رابطة الوحوش ملاك السيفيا (ج3)

[medo_mony]

بسم الله الرحمن الرحيم
انا اول مره هكتب الشغل الى انا عملته فى العربيه بيدى عشان ملقتش حد كاتب عليه قبل كده كان فى عندى مشكله فى زرارير ازاز الكهربه قلت اتكل على الله واحاول اصلحه رحة فكيت المجموعه الى جنب السواق وابتديت افوك فيها لقيت البرده سليمه رحت غسلها ب اكاى الى بينظف بورد الكمبيوتر ورحت فاكك الزراير من جوه لقتها ب الشكل ده
رحت جايب سنفرا و سنفرت كل حاجه مسوده خلتها بتلمع تانى ورحة مقفل الزراير وقلت اجرب كده سبحان الله لقيتها اشتغلو وب كده وفرت عليه 350 ج وحدت زراير جديده نسبة النجاح 90%

كويس والله اللى انت بتعمل الحاجات دية بنفسك ما شاء الله عليك وبالتوفيق

[hassanmoktar]

من فضلوكم يا جماعة كنت عاوز حد يفيدنى عن تكلفة تصليح خبطه في الكبوت فوق الكالون يعنى في العضم هيفك الطبله عن القشره ويرش الكبوت بس ضرورى من فضلكم

[علاء111]

السلام عليكم يا شباب
انا لظروف السفر ناو ابيع السياره
بكل بساطه هى 99 كورى الاصل و اوتوماتيك
بصراحه هى ممتازه بس فيها بعض الحاجات الخارجيه اللى تتلم بفلوس بس ضيق الوقت
الاكصدام الامامى عايز يترمى فى الزباله :)
العربيه عايزه تترش رش نضيف علشان اللى قبلى كان راششها نضافه بس استرخص ف اللون بهت شويه و كمان فى كام حكه ف لازم يتعاد دهانها
ممكن (بس مش اكيد) تحتاج تغير البوجيهات
طبعا لمبة التشيك انجن بتنور و تطفى
زراير الازاز ملخلخه مش عارف عايزه تتلزق ولا ايه


اخيرا انا عايز مشورتكم:
ابيع على كده و فى ناس هاتقدر اصلي مستحرم افنشها تفنيش برضك عادى و ابيعها واللي ورايا بعد سنه ولا اتنين يرشها تانى

ولا اشطبها و ابيعها

اخيرا سعرها ممكن يعمل كام على كده او لو نضفتها

هى فعلا مافيهاش مشكله و انا غيرت السيور و حتى جبت زيت زانو الغالى و مستخسرتش فيها شئ و القواعد و الكبالن و كله تمام بس كان فاضلي اظبط بره.

شكرا يا شباب
سلام

[ahmed99]

شكرا يا باشا انا روحت لنافع وسألته عليهم بص مش موجودين وقالى تعالى اسأل عليهم بعد اسبوع هايكون جابهم شكرا على اهتمامك يا باشا

[MemoMaan]

شباب اللي مركب ستاير كبس بلاستيك للسيفيا ورا .. زجاج الشبابيك اللي ورا بينزل ويطلع عادي ولا الستاير معطلاه ؟

لاني جبت واحدة من التوفيقية والازاز ثابت مقفول مش بيطلع ولا ينزل وكانت هتحرق لي المكنة

معاكم عاملة ايه وهي راكبة ؟ ولو بيشتغل الازاز عادي جايبينها منين وبكام ؟

[ahmed99]

راكبة يا باشا والازاز بيطلع وينزل عادى جدا وانا جايبهم من شارع دمشق بــ 60 جنيه

[kimo haider]

معلومه على الماشى العقد المسجل لسيفيا 2001 520 جنيه

[ahmed99]

طيب ياباشا انا عربيتى 1999 وهاسجل الاسبوع ده ما تعرفش بكام

[kimo haider]

طيب ياباشا انا عربيتى 1999 وهاسجل الاسبوع ده ما تعرفش بكام

ممكن تلقيها نفس السعر او اقل 100 جنيه

[kimo haider]

بربريز امامى 330 من عند الثلاثى فعزبة شلبى

[ahmed99]

