تقييم الكارينز الجديدة كليا 2014

[طارق نبيل]

هل يوجد سبب مقنع لعدم انتشار السيارة دى ؟؟؟؟؟؟؟؟؟

[Waleed_zayan]

السبب الوحيد هو سعرها المبااالغ فيه جداً بالاضافه الى المبالغة فى اسعار قطع غيارها ، كل ده خلى الناس تروح للكارينز القديمة اكتر من الجديده ورفع اسعار الكارينز القديمة هى كمان

[Mohamed Shokry]

انا عايز اسئل حضرتك سؤال بعد فترة الاستخدام دي
الي انا اعرفة ان سعر الهاي لاين في الكارينز هو سعر الفئة الاولي في الاسبورتاج و الix 35
ممكن افهم لية حضرتك فضلت الكارينز عليهم و خاصة الاسبورتاج

[houseiny]

انا عايز اسئل حضرتك سؤال بعد فترة الاستخدام دي
الي انا اعرفة ان سعر الهاي لاين في الكارينز هو سعر الفئة الاولي في الاسبورتاج و الix 35
ممكن افهم لية حضرتك فضلت الكارينز عليهم و خاصة الاسبورتاج

ممكن استأذن حضرتك واجاوب انا على السؤال ده :

الكارينز اوسع من السبورتاج بمراحل ممكن تكون السبورتاج اعلى ودي ميزة محترمة جداً في شوراعنا ، بس الكارينز عربية عائلية من الدرجة الاولى ، شنطة واسعة جداً وصالون اوسع واشيك بكتير من سبورتاج ، كارينز شكلها احلي من السبورتاج بكتير من وجهة نظري انا وليس مقياس لاحد ، الكارينز تاخد سبعة راكب مرتاح انا كنت مسافر بيها انا ومراتي وولادي التنين وحماية وحماتي واخو مراتي ومراته ، والله كانو قاعدين مرتا حين جداً من القاهرة لاسكندرية والعكس ، الكارينز فيها مساحات تخزين بالهبل اكتر من السبورتاج بكتير ، الكماليات اللي موجودة في الكارينز هاي لاين اكتر من السبورتاج اللي في الفئة الاولي ونفس السعر ، الموتور اللي في سبورتاج وكارينز واحد لكن هو افضل مع الكارينز لان حجم البودي اصغر وبالتالي السحب اقوي حتى مع بنزين 92 ، لو حضرتك عندك اسرة كبيرة وبيركب معاك ناس كتير الكارينز تكسب ، لو الطريق بتاع حضرتك فيه مطبات وحتت مكسرة يبقى السبورتاج تكسب ويزيد على ذلك ان الكارينز هاي لاين فيها كل حاجة ممكن تتخيلها ، لكن السبورتاج اول فئة تقريبا فيها الكماليات الاساسية وينقصها حاجات كتير ولو بتفكر في الكارينز هات وكيل مش خليجي، وتحياتي ليك

[Mohamed Shokry]

ممكن استأذن حضرتك واجاوب انا على السؤال ده :

الكارينز اوسع من السبورتاج بمراحل ممكن تكون السبورتاج اعلى ودي ميزة محترمة جداً في شوراعنا ، بس الكارينز عربية عائلية من الدرجة الاولى ، شنطة واسعة جداً وصالون اوسع واشيك بكتير من سبورتاج ، كارينز شكلها احلي من السبورتاج بكتير من وجهة نظري انا وليس مقياس لاحد ، الكارينز تاخد سبعة راكب مرتاح انا كنت مسافر بيها انا ومراتي وولادي التنين وحماية وحماتي واخو مراتي ومراته ، والله كانو قاعدين مرتا حين جداً من القاهرة لاسكندرية والعكس ، الكارينز فيها مساحات تخزين بالهبل اكتر من السبورتاج بكتير ، الكماليات اللي موجودة في الكارينز هاي لاين اكتر من السبورتاج اللي في الفئة الاولي ونفس السعر ، الموتور اللي في سبورتاج وكارينز واحد لكن هو افضل مع الكارينز لان حجم البودي اصغر وبالتالي السحب اقوي حتى مع بنزين 92 ، لو حضرتك عندك اسرة كبيرة وبيركب معاك ناس كتير الكارينز تكسب ، لو الطريق بتاع حضرتك فيه مطبات وحتت مكسرة يبقى السبورتاج تكسب ويزيد على ذلك ان الكارينز هاي لاين فيها كل حاجة ممكن تتخيلها ، لكن السبورتاج اول فئة تقريبا فيها الكماليات الاساسية وينقصها حاجات كتير ولو بتفكر في الكارينز هات وكيل مش خليجي، وتحياتي ليك

