دليل شامل عن الفيرنا بواسطه اسئله الاعضاء - متجدد

[mpop]

شكرا على الرد لو سمحت انت معاك 2012 اخبارها ايه معاك و اخبار التكييف ايه فى زنه للكومبرسور ولا كويس

و اللى معاك اوتو ولا مانيوال

ياريت تقولى اخبارها ايه معاك لانى ناوى اجبيها

بص ياسيدي
انا معايا 2012 كاملة مانيوال
الحمدلله العربية عاملة 2000 كم الى الان
الحمدلله العربية فاقت توقعاتي
مافيش زنة نهائي
والتكيف لما بيبقى على 2 بتحس انك هتتلج
العربية عالية مابتحكش في اغبى المطبات :)
الفرامل جيدة
موتور طبعا مش محتاج اني اتكلم عليه
بص اهم حاجة ان العربية دي بياعة بمعنى لو ضايقتك في حاجة يوم ماهتبيعها مش هتخسر فيها ودي ميزة جيدة جدا
وربنا يوفقك واستخير ربنا

[fineart607]

نفس المشكلة حصلتلى من فترة و طلع ان خراطيم البنزين اتفرتكت و رحت التوكيل قالولى عادى لان خراطيم البنزين بتاعة الفرنا نوعها ردئ و قالولى بنغير الطقم كلو و كلفنى فوق ال500 جنية. نصيحتى ليك شوف الموضوع دة بسرعة عشان التسريب ميسببش مشاكل لا قد الله

السلام عليكم يا جماعة التوكيل نصاب لان هو الى طالب وصلات البنزين بالمواصفا دى
المصنع الى بيعمل الوصلة من التانك للماتور هو الى قال لى كده

المصنع هتشترى منه الوصلة كاملة ب180 جنية وهناك امكانية لتصليح القديمة
انا الحمد لله رحت وجبتها وركبتها ب50 جنية

المصنع فى اول شارع جسر السويس .............ثم شارع المصانع فى نهايتة مصنع القاضى
خش واشترى وادعى لى او اعطيهم القديمة يصلحوها لكم وانشروها لوجه الله

[wael6]

العربية عالية مابتحكش في اغبى المطبات :)

ربنا يباركلك فيها يارب

انا بفكر فى الفيرنا كتاكسي
بس مووضع وطو العربيه ده اللى قالقنى عشان فى الغالب هكون محمل وهتحك فى الفحر والمطبات فى الغالب لا قدر الله
هل ليها حل في تعلية العربيه دون خطر ع الثبات
علما بانى مش بزود فى السفر عن 90 كم / ساعه للامان
وشكرا جزيلا

[mpop]

ربنا يباركلك فيها يارب

انا بفكر فى الفيرنا كتاكسي
بس مووضع وطو العربيه ده اللى قالقنى عشان فى الغالب هكون محمل وهتحك فى الفحر والمطبات فى الغالب لا قدر الله
هل ليها حل في تعلية العربيه دون خطر ع الثبات
علما بانى مش بزود فى السفر عن 90 كم / ساعه للامان
وشكرا جزيلا

العربية مابتحكش وعن تجربة بس ده في 2012
وبرده انا كنت محمل في سفر واربع افراد وماحكتش ماعرفش ايه الحمولة اللي ممكن تستحملها
انا شايف الحل بسيط جدا حضرتك خد افراد معاك كتير شوية اصحابك او العائلة وشوف تاكسي فيرنا وروح بيه مشوار فيها مطبات غبية شوية وشوف هتحك ولا لا :))

وربنا يوفقك ان شاء الله

[wael6]

العربية مابتحكش وعن تجربة بس ده في 2012
وبرده انا كنت محمل في سفر واربع افراد وماحكتش ماعرفش ايه الحمولة اللي ممكن تستحملها
انا شايف الحل بسيط جدا حضرتك خد افراد معاك كتير شوية اصحابك او العائلة وشوف تاكسي فيرنا وروح بيه مشوار فيها مطبات غبية شوية وشوف هتحك ولا لا :))

وربنا يوفقك ان شاء الله

ربنا يديلك خيرها ويكفيك شرها يارب
و شكرا جزيلا
وياريت تفيدنا بالسعر والكماليات والمواصفات لو سمحت
والضمان والتامين وكده يعنى
وجزاكم الله خيرا

[hanyemad123]

بص ياسيدي
انا معايا 2012 كاملة مانيوال



العربية عالية مابتحكش في اغبى المطبات :)

هو عموما العربيه ما بتحكش لو مش محمله بس لو محمل اكيد اكيد لازم تحك

[wael6]

هو عموما العربيه ما بتحكش لو مش محمله بس لو محمل اكيد اكيد لازم تحك

ده اكيد له حل
يمكن تغييرا لمساعدين الى مساعدين ناشفين
او تعلية السوست الخلفيه
او تغيير السوست الى سوست اعلى شوية
بس ده اكيد بدرجة معينه عشان الحفاظ على الثبات
والله اعلم
متابع باهتمام

[Ashraf_Ibrahim]

العربية مبتحكش معايا في المطبات وهي محملة - اسرتنا 6 افراد -
بس دا يعتمد على انك تعرف ازاي تاخد المطبات ساعتها عمرها ما هتحك معاك مطلقا !

[wael6]

العربية مبتحكش معايا في المطبات وهي محملة - اسرتنا 6 افراد -
بس دا يعتمد على انك تعرف ازاي تاخد المطبات ساعتها عمرها ما هتحك معاك مطلقا !

