مشاكل هيونداي الانترا (متجدد)

[semsem8080]

سلام عليكم جميعا
انا امتلك العربية من 15 شهر تقريبا والعربية ماشاء الله عليها
بس انا عندي مشكلة بسيطة وهي ان الفتيس عند النقل من الغيار الاول الي الغيار الثاني بحس ان الغيار الاول ماس ومش عايز يفك بسهولة وفي بعض احيان اخري بيجي سهل مش عارف العيب ده يبقي ايه
ورحت التوكيل اللي في العاشر من رمضان ماقلوش حاجة الا ان الفتيس لسة جديد وراح رافعلي الدبرياج شوية وخلاص
فلو حد عنده افادة عن الموضوع ده يقولي
ومعلش بالنسبة لمعلومة الكبالن دي صحيحة انها بـ 5000 جنيه ومش موجودة برة (ربنا يستر)
معلش طولت عليكم

[dr.amr]

لو سمحت...
بعد التحية لصاحب فكرة الموضوع

فكرة الموضوع عشان لو فيه اي نوع مشاكل حتى لو فردية تتقال هنا عشان اي حد تظهر معاه مشكلة مشابهة يستفيد...

يعني اية العربية مفيهاش مشاكل تستحق الموضوع؟؟
هو خلاص عشان حضرتك العربية مريحاك مش عايز اي حد يستفيد ؟؟
بلاش...
مش حضرتك اللي كنت بتشتكي من طقطة في الدركسيون و طلعت مشكلة كبالن بعد 30 ألف كم في الموضوع ده:

http://www.nilemotors.net/nile/108062-2-2007-5000-a.html

؟؟

اية المشكلة او العيب ان احنا نعرض الحاجات اللي زي دي في موضوع مجمع عشان الكل يستفيد؟؟ زي مواضيع الأكسنت و الفيرنا و الماتركس؟؟

والله عندك حق
انا بطلت ادخل منتدي هيونداي بسبب الاخ ده
كل اما حد يتكلم عن النترا يقوله اي كلام مش صحي اي حاجه
احنا هنا بنتكلم بمايرضي الله علشان ننصح اخواتنا وعمرنا ماهنقول حاجه غلط علشان نضلل حد

[seso100100]

انا عندى النترا 2007 و حتى الان السيارة زى الفل
اما عن اهم عيوبها فهى
1- انها واطيه جدا و خاصة عند ركوب شخصين فى المقعد الخلف
2-صاجها ضعيف جدا جدا و من اقل خبطة تجد الصاج ينبعج كأنة ورق كرتون
3-وحدة رفع الزجاج الكهربائية ضعيفة و دائمة التعطل لأن موتورها صينى
4-الأكصدام الأمامى ضعيف جدا وكثيرا ما اجده مخلوعا من احد الجانبين فى سيارات كثيرة
ملحوظة : واجهتنى مشكلة وجود طقطقة عند الدوران و كنت شاكك فى الكبالن و الحمد لله انه طلع الستبليزر او كما يطلق عليه الميزان فاشتريت زوج استبليزر المانى للفكترا ب 160 جنيه وركبتهم و طلعوا اجمد من الكورى و هناك واحد فى المنتدى يشتكى من الكوبلن فارجو منه ان يفحص الاستبليزر اولأ يمكن يطلع نفس العيب

[tarekabosdera]

لو سمحت...
بعد التحية لصاحب فكرة الموضوع

فكرة الموضوع عشان لو فيه اي نوع مشاكل حتى لو فردية تتقال هنا عشان اي حد تظهر معاه مشكلة مشابهة يستفيد...

