حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

[BassamHafez]

و الله ما عارف اشكرك ازاي

اشكرك على انك الوحيد اللي كلمته يوميها و هونت عليا بدل ما كنت هقع من طولي هناك م الكبته منهم

وفضلت تطمن عليا يوميها
انا عارف انك مش مستني شكر

انا عايز الناس بس تسأل سؤال هو ازاي عربيه تخش البلد بايظه تتصلح هنا وهي ع الزيرو
واذا دخلت غلطه مين
وهل من حق التوكيل استيراد سيارات بايظه لاصلاحها هنا
ام ان مهمته اصلاح ما يتلف هنا
اما اعرف اجاوب ع الاسئله دي اعرف على طول حقي و لا مش حقي اللي انا بعمله

على فكره من ضمن اللي انا عملته برده بس نسيت اكتبه اني سلمت رساله باللي حصل لمكتب وزير الصناعه و التجاره
سألته السؤال ده

انا فعلا مش محتاج شكر

انا فعلا حاسس بيك لاني عارف يعني ايه الواحد يفضل يتبهدل ويستحمل لحد ما يحوش قرشين عشان يجيب بيهم عربيه ترحمه من القرف وفي الاخر تلاقي واحد يقولك هو ده عندنا ومش عاجبك روح ولع في نفسك بس طبعا مع اختلاف الطرق مرة تتقال بذوق ومرة بقله ادب وهكذا

اصلى مجرب الموضوع ده مع نفس ال................. برضو بس كانت شويه حاجات بسيطة

[jesuslovesfady]

يا راجل دة احنا ملينا من الموضوع دة كل دية كتابة و كلام ملوش معني و في الاخر بتقول انا الناس عملت معاك الواجب و زيادة امال انت عايز اية تاني مفييش شركات بترجع عربية علشان فيها عيوب ممكن تصليحها انت شكلك مش فاهم اي حاجة في عالم السيارات ابقي اقراء علي النت تيوتا بتعمل اية في عربيتها في امريكا بتسحب العربية تصلحها و ترجعها لصحابها تاني رغم ان العيب الي كان فيها بيسبب حوادث مش كركرة زي ما انت بتقول كمان المفروض ان الدبرياج دة من الحاجات المستهلكة يعني ممكن تغيرة في اي وقت يا راجل قول الحمد للة و بلاش تعيب في الناس و اتقي ربنا

[sh_masry]

بس القطعه دي اتسببت ف ايه ؟؟؟ .... ف حاجتين
1- بشهادة المهندس طلعت اللي جرب العربيه ان في خلال الالف الاولى اللي حصلت قبل الصيانه كان يستحيل قيادة السياره على السرعات البطيئه الا بالكبس على البنزين او الكركره او انها تفصل منك
"طب الحاجات دي مكتوب ف الكتالوج ان ممنوع نهائيا يحصلوا ف الالف الاولى"
السؤال بقى هل كده العربيه دي اتلينت صح ؟؟؟؟؟ الرد هيكون مستحيل برده
2- الحاجه التانيه عربيه جايه ع الزيرو هل هتقبل تركبها بعد ما اتفكت مية حته قصادك
طب بلاش دي - افرض انا جاي ابيعها كسر زيرو دلوقتي وقالي الشاري تعالى نروح التوكيل نكشف على صيانات العربيه عشان يطمن وراح طلب البيانات من الكمبيوتر لاقها مغيره طقم دبرياج
هل هيرضى يشتريها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طب اذا كان اللي جاي يشتري مستعمل مش هيرضى بيها ارضى انا اللي رايح اجيب زيرو

والله هاقولك انك عندك حق برده بالرغم ان النقطه الأولى ممكن ماتأثرش على العربيه و دى مش انا اللى هاقدر اتكلم فيها و لكن عايزه ان جهاز حمايه المستهلك يعين لجنه فنيه هندسيه للكشف على السياره و عيوبها و التأثيرات اللى حصلت من العيوب دى .
و بالنسبه للنقطه التانيه برده عندك حق فيها بس اللى هايشترى ده هايشوف حاله العربيه و هايعرف ان فيه قطعه غيار اتغيرت بمعرفه التوكيل و طالما انها لم تؤثر على العربيه (بس طبعا بعد تقرير اللجنه الفنيه) يبقى مافيش مشكله و لو ما اشتراش الزبون ده ربنا يكرم بغيره و يشترى.

