دليل شامل عن الفيرنا بواسطه اسئله الاعضاء - متجدد

[alrazy]

زيت محرك للفيرنا

زيت الفيرنا باختصار
انا اولا معاى فيرنا 2011 عامله 24500 كلم
فى الكاتالوج الصفحة دى " قصدى كاتالوج الفيرنا الكامل اللى هو اكتر من 1300 صفحة "
نفس الصورة موجودة صفحة 6-6 فى الكاتالوج اللى معانا






و كاتب ان اختيار الزيت يكون تبعا لدرجة الحرارة المحيطة
عندنا فى مصر الحرارة بتتراوح بين ال 20 درجة صعودا او هبوطا ...... يبقى كده زيوت زى 5w20 , 5w30 , 5w40 مش هتنفع معانا .... ..............................................
ده حتى كاتب فى كاتالوج الفيرنا العربى " يعتبر زيت SAE 5w-20 غير مناسبة فى تشغيل السيارة ذات السرعة العالية المستمرة " ص 6-6 الصيانة الذاتيه "

اما فى الكاتالوج الاجنبى للفيرنا كاتب ان افضل زيت SAE 5w-20 و ده لان درجه الحرارة عندهم منخفضة




غبور بيستخدم شل 20w-50 و مراكز الصيانة ساعات بتستخدم توتال كوارتز 20w-50

احسن حاجه تخليك زى التوكيل او تغير ل كاسترول ماجنيتك SAE 10W-40. , و مش ايدج لانه 5w-40 و كمان ماجنيتك له فوائد جامده .... حاول تشوف الفيديوهات دى
Castrol Arabia : Videos
و افتح اللينك ده
Castrol Arabia : Magnatec

اظن ان اختيار الزيت المناسب بيكون حسب درجة الحرارة زى الكاتالوج .... ما هو طبعا سهل جدا ان نلاقى فى كاتالوج العربية كود الزيت المفضل ... بس هو اكيد سايبه تبعا لظروف التشغيل ..... اكيد التلج اللى هناك عايز له حاجه غير الحر اللى هنا ..... و طبعا ما ينفعش ندخل موديل العربية و موديلها على موقع عالمى ... و كمان من غير ما يسالك على درجة حرارة بلدك .... و فجأه تلاقى كود الزيت ... يعنى الفيرنا لو شغاله فى السعودية هاحط لها زيت زى لو شغاله فى اوروبا

النكته بقى افتح الكاتالوج بتاع العربية "" الفيرنا " هتلاقى اخر كلمه فيه صفحة 9-4 " دى فى نص الكتاب " : *توصى هيونداى باستعمال زيت محرك كاسترول او مشابه له لمحرك سيارتك ...... ................................... قلب شوية كمان هتوصل لاخر صفحة فى الكاتالوج الانجليزى كاتبين hyundi recommends using the local substitutes for engine oils as recommended by Prima which is Mobil 1

[fOlanz]

طيب يا جدعان احسن كاتوش للفيرنا مع جنط 14 مثلا او 15 ممكن يكون ايه وسعره يعمل ايه ؟؟؟

والناس اللي مجنطه هل حست بتأثير مع وجود الجنط ولا لا !! وهل الجنط بيأثر على العفشه ولا لا ؟

اخوكو لسه جديد فيها بس هفركها بإذن الله وهعرف مخبيه قردها فين قريب ان شاء الله :d

انا كنت كارهها وعشان كده اخر حاجه عنها اعرفها انها بتطير وديقه بس

[hanyemad123]

يا جماعه سؤال عن الكاوتش

لو انا عايز اغير الكاوتش النسر او اللاسا اللى بينزل مع الفيرنا المانيوال

ل هانكوك او كومهو كورى مع الاحتفاظ بنفس الجنط و نفس المقاس

تكلفه التغيير كام للفرده الواحده

يعنى الراجل بتاع الكاوتش حيحسب الفرده النسر او اللاسا بكام مع العلم العربيه زيرو يعنى الكاوتش لسه ما مشيش

يا جماعه محدش رد عليا

سعر الفرده النسر او اللاسا لو اتباعت بتاع الكاوتش ياخدها بكام

[hanyemad123]

لو كاوتشك لاسا يا هاني قلي وانا اخده منك
نشوف بتاع الكاوتش هيقول ايه ومش هنختلف باذن الله بس قلي

رديت عليك على الخاص يا اشرف

[ibrahimsaad]

زيت الفيرنا باختصار
انا اولا معاى فيرنا 2011 عامله 24500 كلم
فى الكاتالوج الصفحة دى " قصدى كاتالوج الفيرنا الكامل اللى هو اكتر من 1300 صفحة "
نفس الصورة موجودة صفحة 6-6 فى الكاتالوج اللى معانا






