حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

[AboMaro]

+1111

انا بردة عربيتى كان فيها طقم دبرياج والمهم عندى ان التوكيل يعملة فى الأخر والعربية تطلع مظبوطة اكتر من كدة انا ماليش حاجة عند التوكيل ويبقى عداه العيب بصراحة

ممكن اعرف عربيتك نوعها ايه و غيرت الطقم على كام كيلو و بعد كام يوم من الاستلام

[AboMaro]

أنا عايز أعرف القصة لحد الآخر قبل محكم, بس مشكلة تشل لحد دلوقتي, هو مش العربيات ديه قبل مابتنزل مصر مش بتعدي على pdi check ؟؟؟ والمفروض التوكيل برده بيفحص العربية قبل تسليمها للعميل؟؟؟؟ هو يعني عادي تغير تقم دبرياش بعد أول ألف؟؟؟

أنا مش عايز اسخن حد بس حاجة فعلا تجنن...:i_angr1[1]:

متابع برده يا باشا..

انا اتكلمت فحكايه ال pdi
وكان الرد مبهم متفهمش منه حاجه

انا بس عايز الناس تعزرني لاني بكتب جزء بجزء انا مش قاصد اشوق حد بس انا مريت بأسواء ايام حياتي
و مجرد سرد احداثه شيء صعب جدا عليا

[bishoy02010]

ممكن اعرف عربيتك نوعها ايه و غيرت الطقم على كام كيلو و بعد كام يوم من الاستلام

رينو لوجان
والعربية فيها طقم دبرياج وانا بستلمها وعاملة 13 كيلو كان موجود فيها
واتغير على 11200 كيلو
وبعد حوالى شهرين فى الحدود ديه

بس عمتا مكانش عامل المشاكل اللى حضرتك بتتكلم عليها كان يادوبك سنة رجرجة فى الطلعة

بس عمتا انا مش بقولك سيب حقك بس مش عايز ققلك متنساش اننا فى مصر :)

يعنى الحمد لله انهم قالوا انها فيها طقم دبرياج وهيغيروه ياريت اكون قدرت اوصلك قصدى وانا حاسس بالى انته حاسس بيه بس المهم العربية ترجع مظبوطة ويكون فى اهتمام

[slim_shika]

بس عمتا انا مش بقولك سيب حقك بس مش عايز ققلك متنساش اننا فى مصر :)

عندك حق يا بيشوي , مع إن الجملة ده بتجبلي إحباط فعلا...بس ملهاش تزويقه للأسف...

[AboMaro]

رينو لوجان
والعربية فيها طقم دبرياج وانا بستلمها وعاملة 13 كيلو كان موجود فيها
واتغير على 11200 كيلو
وبعد حوالى شهرين فى الحدود ديه

بس عمتا مكانش عامل المشاكل اللى حضرتك بتتكلم عليها كان يادوبك سنة رجرجة فى الطلعة

بس عمتا انا مش بقولك سيب حقك بس مش عايز ققلك متنساش اننا فى مصر :)

يعنى الحمد لله انهم قالوا انها فيها طقم دبرياج وهيغيروه ياريت اكون قدرت اوصلك قصدى وانا حاسس بالى انته حاسس بيه بس المهم العربية ترجع مظبوطة ويكون فى اهتمام

لما يتغير بعد 11200 غير الف واحده
وبعد عشر ايام

وفيما يخص حكاية انهم كفايه انهم قالوا ان فيها طقم دبرياج

شوف اولا كان واضح جدا جدا انا بس اللي كنت بغالط نفسي

ثانيا انا مش رايح اشحت ده حقي اني اشتري عربيه سليمه

ثالثا عشان اطمنك فيما يخص النقطه دي بالذات انا طلبت من اول واحد اللي هو م/وجدي يشوفها ويتأكد
وقولت له : انا نفسي العربيه تكون سليمه او بس محتاجه ظبط ع الكمبيوتر

لكن لو فيها حاجه وحشه و انت قولتلي انها كويسه عشان تقعد معايا شويه اكتر و بعدين يبان العيب ف المستقبل هتكون مشكلتي معاك انت بصفه شخصيه

و الراجل مكدبش خبر دخل و رجع بعد 20 دقيقه و بعلو حسه قدام م/ ياسر قال فلان و فلان جربوها و فيها طقم دبرياج واضح

[AboMaro]

