رابطة الوحوش ملاك السيفيا (ج3)

[zomprakes]

هى الطرمبة دى جديدة و لا إستيراد لأنى سألت عليها جديدة كانت 650 جنية ، و الكبالان الداخلى بقام و من عند مين فى الحرفيين عشان محتاج أنا كمان أغيرهم و شكراً .

لا يا باشا استيراد طبعا و كل الناس اللي سالتها قالو الاستيراد احسن و الكبالن لو العربىة اوتو هاتدوخ عليهم شويتين لو مانيوال هاتلقيهم علي طول ان شاء الله انا جبتهم بي 200 بس من غير الصليبة بس الراجل قال ان لسا جايبهم من كوريا من 5 ايام و لما شفتهم لقتهم فعلا زيرو بلمعتهم

[zomprakes]

يا باشا ما تعرفش سعر الفانوسين استيراد كام عشان عايز اغيرهم ومبروك علي الطرمبة يا معلم

يا حج منا قلتلك ريح نفسك و هات اللي انا جايبهم بي 150 و جديدة الاستراد ماعرفش بي كام بس هما متوفرين هناك

[medo_mony]

ازيكو يا رجالة انا نزلت امبارح الحرفيين و جبت طرمبة بور و جوز كبالن داخلي و للاسف اهم حاجة كنت نازل لها مساتر الفرامل مالقتش خالص للشوما الخليجي اللي هيا سكاكين مالقتش غير عند واحد بس بمعني الكلمة اسمو حمدي سعيد مارداش يديني المساتر بس قال لي عندى الدوشمتان بي كل لوازمهم طنابير و تيل و وير و بلي عجال و الصعقة السعر 800 بعد الفصال طبعا قلت ابو ام الفرامل و المكانيكي قالي هاحاول اعملهم طقم اصلاح و عملو و لسا بجرب و ربنا يكرم

الف مبروك يا باشا بس بعد اللفة الحلوة اللى انتا لفتهة دة قولنا مين بقا احسن واحد من وجهة نظرك واحسن الاسعار و اسم المحل والحجات دى يعنى علشان كلة يستفيد و اللى عايز ينزل يروح يسال عندة وميلفش كتير :

[dfdfdf]

لا يا باشا استيراد طبعا و كل الناس اللي سالتها قالو الاستيراد احسن و الكبالن لو العربىة اوتو هاتدوخ عليهم شويتين لو مانيوال هاتلقيهم علي طول ان شاء الله انا جبتهم بي 200 بس من غير الصليبة بس الراجل قال ان لسا جايبهم من كوريا من 5 ايام و لما شفتهم لقتهم فعلا زيرو بلمعتهم

طب ليه الأستيراد احسن من الجديد دا أنا كنت ناوى اشتريها جديده علشان اشيلها من دماغى و محتاجشى أغيرها كمان كام شهر ، و أنا فعلاً عربيتى أتوماتيك و ربنا يستر و ألقى الكبالان بتعتها بسهولة .

[mozerts]

السلام عليكم
ارجو المساعدة وعاجل جداااااااااااااا
امبارح ضاع احد مفاتيح الكيا بتاعتى طبعا معايا واحد استبن بس كنت عايز اغير كوالين الباب والكونتكت للضمان والغى المفتاح القديم علشان لاقدر الله وقع فى ايد حد مش تمام
اروح فين ويتارة هتكلفنى كام ارجو الافادة سريعا وشكرا للاهتممكم

[Ahmed_Ramadan]

الموضوع سهل بإذن الله مبدأيا أهم حاجة اركن العربية فى حتة أمان و بعدين تروح لأى حد بتاع قطع غيار كيا الجندى أو حلمى سليمان و هتجيب طقم كوالين بابين و شنطة و تروح لأى حد بتاع أبواب و سنتر و الكلام ده هيغيرهملك بمنتهى البساطة و مظنش الموضوع هيعدى 100-200 جنيه بالكتير و ابقى قولنا عملت إيه

[mozerts]

شكرا جدا بس بالنسبة لمفتاح الكونتت
اعيرة ازاى

[Ahmed_Ramadan]

هتغيره مع الطقم ... اظن الطقم بييجى فيه الكونتاكت ...كلم بس حلمى سليمان و الجندى وشوف الدنيا فيها إيه

[mozerts]

معلش انا عارف انى متقل عليك ممكن ارقام تليفوناتهم

[mozerts]

انا سالت عند الاتنين بالتليفون وقلولى فعلا بيجى الطقم كامل بابين وشنطة وكونتكت بس مش موجدين عندهم
فيتارة ممكن الاقى فين تانى

[Ahmed_Ramadan]

أنت سألت عندى أى فرع للجندى ... و متقلقش لو قفلت انزل التوفيقية خدلك لفة هتلاقى اكيد

[mozerts]

انا سالت عن الجندى اللى فى شارع دمشق

[Ahmed_Ramadan]

عندك الجندى فرع السابع و فرع جسر السويس

[m_adeleid]

:10d5c8w1107:كدة باردو يا ابو نسمة بتفضحني يا كبير و انا اللي ائتمنتك علي سري

هههههههه
انت كده اللي اعترفت انا مقلتش الاسم
وحشيني جدا يا جماعه

[m_adeleid]

ماهو أنا بالنسبة ليا شايف ان الموضوع عادى لو عند حد بيفهم بس الشباب هما اللى مقلقين زيادة واستنى لما تسمع برضو رأيهم
ولو انت ناوى تطلع الطلعة دى ابقى صورهالنا علشان تشجعنا

انا مش مقلق للدرجه عادي ممكن اعملها
تعالو نتفق و نروح لجمال مهران