تفاصيل حادثتى بالسيراتو والحمد لله على كل شئ

[Amr_650]

الف سلامة

[Mostafa.Mahran]

حمد الله على سلامتك

[wawamoha]

الحمد لله عل السلامه - قدر و لطف

[Ahmed Selim]

قدر الله و ما شاء فعل.

ألف سلامة عليك و فداك مليون عربية.

[midooo_119]

حمد لله عالسلامه يا كبير وربنا يخلف عليك فمصيبتك و يعوضك خير ان شاء الله

[discman]

حمدا لله على السلامة

[تامر.محمد]

لا حول ولا قوة الا بالله

قدر الله ما شاء فعل و الحمد لله على سلامتك

[mostafaelfayed]

قبل قل حاجة الحمد لله على اللى حصل وربنا ستر ونجانى من الحادث دا وبدون اى اصابات
وانا مش زعلان خالص والله لان كل شئ قدر ومكتوب

نيجى بقى لتفاصيل الحادث

انا كنت ماشى بليل على المحور فى الاتجاه بتاع 6 اكتوبر مروح البيت
وكانت سرعتى متزدش عن الـ 150 يعنى مكنتش مركز اوى فى العداد
بس الدنيا كانت الى حد ما فاضية ودا متوسط سرعة تقريبا معظم الناس اللى ماشية


المهم جيت فى حتة كدا كنت ماشى فى الحارة اللى قبل الاخيرة على اليمين وفى واحد كان قدامى على شمالى ماشى بسرعة ابطأ منى لحد ما
هو غير الاتجاه بتاعه وجيه فى الحارة بتاعتى والمسافة بينا كانت تسمح انى اتفاديه مفيش مشكلة
فأخدت اخر حارة على اليمين عشان اتخطاه عادى لكن هو كمان كمل معايا ودخل نفس الحارة واكيد انا كنت عنده فى النقطة العمياء فى المراية عشان كدا مشفنيش لان مكنش فيه اصلا حاجة قدامه تخليه يغير حارته

لحد هنا وتمام مفيش مشكلة ممكن ادوس فرامل واهدى شوية واعدى من شماله
لكن المشكلة ان كان فى خبطة فى الرفرف قبل كدا واتغير والكهربائى قطع بالغلط الفيشة الموصلة لحساس الـ abs للعجلة اليمين قدام لقلة خبرته .. الموضوع دا خلى الـ abs يفصل خالص وكنت هعمله بس لقيت انى هدخل فى حوار تغير جزاء من الضفيرة او الضفيرة كاملة فا اجلت الموضوع شوية لحد ما اشوف هعمل ايه

نرجع بقى للى حصل على المحور
الحارة الاخيرة على اليمين كان نصها تراب والنص التانى عادى نظبف
اول ما دوست فرامل الكاوتشين اليمين قفشوا فرامل والكاوتشين الشمال لا
مما ادى لانحراف العربية بشدة ناحية السور اليمين
طبعا لانى مكنتش على استعداد للموضوع دا شلت رجلى من على الفرامل وكسرت العجل يمين

بس للاسف الكاوتش كان فقد تماسكه بالارض والعربية لفت فى الاتجاه المعاكس اللى هو الشمال حاولى 5 او 6 لفات وانا شايف العربيات عمالة تتفدانى وكله طبعا ماشى بسرعة
وفى الوقت دا كنت فاقد السيطرة على العربية وعمال احاول بس مفيش وقلت هى إن شاء الله تبطل لف وتقف لكن اللى حصل انها فعلا بطلت لف لكن كان اتجاها للحاجز الخرسانى اللى فى النص واتجهت ليه بسرعة حوالى 120 ودخلت بوشها فى الحاجز وطبعا الـ air bag فتح والحمد لله انا كنت رابط الحزام اللى كانت قافل عليا من ساعة لما العجل كلبش.

نيجى بقى ايه اللى الواحد اتعمله من الحادث دا:

- ان ربنا لو كاتبلك حاجة مهما كانت الظروف هتحدث حتى لو كانت العربية اتعجنت فى بعض ومكتوبلك تطلع سليم .. هتطلع بأحسن حال

- الحزام مهم جدا وشئ ضرورى اى حد يلبسه فى اى وقت حتى لو ماشى براحة

- الايرباج مع ان البعض شايفه ملوش لزمة لانه مكلف فى تصليحه لكن بيشيل عنك تخبيط كتير

- الكاوتش حالة بتفرق كتير يعنى لو حالة الكاوتش كانت سيئة كان ممكن يفرقع من كتر اللف اللى حصل دا والموضوع كان قبل بانقلاب ولا حاجة لقدر الله.

