رابطة الوحوش ملاك السيفيا (ج3)

[oslam]

انا معايا كيا سيفيا 99 اوتوماتيك
بحسة فى نتشة فى الفتيس وهو بينقل خصوا بين الاول والتانى
من التانى للتالت مفيش النتشة دى
لاكن عند سرعة 60 كيلو لما ينقل من التالث للرابع بحس بنتشة مرتين وبحس ان العربية مش عايزة تنقل برفع رلى من على دواسة البنزين واحطها تناى تنقل عادى من غير الناتشة
وبرده فى المرشدين وانا برجع بظهر بحس ان صوت العربية بيعلى وان العربية على السرعات الاولى يعنى من صفر ل 60 كيلوا مش بالسحب الطبيعى بتعها بعد كده بتجرى عادى
هل ممكن يكون مشكلة فى الفتيس

علما بان قياس زيت الفتيس مظبوط وجيد

ولو حد عارف حد متخصص فى الموضوع ده فى محيط جسر السويس يبقى كويس
او ايه سبب المشكلة استدامى بنزين 92 فقط

انا عندى نفس المشكله وبجد بجد زهقت اووووووووى وبتمنى حد يفيدنا ويقولنا ايه الحل والمشكله فى ايه وايه سبب النتشه ديه

[SPY123]

فى ناس بتقولى كده حاجه فى الفتيس والكمبيوتر قالى body valve وانا شخصيا نضفت الحساسات كلها بنفسى ومافيش اى امل فانا شايف موضوع انى اروح لحد ويفتح الفتيس ده مش مقتنع بيه لغايه دلوقتى لانى لسه مقابلتش حد بيعمر فتيسات اتوماتيك والى شوفتهم الفتيسات بتبوظ تانى فانا بقترح عليكو اقتراح ننزل نشترى فتيسات اتوماتيك احنا 3 دلوقتى هما بيتكلمو فى 2500 وانا وصلت ل 2000 ده اقل سعر ننزل الحرفين ونشوف حد يدينا 3 فتيسات ب 1500 الواحد او 1700 بالكتير ونخلص جايين فى الكلام ده ولا حد عنده اقتراح تانى ؟؟؟؟

[a_s_a_o]

انا عندى نفس المشكله وبجد بجد زهقت اووووووووى وبتمنى حد يفيدنا ويقولنا ايه الحل والمشكله فى ايه وايه سبب النتشه ديه

فى ناس بتقولى كده حاجه فى الفتيس والكمبيوتر قالى body valve وانا شخصيا نضفت الحساسات كلها بنفسى ومافيش اى امل فانا شايف موضوع انى اروح لحد ويفتح الفتيس ده مش مقتنع بيه لغايه دلوقتى لانى لسه مقابلتش حد بيعمر فتيسات اتوماتيك والى شوفتهم الفتيسات بتبوظ تانى فانا بقترح عليكم اقتراح ننزل نشترى فتيسات اتوماتيك احنا 3 دلوقتى هما بيتكلمو فى 2500 وانا وصلت ل 2000 ده اقل سعر ننزل الحرفين ونشوف حد يدينا 3 فتيسات ب 1500 الواحد او 1700 بالكتير ونخلص جايين فى الكلام ده ولا حد عنده اقتراح تانى ؟؟؟؟

انتو نفس المشكلة بتعتى بالظبط
طيب اخبار المارشدين معاكوا بيعلق ساعات برده وصوت الماتور بيعلى وسعات بيبقى طبيعى ولا ايه النظام

وشوفت ناس كاتبه هنا فى المنتدى ان فى واحد فى شارع احمد سعيد متخصص فتيس اوتوماتيك اسمه مجدى حد جربه

والمشكله معاكوا بقالها قد ايه واخبار زيت الفتيس

[kajoooo]

الفيتس الاتوماتيك

بالنسبة للفتيس الاتو هو كدة بعد فترة ميعنة لكن طالما ماشى وشغال فى باقى الغيارات سيبه وبلاش تغيير لان اللى غيروا بعد شهرين او اقل بتحصل النتشة دى تانى وبالنسبة للاسعار اخر مرة سالت عند ابو ادهم الوكالة قالى 2000

[kajoooo]

محدش بيصلح فيتس اتوماتيك فى مصر كله اشتغالة ومسكنات الا اذا كان الموضوع بسيط وشوية صيانة صفايات وفلتر وتغير زيت

[medo_mony]

انتو نفس المشكلة بتعتى بالظبط
طيب اخبار المارشدين معاكوا بيعلق ساعات برده وصوت الماتور بيعلى وسعات بيبقى طبيعى ولا ايه النظام

وشوفت ناس كاتبه هنا فى المنتدى ان فى واحد فى شارع احمد سعيد متخصص فتيس اوتوماتيك اسمه مجدى حد جربه

والمشكله معاكوا بقالها قد ايه واخبار زيت الفتيس

علفكرة الراجل دة جامد جدا والناس بتجيلو من اخر الدنيا و تعاملت معاة لما جبت العربية التانية بس من ناحية الفتيس وحالتة وغيرت الزيت والفلتر بس لان حالة العربية الحمد لله لسة جديدة بس بالنسبة لصيانات وتصليح الفتيس الاوتوماتيك اعرف انة ممتاز جدا والله اعلم وبالتوفيق

[a_s_a_o]

