل كده فكنت عارف انا بعمل ايه.

فكيت الفوانيس ونضفتهم وظبطهم وبعدين ابتديت افك الوش الشفاف بتاع الفانوس بالهوت اير وده جهاز كده بتاع لحامات وحاجت بيستخدمه بتوع صيانة بوردات الكمبيوتر والموبايل

بعد كده ابتديت افك العواكس اللى جوا الفوانيس, بتتفك عن طريق مسامير ظبط الرجلاش بتاع النور, فضلت افك افك لحد ماطلع بس انا عندي فى الفوانيس بتاعتي ماكنة كهربا بتظبط رجلاش ارتفاع النور دى مش موجودة غير فى كيا شوما موديل 2000, دي طلعت عينى على مافكيت العاكس منها

اشتريت سبراي اسود مط ورشيت بيه العواكس والنواكل اللى جوا الفانوس.

علشان انا عربيتى شوما اللمبة اللى بتركب بتاعة النور الواطس h1 فكان لازم اوسع شوية مكانها علشان العدسة تركب

ركبت العدسات والرينجات وظبط التوصيلات كلها وفضلت ييجي ساعتين علشان اظبط مستوي النور على الارض كويس للفانوسين مع بعض والنتيجة مبهرة والحمد لله

ان شاء الله اصور الشغل وارفعلكوا الصور علشان تشفوه بس لازم مقابلة علشان تعرفوا تحكموا صح على المنظر

فوانيس الشوما للى ميعرفهاش عبارة عن جزئين واحد للواطي وواحد تاي للعالى
الخطوة اللى جاية ان شاء الله هى تركيب كمان جوز على الجزء بتاع العالي

الف مبروك يا باشا وربنا يباركلك فيهم بس ناقص الصور بتاعت الاضاءة علشان الصورة تكما ومبروك تانى مرة

[Ahmed_Ramadan]

تحت امرك يا باشا, شوف يناسبك امته وكلمني, انا شغلي فى المعادي لو انت قريب مني اعدي عليك ولو مش كده ممكن نتفق على مكان نتقابل فيه بس يكون بعيد عن القلق بتاع التحرير والمنطقة دي ولو حابب انهرده انا معنديش مانع

هخلص شغل على الساعة 5 بالكتير وهبقي فاضي بعد كده.

شغال فين فى المعادى ؟؟

[mas0h]

شغال فين فى المعادى ؟؟

ناحية شارع 9 جنب ميدان سوارس لو تعرفه ونادي المعادي

[mas0h]

الف مبروك يا باشا وربنا يباركلك فيهم بس ناقص الصور بتاعت الاضاءة علشان الصورة تكما ومبروك تانى مرة

من عينيا يا باشا اول مقدر اصورهم هرفع الصور هنا علطول

[max_ziro]

ناحية شارع 9 جنب ميدان سوارس لو تعرفه ونادي المعادي

كلمتك 3 مرات من رقمى التانى انت الى مردتش شوفت بقى ظالمنى ازاى

[Ahmed_Ramadan]

حد يعرف فلتر بنزين كويس غير الأصلى أبو 75 جنيه ده ؟؟

[mas0h]

كلمتك 3 مرات من رقمى التانى انت الى مردتش شوفت بقى ظالمنى ازاى

يا عم والله انا اللى كلمتك امبارح بس انت ماردتش فقمت مروح البيت ونسيت التليفون فى العربية عموما انا هكلمك اهه وبشهد الرجالة عليك

[Esam Mosaad]