بصراحة انا شايف ان الناس فى التوكيل عملوا اللى عليهم
اى موديل عربية معرض ان يكون فى بعض العربيات او بعض من خط الانتاج يكون فيه عيب صناعة
الاهم ان التوكيل مايتهربش من المشكلة ودة اللى حصل مع توكيل غبور
بصراحة وجه نظرى ان التوكيل عداه العيب وازح .. حصل عندك عيب صناعة والتوكيل حيغيرلك طقم الدبرياج فى الضمان يبقى ايه المشكلة
اومال احنا بناخد ضمان على ايه يا جماعة
...................................
جهاز حماية المستهلك مش حيعملك حاجة ... لان تغيير العربية لازم يتم فى خلال 14 يوم من استلامها .. دة غير ان الوكيل لا يتهرب من العيب ويريد اصلاحه
ماتزعلش منى .. انا مستهلك زى زيك وحتى ماعيش عربية هيونداى .. لكن دى وجه نظرى ولحضرتك منى فائق الاحترام

فعلا العيب و اضح من اول يوم و العربيه طلبت تغيرها بعد 9 ايام بالظبط
يبقى مين اللي عداه العيب و مين اللي بيتهرب

[BassamHafez]

طلبت اروح لل م/عاطف عبد السميع

اثناء البحث عن المهندس عاطف عبد السميع بواسطة احد الموظفين الذي سيقوم بتوصيلي

قام احد العملاء بأعطائي رقم تليفون الاتصال السريع لجهاز حماية المستهلك 19588

عند الاتصال به كان لايرد "بالتحديد رد يقول : لايمكن الاتصال من هذه المنطقه"

اخيرا وصلنا عند المهندس عاطف عبد السميع

تم ايضاح الموقف لسيادته و كالعاده من كل شخص هناك

و لكن البشمهندس عاطف هو فعلا استاذهم و رئيسهم

كان كل كلامه عباره عن نفي اي جمله اقولها عن حقي في الحصول على سياره زيرو ورفضي الحصول على سياره معيبه و متصلحه

و بعد نفيه لاي جمله ليا يكمل كلامه باني اخيه و يهمه مصلحتي ثم الحديث

عن كفاءة و كبر حجم اعمال غبور و مصانعه

الى ان احنا ظللنا على هذا الحال لمده تزيد على الساعة و نصف لم يكف فيها عن اقناعي

الا انه زاد على ذلك بأنه اخذ ورقه و قلم و رسم لي بالظبط ان تغير طقم الدبرياج لا يحتاج الا فك مسمارين لتغير علبه مربعه الشكل موجوده اسفل السياره

"ما رسمه كان بالظبط اشبهه بتوضيح رسم لتغير علبة شكمان مثلا"

و ظل يقسم ويزيد من القسم على انهم مسمارين بالعدد و انها علبه مستقله لا يحتاج حلها او فكها اي مجهود او فك اي مسمار اخر من مكانه لدرجة انك تحس ان انت ممكن تنزل تغيرها بنفسك ف 5 دقايق

ظللت على رفضي للموافقه على اي تصليحات ف السياره فهذا اصلا مش موضوعي

طالبتهم ان احصل على ما يفيد بوجود هذا العيب او تصليحهم له

كان الرد بالنفي ان اصلا السياره طبيعي انها تخش وتطلع سليمه وبس و اي حاجه تانيه مش من تخصصي

طلبت اني انزل الورشه اشوف السياره

كان الرد بالموافقه بعد الحاح

وبعد اخذ رأي مهندس هاني نزيه مدير القطاع الذي لم يمنع نفسه هو الاخر من ابداء رأيه باني اخيه الاصغر ايضا و ان مصلحتي فوق الجميع و طبعا الحديث عن حجم و كبر مؤسسة غبور و التوكيل و المصانع

و هنا انتهى دور المهندس عاطف عبد السميع

الا ان هذا الجزء بالذات يخص احد المختصين بالتوكيل و الموجود معنا بالمنتدى
و اتمنى مثلا انه يدخل هنا ع الموضوع عشان يقولي هما لسه مسمارين و لا طلعوا 3 مسامير و يا ترى الورقه اللي فيها الرسم لسه معاه
طبعا انا شكرته على استقباله ليا اصلا و مازلت اشكره لاني عطلته بدون فائده "واخدين بالكو من بدون فائده دي"

هو ده كان رايي في الاول وانطباعي طلع صح

فنان كلام لكن فعل مافيش

[BassamHafez]

بوصو يا جماعه انا قابلت الناس كلها في المقابله وموضوع العضه دي حاجه طبيعه ومكتوب كده فالكتالوج وفعلا لازم العربيه تسخن عشان تختفي العضه ومكتووب فعلا في الكتلوج انه مش مضر
لكن اعتقد ان حاله ابو مارو حاله فرديه
وعشان تطمنو برضو ممكن لو حد هيشتريها يجربها اول ميستلمها ده سواء كانت نيو اكسنت او غره
بس والله العربيه كويسه وفعلا التوكييل المفروض ان يغير عربيت ابو مارو طالاما ان العيب موئثر والعربيه لسه زيرو
لكن العربيه مش وحشه وفعلا اعتقد ان الحاله دي فرديه
وممكن لما تشتروها وانتو بتستلمو تخلو حد من المعاه العلربيه يجربهالكو وهو هيحس بيها حد قربيكو
او انا او بسام
بس متبقاش تقرص علي العربيات يا بيسو دول لسه بيلينو ههههههههه
اه يا بيسو الفلتر عامل شغل لوز العنب بس عايز اشوفلو حل فحوار الماسوره قبل ما اقلبه
اصدي قبل مديهولك ههههههه

