تفاصيل حادثتى بالسيراتو والحمد لله على كل شئ

[horas3000]

الحمد لله علي سلامتك يا ياسر باشا
و قدر و لطف و ربنا يعوض عليك
بس انت شكلك واخد عين بنت ستين تييييت
يعني الاول المرسيدس و بعديها البي ام و دلوقتي الكيا مش طبيعي ابدا
ربنا يسترها معاك و معانا
حاكم هي مش ناقصه

[moha4tec]

اول امبارح كنت فى الارياف و المطره مطرت و الارض بقت زحاليق .
و عاوز اقولكم انى اول مره فى حياتى احس انى راكب مركب بجد .العربيه كانت على سرعه من 4 الى 10 كم/ساعه بالكتير كانت بتمشى بجنبها يمين فى شمال .اوسخ من انك تمشى على زيت .تقريبا كلام فورميولاتور صح على الكوتش ال ecsta باذن الله المره الجايه نجرب البردجستون

[yasserelsayad]

اول امبارح كنت فى الارياف و المطره مطرت و الارض بقت زحاليق .
و عاوز اقولكم انى اول مره فى حياتى احس انى راكب مركب بجد .العربيه كانت على سرعه من 4 الى 10 كم/ساعه بالكتير كانت بتمشى بجنبها يمين فى شمال .اوسخ من انك تمشى على زيت .تقريبا كلام فورميولاتور صح على الكوتش ال ecsta باذن الله المره الجايه نجرب البردجستون

بالعكس الـ ecsta فى المياه احسن من الارض الناشفة بس انت قولت الزيتونة "كنت فى الارياف" عشان هناك لما الدنيا بتمطر الارض بتبقى طينه مش مياه بس
وFormulator على فكرة مش بيتكلم على اى نقشة فى الكونتى والبريدج .. لا فى نقشات معينة

[Angel_wolf]

انت سليم الدنيا وما فيها

[M7amD_7amDy]

حمدلله على سلامتك ياياسر

وفداك اى حاجة فى الدنيا

[AlGazar2]

الحمد لله على سلامتك و فداك العربيه

و لو الحادثة دى فى الحته الى فيها الملف قبل نزله الصحراوى

يبقى انا كنت هعمل اختها فى شهر 12 بسبب شخص زى الشخص ده بالظبط جاى من الشمال لليمين و قدامه فاضى و كل ما اجيله فى اليمين يجيلى اكتر الحمد لله التيل كان جديد و الكاوتش جديد و الفرامل لحقتنى مع كسره الدركسيون شمال

و الحمد لله على سلامتك و ربنا يعوضك خير ان شاء الله

[amgomaa]

الف حمد لله على سلامتك وكمان احييك على رضائك بقضاء الله وعلى نصايحك المهمه

[م. حاتم السباعي]

الف حمد و شكر لله علي سلامتك يا ياسر
و طبعا انت مش عاوز ترد علي التليفون علشان عارف اني هقولك 150 كم يا عفريت
بس الحمد لله اننا اطمنا عليك

[Amr2004IBM]

الف حمد وشكر لله على سلامتك يا ياسر
فداك الف عربيه المهم انك بخير
انا لما عرفت بالحادث مصدقتش و قولت ربنا يستر والحمد لله انك بخير
برغم من قوه الحادث وصور العربيه الى تزعل بس الوحد احترم العربيه وعوامل الامان الى فيها بس الواحد يراعى و ياخذ بالاسباب زى مذكرت فى تقريرك لان الحاجات الصغيره دى بتفرق فعلا كتير وكله فى الاخر بمشيئه الستار العليم
احب اضيف حاجه يا اخوانى :- مهما كانت الظروف والحاجه لازم ناخذ فى الاعتبار ظروف الطروقات و مستوى ثقافه القياده لدى المصرين وان نتجنب اللجوء الى السرعه قدر المستطاع
لان بنسبه 95% من الخطاء ياتى من الغير
ربنا يسترها علينا جميعا ويعوضك يا ياسر بالى تتمناه

[Hamdy Masria]

الف سلامة عليك وفداك مليون عربية
الحمدلله انها جت فى الحديد

[pro_samir]

حمد الله علي سلامتك

[Mohamed.Ramah]

حمدلله على سلامتك يا يا سر وخلى بالك السرعة الزيادة خطر دائما حتى لو الطريق كلة فاضى وقدر الله ماشاء فعل واحمد ربنا سبحانة وتعالى انة نجاك من الحادث

[alu]

الف حمد لله على السلامة

[Samah AbdAllah]

الحمد لله انك بخير
وربنا يحفظك دايما يارب
حمدالله على سلامتك
العربية بقا ربنا يكون فى عونك والحمدلله انك اخدت بلاسباب وكنت رابط الحزام
والعربية فيها ايرباج امنك شوية من الخبطة وتوابعها
مفيش حاجة بتمنع قدر فعلا بس ربنا قال ناخد بالاسباب
حمدالله على سلامتك مرة تانية

[Karim_Monir]

حمد الله علي سلامتك واهم حاجة الانسان وعافيتة
وزي ما قولتلك في التليفون لو محتاج اي حاجة ما تترددش تتصل انت زي اخويا الصغير
حمد الله على سلامتك مرة تانية