تفاصيل حادثتى بالسيراتو والحمد لله على كل شئ

[zangry]

كام سؤال جانبي معلش

العربية عامت لقلة ثباتها و لا عشان ايه؟؟؟

الايرباج مفتحش لانك مكنتش رابط الحزام و لا مفيش صدمة امامية؟؟

في الخر ما تقييمك للتيدا في الحادثة و من ناحية الامان؟

تحياتي و الف سلامة

انا اسف لخروجى عن الموضوع الاصلي ..

هى ثباتها وحش جداا .. الايرباج مفتحش لأنى فكيت الحزام قبل الحادثة ما تحصل وطبعا ده كان غلط منى ف الايرباج عندى مفتحتش بس فتحت بتاعت السواق لأن والدى كان سايق ورابط الحزام

هى في الحادثة ادمرت من ادام حتى الموتور اتكسر بس هى للأمانة هى كانت امان وطلعت منها انا والواد الحمدلله بخير بس كان في كدمات بسيطة

دى صورة من ادام

[MohammedAladel]

بعد ما أطمنا عليك يا حاج ياسر

مستنيين تقرير أصلاح السيارة بإذن الله

[salodas]

الحمد لله على سلامتك .... والله ما تزعل .... وتأكد أن السيارة كلها لا تساوى شئ مقابل خروجك سليم من حادثة زى دى .....اللهم لك الحمد ولك الشكر

[ashourashour]

الف سلامه عليك و سلامتك بالدنيا انت اللي بتجيب الفلوس

طبعا اللي عمل فيك كدا ال abs ... لاكن فداك و فداهيا الفلوس المهم انت سليم والعربيه مخبطتش عربيات تانيه

والزبون اللي عمل فيك كدا كمل طريقه طبعا عادي ولا على باله ؟

[bmya]

حمد الله على سلامتك ياباشا والحوادث دي نصيب والله ممكن خبطه صغيره تعمل بلاوي وحادثه جامده وتتطلع سليم ربنا يعوض عليك خير

[eng.m7md.ali]

الف الف حمد الله على السلامة

[HSE_eng_ramy]

اولا السلام عليكم
ثانيا: الحمد لله انك بخير وربنا يعوض عليك وربنا يكفينا جميعا شر طريقنا
فداك مليون عربية والحمد لله انك مأمن على العربية فى ناس كتير قالولى ولا تأمين ولا حاجة وحتدفع الفلوس ولا حتستفيد منها حاجة وكنت بفكر فى كده فعلا بس بعد ما شوفت اللى انتا كاتبه لازم انصح الكل بالتأمين على العربية وربنا يسترها علينا وعليك يا رب

[sonybony]

قدر الله وما شاء فعل الحمدلله

[salah_86]

قدر الله وماشاء فعل والف حمد لله على سلامتك وربنا يعوض عليك

[tutankhamoun]

أولا حمد لله على السلامة و ربنا يعوض عليك .

بس أنا شايف أنك ما أتعلمتش حاجة من الحادثة خالص (أنا آسف أعذرني في الطريقة )

أنت كاتب الآتي :

نيجى بقى ايه اللى الواحد اتعمله من الحادث دا:

درس رقم واحد و أهم درس ممكن الواحد يتعلمه من الحوادث

السير بتآني و بسرعة معقولة لتأكيد سرعة رد الفعل للبني آدم و السيارة على حد سواء

- ان ربنا لو كاتبلك حاجة مهما كانت الظروف هتحدث حتى لو كانت العربية اتعجنت فى بعض ومكتوبلك تطلع سليم .. هتطلع بأحسن حال (ده شئ مفروغ منه مش لازم نتعلمه من حوادث - ده أيمان بالقدر )

- الحزام مهم جدا وشئ ضرورى اى حد يلبسه فى اى وقت حتى لو ماشى براحة

- الايرباج مع ان البعض شايفه ملوش لزمة لانه مكلف فى تصليحه لكن بيشيل عنك تخبيط كتير

- الكاوتش حالة بتفرق كتير يعنى لو حالة الكاوتش كانت سيئة كان ممكن يفرقع من كتر اللف اللى حصل دا والموضوع كان قبل بانقلاب ولا حاجة لقدر الله.

وطبعا كل ما وسائل الامان بتزيد كل ما الموضوع احسن وباردوا الكلام دا ميمنعش ارادة الله سبحانه وتعالى

متفق معاك في تأمين معدات السيارة طبعا - طريقة القيادة و التآني قبلهم و معاهم في نفس الوقت .


في التآني السلامة و في العجلة الندامة

ربنا يعوض عليك في العربية .
و الحمد لله أنك سليم و محدش تاني آتأذى .

[tutankhamoun]

حاجة تانية ..... أخطاء الغير و اللي بيقللها السرعات المعقولة اللي بتخليك تقدر تتفادى أسرع و يكون رد فعلك أفضل و قرارك سليم إلى حد كبير
كل لما تكون السرعة كبيرة كل لما القرار يطلع في وقت أقصر كل لما يكون غير دقيق و رد الفعل بيكون سريع و خاطئ في أغلب الأحوال .

[shaf3y]

حمد الله على سلامتك و ربنا يهون عليك مصيبتك و يعوضك خير

[TheUnknown]

الف حمد الله علي السلامه يا ياسر ، فداك العربيه المهم انك كويس.

[shaaban2008]

الف حمدا لله علي سلامتك
وربنا يعوضك خير ان شاء الله

[ashourashour]

اخر صوره اللي الاير باج باين فيها .... انا شايف جمجمه في العربيه في نص الصوره كدا

حد خد باله ؟؟؟!!!! اه يا عم دا