يعني اية العربية مفيهاش مشاكل تستحق الموضوع؟؟
هو خلاص عشان حضرتك العربية مريحاك مش عايز اي حد يستفيد ؟؟
بلاش...
مش حضرتك اللي كنت بتشتكي من طقطة في الدركسيون و طلعت مشكلة كبالن بعد 30 ألف كم في الموضوع ده:

http://www.nilemotors.net/nile/108062-2-2007-5000-a.html

؟؟

اية المشكلة او العيب ان احنا نعرض الحاجات اللي زي دي في موضوع مجمع عشان الكل يستفيد؟؟ زي مواضيع الأكسنت و الفيرنا و الماتركس؟؟

حضرتك اقرا موضوعي كويس كويس هتلاقي اني كاتب عربية اخويا مش عربيتي انا !

سيدي الفاضل لو قريت المشاركات السابقة في هذا الموضوع لوجدت ان الموضوع اتقلب لنقد في العربية وايجاد عيوب في العربية نفسها كتصميم وثبات و ... الخ بجانب التعميم للمشاكل الفردية زي ما ذكر اخ مشكلة على ان عربيته بتحدف عند سرعة 60 وان ده عموما في الالنترا !

انا كل هدفي عدم التشويش على القارئ اللي عايز يحصل على معلومة صحيحة .

اما اذا كان الموضوع هيستمر على المنوال اللي قلته وان كل واحد يذكر مشكلته على انها مشكلة فردية ومفيش تعميم و لا نقد في العربية نفسها من غير الملاك فميش مشاكل ويبقى موضوع كويس .

[tarekabosdera]

والله عندك حق
انا بطلت ادخل منتدي هيونداي بسبب الاخ ده
كل اما حد يتكلم عن النترا يقوله اي كلام مش صحي اي حاجه
احنا هنا بنتكلم بمايرضي الله علشان ننصح اخواتنا وعمرنا ماهنقول حاجه غلط علشان نضلل حد

مع احترامي ليك مرة تانية .

بخصوص المقارنة اللي حضرتك عملتها بين السيراتو والالنترا بكرر للمرة الألف غير عادلة وفيها تحيز واضح للسيراتو وفيها اختلاق عيوب في الالنترا ليس لها وجود او مبالغ فيها .

وانا مستعد اناقش مقارنتك بند بند ونشوف فين الصح .......

[M.almaghraby]

ان كل واحد يذكر مشكلته على انها مشكلة فردية ومفيش تعميم و لا نقد في العربية نفسها من غير الملاك فميش مشاكل ويبقى موضوع كويس .

هوا حضرتك انا لازم اقولك ان الالنترا اثبت من اي عربية فالتاريخ عشان تستريح؟

انا بقول دا عيب معين فالعربية و انا جربتها و عارف !!

مش معني كدا انها عربية وحشة لاء طبعا لكن كل عربية وليها عيب يعني!!!!!!

انا اصدي ان الثبات القوي مش من احد مميزات الالنترا....

[tarekabosdera]

هوا حضرتك انا لازم اقولك ان الالنترا اثبت من اي عربية فالتاريخ عشان تستريح؟

انا بقول دا عيب معين فالعربية و انا جربتها و عارف !!

مش معني كدا انها عربية وحشة لاء طبعا لكن كل عربية وليها عيب يعني!!!!!!

انا اصدي ان الثبات القوي مش من احد مميزات الالنترا....

موضوع الثبات موضوع نسبي .

يعني لما تقول مش ثابتة لازم تقول مش ثابتة بالنسبة لايه ؟!

يعني ممكن نقول ان ثبات السيفيك اعلى منها وكذلك ثبات الجيتا والباسات ...

انما بشكل عام ثبات الالنترا جيد وليس هناك احساس بالخطر على السرعات العالية خصوصا مع الباور الكهربي اللي بيكون شبه متصلب في السرعة العالية ( وده ابتداءا من موديل 2009 )

[M.almaghraby]

اعتقد انا قلت انها مش ثابتة نسبيا مقارنة بالجين2 والبرسونا...