وطبعا كل ما وسائل الامان بتزيد كل ما الموضوع احسن وباردوا الكلام دا ميمنعش ارادة الله سبحانه وتعالى


رأى بقى فى اداء العربية اثناء وبعد الحادث:

- بصراحة العربية وهى بتلف على السرعة دى كانت متماسكة تماما يعنى ولا عجلة رفعت ولا مالت اوى وحسيت انها هتتقلب ولا حاجة من دى خالص

- سرعة رد فعل الايرباج بظبوطة تمام يعنى فتح قبل ما اتأثر بالخبطة بأجزاء من الثانية ولا اتأخر ولا فتح بدرى.

- الشاسيه بتعها قوى ما شاء الله ودا باين من داخل الكابينه وهى سليمة تماما والقوايم مفيهاش اى مشكلة حتى الابواب بتفتح وتقفل اكن العربية زيرو.

- المقصات طلعت سليمة والجنوط والكاوتش والعجل بيلف يمين وشمال عادى جدا مفيش مشكلة
هما بس رحلوا شوية لورا مش شدة الخبطة.

فى الاخر الحمد لله على كل شئ وان ربنا ستر ومخبطتش حد فى وسط الوضوع دا وان الخسائر اللى حصلت مجرد حاجات مادية ممكن تتعوض وربنا هو اللى بيرزق الواحد وبياخد منه والله اعلم الخير فين.

العربية لسه بتتعاين وبيتعمل تقرير بالحاجات اللى فيها وهيقرورا هنعمل فيها ايه

ودى شوية للعربية بعد الحادثة

ألف حمدالله عالسلامه .. و الحمد لله انها جت على اد كده ... و اي حاجه تتعوض و الحمدلله انها جت في الحديد .. فكرتني بحادثتي مع الجيتز .. أنا اتقلبت بيها 8 قلبات و كمان نزلت قلبتين تحت .. و طلعت سليم .. و ده بإذن ربنا يبحانه و تعالى فالحمدلله انها جت على اد كده و حمدالله على سلامتك

[lanos2004]

فداك -المهم انك بخير
انا لما عملت حادث كل الى حصل الحزام علم على كتفى-وفضلت اسبوع مش مركز ودايخ دوخه بسيطه
بس انا بستغرب هوة كان رايح يمين ليه مروحتش انته شمال وفاديته-

[Grendizer]

لا حول ولا قوة الا بالله
الف مليون حمدلله على السلامة ياياسر
وقدر الله وماشاء فعل

[Elawany13]

أولا حمد لله على السلامة و ربنا يعوض عليك .

بس أنا شايف أنك ما أتعلمتش حاجة من الحادثة خالص (أنا آسف أعذرني في الطريقة )

أنت كاتب الآتي :


متفق معاك في تأمين معدات السيارة طبعا - طريقة القيادة و التآني قبلهم و معاهم في نفس الوقت .


في التآني السلامة و في العجلة الندامة

ربنا يعوض عليك في العربية .
و الحمد لله أنك سليم و محدش تاني آتأذى .

حاجة تانية ..... أخطاء الغير و اللي بيقللها السرعات المعقولة اللي بتخليك تقدر تتفادى أسرع و يكون رد فعلك أفضل و قرارك سليم إلى حد كبير
كل لما تكون السرعة كبيرة كل لما القرار يطلع في وقت أقصر كل لما يكون غير دقيق و رد الفعل بيكون سريع و خاطئ في أغلب الأحوال .

حمد لله على سلامتك
قدر الله وماشاء فعل
أنا مع رأى اخونا توت عنخ أمون
السرعة اللى انت ماشى بيها سرعة عالية وهيه اهم سبب من اسباب الحادث

[gebreel]

حمد الله على السلامة يا باشا و فداك 100 عربية

بس زود بقى على اللي اتعلمته من الحادث متتخطاش من اليمين
متجريش من على اليمين

[magid1010]

ألف حمداً لله على السلامة يا ياسر

[محمد بدر]

حمدالله على سلامتك يا سووووووووووورا
العين صابتنى ورب العرش نجانى:b4_611:

[amz2011]

حمدلله على السلامة