مشاكل هيونداي الانترا (متجدد)

[kh_talaat]

يا جماعة الموضوع اسمة مشاكل هيونداي ألنترا أرجوكم الألتزام بالموضوع وعدم المقارنة بسيارة اخرى حتى تعم الفائدة على الجميع

واللي عايز يقارن يخش على قسم المقارنات بالمنتدى ويعمل موضوع ويقعد يقارن براحته

انما الهدف من الموضوع دة ان ملاك الألنترا يتبادولوا الخبرات والآراء في عربياتهم الألنترا فقط لاغير

زي موضوع الفيرنا دة

http://www.nilemotors.net/Nile/20667-a.html

[M.Al-Hefnawy]

وأنا ماشي في شارع مكسر شوية بحس بصوت رجرجة من الناحية الشمال الأمامية للعربية على عكس الناحية اليمين ما فيش منها أي صوت.

[momopersona]

وأنا ماشي في شارع مكسر شوية بحس بصوت رجرجة من الناحية الشمال الأمامية للعربية على عكس الناحية اليمين ما فيش منها أي صوت.

جيب العجل اللى ورا قدام وقولنا ايه الاخبار
عشان احتمال 90% يكون من الكاوتش او الجنط

[M.Al-Hefnawy]

أنا لاحظت حاجة كمان النهارده، لما بلف الدركسيون يمين وشمال وخصوصا ناحية الشمال لما أهزه شوية بحس بصوت خبط...يكون من أيه؟ أنا شاكك في بيض الاسكاترة أو مقص...

يا ريت لو حد عنده فكرة عن أسعارهم يقولي بس للمعرفة تحسباً إني أحتاجتهم...أنا رايح أوريها لعفشجي إن شاء الله يوم السبت.

[ahmedfd]

أنا لاحظت حاجة كمان النهارده، لما بلف الدركسيون يمين وشمال وخصوصا ناحية الشمال لما أهزه شوية بحس بصوت خبط...يكون من أيه؟ أنا شاكك في بيض الاسكاترة أو مقص...

يا ريت لو حد عنده فكرة عن أسعارهم يقولي بس للمعرفة تحسباً إني أحتاجتهم...أنا رايح أوريها لعفشجي إن شاء الله يوم السبت.

نفس الأعراض دي كانت عندي و طلعت علبة دركسيون و إتغيرت في الضمان عادي جداً فياريت تبص عليها في التوكيل و إن شاء الله خير.

[Fadelz]

أنا لاحظت حاجة كمان النهارده، لما بلف الدركسيون يمين وشمال وخصوصا ناحية الشمال لما أهزه شوية بحس بصوت خبط...يكون من أيه؟ أنا شاكك في بيض الاسكاترة أو مقص...

يا ريت لو حد عنده فكرة عن أسعارهم يقولي بس للمعرفة تحسباً إني أحتاجتهم...أنا رايح أوريها لعفشجي إن شاء الله يوم السبت.

بوش في علبة الدريكسيون

[M.Al-Hefnawy]

انا روحت للعفشجيي ولاقينا تيلة البيضة الشمال كانت عاوزة ظبط فك العجلة وقعد يهز في الطنبورة لاقينا الرجرجة بس بردة بعد ما ظبطها لسه العيب موجود...وو كان العيب من علبة الدركسيون العربية دلوقتي خرجت من الضمان عشان 2007. ليها حل تاني

[Fadelz]

انا روحت للعفشجيي ولاقينا تيلة البيضة الشمال كانت عاوزة ظبط فك العجلة وقعد يهز في الطنبورة لاقينا الرجرجة بس بردة بعد ما ظبطها لسه العيب موجود...وو كان العيب من علبة الدركسيون العربية دلوقتي خرجت من الضمان عشان 2007. ليها حل تاني

عيب عليك قلت لك بوش في علبة الدريكسيون

هتكمّل بيها عادي سنتين تلاتة و بعدين تتغير لمّا تدمّر
أوعى تحاول تعملها إصلاح و الكلام الفاضي ده لأنه هيتقلها و يدمر مكنة الباور و حوارات تانية انت اكيد مش عايزها
العلبة تمنها في حدود 5000 في التوكيل
حوّش بقى من دلوقتي

[M.Al-Hefnawy]

الله يطمنك

[osamafarouk]

ممكن اعرف اسعار المساعدين الخلفيين لأنترا 2007 و كمان الاكصدام الامامي والرفارف يعملوا كام ياريت لو حد يعرف وشـــــــــــــــــــــــــــــــكراً