علفكرة الراجل دة جامد جدا والناس بتجيلو من اخر الدنيا و تعاملت معاة لما جبت العربية التانية بس من ناحية الفتيس وحالتة وغيرت الزيت والفلتر بس لان حالة العربية الحمد لله لسة جديدة بس بالنسبة لصيانات وتصليح الفتيس الاوتوماتيك اعرف انة ممتاز جدا والله اعلم وبالتوفيق

تمام ياباشا انا فعلا رحتلوا وقلتله على الحجات دى قلى متقلقش ده طبيعى واتفقت معاه على معاد انى ارحلوا بكرة ان شاء الله عشان مكنش معايا العربية النهارده

ولو فيه اى جديد هقلوكوا ان شاء الله

[a_s_a_o]

تم تزويد زيت الفتيس للعربية -وكانت لمبة الاوفر درايف ظهرت وانا ماشى بتعمل فلاش
اتضلح الاتى
ان وانا بغير البلية الشمال للعجلة الصنيعى ركب الكوبلن مرحل واللى حصل زيت الفتييس كان بينقط عشان كده العربية كانت بتنتش والزيت ده متغير من شهرين بالظبط اول محطيط 2 كيلو فى العربية راح الزيت واقع فى الارض الجديد لونه احمر
بصينا عليها من تحت لاقينا المشكلة دى روحت لواحد بتاع كبالن الحمد لله الشاسيه مطلعش فيه حاجة وكان فيه فرق عقل صباع كده صغيرة ظبط الكوبلن والزيت مبقاش ينقط زودت كيلو كمان ومقاس الزيت بقى مظبوط
والعربية الحمد لله راجعة بقت ناعمة وسحبها بق ممتاز ولمبة الاوفر درايف طفت بعد اما زودنا الزيت وفصلنا كابل البطارية لعمل ريست لكمبيوتر السيارة
والله اعلم

بوجه شكرى لكل شخص ساعدنى فى الموضوع وربنا يجزيكم خير

[SPY123]

باشا هوا انت روحت لمجدى ده بتاع الفتيس ؟؟؟

[weaam_math]

يا جماعه انا لسه جايب سيفيا 2 مو 99 مانيوال بتحصل معايا حاجه رخمه اوي لماا امشي بالعربيه فتره واقف بيها وبعدين اجي اطلع الاقيها مبدورش علي طول لازم اقعد شويه
وحاجه تاني ساعات في السلانسيه بتبطل لوحدها كاني انا اللي بطلتها وتعمل نفس الحوار ومدورش
ياريت يا جماعه حد يفيدني

[oslam]

يا وحوش السيفيا رجااااااااااااااااااء خاص ساعدونى لانى خلاص تعبت
عربيتى 99 اتوماتيك فيها نتشه فى الفتيس بين الغيار الاول والتانى وبتزيد مع التكييف بصوره بشعه وبتبان نتشه خفيفه فى باقى الغيارات وكمان بتاكل بنزين
انا المهم عندى النتشه الى فى الفتيس بقت حاجه صعبه وكشفت عليا عند الكهربائى كنت شاكك فى كنترول الفتيس قالى سليم
اعمل اييييييييييييييييييييه وايه الحل
برجاء المساعده

[mas0h]

كل عام وأنتم بخير جميعا ورمضان كريم.

[علاء111]

يا جماعه انا لسه جايب سيفيا 2 مو 99 مانيوال بتحصل معايا حاجه رخمه اوي لماا امشي بالعربيه فتره واقف بيها وبعدين اجي اطلع الاقيها مبدورش علي طول لازم اقعد شويه
وحاجه تاني ساعات في السلانسيه بتبطل لوحدها كاني انا اللي بطلتها وتعمل نفس الحوار ومدورش
ياريت يا جماعه حد يفيدني

أولا مبروك عليك السياره و ربنا يرزقك خيرها و يعيذك من شرها.

إن شاء الله المشكله بسيطه حصلت معايا و جبت الكهربائى قالى ان الأوتوماتيك بتاع المارش بقى ضعيف ف لما العربيه بتكون سخنه مش بيقدر يقوم العربيه.
الحل ايه؟
اما تغير الاوتوماتيك بتاع المارش و حسب كلام الكهربائى تمنه حوالى 60 جنيه بس حوار علشان هايفك المارش.

أو تركيب كتاوت تقويه على الاوتوماتيك ده و ده بيقوى العزم علشان يعوض النقص فى الكهربا و معرفش ده بكام بس برضك رخيص يعنى .

بالتوفيق

[علاء111]

السلام عليكم و رحمه الله و بركاته،
كيفكم يا شباب :)

أنا الفيتيس بتاعى راح (الأوتو) ف رحت عند واحد جابلى طاقم اصلاحات فيتيس جديد ومع المصنعيه 3250،
انا بس كنت بسأل بعد التركيب وكده ان شاء الله هايكون الفيتيس افضل ولا لأ و هل كده يعتبر غيرت الفيتيس ولا لأ ؟

ألف شكر.
سلام

[samir elsayh]

الرعشة بعد ال 120 بتبقى اكيد محتاجة ترصيص
كان عندى نفس المشكلة ورصصت والرعشة اختفت
بالنسبة للسرعة انا مش غاوى جرى فمش هاقدر افيدك ف اخرها

شكرا للرد
انا اكتشف ان العيب في الجنوط معوجة اغلب بتوع الترصيص كفتجيا