تفاصيل حادثتى بالسيراتو والحمد لله على كل شئ

[yasserelsayad]

قدر الله و ماشاء فعل
و الف حمد لله على سلامتك يا ياسر

الاضرار انا بعتبرها بسيطة يعني فمتخليش الحادثة تعكنن عليك :)

الله يسلمك يا باشا
والله انا ولا متعكنن ولا مضايق والحمد لله ان الموضوع وصل لكدا بس
وانا شايف باردوا على فكرة زيك ان الموضوع بسيط بالنسبة لقوة الخبطة

[moha4tec]

بالعكس الـ ecsta فى المياه احسن من الارض الناشفة بس انت قولت الزيتونة "كنت فى الارياف" عشان هناك لما الدنيا بتمطر الارض بتبقى طينه مش مياه بس
وformulator على فكرة مش بيتكلم على اى نقشة فى الكونتى والبريدج .. لا فى نقشات معينة

معاك حق انا اول مره فى حياتى اشوف العربيه بتمشى بجنبها بالطريقه دى معايا
و الله سمك الطين لا يقل عن 20 سم .الحمد لله ان انا مغرزتش

[Raul_7]

حمد لله علي السلامة يا ياسر, و ربنا يعوضك خير ان شاء الله.

[yasserelsayad]

حمد لله علي السلامة يا ياسر, و ربنا يعوضك خير ان شاء الله.

الله يسلمك يا باشا :) وربنا يخليك

[mido]

ربنا لو كاتبلك حاجة مهما كانت الظروف هتحدث حتى لو كانت العربية اتعجنت فى بعض ومكتوبلك تطلع سليم .. هتطلع بأحسن حال>>>>>>على اساس ان الواحد يمشى على 150 و ولو ربنا كاتبلنا حاجة حنشوفها !!!! منطق زى الفل

حمد الله على سلامتك و ياريت تكون اتعلمت الدرس

[احمد المصرى]

الحمد لله انك بخير يا باشا وسليم وذى الفل وفداك مليون عربيه وان شاء الله العربيه تتلصح وترجع افضل من الاول

[المنسي]

الف حمد لله على سلامتك وقدر الله ماشاء فعل

[A.Saad]

الف سلامة عليك يا ياسر
عربيتى تحت امرك
انا دلوقت جنبك فى اكتوبر

[yasso0101]

قدر الله و ما شاء فعل

حمد لله على سلامتك المهم انك بخير

[Khaled_Nowaihy]

الحمد لله على سلامتك وانك بخير وده أهم حاجة ....... وربنا يكفينا جميعاَ شر الطريق

[mohamed_mohsen]

الف سلامه يا ياسر
الحمد لله انك بخير

[khaledmekawy2008]

الف حمد لله علي سلامتك
اهم حاجة انك بخير وانك محصلكش اي ضرر فداك مليون عربية

والله الحوادث دي بتبقي نصيب من ربنا ولازم ناخد بالاسباب ومنها العين والحسد وباقي الاسباب اللي انت زكرتها

انت عامل زيي في الحتة دي كل ما اشتري عربية جديدة لازم اخد العين المحترمة وبتكون بعدها بوقت قصير

يعني كان معايا بومة زيرو مكملتش اسبوع واتخبطت وبعدها الشارك مكملتش شهر واتخبطت وبعتها بعدها واشتريت اوكتافيا ومكملتش معايا اسبوعين جابت فتيس وبعتها

وجبت شارك تاني وظبطها لجي تي وعملت حادثة اقل ما يقال فيها حادثة موت فعلا لاني اتفاديت عربية وش لوش ودخلت في عربية قدامي اوبل استرا والاسترا اتقلبت قلبتين ونزلت في ترعة علي ضهرها شفت يومها اصعب يوم فحياتي فعلا بس ساعتها الواحد بيفكر في البني ادمين مش العربيات والحمد لله الناس طلعت سليمة وتكفلت باصلاح الاسترا بالكامل ناهيك علي العربية بتاعتي كمان وبعتها

حتي البي ام اللي معايا اول ما اشترتها كانت كسر زيرو وبعدها بشهر ظهر فيها عيب كلفني 11 الف جنيه

فالواحد من كتر ما بيشوف بيحمد ربنا علي انه بيطلع من ده كله سليم واي حاجة تيجي فالحديد مش مهم

لان فعلا ظافر الانسان اغلي من مليون عربية

وربنا يسترها علينا جميعا

[AHMED_HAMDY]

حمد الله على سلامة حضرتك معا انها متأخره بس لسه شايف الموضوع

وربنا يعافيك
ويسترها في طريقك

[MNabeih]

الف حمد الله علي سلامتك
قدرو لطف

[hpxp]

الحمدد لله ان حضرتك بخير يا استاذ ياسر
والله انا اتخضيت اما شوفت صور العربيه
الحمد لله انك بخير ومش مهم العربيه فداك والحمد لله انك بخير