بارة داخلية وخارجية 50 جنيه الواحدة من عند الجندى
فانوس خلفى 100 جنيه
فلتر بنزين اصلى 80 جنيه
جوان غطا تاكيهات اصلى من عند الجندى 120 العادى بـ 50 جنيه وشغال لحد دلوقتى كويس
غطا ووتربروف من شارع دمشق 160 جنيه
طقم شماسات 4 قطع الخارجيين اللى على الازاز بــ 75 جنيه

[علاء111]

السلام عليكم يا شباب
انا لظروف السفر ناو ابيع السياره
بكل بساطه هى 99 كورى الاصل و اوتوماتيك
بصراحه هى ممتازه بس فيها بعض الحاجات الخارجيه اللى تتلم بفلوس بس ضيق الوقت
الاكصدام الامامى عايز يترمى فى الزباله :)
العربيه عايزه تترش رش نضيف علشان اللى قبلى كان راششها نضافه بس استرخص ف اللون بهت شويه و كمان فى كام حكه ف لازم يتعاد دهانها
ممكن (بس مش اكيد) تحتاج تغير البوجيهات
طبعا لمبة التشيك انجن بتنور و تطفى
زراير الازاز ملخلخه مش عارف عايزه تتلزق ولا ايه


اخيرا انا عايز مشورتكم:
ابيع على كده و فى ناس هاتقدر اصلي مستحرم افنشها تفنيش برضك عادى و ابيعها واللي ورايا بعد سنه ولا اتنين يرشها تانى

ولا اشطبها و ابيعها

اخيرا سعرها ممكن يعمل كام على كده او لو نضفتها

هى فعلا مافيهاش مشكله و انا غيرت السيور و حتى جبت زيت زانو الغالى و مستخسرتش فيها شئ و القواعد و الكبالن و كله تمام بس كان فاضلي اظبط بره.

شكرا يا شباب
سلام

؟؟؟

[medo_mony]

شكرا يا باشا انا روحت لنافع وسألته عليهم بص مش موجودين وقالى تعالى اسأل عليهم بعد اسبوع هايكون جابهم شكرا على اهتمامك يا باشا

العفو يا باشا بس حاول تجيب اليابانى انضف بكتير من اى نوع تانى وبالتوفيق

[scorpy]

السلام عليكم ....
عندي مشكلة وعايز حلها للناس اللي قابلهم الموضوع دا
اولا المشكلة دي بتظهر معايا ف السفر ... لمة التشك بتنور ... وبعد فترة العربية تقطع وتنتش وتبطل مني .. بعمل ريستارت واستنى 10 دقايق وامشي .. وتظهر تاني ..روحت لميكانيكي عنده جهاز .. كشف وقالي انه حساس شكمااااان
1- فعلا هو حساس الشكمان اللي بيعمل كده ولا طلمبة البنزين
2- اجيب حساس شكمان منين او قلب الطلمبة (((( الحساس عندي فيشته مصري وسلكه طويل حوالي 60 سم والحساس اللي لقيته عندي ف اسمعلية قصير وفيشته اوربي ... سالت كهربائي ممكن نوصله قالي اه بس هيغير الفيش او حاجه زي كده )))) افيدوني افادكم الله
وبالنسبه للكشف ع الطلمبة ... كهربائي ولا ميكانيكي ؟؟؟

[ahmed99]

بص ياباشا حساس الشكمان اعراضه ان العربية بتأكل بنزين بشراهة
ولمبة التشيك بتنور علطول لكن موضوع ان العربية تقطع ده عمره ما يحصل فالمشكلة عندك مش حساس الشكمان ويمكن يكون حساس الشكمان عايز يتغير بس ده بجانب المشكلة الاصلية اللى هى بتخلى العربية تقطع منك وانت ماشى
الحاجة التانية ان لو طرمبة البنزين هاتحتاج تشترى قلب الطرمبة بس وده بحوالى 120 جنيه تقريبا
( مش متأكد من السعر ) ولو انت ساكن نواحى الجيزة ها اقولك تروح على مين يجيبلك من الاخر .... بالتوفيق