لك جزيل الشكر علي الرد الوافي و النصيحة

[ads]

ازى حضرتك يا استاذ طارق اتمنى ان تكون بخير اخبار الكارينز ايه كله تمام ولا عند حضرتك ملحوظات فى الفتره اللى فاتت على العربيه
شكراً لحضرتك

[masryxt]

ازى حضرتك يا استاذ طارق اتمنى ان تكون بخير اخبار الكارينز ايه كله تمام ولا عند حضرتك ملحوظات فى الفتره اللى فاتت على العربيه
شكراً لحضرتك

الحمد لله واشكرك علي السؤال

بالنسبة للكارينز بفضل الله كلة تمام مافيش اي ملاحظات تذكر

[Eng.Osama.Afifi]

هيا كل الفئات 7 راكب ؟

أصل أنا بفكر جديا فيها بسبب الموضوع ده !

وألف مبروك ... ربنا يباركلك فيها ويديك خيرها يارب

[masryxt]

اعتقد الوكيل كلة 7 راكب اما الخليجي فانت عارف ان فية كل الانواع

من ناحية تانية لو عاوز نصيحتي لو انت معاك عائلة كبيرة تبقي دي الاختيار الاول وربنا يوفقك للافضل ان شاءالله

وجزاك الله خيراً على امنياتك الطيبة

[ابو ابراهيم]

معروض عليا واحدة كسسر زيرو
وان شاء الله بشوفها يوم السبت
وعاوز اعرف ازاي ممكن اتفرج عليها ولا ازاي اعرض فئاتها
هوة بيقول الفئة التانية وكيل عامل 5000 كيلوا بـ 163000
7 راكب
عاوز اعرف ازاي افرق بين الوكيل والخليجي
واعرف دي الفئة الكام - اية الفروق بين الفئات

وشكرا جزيلالالالالالالالا

[عمرو مجايفر]

معروض عليا واحدة كسسر زيرو
وان شاء الله بشوفها يوم السبت
وعاوز اعرف ازاي ممكن اتفرج عليها ولا ازاي اعرض فئاتها
هوة بيقول الفئة التانية وكيل عامل 5000 كيلوا بـ 163000
7 راكب
عاوز اعرف ازاي افرق بين الوكيل والخليجي
واعرف دي الفئة الكام - اية الفروق بين الفئات

وشكرا جزيلالالالالالالالا

بص يا استاذ ابو ابراهيم الفروق بين اول فئة فى الاتوماتيك وتانى فئة وكيل
اولا : اول فئة فالاتوماتيك جنط عادي بطاسات .. مفيش اشارات فى المرايات ... المرايات مش ضم .... مفهاش مثبت سرعة ... مفهاش حساس ركن ... مفهاش زجاج فامية ... مفهاش غير اير باج واحد للسائق فقط ... مفيش فى ضهر الكراسى حوامل اكواب ... مفهاش تحكم بلوتوث من الطارة .. الشاشة الى فيها مش تاتش .. تمنها زيرو فالوكيل ١٧٦ الف ..
ثانيا : الفئة التانية فى الاتوماتيك فيها عكس الفئة الاولى يعنى الى قولنا علية مش موجود فى الفئة الاولى فى الاتوماتيك موجود فى الفئة التانية ... جنوط سبور رياضية ... حامل اكواب فضهر الكراسى .... مثبت سرعة ... ٢ اير باج للراكب الامامى والسائق ... زجاج خلفى فامية .... مرايات ضم كهربائية ...حساس ركن .. شاشة تاتش .. تمنها زيرو فى الوكيل ١٩٠ الف
طبعا فى امكانيات تانية مشتركة فى الفئتين وممتازة ... ولو هتقارن بين الخليجى والوكيل خليك فى الوكيل احسن .... عشان لو لا قدر الله العربية فيها عيب تصنيع الوكيل الى هنا بيقولك مليش دعوة وبتدفع تمن التصليح او القطعة الجديدة ... وربنا يكتبلك الى فية الخير ان شاء الله ..
لو حابب تطمن عليها وديها توكيل كيا يرفعوها ويكشفوا عليها ...

