دليل شامل عن الفيرنا بواسطه اسئله الاعضاء - متجدد

[mpop]

بس الموضوع نايم واضح ان كل مشاكل الفيرنا اتحلت هههههههههههههههههه

[m7mda7md]

طب انا عندي مشكله غلسه لسه مدورتش علي حلها......لما بزود البنزين ف التنك اكتر من التلتين الاقي التنك بينقط........اقل من التلتين عادي مفيش مشاكل!!!!!! يا تري حد قابلته المشكله دي?

[mpop]

بص انا قابلتني نفس مشكلتك بس ف العربية القديمة
مادام لحد نقة معينة يبقى في حتى مخرومة لما البنزين يوصل لحد عندها بتنقط منه
يبقى حاجة من اتنين
يا التنك مخروم
لو (وده اللي حصلي ) ان ميكانيكي كان بيصلح العوامة بتاعة التنك ولما ركبها ماقرش على المسامر فكان التنك بيخررررر
هذا والله اعلم
واستنى راي اهل الخبرة

[m7mda7md]

فعلا انا قولت اكيد التنك مخروم بنفس التفسير.......و الحوار ده من ساعه ما اشتريت العربيه من 3 سنين !!!!!!!!و مكسل اروح الايام دي عشان الصيام و ازمه البنزين لأن الميكانيكي قالي لازم تفول عشان نشوف التنقيط منين

[mpop]

انت كده قلقتني (انا لسه هستلم الزيرو ربنا يستر )
انت شاريها مستعمل ولا زيرو ؟؟؟؟؟
بعد العيد ان شاء الله شوف الحوار ده

[m7mda7md]

زيرو يا برنجي..........و عندي كمان اكتشفت ان فرش الباب بتاع السواق مش ملزوق كويس و طالع منو

[m7mda7md]

اه صحيح يا رجاله لما بتفولوا التانك من الاحتياطي بتاخد كام لتر?

[mpop]

طيب ياذكي مارحتش بيها ليه التوكيل مادام انت شاريها كده ؟؟؟؟؟
اصلا التانك في الفيرنا 45 لتر قول الاحتياطي 5 تبقى 40 مثلا
والله اعلم

[m7mda7md]

منا علي ما اكتشفت كانت اتقلبت و صلحت بره التوكيل و طبعا الضمان بح

[mpop]

الف سلامة يا كبير
ان شاء الله بعد العيد تصلحها وتكون حاجة بسيطة

[m7mda7md]

شكرا يا باشا بس مخبيش عليك انا طلعت ف دماغي اصلحه النهارده و رحت بالفعل فولت السياره و مستني الصنايعيه يفتحوا و ربنا يكرم

[m7mda7md]

الحمد لله الحمد لله الحمد لله الحمد لله الحمد لله الحمد لله الحمد لله التانك و الخراطيم و كل حاجه سليمه بس الخرطوم مكنش محطوط كويس في التانك و الله يسامح ال كان السبب بقالي 3 سنين مش عارف افول العربيه عشان الخرطوم مش محطوط كويس.......اللعنه هههههههههههههههه.......الحمد لله

[Ashraf_Ibrahim]

هههههههههههههههههههههههههههههههههههههه
3 سسنين مش عارف تفول العربية
وساكت على نفسك دا كله ازاي يا حج محمد :lol:

[mpop]

انا الحمدلله استلمت العربية انهاردة
وكل حاجة تمام والفرامل كويسة ياجماعة انتو حسستوني اني هركب توك توك
ههههههههه

[Ashraf_Ibrahim]

ألف مبروك على استلام العربية
لا يا جدع مش توك توك دي فيرنا
هههههههههههههههههههههههههه