نيجي بقى للجزء اللي انا مش عايز اتعرض ليه وهو حالة العربيه دلوقتي :
اولا العربيه لسه بتنتش و بتكركر اقل بحاجه بسيطه مما كانت عليه بس تخيل انها زادت ف خلال المشوا من التوكيل لشغلي للبيت حوالي 70 كيلو

يبقى طبعا كده لسه فيه مشكله و ما اتحلتش .

طبعا انا ركنتها فجراج و متحركتش من ساعتها لاني مش عايز ابقى فار تجارب النهارده نشوف العيب من الاسطوانه و بكره نشوف العيب منين تاني و لا تكون الاسطوانه اللي ركبت هي كمان عايزه تتغير ولا فيه حاجه اصلا بتاكل الاسطوانات

على فكره العامل قال الاسطوانه سليمه المهندس طلعت راح قايله امال ايه الحرق اللي ع الديسك ده راح العامل ساكت طبعا وملتفت لشغله

يبقى زى ما انت بتفكر يبقى لازم فعلا حمايه المستهلك و لجنه فنيه هندسيه لمعرفه اساس العيب

المهندس طلعت اللي جرب العربيه و قال ازاي الدبرياج يبقى عالي قوي كده هو اللي مسلمهاني بدبرياج عالي
المهندس طلعت اللي جرب و لاقها بتكرر ف الطلعه وقال كده يبقى طقم دبياج هو اللي مسلمهاني بتكركر و كمان بيتريق عليا اني بقول بيكركر

تقدر تقولي دلوقتي رأيك استمتع بيها برده و اسكت

لأ طبعا طالما لسه العيب موجود و حاسس بيه يبقى فيه حاجه مش مظبوطه فى العربيه و لازم هما يكشفوا عليها كويس و بأمانه و ياريت برده يكون عن طريق اللجنه بتاعت جهاز حمايه المستهلك و انا كان رأيي انك تستمتع بيها طالما العربيه بقت سليمه و اتظبطت انما طالما فيها مشاكل و مش عارفين يحلوها يبقى ياخدوها و يبدلوها من غير كلام بس علشان توصل للحل ده لازم رأى اللجان الفنيه و هتاخد منك اسابيع و شهور للوصول الى الحل و ربنا يوفقك و يكون فى عونك و ان شاء الله ربنا يكرمك بالحل اللى انت تردى بيه.

[AboMaro]

يا راجل دة احنا ملينا من الموضوع دة كل دية كتابة و كلام ملوش معني و في الاخر بتقول انا الناس عملت معاك الواجب و زيادة امال انت عايز اية تاني مفييش شركات بترجع عربية علشان فيها عيوب ممكن تصليحها انت شكلك مش فاهم اي حاجة في عالم السيارات ابقي اقراء علي النت تيوتا بتعمل اية في عربيتها في امريكا بتسحب العربية تصلحها و ترجعها لصحابها تاني رغم ان العيب الي كان فيها بيسبب حوادث مش كركرة زي ما انت بتقول كمان المفروض ان الدبرياج دة من الحاجات المستهلكة يعني ممكن تغيرة في اي وقت يا راجل قول الحمد للة و بلاش تعيب في الناس و اتقي ربنا

يعني اول مشاركه ليك المنتدى وداخل تعيب فيا

لا انا فاهم و لا بتقي ربنا

الناس دي انا شكرتهم وانا ماشي و قولتلهم :"بصرف النظر عن السياره انتوا عملتوا اللي عليكوا"
لكن عملوا الواجب دي استحاله

و م/ عاطف انا لا شكرته ولا هشكره اللي مسك ورقه وقلم ورسم لي حاجه كده و قالي دول مسمارين ف 5 دقايق

لكن لو عايز تعرف مين اللي عمل فيهم الواجب
العامل اللي كان متأذي جدا م اللي بيحصل و كمان بعد ما شاف حاجه انا معرفهاش لحد دلوقتي راح عامل معايا اللي يحفظ ليا حقي وهما فحقوق المستهلك عرفوه