السلام عليكم
غير انك تاخد المطب على الاربع عجلات بالعرض
لانه ساعات كتير زحمة الطريق لا تسمح بذلك
ايه تانى من طرق اخد المطب
مثلا تمويت السرعه جداااااااااااااا
وايه تانى ؟؟؟؟؟؟؟؟
واسف للاطاله
وشكرا جزيلا

[ibrahimsaad]

من اهم عيوب الفيرنا انها واطيه ولازم تحك فى المطبات حتى لو مش محمله

لكن طبعا طريقه التعامل بتفرق فلتجنب ذلك دون تعليه السوست هى

تهديه السرعه جدا جدا قبل المطب
خد المطب على الهادى ويستحب بالجنب ان امكن ذلك

وان كان حد عنده حل ياريت يقولنا

[ibrahimsaad]

ياجماعة محتاج رايكم عاوز اشترى عربية فى حدود 70000 اية رايكم فيرنا ولا بريلينس fsv

انصحك بالفيرنا
واحد صاحبى معاه ال fsv
هى عربيه كويسه وتوكيل الشركه البافاريه بس قطع غيارها وصيانتها مكلفه جدا

[ibrahimsaad]

بخصوص زيت الموتور الزياده يا جماعه بعد البحث وجدت ان الزيت الزايد لازم يتفضي بحيث لا يزيد الزيت عن الماكس لأن الزياده (مش عارف كام مقدارها) بتبوظ حاجه اسمها الاويل سيل و حوارات كده......المهم انا روحت عند واحد كده عنده جهاز بيحط الخرطوم بتاعه مكان مقياس الزيت و يشفط و بعدين يحط المقياس لحد ما يشفط الزياده بالظبط........

طيب ياجماعه ممكن نعرف انسب وقت لمعرفه مقاس الزيت

يعنى مثلا لو قست الزيت والعربيه واقفه مثلا الصبح هيكون المقاس واطى

ولو العربيه ماشيه وسخنه هيكون عالى ويمكن يكون فوق الماكس

فنعرف المقاس المضبوط ازاى وامتى

[AutoTycoon]

و العربية باردة طبعاً عشان الزيت بيكون كله في الكارتيرة او تسيبها تبرد ساعة

[El Prince]

لحل مشكلة حك المطبات فى الفيرنا وعن تجربة :

يتم تغيير الكاوتشات الحاملة للشكمان بأخرى جديدة تايوانى او ماليزى الواحد ب 10 ج - همه 5 كاوتشات 3 بيضاويين و 2 سابوكسه

القديمة اللى جاية مع العربية بتكون مصرى سيئة الخامة و بتكون مشققة و هى العربية لسه جديدة من التخزين و بالتالى بتكون طويلة ( متمددة ) و الشكمان بيكون بعيد عن العربية و قريب من الارض وبالتالى بيحك ...


و بعد التغيير بالكاوتشات الجديدة
( افتكاسة من عندى ) اشتريت افيزات بلاستيك عريضة و ربطهم على الكاوتشات علشان منع التمدد من الحرارة واهتزاز الشكمان -

و الحمد لله المشكلة اتحلت و النتيجة رائعة ....

و علشان كدة حطيت الحل فى المشكلة اللى كتير بيشتكوا منها دى و ما صدقت عرفتلها حل و ده فى كل المواضيع المتعلقة بالهيونداى فيرنا لأقصى استفادة ...

[Ashraf_Ibrahim]

طيب ياجماعه ممكن نعرف انسب وقت لمعرفه مقاس الزيت

يعنى مثلا لو قست الزيت والعربيه واقفه مثلا الصبح هيكون المقاس واطى

ولو العربيه ماشيه وسخنه هيكون عالى ويمكن يكون فوق الماكس

فنعرف المقاس المضبوط ازاى وامتى

القياس السليم للزيت بيكون والعربية سخنة
تطفيها وتنتظر مدة 10 دقايق وبتقيس الزيت بتاعك
سواق كنت راجع من مشوار او شغلتها لحد ما تسخن وبعدين تطفيها وتنتظر 10 دقايق وتقيس الزيت بتاعك
دا القياس السليم اللي بينص عليه مانيوال العربية واللي بتنص عليه مواقع الزيوت كلها زي شيل وكاسترول وغيرهم

لحل مشكلة حك المطبات فى الفيرنا وعن تجربة :

يتم تغيير الكاوتشات الحاملة للشكمان بأخرى جديدة تايوانى او ماليزى الواحد ب 10 ج - همه 5 كاوتشات 3 بيضاويين و 2 سابوكسه

القديمة اللى جاية مع العربية بتكون مصرى سيئة الخامة و بتكون مشققة و هى العربية لسه جديدة من التخزين و بالتالى بتكون طويلة ( متمددة ) و الشكمان بيكون بعيد عن العربية و قريب من الارض وبالتالى بيحك ...


و بعد التغيير بالكاوتشات الجديدة
( افتكاسة من عندى ) اشتريت افيزات بلاستيك عريضة و ربطهم على الكاوتشات علشان منع التمدد من الحرارة واهتزاز الشكمان -

و الحمد لله المشكلة اتحلت و النتيجة رائعة ....

و علشان كدة حطيت الحل فى المشكلة اللى كتير بيشتكوا منها دى و ما صدقت عرفتلها حل و ده فى كل المواضيع المتعلقة بالهيونداى فيرنا لأقصى استفادة ...

هي عربية حضرتك موديل كام يا صديقي !؟