هاهاها

يا عم ما تسوقش سمعتي طب اسال وليد كده انا كنت ماشي معاه ازاي

بس اكيد ساعات بتقى عايز تشوف ايه نظام العربيه

بس عربيه وليد عشان لسه 2000 كيلو ما قرصناش عليها

بس العربيات اللي معديه ال 5000 زي عربياتنا لازم تفوقها شويه

[BassamHafez]

بصراحة انا شايف ان الناس فى التوكيل عملوا اللى عليهم
اى موديل عربية معرض ان يكون فى بعض العربيات او بعض من خط الانتاج يكون فيه عيب صناعة
الاهم ان التوكيل مايتهربش من المشكلة ودة اللى حصل مع توكيل غبور
بصراحة وجه نظرى ان التوكيل عداه العيب وازح .. حصل عندك عيب صناعة والتوكيل حيغيرلك طقم الدبرياج فى الضمان يبقى ايه المشكلة
اومال احنا بناخد ضمان على ايه يا جماعة
...................................
جهاز حماية المستهلك مش حيعملك حاجة ... لان تغيير العربية لازم يتم فى خلال 14 يوم من استلامها .. دة غير ان الوكيل لا يتهرب من العيب ويريد اصلاحه
ماتزعلش منى .. انا مستهلك زى زيك وحتى ماعيش عربية هيونداى .. لكن دى وجه نظرى ولحضرتك منى فائق الاحترام

انا بصراحه شايف ان رايك في ظلم لواحد دافع ده قلبه في حاجة المفروض تريحه وبعدين الضمان ده لو هو حتى استخدم العربيه شويه لكن دي طالعة من المعرض بايظه

ده الواحد لو اشتري لعبه من كارفور وعليها ضمان برضو بس لقاها بايظه بيرجعها مش عربيه

وعلى العموم ده رايك فعلا بس اعتقد لو حضرتك ماكنه هتغير رايك

[BassamHafez]

اعذرني ياباشا " خدت بالي انا كده"

بس بص العربيه ممتازه - عليها موتور ممتاز و عفشه مع انها ناشفه سنه بس بالنسب لي كانت ممتازه

لكن عشان نتكلم عن طقم الدبرياج او الاسطوانه و الديسك و البليه

معلش تصبر معايا لجد اخر الموضوع

و ارجو من الكل عذري على التأخر عشان انا مطحون اليومين دول

معلش يا ابو مارو بس عايز اعدل حاجه بسيطة

هو اموتور فعلا قوي ونظامه ممكن يكون رياضي عشان اقصى عزم عند 4500 ار بي ام ومعني كده عشان تحصل على اقصى قدرة من المحرك لازم تحرق على اكتر من 4.5 او 5 ومع وجود طقم دبرياج غير مناسب للضغط الجامد ده شئ مش كويس

يعني موتور قوي واسطوانه ضعيفة يبقى انا قتلت الموتور عشان احافظ على الاسطوانه او بوظت الاسطوانه عشان اخرج طاقة الموتور كامله

والكلام ده برضو يقدر ياكد عليه الزميا مومو اللي معاه الفيرنا ال 1600 ..صح؟

[bassem.naguib]

انا مقدر شعورك .. والإحساس اللي أنت حاسس بيه .. وأنا معاك في كل كلمة قلتها قلباً وقالباً .

بس للأسف الطرق القانونية عن طريق جهاز حماية المستهلك مش حيديك أكتر من اللي عرضه عليك التوكيل .. على سبيل المثال في مشكلة تويوتا جهاز حماية المستهلك الزمها بتغيير قطع الغيار اللي في الفتيس .. ودي كانت شكوى عامة .. فما بال حضرتك ان مشكلتك حالة فردية .

المهم نطلع بنتيجة ان الواحد ميستلمش عربية زيرو ويمضي على إقرار استلامها مهما كانت ماركتها إلا بعد ما يجربها كويس أو يكون معاه حد فاهم لو هو معندوش خبرة .