[mr_hide]

مفيش اخبار عن اداء العفشة ؟؟ هل ناشفة ؟ طرية ؟ بتدب ؟ كده يعني

يا ريت تقولنا تجربتك مع العفشة و شكرا

[masryxt]

مفيش اخبار عن اداء العفشة ؟؟ هل ناشفة ؟ طرية ؟ بتدب ؟ كده يعني

يا ريت تقولنا تجربتك مع العفشة و شكرا

انا عامل اقتباس لردي علي اخ كريم هنا بخصوص العفشة واشياء اخري

استاذ عمرو انا مالك للكارينز الجديدة وحاليا انا عامل 23 الف كيلو بيها وعاثلتي كبيرة ودايما محمل ودة كان ردي علي اخ بيستفسر عن ارتفاع العربية مع بعض الاسئلة الاخري اتمني يكون فيها اجابة عن اسئلتك وتحت امرك في اي سؤال



شكرا على الاهتمام ..انت حاسس ان العربية تستاهل تمنها؟ ..العربية عالية عن الارض بالقدر الكافي؟ الدخول للكراسي الاخيرة سهل عشان لما شفتها لفيت فى صعوبة بصراحة.. مساحة الشنطة والصف الاخيرة مستحدم ممكن ياخد شنط سفر ولا اية؟ كمان اخبار استهلاك البنزين فى الزحمة ..واخيرا اسعار قطع الغيار والصيانات؟

السلام عليكم
اولا بالنسبة للسعر وهل تستاهل تمنها ؟؟؟؟
لو انت عاوز سيارة عائلية يبقي مافيش منافس في نفس الفئة السعرية وخصوصا لان المساحات متوزعة بشكل زكي جدا وعملي جدا وارجع تاني اقول اية البديل بالنسبة لصاحب عائلة كبيرة

ثانيا العلو عن الارض؟؟
بالنسبة لتجربتي وانا ماشي بيها 21 الف كيلو حتي اليوم الارتفاع معقول جدا بالنسبة لجميع السيارات فيما عدا ال suv وال 4x4 طبعا
المطبات اللي ممكن تحك فيها اما مطب غشيم وواقف وانت محمل او انت داخل بسرعة علي مطب وبتفرمل جامد وانت في المطب.

ثالثا الدخول للصف التالت؟؟
الكرسي الاوسط الظهر بتاعة بينحني للامام زائد ان الكرسي بيتحرك للامام لحد الكرسي الامامي ودة بيديلك مساحة ممتازة للدخول وعن تجربة كافية جدا.

رابعا مساحة الشنطة والصف الاخير مستخدم؟؟
لو انت مستخدم الصف الاخير كلة يبقي الاجابة طبعا مش هاتاخد اكتر من بضعة اكياس وشنط صغير ودة علي فكرة ينطبق علي كل الفئة دى والا كانت هاتبقي طويلة جدا "حتي التاون اند كانتري والفويجر ودي اكبر عربية ممكن تتركب في الفئة دي هاتلاقي نفس الوضع
اما لو عاوز اللس انا بعملة انا باستخدم كرس واحد من الاتنين الي ورا لان انا العدد 6 افراد وبسيب الكرسي الثاني مش مفرود ودة بيديني مساحة تحميل اكبر من اكبر شنطة لسيارة سيدان طولا وارتفاعا وسعة

