دليل شامل عن الفيرنا بواسطه اسئله الاعضاء - متجدد

[mpop]

السلام عليكم
ممكن اعرف ايه الفروق الجوهرية والشكلية بين الفيرنا ( فيفا - استار - gls )
وما افضلهم ؟
وشكرا جزيلا

الفيفا: تقفيل هندي وليس مصري وشكلها يختلف قليلا عن الفيرنا العادية بس موتور 1500

الستار : هي الفيرنا العادية مع اختلافات كماليات زي عتب وسبويلر وفوجات ( على ما اظن )

gls : فيرنا فول اوبشن ( 4 ازاز كهربا - باور - تكييف - اريال اوتوماتيك - كرسي قابل للعلو والتوطية -مسند للسائق - حامل اكواب ) لو حد فاكر حاجة يقولها :d

الفيرنا الهاف اوبشن على ما اظن تكييف و باور فقط

بص هما كلهم ما يختلفوش عن بعض كتير وهنا يبقى اساس الاختيار على الاكثر شهرة واعادة سعر بيع افضل وانا ارشحلك gls لان ناس كتير جابت الهاف اوبشن وندمت

ولا شكر على واجب يا سيدي

[sewefy]

يا شباب الفرناويه اللى يعرف فيكم يشفولى فيرنا اتوماتيك فابريكا بره وبسعر معقول يكون ماتور وفتيس تمام واهم حاجه السعر ميكونش مبالغ فيه وده رقمى 01114546460

[sewefy]

هشترى عربيه فيرنا اتوماتيك فابريكا بره وجوه عدادها عامل 180 الف عفشه جديده وفتيس اتوماتيك جديد العربيه تقفيل كورى موديل 2004 وعاوز اعرف تعمل كام فلوس والحاجه التانيه لاصحاب العربيات الاتوماتيك لما جربت العربيه دى لقتها بتاخد وقت فى الطالعه سنه ومش اول ماديها d تمشى لازم ادوس سنه بنزين وتحس انها تاخد وقت شويه فى التجميع واللى لاحظته بردو اجيب العربيه على n او d القى الار بى ام على 7 مش بيتغير لا بيعلى ولا بينزل بس على السرعات العاليه حلوه وبتجمع بسرعه فهل ده فى كل الفيرنا الاتوماتيك برجاء سرعه الرد علشان انا بخلص فى العربيه وعاوز اشتريها

[rabet007]

انا الحمد لله اشتريتها اخيرا من سنة 2008 وانا هنا بقرا كل حاجة عنها وكنت بحلم بيها الحمد لله جيبتها امبارح لسه وفرحان اوى بيها ربنا عوضني بعد عناء مع ال 127 :)
انا جيبتها موديل 2006 1500 وهي فيرنا وليست فيفا
لونها فضي ميتالك
عاملة 63000 كيلو فقط
كاملة والكمال لله سبحانه وتعالي

[rabet007]

يا جماعه ممكن سوال احسن زيت للفيرنا مالك السيارة يستعمل زيت موبيل وان وان لسه شراي السيارة امبارح وهو قالي انه بيعمل 10000 وعامل بيه حتي الان 4500
لما اجي اغير ان شاء الله اجيب موبيل وان افضل ولا فيه نصيحه اخري
السيارة فيرنا موديل عام 2006 ماتور 1500

[Ashraf_Ibrahim]

مممممم
قليل جدا 63000 كم لموديل 2006
مبروك عليك يا حبي
جبتها على كام بالحالة دي ؟!

[Ashraf_Ibrahim]

يا جماعه ممكن سوال احسن زيت للفيرنا مالك السيارة يستعمل زيت موبيل وان وان لسه شراي السيارة امبارح وهو قالي انه بيعمل 10000 وعامل بيه حتي الان 4500
لما اجي اغير ان شاء الله اجيب موبيل وان افضل ولا فيه نصيحه اخري
السيارة فيرنا موديل عام 2006 ماتور 1500

