حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

[Khaled_Nowaihy]

والله حاجة تغيظ وتحرق الدم
فى الوقت اللى بتوع تويوتا بيعلنوا عن عيوبهم وبيسحبوا العربيات المعيوبة تلاقى اخواننا اللى فى التوكيلات مفتحين قوى وبيتهربوا من المسئولية عن طريق الاستهبال.
لو طلبت منهم تقرير رسمى بحالة العربية يرفضوا ....
لو سألتهم ما يردوش عليك .... حسبنا الله ونعم الوكيل فيهم جميعاً

[bona]

اسألي الدكتور وليد اللي كان معايا ف المقابله النهارده 2800كم

و كمان fares اللي عامل موضوع عنها برده
و انتي تعرفي انا حظي وحش و لا الموجود منها دلوقتي هو اللي وحش او نسبه كبيره منه وحشه عشان نكون صرحا
و انتظري باقي فصول الحكايه عشان كله يتقال

متابع والله ... خلى بالك من متابع دى ... ههههههههههه
بس بردو انا اتشكرى جامد فيها من كذا واحد معاه عشان كده مستغرب

[osos_lion]

بوصو يا جماعه انا قابلت الناس كلها في المقابله وموضوع العضه دي حاجه طبيعه ومكتوب كده فالكتالوج وفعلا لازم العربيه تسخن عشان تختفي العضه ومكتووب فعلا في الكتلوج انه مش مضر
لكن اعتقد ان حاله ابو مارو حاله فرديه
وعشان تطمنو برضو ممكن لو حد هيشتريها يجربها اول ميستلمها ده سواء كانت نيو اكسنت او غره
بس والله العربيه كويسه وفعلا التوكييل المفروض ان يغير عربيت ابو مارو طالاما ان العيب موئثر والعربيه لسه زيرو
لكن العربيه مش وحشه وفعلا اعتقد ان الحاله دي فرديه
وممكن لما تشتروها وانتو بتستلمو تخلو حد من المعاه العلربيه يجربهالكو وهو هيحس بيها حد قربيكو
او انا او بسام
بس متبقاش تقرص علي العربيات يا بيسو دول لسه بيلينو ههههههههه
اه يا بيسو الفلتر عامل شغل لوز العنب بس عايز اشوفلو حل فحوار الماسوره قبل ما اقلبه
اصدي قبل مديهولك ههههههه

[slim_shika]

متابع بإهتمام..

[AboMaro]

طلبت اروح لل م/عاطف عبد السميع

اثناء البحث عن المهندس عاطف عبد السميع بواسطة احد الموظفين الذي سيقوم بتوصيلي

قام احد العملاء بأعطائي رقم تليفون الاتصال السريع لجهاز حماية المستهلك 19588

عند الاتصال به كان لايرد "بالتحديد رد يقول : لايمكن الاتصال من هذه المنطقه"

اخيرا وصلنا عند المهندس عاطف عبد السميع

تم ايضاح الموقف لسيادته و كالعاده من كل شخص هناك

و لكن البشمهندس عاطف هو فعلا استاذهم و رئيسهم

كان كل كلامه عباره عن نفي اي جمله اقولها عن حقي في الحصول على سياره زيرو ورفضي الحصول على سياره معيبه و متصلحه

و بعد نفيه لاي جمله ليا يكمل كلامه باني اخيه و يهمه مصلحتي ثم الحديث

عن كفاءة و كبر حجم اعمال غبور و مصانعه

الى ان احنا ظللنا على هذا الحال لمده تزيد على الساعة و نصف لم يكف فيها عن اقناعي

الا انه زاد على ذلك بأنه اخذ ورقه و قلم و رسم لي بالظبط ان تغير طقم الدبرياج لا يحتاج الا فك مسمارين لتغير علبه مربعه الشكل موجوده اسفل السياره

"ما رسمه كان بالظبط اشبهه بتوضيح رسم لتغير علبة شكمان مثلا"

و ظل يقسم ويزيد من القسم على انهم مسمارين بالعدد و انها علبه مستقله لا يحتاج حلها او فكها اي مجهود او فك اي مسمار اخر من مكانه لدرجة انك تحس ان انت ممكن تنزل تغيرها بنفسك ف 5 دقايق

ظللت على رفضي للموافقه على اي تصليحات ف السياره فهذا اصلا مش موضوعي

طالبتهم ان احصل على ما يفيد بوجود هذا العيب او تصليحهم له

كان الرد بالنفي ان اصلا السياره طبيعي انها تخش وتطلع سليمه وبس و اي حاجه تانيه مش من تخصصي

طلبت اني انزل الورشه اشوف السياره

كان الرد بالموافقه بعد الحاح

وبعد اخذ رأي مهندس هاني نزيه مدير القطاع الذي لم يمنع نفسه هو الاخر من ابداء رأيه باني اخيه الاصغر ايضا و ان مصلحتي فوق الجميع و طبعا الحديث عن حجم و كبر مؤسسة غبور و التوكيل و المصانع