ازيكو يا رجاله
من كام يوم كده خيشت تخييشه بسيطه في عربيه بيجو بس الحمد لله جات سليمه
طبعا هي غلطتي عشان الكاوتش بقالو كتير عاوز يتغير وانا باستهبل بصراحه
الخسائر كانت بسيطه جدا لاتذكر بس كان اهمها ان قاعدة الفانوس اليمين اتكسرت
انا مزعلتش عشان انا اصلا عاوز اغيره من فتره طويله لأنه غامق جدا
المهم بقى تاني يوم رحت دعبست على كاوتش لحد ما لقيت واحد جنبنا في المنيب عندو عجله نوعها جينيرال ودي صناعه اوروبي وقالي على ضمانتي دي زي الميشلان بالضبط وانا باشتغل فيها من زمان وانا الراجل ده اصلا انا باثق فيه وباتعامل معاه بقالي فتره طويله انا والحاج وبنجيب من عندو دايما للعربيتين
هو اللي خلاني اقلق شويه ان الفرده ب 370 جنيه بس هو نزلي فيها 20 حنيه عشان انا زبون قديم يعني
هي انتاج شهر نوفبر 2011 وعجله طريه وجميله بصراحه بعد التركيب لحاسس بيها حلوه وناعمه ومريحه في المطبات
طبعا انا كده كده كنت هاشتريها لأني لقيت اقل حاجه بعدها ب 420 جنيه

بعد كده قلت اشتري فانوسين جداد صيني بقى .. نزلت التوفيقيه الف عليهم مش لاقي صيني خالص كل اللي موجود تايواني ب 245 ج واحسن سعر سمعته فيه كان 220 ج وانا اصلا معييش فلوس وعامل حسابي على 135 ج او 150 ج للفانوس بالكتير
كنت خلاص هاستسلم واشتري وبعدين لقيت معايا كارت محل قطع غيار في ش مجلس الشعب قلت اتصل واسال لقيت عندهم الصيني موجود رحت رايح هلى هناك لقيت فانوس يمين موجود والراجل راح جابلي الفانوس الشمال من محل تاني وقالي ب 150
الفانوس اللي كان عند الراجل مكانش حلو لكن الفانوس التاني اللي جابهولي من بره كام احسن في الخامات والتقفيل وكان تقريبا زي التايواني قلتله مش لاعب انا عاوز الاتنين زي التاني ده قالي مينفعش ودي اخر حته قلتله من الاخر انا مش هاخد الفانوس الوحش ده هاتلي التاني زي الكويس وانا هازودك 5 جنيه قالي ماشي وجابهولي وكويسين جدا والحمد لله
بس لسه مركبتهمش عشان الكبوت عندي خدله نغزه كده من قدام والسمكري قالي مش هينفع استعدلهولك كويس عشان كل اللي تحتيه عضم ومش هاعرف اوصله بالسنده مفيش غير اني اشدهولك لبره بمسامير شك او الحم فيه حاجه واشد لبره وهيبقى مضعضع شويه والبوهيجي يعالجهولك بمعجون
فمش عارف اعمل ايه بصراحه
على العموم العربيه كلها اصلا محتاجه رشه جريئه الجنبين والاكصدامين بس مكنتش عاوز ارش الكبوت
انتو ايه رأيكم بقى

مبروك يا صقر وقدر الله وما شاء فعل
بس خلى بالك المره الجايه عشان متتعورش فى حاجه كبيره والله انت لو كنت قولتلى كنت جبتلى الفوانيس الاصلى الواحد على 150 جنيه عند واحد سمكرى نحيتى
ومبروك الكاوتش يا ريس وعاوزين يا عم نشوفك قريب بدل الصدف ديه

حد يعرف فلتر بنزين كويس غير الأصلى أبو 75 جنيه ده ؟؟

هتلاقى ابو 50 جنية بس 20 جنية فرق مش كتير انك متجبش الاصلى يا احمد ديه حاجه بتجبها كل فين وفين متسترخصش فيها خصوصا ان البنزين بتعنا فله شمعه منوره

[Ahmed_Ramadan]

هتلاقى ابو 50 جنية بس 20 جنية فرق مش كتير انك متجبش الاصلى يا احمد ديه حاجه بتجبها كل فين وفين متسترخصش فيها خصوصا ان البنزين بتعنا فله شمعه منوره