وفي النهاية عاوز اقول لحضرتك متخليش نفسك تقفل من العربية .. لأنها بسم الله ما شاء الله عربية زي الفل .. وتقبل الوضع على ما هو عليه ومتعرفش الخير فين .. وأحمد ربنا أن غبور باشا اعترف بالعيب ورضي أنه يصلحها على حسابه في الضمان . ودي حاجة تحسب ليه مش عليه .

ومتنساش متخليش نفسك تقفل من العربية وتقبل المشكلة بصدر رحب .. لأنه مش حيعود عليك غير عكننة المزاج

[AboMaro]

5 ومع وجود طقم دبرياج غير مناسب للضغط الجامد ده شئ مش كويس

يعني موتور قوي واسطوانه ضعيفة يبقى انا قتلت الموتور عشان احافظ على الاسطوانه او بوظت الاسطوانه عشان اخرج طاقة الموتور كامله

والكلام ده برضو يقدر ياكد عليه الزميا مومو اللي معاه الفيرنا ال 1600 ..صح؟

الله ينور عليك يابسام
هو ده اللي ان شاء الله هحكيلكم عليه بس لما اعرف اكمل
انا اصلي بكتب ف وقت ال "الراحه" بين المحاضرات
و ربنا يسهل و انقلكوا الصوره كلها

[AboMaro]

انا مقدر شعورك .. والإحساس اللي أنت حاسس بيه .. وأنا معاك في كل كلمة قلتها قلباً وقالباً .

بس للأسف الطرق القانونية عن طريق جهاز حماية المستهلك مش حيديك أكتر من اللي عرضه عليك التوكيل .. على سبيل المثال في مشكلة تويوتا جهاز حماية المستهلك الزمها بتغيير قطع الغيار اللي في الفتيس .. ودي كانت شكوى عامة .. فما بال حضرتك ان مشكلتك حالة فردية .

المهم نطلع بنتيجة ان الواحد ميستلمش عربية زيرو ويمضي على إقرار استلامها مهما كانت ماركتها إلا بعد ما يجربها كويس أو يكون معاه حد فاهم لو هو معندوش خبرة .

وفي النهاية عاوز اقول لحضرتك متخليش نفسك تقفل من العربية .. لأنها بسم الله ما شاء الله عربية زي الفل .. وتقبل الوضع على ما هو عليه ومتعرفش الخير فين .. وأحمد ربنا أن غبور باشا اعترف بالعيب ورضي أنه يصلحها على حسابه في الضمان . ودي حاجة تحسب ليه مش عليه .

ومتنساش متخليش نفسك تقفل من العربية وتقبل المشكلة بصدر رحب .. لأنه مش حيعود عليك غير عكننة المزاج

كلامك مرفوض مرفوض مرفوض

انا مش هتقبل الوضع و لا هحمد ربنا ان غبور حن عليا

لاني اقوى منه - انا على حق و هو بيبني ثروته من حق ولادي

لما ابقى سارقهم ابقى اتقبل الوضع

[khpopo]

متابع !!!
ربنا يوفق

[momopersona]

معلش يا ابو مارو بس عايز اعدل حاجه بسيطة

هو اموتور فعلا قوي ونظامه ممكن يكون رياضي عشان اقصى عزم عند 4500 ار بي ام ومعني كده عشان تحصل على اقصى قدرة من المحرك لازم تحرق على اكتر من 4.5 او 5 ومع وجود طقم دبرياج غير مناسب للضغط الجامد ده شئ مش كويس

يعني موتور قوي واسطوانه ضعيفة يبقى انا قتلت الموتور عشان احافظ على الاسطوانه او بوظت الاسطوانه عشان اخرج طاقة الموتور كامله

والكلام ده برضو يقدر ياكد عليه الزميا مومو اللي معاه الفيرنا ال 1600 ..صح؟

تمام يا باشا

بالنسبه لرأيى
اقبل الوضع بتغيير طقم الدبرياج
لانه فعلا تغييره غير مؤذى والموتور صعب يحصل فيه حاجه الفتره اللى فاتت دى
وفعلا الكلام ده نطلع منه بحاجتين
1- نجرب العربيه كويس قبل الاستلام
2-نبطل نقول التقفيل المصرى وحش عشان اى مصنع ممكن يطلع ديفو فى منتج وهو التقفيل الكورى الجميل فى مشاكل فرديه بردة
وربنا معاك يا باشا وفعلا ماتكرهش العربيه يا باشا وعيش بيها ال 3 سنين واستمتع بالضمان
وبعدهم ابئا قرر العربيه حلوه تفضل معاك ولا وحشه وتغيرها
ومازلت متابع معاكو
وعايزين نعرف فى المقابله اللى انتو عملتوها طلعتو بايه منعا يعنى ايه المشاكل الجماعيه وايه المميزات الجامده فى العربيه وكده ؟؟؟؟؟؟؟