في الحقيقة انا مجربتش موبيل وان قبل كدة
بس سمعت عنه اخبار مش كويسة من ناس هنا في المنتدى فبعتبره خط احمر لا يمكن اقترب منه مطلقا
الله اعلم اللي سمعته دا صح واللا غلط
لكن انا هكلمك على تجربتي الشخصية
مبدئيا انت تحط زيت تخليقي متحطش زيت معدني
يعني زيت اقل من 10000 كم متحطش عشان الموتور لسة بحالته تقريبا
انا جربت شيل هيلكس الترا كان كويس عملت بيه 10000 كم بس نقص
جربت كاسترول ايدج عملت بيه 15000 كم ونزلته على 14950 كم ونزل كامل بدون نقصان وأداء العربية كان ممتاز جدا
وفي الحقيقة حطيته تاني وعامل بيه دلوقتي 1500 كم تاني
انصحك اما بكاسترول او فالفولين او ليكوي مولي
انا جربت منهم كاسترول بس فيه ناس بتشكر في فالفولين واللي جربوا ليكوي مولي برده شكروا فيه

[rabet007]

ربنا يكرمك يا باشا ويبارك فيك
انا جيبتها على 48000 والحمد لله حالت العربيه كويسه عملت ليها كل الاختبارات ورفعتها في البنزينه بتاعت كالكتس وعملت كبس ماتور وكل حاجه ده تحويشة عمري اصلها

[Ashraf_Ibrahim]

ألف مبروك عليك يا جميل
ويارب يديك خيرها ويحميك من شرها يا رب

[rabet007]

ألف مبروك عليك يا جميل
ويارب يديك خيرها ويحميك من شرها يا رب

يارب يا باشا الف الف شكر لزوق حضرتك بارك الله فيك ربنا يكرمك يارب
والف شكر لاهتمامك وردك عليا

[hanyemad123]

يا رجاله الفيرنا سؤال كده

دواسه الدبرياج بتزيق لما ادوس عليها

و الموضوع ده بيحصل سؤاء العربيه وافقه و دايره او ماشيه او حتى مبطله

لما اجى ادوس عليها اسمع تزيقه (مشوار الريح ) بس الراجع مافيش فيه اى صوت

العربيه بقت تعمل الصوت ده فجأه كده

مع العلم النقل مافيوش مشاكل و العربيه بتسحب وسحبها مافيوش مشاكل

العربيه موديل 2007 و عامله 35 الف

ياريت لوحد يعرف يفيدنى المشكله فين

[sewefy]

هشترى عربيه فيرنا اتوماتيك فابريكا بره وجوه عدادها عامل 180 الف عفشه جديده وفتيس اتوماتيك جديد العربيه تقفيل كورى موديل 2004 وعاوز اعرف تعمل كام فلوس والحاجه التانيه لاصحاب العربيات الاتوماتيك لما جربت العربيه دى لقتها بتاخد وقت فى الطالعه سنه ومش اول ماديها d تمشى لازم ادوس سنه بنزين وتحس انها تاخد وقت شويه فى التجميع واللى لاحظته بردو اجيب العربيه على n او d القى الار بى ام على 7 مش بيتغير لا بيعلى ولا بينزل بس على السرعات العاليه حلوه وبتجمع بسرعه فهل ده فى كل الفيرنا الاتوماتيك برجاء سرعه الرد علشان انا بخلص فى العربيه وعاوز اشتريها

محدش جاوبنى كونت عاوز اعرف من ملاك الفيرنا الاتوماتيك قبل ما اشترى ومحدش عاوز يدلنى

[Ashraf_Ibrahim]

انا مش معايا اوتوماتيك الحقيقة يا صديقي فعشان كدة مجاوبتش
انا معايا المانيوال بتاعها !

[m7mda7md]

هاني باشا انا موديل 2008 و ماشي حوالي 37 ألف و عندي نفس مشكلتك بالظبط و الصوت بيروح و ييجي لوحده و بصراحه حسيت انها حاجه بسيطه و مسألتش فيها!!!!!!!!!!!!!!!!!!!!!!

[mohamed_kta]

سؤال بالله عليكم لكل خبراء الفيرنا - لو رجع بيك الوقت بعد تجربتك لو معاك ال70 الف و عاوز زيرو هتنزل تشترى الفيرنا ؟؟