و هنا انتهى دور المهندس عاطف عبد السميع

الا ان هذا الجزء بالذات يخص احد المختصين بالتوكيل و الموجود معنا بالمنتدى
و اتمنى مثلا انه يدخل هنا ع الموضوع عشان يقولي هما لسه مسمارين و لا طلعوا 3 مسامير و يا ترى الورقه اللي فيها الرسم لسه معاه
طبعا انا شكرته على استقباله ليا اصلا و مازلت اشكره لاني عطلته بدون فائده "واخدين بالكو من بدون فائده دي"

[momenhamdy]

متابع بأهتمام

وربنا معاك

[AboMaro]

بوصو يا جماعه انا قابلت الناس كلها في المقابله وموضوع العضه دي حاجه طبيعه ومكتوب كده فالكتالوج وفعلا لازم العربيه تسخن عشان تختفي العضه ومكتووب فعلا في الكتلوج انه مش مضر
لكن اعتقد ان حاله ابو مارو حاله فرديه
وعشان تطمنو برضو ممكن لو حد هيشتريها يجربها اول ميستلمها ده سواء كانت نيو اكسنت او غره
بس والله العربيه كويسه وفعلا التوكييل المفروض ان يغير عربيت ابو مارو طالاما ان العيب موئثر والعربيه لسه زيرو
لكن العربيه مش وحشه وفعلا اعتقد ان الحاله دي فرديه
وممكن لما تشتروها وانتو بتستلمو تخلو حد من المعاه العلربيه يجربهالكو وهو هيحس بيها حد قربيكو
او انا او بسام
بس متبقاش تقرص علي العربيات يا بيسو دول لسه بيلينو ههههههههه
اه يا بيسو الفلتر عامل شغل لوز العنب بس عايز اشوفلو حل فحوار الماسوره قبل ما اقلبه
اصدي قبل مديهولك ههههههه

تأكيدا على كلام اوس اوس

عضه الفتيس ف الاكسنت مش عيب بالعكس ده عدم وجودها ف البدايه هو اللي ممكن يكون عيب
وفعلا موجوده ف الكتالوج انا شوفتها قبل كده

لكن انا مشكلتي حاجه تانيه غير العضه

مشكلتي اني اشتريت عربيه بايظه و كمان مطلوب مني استسلم للامر الواقع

لا يا غبور لا

بس ده ميمنعش ان عيب السحب و الكركره اللي هو ممكن يكون سببه طقم الدبرياج زي حالتي كده - انتشر شويه اليومين دول

واللي يزيد من المشكله ان لو فيه عيب من كوريا التوكيل هيداريهولك و يلبسهولك مش هيحافظ على حقك لا انسى

[AboMaro]

متابع والله ... خلى بالك من متابع دى ... ههههههههههه
بس بردو انا اتشكرى جامد فيها من كذا واحد معاه عشان كده مستغرب

اعذرني ياباشا " خدت بالي انا كده"

بس بص العربيه ممتازه - عليها موتور ممتاز و عفشه مع انها ناشفه سنه بس بالنسب لي كانت ممتازه

لكن عشان نتكلم عن طقم الدبرياج او الاسطوانه و الديسك و البليه

معلش تصبر معايا لجد اخر الموضوع

و ارجو من الكل عذري على التأخر عشان انا مطحون اليومين دول

[aelhossan]

موضوع شديد جدا
انا حاسس انى بتفرج علي فيلم امريكاني
بس يارب البطل مايموتش في الآخر
عشان انا خلاص اتعاطفت معاه وممكن اروح لغبور وانا لابس حزام ناسف واخلص الناس منه(هوه انا لو عشت بعد الانفجار هيبقي كده فيلم هندي صح؟؟؟)

[menocomp]

ياريت الموضوع دة ينتهى على خير.
متابع بأهتمام.

[amr.elsayed]

بصراحة انا شايف ان الناس فى التوكيل عملوا اللى عليهم
اى موديل عربية معرض ان يكون فى بعض العربيات او بعض من خط الانتاج يكون فيه عيب صناعة
الاهم ان التوكيل مايتهربش من المشكلة ودة اللى حصل مع توكيل غبور
بصراحة وجه نظرى ان التوكيل عداه العيب وازح .. حصل عندك عيب صناعة والتوكيل حيغيرلك طقم الدبرياج فى الضمان يبقى ايه المشكلة
اومال احنا بناخد ضمان على ايه يا جماعة
...................................
جهاز حماية المستهلك مش حيعملك حاجة ... لان تغيير العربية لازم يتم فى خلال 14 يوم من استلامها .. دة غير ان الوكيل لا يتهرب من العيب ويريد اصلاحه
ماتزعلش منى .. انا مستهلك زى زيك وحتى ماعيش عربية هيونداى .. لكن دى وجه نظرى ولحضرتك منى فائق الاحترام