انت فاكر ان انا متوقع ان اول ما اقولهم هناك غيروها هتتغير اذا كان هما هناك قاولولي دي مش من سلطة حد ان يعمل كده وطلبوا اني اخرج بالعربيه متصلحه الاول و بعد كده انا حر و الا العربيه تخرج من الضمان

انا حكيت اللي انا عايزه وانت تقرا اللي انت عايزه من غير ما تغلط فيا

[i_samy]

طيب أخبار عربيتك إيه دلوقتى هل فيه تحسن أم مازال الوضع على ما هو عليه ؟

[أشرف العدوي]

يعني اول مشاركه ليك المنتدى وداخل تعيب فيا

لا انا فاهم و لا بتقي ربنا

الناس دي انا شكرتهم وانا ماشي و قولتلهم :"بصرف النظر عن السياره انتوا عملتوا اللي عليكوا"
لكن عملوا الواجب دي استحاله

و م/ عاطف انا لا شكرته ولا هشكره اللي مسك ورقه وقلم ورسم لي حاجه كده و قالي دول مسمارين ف 5 دقايق

لكن لو عايز تعرف مين اللي عمل فيهم الواجب
العامل اللي كان متأذي جدا م اللي بيحصل و كمان بعد ما شاف حاجه انا معرفهاش لحد دلوقتي راح عامل معايا اللي يحفظ ليا حقي وهما فحقوق المستهلك عرفوه

انت فاكر ان انا متوقع ان اول ما اقولهم هناك غيروها هتتغير اذا كان هما هناك قاولولي دي مش من سلطة حد ان يعمل كده وطلبوا اني اخرج بالعربيه متصلحه الاول و بعد كده انا حر و الا العربيه تخرج من الضمان

انا حكيت اللي انا عايزه وانت تقرا اللي انت عايزه من غير ما تغلط فيا

انا حاسس بيك قوي
علشان انا مريت بالظروف دي فير عربيتي الافيو

ربنا يصبرك و يقويك
و على فكرة انت عندك حق في كل الي بتعمله
و لو عايز مني اي مساعدة انا تحت امرك

[AboMaro]

طيب أخبار عربيتك إيه دلوقتى هل فيه تحسن أم مازال الوضع على ما هو عليه ؟

اقرا المشاركه رقم 100

[AboMaro]

انا حاسس بيك قوي
علشان انا مريت بالظروف دي فير عربيتي الافيو

ربنا يصبرك و يقويك
و على فكرة انت عندك حق في كل الي بتعمله
و لو عايز مني اي مساعدة انا تحت امرك

الف شكر و ربنا يكرمك
بس ايه ده ايه اللي حصل معاك و ايه التوقيع اللي انت حاطه انا اول مرة اشوفه

[أشرف العدوي]

الف شكر و ربنا يكرمك
بس ايه ده ايه اللي حصل معاك و ايه التوقيع اللي انت حاطه انا اول مرة اشوفه

لا دي قصة طويلة جداً
أدخل قسم شيفروليه و انت تعرف
البلاوي
و مش عندي لوحدي

[menocomp]

للاسف التوكيلات بيستغلوا نقطة الضمان لصالحهم الى أقصى الحدود. بدل ميتأكدوا من صلاحية العربية من جميع الأوجهة , لأ يبيع وبعد كدة العميل لو عندة أى شكوى يبقى منة للضمان .حاجة فعلا تقرف. .ربنا معاك بجد.

[mhoss]

شكراً يا AboMaro على عرضك الشيق للموضوع و أنا على فكرة أتعلمت كتير جداً من سردك للأحداث...

و طالما إنك مقتنع و معاك دليل إنه عيب صناعة يتطلب تغيير السيارة (و ده صعب من وجهة نظرى)... مش عيب قطعة غيار زى حضرتك ما ذكرت و معاك ما يثبت حقك من العامل اللى كان شغال فى العربية يبقى أوعى تسيب حقك و خليك فى الطريق للأخر و ربنا يوفقك و يعوض عليك خير...