و كاتب ان اختيار الزيت يكون تبعا لدرجة الحرارة المحيطة
عندنا فى مصر الحرارة بتتراوح بين ال 20 درجة صعودا او هبوطا ...... يبقى كده زيوت زى 5w20 , 5w30 , 5w40 مش هتنفع معانا .... ..............................................
ده حتى كاتب فى كاتالوج الفيرنا العربى " يعتبر زيت sae 5w-20 غير مناسبة فى تشغيل السيارة ذات السرعة العالية المستمرة " ص 6-6 الصيانة الذاتيه "

اما فى الكاتالوج الاجنبى للفيرنا كاتب ان افضل زيت sae 5w-20 و ده لان درجه الحرارة عندهم منخفضة




غبور بيستخدم شل 20w-50 و مراكز الصيانة ساعات بتستخدم توتال كوارتز 20w-50

احسن حاجه تخليك زى التوكيل او تغير ل كاسترول ماجنيتك sae 10w-40. , و مش ايدج لانه 5w-40 و كمان ماجنيتك له فوائد جامده .... حاول تشوف الفيديوهات دى
castrol arabia : Videos
و افتح اللينك ده
castrol arabia : Magnatec

اظن ان اختيار الزيت المناسب بيكون حسب درجة الحرارة زى الكاتالوج .... ما هو طبعا سهل جدا ان نلاقى فى كاتالوج العربية كود الزيت المفضل ... بس هو اكيد سايبه تبعا لظروف التشغيل ..... اكيد التلج اللى هناك عايز له حاجه غير الحر اللى هنا ..... و طبعا ما ينفعش ندخل موديل العربية و موديلها على موقع عالمى ... و كمان من غير ما يسالك على درجة حرارة بلدك .... و فجأه تلاقى كود الزيت ... يعنى الفيرنا لو شغاله فى السعودية هاحط لها زيت زى لو شغاله فى اوروبا

النكته بقى افتح الكاتالوج بتاع العربية "" الفيرنا " هتلاقى اخر كلمه فيه صفحة 9-4 " دى فى نص الكتاب " : *توصى هيونداى باستعمال زيت محرك كاسترول او مشابه له لمحرك سيارتك ...... ................................... قلب شوية كمان هتوصل لاخر صفحة فى الكاتالوج الانجليزى كاتبين hyundi recommends using the local substitutes for engine oils as recommended by prima which is mobil 1

طيب انا عربيتى شاريها عامله 130 الف كيلو ومش عارف صاحبها كان بيحطلها ايه ياترى ممكن اعرف استخدم لها زيت ايه ؟

[ibrahimsaad]

طيب يا جدعان احسن كاتوش للفيرنا مع جنط 14 مثلا او 15 ممكن يكون ايه وسعره يعمل ايه ؟؟؟

والناس اللي مجنطه هل حست بتأثير مع وجود الجنط ولا لا !! وهل الجنط بيأثر على العفشه ولا لا ؟

اخوكو لسه جديد فيها بس هفركها بإذن الله وهعرف مخبيه قردها فين قريب ان شاء الله :d

انا كنت كارهها وعشان كده اخر حاجه عنها اعرفها انها بتطير وديقه بس

انا عربيتى شاريها بجنط 14 وبصراحه اخر سرعه جبتها 110 ومش ناوى ازيد عن كده ممكن لغايه 120 بحد اقصى لكن اكثر من كده ماانصحكش حتى لو مجنط 15 لان العربيات الكورى بعد ال 120 بيقل ثباتها عامه والفيرنا خاصه خفيفه بعد ال 120 مش هتلاقى الثبات وكمان صعب تتحكم فى العربيه الفرامل مش هتلحق تسعفك نصيحه منى

[ibrahimsaad]

لحل مشكلة حك المطبات فى الفيرنا وعن تجربة :

يتم تغيير الكاوتشات الحاملة للشكمان بأخرى جديدة تايوانى او ماليزى الواحد ب 10 ج - همه 5 كاوتشات 3 بيضاويين و 2 سابوكسه

القديمة اللى جاية مع العربية بتكون مصرى سيئة الخامة و بتكون مشققة و هى العربية لسه جديدة من التخزين و بالتالى بتكون طويلة ( متمددة ) و الشكمان بيكون بعيد عن العربية و قريب من الارض وبالتالى بيحك ...