خامسا استهلاك البنزين في الزحام؟؟
اكيد بتستهلك
انا المعدل بتاعي 190-220 كم في الصفيحة "20 لتر"
زحام يبقي 190 - 200 كم في الصفيحة
سفر بتكون موفرة وممكن توصل ل 220-240 في الصفيحة
وصدقوني المعدلات دي بتتاثر بالطريق وبطريقة سواقتك
خد بالك ان المعدلات اللي انا كاتبها تقريبية باحاول اقرب بيها الصورة

سادسا اسعار قطع الغيار والصيانات؟؟
اولا :انا ماشي 21000 كم فمادخلتش في الصيانات الكبري
ثانيا انا وكيل فاللي بيقول علية بتبصم وتدفع وانت زي الباشا
لو ليا الاختيار فاعمل كل صياناتي برة وهاتوفر اكتر من 50 % بس للاسف كدة يخرجك برة الضمان اللي هو 5 سنين يعني مش قليل

اتمني اكون جاوبت علي تساؤلاتك وتحت امرك في اي سؤال اخر

كل ماكتبتة بالاعلي هو عن تجربة شخصية خاضعة للصواب او الخطاء وهي محاولة مني لايصال المعلومة بدون غرض او هوي

__________________

[masryxt]

بالمناسبة انا عامل بيها 23000 كم وحتي الان ممتازو بفضل الله وماليش اي شكاوي

التكاليف بتاعت الصيانة كانت 860 جنية
تغيير زيت شل الترا 300 جنية
فلتر زيت مش فاكر
فلتر هوااااا 175 جنية
علبة شحم 30 جنية
مصنعيات لوحدها 225 جنية
+ 10 % ضريبة

عند محمد ذكي
تقييمي كمان لمحمد زكي متوسط
مستوي الصنايعية والمهندسيين زي مستوي اي حاجة في البلد دي

[papafouda]

اخى العزيز طارق بك
السلام عليكم ورحمة الله وبركاته
انا احمد فودة اول واحد اتصلت به لتسأله عن الكارينز الجديدة وقمت بإتخاذ قرارك بالشراء عقب حديثنا عنها، وحيث ان العبد لله من أوائل الذين تشرفوا بشراء هذه السيارة الجميلة، اعرفك ياأخى الفاضل اننى وبعد 8500 كيلو متر تقريباً أحببت أن اكتب لك وللامانة ولكل من يرغب فى اقتناءها، اقول ان السيارة أكثر من ممتازة والفلوس فيها حلال ولقد سبق لى كما تعلم امتلاك سيارتين من قبل الاولى كانت فورد كونتور والثانية كانت أوبل زافيرا ( 7 راكب ) - ولأننى مقبل على فترة الصيانة المجانية الاولى ( 10000 كيلو ) فبماذا تنصحنى هل اذهب الى التوكيل بابو رواش أم الى محمد زكى ولا أوتو السبع - حيث انه قريب منى بزهراء المعادى - كذلك هل اتخذت قرار بعمل الفرش ب جينز كار وبالنسبة للمصدات النيكل أمام وخلف العربية هل تنصح بها وإن كانت من وجهة نظرى سوف تعطى شكل غير محبب للعربية بشكل عام .. وبالمناسبة فأنا ادخل ما بين الوقت والاخر على مساهماتك وأجد انها اكثر من ممتازة واشيد فى هذا الخصوص بتقريرك الأكثر من رائع وممتاز عن الكارينز 2014 والذى هو بحق من أروع واحسن التقارير التى كتبت بإستفاضة وحب شديدين عن الكارينز 2014 وهو مرجع هام . واخيراً هل هناك رابطة أو ناد او صفحات تحمل اسم عشاق كارينز 2014 او ما شابه - حيث أننى أنوى عمل صفحة على الفيس بوك بهذا الاسم . والف الف شكر ودمتم.