[TAMER2020]

أنت صح يا أستاذ أبومارو وسيبك من الاساتذه اللى دخله تعمل اكونت عشان تهاجمك لمجرد الهجوم والتحيز لوكلاء سيارات لايستحقوا أنهم يكونوا مصريين

على فاكره انا كنت ناوى على ألنترا بس من انهارده أنا لغيت هيونداى من حساباتى نهائيا

لا لهيونداى عشان غبور يستريح

[BassamHafez]

يعني اول مشاركه ليك المنتدى وداخل تعيب فيا

لا انا فاهم و لا بتقي ربنا

الناس دي انا شكرتهم وانا ماشي و قولتلهم :"بصرف النظر عن السياره انتوا عملتوا اللي عليكوا"
لكن عملوا الواجب دي استحاله

و م/ عاطف انا لا شكرته ولا هشكره اللي مسك ورقه وقلم ورسم لي حاجه كده و قالي دول مسمارين ف 5 دقايق

لكن لو عايز تعرف مين اللي عمل فيهم الواجب
العامل اللي كان متأذي جدا م اللي بيحصل و كمان بعد ما شاف حاجه انا معرفهاش لحد دلوقتي راح عامل معايا اللي يحفظ ليا حقي وهما فحقوق المستهلك عرفوه

انت فاكر ان انا متوقع ان اول ما اقولهم هناك غيروها هتتغير اذا كان هما هناك قاولولي دي مش من سلطة حد ان يعمل كده وطلبوا اني اخرج بالعربيه متصلحه الاول و بعد كده انا حر و الا العربيه تخرج من الضمان

انا حكيت اللي انا عايزه وانت تقرا اللي انت عايزه من غير ما تغلط فيا

شكله زميل المهندس هاني في المكتب بتاع غمبوووووور

انا رايي كبر دماغك يا ابو مارو واعمل الصح واهنا معاك

[ehab_10]

انت فين ياباشا احنا فى انتظارك

[alf2boshra]

العزيز أبو مارو .. بجد شئ أقل ما يمكن قوله عنه مش عارف أقول إيه بس هي دي رجال المال والصناعه في مصر استهبال واستخفاف بالناس ، ومع احترامي الكامل لكل من شارك سواء بالوقوف معك او الهجوم عليك اقول للجميع ان صاحب السيارة ( أبو مارو ) معاه كل الحق فمثلا العامل اللي بين ان فيه حرق في منطقة الدبرياج .. ده شئ غير طبيعي وكمان كم العربيات اللي مرفوعه وكلها من نفس النوعيه وبها نفس المشكلة تقريبا .. ياجماعه واضح جدا ان ده عيب تصنيييييييييييييييييييييييع وكمان للأعزاء اللي بيقولوا ان الراجل ( أبو مارو ) يفرح بالعربيه مش هاقول كلام سليم او سخيف بس أسألهم لو حد منكم مكانه هيرضى بعربية لسه ع الزيرو وتكون متبهدله كده ؟ مافتكرش .. العزيز ابو مارو بص يا سيدي لو بجد موضوع الوقفة والتصوير والحاجات دي إسمحلي أقولك برافو وده أسمى تصرف ممكن تعمله لو ده حصل اقولك ان ممكن يحرك الناس دي ويحسوا على دمهم شوية (( ولو إنه صعب لأن تقريبا الفئة دي أغلبها ماعندوش دم )) .. أخيرا والله العظيم مش باسخن حد على حد بس بجد قمة الإستهانه بحقوق الناس .. العزيز أبو مارو . كتبت عن سبب سردك للمشكلة على أجزاء انك بتكتب بين المحاضرات .. ابو مارو ، يعني متزوج يبقى مش طالب جامعي لسه ، وبتكتب بين المحاضرات !!! حضرتك أستاذ جامعي ؟ صح ؟ .. إمشي في مشوار الوقفة الاحتجاجية والموضوع لو يتصور هتبقى شدة ودن لغبور وأمثاله إنما إيه ؟ ممكن تطلع باللحم .. ربنا معاك ومنصور عليهم . قول بإذن الله .. ألفي بشرى