و بعد التغيير بالكاوتشات الجديدة
( افتكاسة من عندى ) اشتريت افيزات بلاستيك عريضة و ربطهم على الكاوتشات علشان منع التمدد من الحرارة واهتزاز الشكمان -

و الحمد لله المشكلة اتحلت و النتيجة رائعة ....

و علشان كدة حطيت الحل فى المشكلة اللى كتير بيشتكوا منها دى و ما صدقت عرفتلها حل و ده فى كل المواضيع المتعلقة بالهيونداى فيرنا لأقصى استفادة ...

انا رحت لواحد بتاع شكمانات وقلت له بص لى على الشكمان لانه بيحك فى المطبات وقلت له عايز اغير ال 5 جلدات زى ماحضرتك قلت قال لى انت عايز تصرف فلوس وخلاص العربيه مافيهاش حاجه والشكمان مضبوط والمسافه بينه وبين العربيه بسيطه مش محتاج يترفع وقال لى اصرف نظر عن الموضوع ده والجلد اللى فيها كويس ماتغيروش

وبصراحه سمعت كلامه خصوصا انه لو مش كويس هيعمل الشغل ده وهيستفيد لكنه نصحنى بكده وماخدش حاجه

علشان كده انا قررت انى ارفع العجلتين اللى ورا بكاوتش تحت المساعدين اللى ورا لانى بصراحه اتبهدلت فى مشوار كان كله مطبات والعربيه حكت لما قالت بس رغم انى كنت بحسس على المطب

[m7mda7md]

عاوز اجيب جنط 15 للفيرنا و ناس كتير بتقولي بلاش عشان العفشه!!!!!!!!!! نفسي افهم هيعمل ايه يعني ف العفشه ......و هل الجنط ال 14 هيفرق يعني عن ال 13 ولا اشتغاله؟

[Ashraf_Ibrahim]

ال 14 طبعا هيفرق عن ال 13
لكن ال 15 هيبقا ناشف على العفشة وهيدمرهالك وهيقللك من عمرها الافتراضي
ال 14 هيبقا كويس جدا عليها

[El Prince]

انا رحت لواحد بتاع شكمانات وقلت له بص لى على الشكمان لانه بيحك فى المطبات وقلت له عايز اغير ال 5 جلدات زى ماحضرتك قلت قال لى انت عايز تصرف فلوس وخلاص العربيه مافيهاش حاجه والشكمان مضبوط والمسافه بينه وبين العربيه بسيطه مش محتاج يترفع وقال لى اصرف نظر عن الموضوع ده والجلد اللى فيها كويس ماتغيروش

وبصراحه سمعت كلامه خصوصا انه لو مش كويس هيعمل الشغل ده وهيستفيد لكنه نصحنى بكده وماخدش حاجه

علشان كده انا قررت انى ارفع العجلتين اللى ورا بكاوتش تحت المساعدين اللى ورا لانى بصراحه اتبهدلت فى مشوار كان كله مطبات والعربيه حكت لما قالت بس رغم انى كنت بحسس على المطب

براحتك يا باشا متغيرش كاوتشات الشكمان ( مع اننا بنغير حاجات كتير بتكون كويسة على سبيل الصيانة الدورية - و المفروض ان انا اعمل اللى مقتنع بيه مش الصنايعى )

لكن حكاية علايات المساعدين هاتخلى العربية تعوم بشكل خطر
احسن تسيبها تحك بدل الخطر عليك انت شخصيا

[wael6]

طبعا اجتهادات الشكمان و كاوتش العلايات
كلها اجتهادات تبان منطقيه
لكن اعتقد المنطقي اكتر
هو حالة العفشه نفسها وكمان الشاسيه
مثلا جودة حالة المساعدين والسوست بتاعتهم ولو ينفع تركيب صدادات للمساعد لمنع هبوط العربيه اكثر من اللازم
وكمان تربيط العفشه مثلا كل شهر او كل فتره حسب استخدامكم الكريم
وربنا يستر طريقنا جميعا يارب

[m7mda7md]

الف شكر يا باشا .......طيب اجيب كاوتش نوعه ايه؟ لقيت الكومهو و الماكسس كانوا ب 390.......ايه رأيكم؟ هو صحيح مقاس الكاوتش ع الجنط ال 14 كام؟

[Ashraf_Ibrahim]

اديها كومهو او هانكوك اتنين كويسين جدا
ولو لقيت كاوتش اسمه سوموتومو ياباني دا كويس جدااا برده وسعره اعتقد في نفس الرينج

[m7mda7md]

ألف شكر يا باشا

[fOlanz]

يا جدعان الجنط ال 14 هيسبتها شويه ولا احط فيها شوال ظلط في الشنطه :d