مشاكل هيونداي الانترا (متجدد)

[KSA2011]

النهارده يا رجاله علمت على مرسيدس اى والله
انا بعلم على عربيات كتير اوى فولكس و سكودات و تويوتات بالنترا الحمد لله
بس من شويه وانا راجع لقيت عربيه مرسيدس جديده بيضا شكلها جديده المهم قرصت لقيته شادد شافنى قامم شادد اوى قمت كابس و قمت جاى جمبه وهو جايب اخره قمت قارص و طرت وعديته ههههههه
الراجل كان هيتشل هههه و جريت انا واختفى خالص من ورايا ولقيته بيقلبلى نور من بعيد بعدين هديت شويه ولقيته جايه بيقلب نور من بعيد اوى وجاى زى الصاروخ وخليته يعدى
صعب عليا اوى ههه

[bassemeid]

العربيه معايا من سنه و نصف , هي هايلة بس فعلاً بتحك في المطبات ، يمكن علشان اللي معايا خليجي ؟ لو حد عندة معلومة يرد عليا.

[manousha]

السلام عليكم جميعا
كويس اوى انت انتو عاملين موضوع مخصوص للاالنترا عايزة استفسر عن النترا 94 ليها قطع غيار ولا لا ومعروضة عليا ب30 اخدها ولا اجيب اكسيل احسن؟؟؟؟
اشكركــــم

[lol64]

ااه الموديل ده ممتاز وباعتبره افضل من الجديد
طبعا بالحاله دى ممكن تدفع فيها لحد 80000 جنيه فى رأيى
وماتسيبهاش تروح منك حتى لو باكتر طالما عاجباك انت وحالتها نادره كده

هو حضرتك متعقد من الالنترا الجديد كده ليه؟؟؟
انا ملاحظ ان انت مش طايق نفسك من الصبح اهدا شويه ياباشمهندس انا كمان معايا النترا وباقولك من الاخر انت مغترى فى اراءك عن الالنترا لدرجه انى شاكك انك عمرك ماركبتها وبتضحك على الناس هنا
اهدا كده وسيب الناس تتكلم شويه متجريش ورا كل واحد كده

[mkagido]

السلام عليكم ورحمة الله
بصراحة انا معايا النترا 2009 خليجى وبسم الله ماشاء الله
ثابتة وتمام بس مشكلتها المطبات لو مركب حد معايا ورا وعلى فكرة دى مش مشكلة العربية دى مشكلة الحمير اللى بيعملوا المطبات لأنى من السويس والمطبات جبال
بالنسبة للثبات ممتاز بس حصلت مرة واحدة معايا للأمانة العربية عومت منى كنت ماشى جنب نقل بسرعة 180
بس والله ياأخوانى بدون تعصب هى عربية ممتازة فى فئتها أحسن من السيراتو
واللى عايز ثبات يركب سكودا

[folhm]

انا عاوز اعرف كم كيلو زيت تاخذ الالنترا 2004

[mimimomojojo]

السلام عليكم الموضوع جميل جدا والواحد بيعرف معلومات قيمة وانا من مالكى الالنترا2009 ولى ملحوظة واحدة!! هذا الموضوع لمالكى الالنترا او من يرغب فى شراءها . فلماذا يتدخل بروتونى او بيرسونى فى الموضوع؟؟؟ يروحوا قسم الماليزى يمكن يفيدوا او يستفيدوا بدل التطفل دة ... وشكرا لكل الالنتراوية المشاركين

مخالف للقاعده 13
ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة

مشرف هيونداى 2

[M.almaghraby]

يروحوا قسم الماليزى يمكن يفيدوا او يستفيدوا بدل التطفل دة

بالذمة دا اسلوب كلام اصلا

[momopersona]

السلام عليكم الموضوع جميل جدا والواحد بيعرف معلومات قيمة وانا من مالكى الالنترا2009 ولى ملحوظة واحدة!! هذا الموضوع لمالكى الالنترا او من يرغب فى شراءها . فلماذا يتدخل بروتونى او بيرسونى فى الموضوع؟؟؟ يروحوا قسم الماليزى يمكن يفيدوا او يستفيدوا بدل التطفل دة ... وشكرا لكل الالنتراوية المشاركين

المنتدى مش حكر على حد يا استاذ
ومن حقى اشارك بتجربتى فى اى قسم احبه
ومش من حقك تمنعنى
ومش من حقك تقول علينا متطفلين
لو عندك تقد موضوعى على كلامى ممكن تعارض بس بأسلوب كويس غير كده لا

وياريت ترجع لاساس الموضوع اللى يفيد الناس فعلا (بعيد عن الغيره والتحيز)
وتقولنا عن مشاكل عربيتك اللى واجهتك يبئا افضل
وطلع البروتوناويه من دماغك خاااااالص احسن
واتكلم كلام موضوعى احسن

وشكرا على الاهانه
وطبعا اى عربيه فيها عيوب ولازم تبئا واضحه للمشترى (زى مافيها مميزات)
وانا ان شاء الله هافضل متابع ومشارك فى الموضوع ( بمزاجى مش بمزاجك)

حتى الان المشاكل المتفق عليها:

1-ثبات قليل نسبيا (مقارنة بالاوبترا والبروتون ....الخ)
2- سوست ومساعدين خلفى (بتحك فى اى مطب وهى محمله)
3- فرامل بتزحف بسهوله (مابتسعفش يعنى)
4- باور خفيف على السرعات العاليه بقلل التحكم

وده مايقللش من العربيه طبعا لكن يجب ان يذكر من الملاك وغير الملاك

[folhm]

مفش حد عارف الالنترا بتاخذ كام لتر زيت محرك يا قدعاااان

[M.Osman]

السلام عليكم الموضوع جميل جدا والواحد بيعرف معلومات قيمة وانا من مالكى الالنترا2009 ولى ملحوظة واحدة!! هذا الموضوع لمالكى الالنترا او من يرغب فى شراءها . فلماذا يتدخل بروتونى او بيرسونى فى الموضوع؟؟؟ يروحوا قسم الماليزى يمكن يفيدوا او يستفيدوا بدل التطفل دة ... وشكرا لكل الالنتراوية المشاركين

عيب يا باشا...
المنتدى مش بتاع حد ولا القسم بتاع حد

انت النهاردة راكب هيونداي بكرة بروتون بعده سكودا....
و محدش من الإخوة البروتونيين بيقوللي حاجة لما بدخل عندهم ...

[dr_abooody]

مفش حد عارف الالنترا بتاخذ كام لتر زيت محرك يا قدعاااان

يا باشا موتور الالنترا زي اي موتور بياخد 4 ليتر او 3.5 ليتر لو ما غيرتش فيلتر

[M.almaghraby]

عيب يا باشا...
المنتدى مش بتاع حد ولا القسم بتاع حد

انت النهاردة راكب هيونداي بكرة بروتون بعده سكودا....
و محدش من الإخوة البروتونيين بيقوللي حاجة لما بدخل عندهم ...

يا باشا انتا علي طول منورنا والله

[mimimomojojo]

عالم ضايعة

مخالف للقاعده 13
ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة

مشرف هيونداى 2

[M.almaghraby]

مين دول؟؟؟؟؟