لو الفرق 20 جنيه يبقى الأصلى و على فكرة أنا جبته من الجندى و كان Mobis تقريبا كله بقى كده

على فكرة أنا إتصلت بيك إمبارح على الساعة 5 علشان كنت فى التوفيقية و كنت عاوز أسألك على لمبات العدادات بس إنت مردتش و بعدين كنسلت

[Esam Mosaad]

لو الفرق 20 جنيه يبقى الأصلى و على فكرة أنا جبته من الجندى و كان mobis تقريبا كله بقى كده

على فكرة أنا إتصلت بيك إمبارح على الساعة 5 علشان كنت فى التوفيقية و كنت عاوز أسألك على لمبات العدادات بس إنت مردتش و بعدين كنسلت

معلش يا احمد انا غيرت موبيلى والشريحه القديمه وقفتها عشان لازم شريحه نانو ومكنتش لسه نقلت الارقام
كونى بقى مردتش او كنسلت لان دماغى صدعت من الناس الى بتتصل عشان الجنوط
اكترمن 20 رقم فى اليوم وكل واحد بكلمه وفكتنى من الحوار كلوا
انا سجلت رقمك دلوقتى اخرو 814
وافضل نوع لمض للعدادا هوا مانهاتن وهتحتاج 4 لمض كبار وواحده صغيره
ولازم توحد الكروت عشان متخلفش فى الاضاءه
وعموما لو هتنزل تانى هتلاقى اللمض عند الناس الى فارشه فى الارض

[Ahmed_Ramadan]

معلش يا احمد انا غيرت موبيلى والشريحه القديمه وقفتها عشان لازم شريحه نانو ومكنتش لسه نقلت الارقام
كونى بقى مردتش او كنسلت لان دماغى صدعت من الناس الى بتتصل عشان الجنوط
اكترمن 20 رقم فى اليوم وكل واحد بكلمه وفكتنى من الحوار كلوا
انا سجلت رقمك دلوقتى اخرو 814
وافضل نوع لمض للعدادا هوا مانهاتن وهتحتاج 4 لمض كبار وواحده صغيره
ولازم توحد الكروت عشان متخلفش فى الاضاءه
وعموما لو هتنزل تانى هتلاقى اللمض عند الناس الى فارشه فى الارض

لأ عادى أنا هنزل بعدين أجيبهم علشان كنت مركز فى إنى أجيب كاوتش الصباب الأصلى اللمبات كنت هجيبها بالمرة و أركنها و أنا هناك أو أركبها و جورج شغال بيبقى فيه وقت

[zomprakes]

يا رجالة انا اتصلت بجورج الميكانيكي امبارح و قلتلو عايزين نعمل حبة حجات في العربية بس قالي اعمل حسابك العربية هاتبات فا اة رائيكو في حوار البيات دا انا صراحة بقلق من الموضوع دا ولا هو امان عادي اسبهالو ياريت تجوبني بسرعة لاني مفروض ابقي عندو دلوقتي

[Esam Mosaad]

يا رجالة انا اتصلت بجورج الميكانيكي امبارح و قلتلو عايزين نعمل حبة حجات في العربية بس قالي اعمل حسابك العربية هاتبات فا اة رائيكو في حوار البيات دا انا صراحة بقلق من الموضوع دا ولا هو امان عادي اسبهالو ياريت تجوبني بسرعة لاني مفروض ابقي عندو دلوقتي

قوله عصام بيقولك انجزنى ولا لازم هوا يكلمك وقوله هجيلك من بدرى يعنى على الساعه 10 ونبتدى نشتغل
وقوله هشتغل معاك كتشجيع مش اكتر
وسلملى عليه بس الاول برضوا انت ناوى على ايه
يعنى سيور وبلى وكدا ولا ناوى تعمل ايه ؟ يمكن فعلا الموضوع هيحتاج شغل على نظافه ومينفعش فيه عك