و حضرتك كلامك صحيح انه موضوع نسبي

[Ghost2]

بصو يا شباب .. مش عايزين انتقادنا للعربيات يوصلنا اننا ننتقد بعض كأشخاص ..خلونا في السيارات احسن .. كل واحد بيقول وجهة نظره .. انا شايف ان الانترا عربية معقولة على سعرها .. بعيدا عن اداء الوكيل طبعا .. في ناس ممكن تشوفها عربية فاشلة ..والا كان زمان كل الناس اشترت الانترا .. طبيعي ان اي حد اشترى عربية بيكون مقتنع بيها وشايفها احسن من غيرها .. بس خلونا نناقش عيوب ومميزات السيارة فقط لا غير .. وكل سنه وانتو طيبين وتقبلوا فائق تحياتي

[ufarag]

العربية ثابتة وحلوة ومافيش بعد كده ، بس واطية وبتحك في المطبات ، واسوء حاجة فيها وفي كل الهيونداي هو توكيلها ، ان شاء الله لو فضل على كده هيروح يبيع عربياته في السودان!

[semsem8080]

سلام عليكم مرة ثانية
الملاحظ ان مفيش حد مهتم هنا بالمشاكل
انا عرضت عليكم مشكلة ولا حد فكر انه يهتم حتي ويرد عليها
متشكر ليكو جداً

[Ghost2]

متابع

[Ahmed Sharaf]

أرجو ممن يريد ابداء نصيحة ان تكون عن تجربة فى عربيتة هو فقط , لان مينفعش واحد يقول سمعت ان الباور كذا وواحد تانى يقول جربت العربية ولقيت الباور كذا ( مع إحترامى للجميع ) لان اللى بيجرب عربية حد تانى لمدة ساعه او يوم حتى غير اللى يكون راكب عربيتة هو ( كأن اللى معاهم الالنترا ما بيفهموش فى السواقة ولا فاهمين عربيتهم زى اللى بيجربها ).
انا شارى الالنترا من شهر اكتوبر 2008 , اول مرة سقت العربية حسيت انى راكب طبق جيلى ودة لان كان عندى قبلها شاهين , لكن بعد فترة لقيت انى متعود على العربية جداً وان الباور بتاعها ممتاز جداً بالنسبة لى على الاقل ومرة تانية مع احترامى للجميع مفيش حاجة اسمها الباور ما بيفصلش بعد الأ 100 والكلام دة ( كأن العربية متصنعة يدوى فى الحرفيين ) ومن ناحية ان العربية بتحك فى المطبات فدة اولاً عيب المطبات بتاعتنا وثانياً كام عربية مبتحكش فى المطبات.
تقبلوا تحياتى جميعاً.

[dr.amr]

مع احترامي ليك مرة تانية .

بخصوص المقارنة اللي حضرتك عملتها بين السيراتو والالنترا بكرر للمرة الألف غير عادلة وفيها تحيز واضح للسيراتو وفيها اختلاق عيوب في الالنترا ليس لها وجود او مبالغ فيها .

وانا مستعد اناقش مقارنتك بند بند ونشوف فين الصح .......

لما تبقي حضرتك امتلكت الاتنين ممكن نتناقش مع بعض
انا كان معايا النترا 2007 وقعدت معايا سنتين يعني انا عارف بقول ايه
اركب حضرتك السيراتو خمس اشهر الاول وقيمها زيي وتعالي ناقشني بعد كده
لكن كده انت هتقيم من جهه واحده ماينفعش
وبعدين انت الوحيد اللي اعترضت عليها مش ملاحظ كده؟؟؟؟

[KSA2011]

انا بفكر اشترى النيو الانترا و شفت السيراتو وفكرت كتير اوى بصراحه الالنترا اضمن بكتيير من السيراتو و افضل
بس المشكله انه كان معايا لانسر و بجد الانسر عربيه محترمه مشكلتى دلوقتى انه خايف اجيب النترا واندم او احس بفرق
المشكله الوحيده فى الانترا بعد سماع وجهات نظر كتير هى انها خفيفه اوى و بتحك فى المطبات اى حاجه تانيه فى الفاضى موضوع الباور عادى و الناس اتكلمت عليه