[bassem.naguib]

وبعدين يا سيدي الفاضل .. كفاية تشويق

بس ممكن اعرف اعتراض حضرتك في تغيير طقم الدبرياج ايه .. وهو ممكن تكون حاجة واردة في أي ماركة عربية تانية .. وأكيد كنت متابع قصة الفتيس بتاع تويوتا كرولا في مصر

ومعتقدش ان جهاز حماية المستهلك حيفيدك في تغيير العربية .. واقصى حاجة حيعملها إلزام الوكيل بتصليح العربية وترجع أكنها زيرو وهو ما عرضه التوكيل عليك بالفعل ، وعلى فكرة ده ميعبهاش في حاجة لأنها من الأجزاء المستهلكة باستمرار يعني قابلة للتغيير وليست من اساسيات السيارة الثابتة .

انا بحاول والله اخفف عن حضرتك المشكلة اللي أنت فيها .. وملحوظة انا بحب ماركة هيونداي بس بكره غبور

[bishoy02010]

بصراحة انا شايف ان الناس فى التوكيل عملوا اللى عليهم
اى موديل عربية معرض ان يكون فى بعض العربيات او بعض من خط الانتاج يكون فيه عيب صناعة
الاهم ان التوكيل مايتهربش من المشكلة ودة اللى حصل مع توكيل غبور
بصراحة وجه نظرى ان التوكيل عداه العيب وازح .. حصل عندك عيب صناعة والتوكيل حيغيرلك طقم الدبرياج فى الضمان يبقى ايه المشكلة
اومال احنا بناخد ضمان على ايه يا جماعة
...................................
جهاز حماية المستهلك مش حيعملك حاجة ... لان تغيير العربية لازم يتم فى خلال 14 يوم من استلامها .. دة غير ان الوكيل لا يتهرب من العيب ويريد اصلاحه
ماتزعلش منى .. انا مستهلك زى زيك وحتى ماعيش عربية هيونداى .. لكن دى وجه نظرى ولحضرتك منى فائق الاحترام

+1111

انا بردة عربيتى كان فيها طقم دبرياج والمهم عندى ان التوكيل يعملة فى الأخر والعربية تطلع مظبوطة اكتر من كدة انا ماليش حاجة عند التوكيل ويبقى عداه العيب بصراحة

[AboMaro]

وبعدين يا سيدي الفاضل .. كفاية تشويق

بس ممكن اعرف اعتراض حضرتك في تغيير طقم الدبرياج ايه .. وهو ممكن تكون حاجة واردة في أي ماركة عربية تانية .. وأكيد كنت متابع قصة الفتيس بتاع تويوتا كرولا في مصر

ومعتقدش ان جهاز حماية المستهلك حيفيدك في تغيير العربية .. واقصى حاجة حيعملها إلزام الوكيل بتصليح العربية وترجع أكنها زيرو وهو ما عرضه التوكيل عليك بالفعل ، وعلى فكرة ده ميعبهاش في حاجة لأنها من الأجزاء المستهلكة باستمرار يعني قابلة للتغيير وليست من اساسيات السيارة الثابتة .

انا بحاول والله اخفف عن حضرتك المشكلة اللي أنت فيها .. وملحوظة انا بحب ماركة هيونداي بس بكره غبور

كون حضرتك عندك استعداد تشتري عربيه زيرو معيوبه و تتوجهه بيها للتوكيل يصلحهالك
وتركبها وتفقد كل مميزات كلمة زيرو وتتحول الى راكب سياره متصلحه و يا ترى بكره هتبوظ تاني و المرة الجايه يجربوا حاجه تانيه تكون هي اصلا السبب في بوظان الدبرياج وهكذا
لحد ما تزهق و تبيع العربيه برده


انا قررت موافقش على كده انا شاري عربيه مكملتش بيها 10 ايام
وشاريها على انها زيرو مش بايظه
و اذا كنت مش هاخد حقي عن طريق حمايه المستهلك ف عايز اقولك ان لو هخسر ف العربيه 6 او 7 الاف جنيه هتأكد تماما ان هيونداي خسرت قدهم 100 مره
و الايام تثبت كلامي
وتويوتا اللي بتقارن بيها دي عندها عيب عام مش سياره واحده معيوبه و رفضوا يرجعوها
انت قصدك تخفف عليا و انا عمري ما هتنازل عن حقي

[slim_shika]

أنا عايز أعرف القصة لحد الآخر قبل محكم, بس مشكلة تشل لحد دلوقتي, هو مش العربيات ديه قبل مابتنزل مصر مش بتعدي على PDI Check ؟؟؟ والمفروض التوكيل برده بيفحص العربية قبل تسليمها للعميل؟؟؟؟ هو يعني عادي تغير تقم دبرياش بعد أول ألف؟؟؟

أنا مش عايز اسخن حد بس حاجة فعلا تجنن...

متابع برده يا باشا..