ما هو تقييمك لوكيل هيونداي و مراكز الخدمه

[Islam_galal]

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

[starpro]

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

طبعا توكيل سيىء جدا و انصح اى شخص عنده هيونداى الا يذهب الى هذا التوكيل سواء قليوب او ابورواش و اذا اضطر ان يذهب لهم بسبب الضمان انصحه ان يفحص السيارة جيدا و ينام تحتها كمان قبل ان يستلمها منهم لانهم مابيربطوش طبة الزيت كويس .

[HeMa1981]

من أسوأ الاماكن اللى رحتها عشان صيانة سيارات فى حياتى
ومش بيفهموا ايه الى فى العربية
والعربية تخرج اسوأ مما كانت وغاليـــن مش رخاص ابداً

يعنى تغيير الكوبلن الواحد عندهم للفيرنا بـ 2200 جنيه !

توكيا سئ لأقصى درجة بس مضطر اروح فى بعض الاوقات عشان السيارة اتوماتك لغاية ما الاقى حد اطنله اوى فى الاتوماتك بالذات

[Hossam.Hamdy]

توكيل عنده سوء اداره و صنايعيه مش شاطرين و بعض المهندسين برضه كذلك...
عدم قدرتهم على حل مشاكل العربيات بل ممكن يعملو مشاكل تانيه فيها...
بس لازم اروح عشان لو فى عيب فى حاجه يتعمل فى الضمان...

[mido777]

كان من الممكن نضيف فى الأختيارات

* سيئ (لن أذهب إليه تاني)

* سيئ ( بس مضطر اذهب ايه )

[theking2690]

يا جماعه هو مش وحش اوى انا شايف انهم بيحاولوا يتحسنوا بس المشكله عندهم فى قلة عدد العماله

[Nader]

من غبور لاوماترا يا قلبي لا تحزن!!!

[alivara]

تقييمى للتوكيل و لهيونداى كله هيبان فى الموضوع ده http://www.nilemotors.net/Nile/showthread.php?t=25620

[theking2690]

هو انت اساسا معاك عربيه هيونداى علشان تقيم الوكيل من اساسه و لا هو كلام و خلاص احنا فى الموضوع بنتكلم عن الناس اللى معاهم هيونداى و بيتعاملوا مع التوكيل مش بيقيموا على السمع

[Matrixawy]

هو انت اساسا معاك عربيه هيونداى علشان تقيم الوكيل من اساسه و لا هو كلام و خلاص احنا فى الموضوع بنتكلم عن الناس اللى معاهم هيونداى و بيتعاملوا مع التوكيل مش بيقيموا على السمع

انا امتلك سيارة ماتريكس و ذهبت للتوكيل 12 مرة خلال خمسة شهور بسبب جهاز الانذار المغشوش اللى بيركبوه و كل مرة يغيروه بواحد مستعمل و متصين قبل ذلك و يعطل تانى و كل وشوية يهنج و مش هاين عليهم يركبوا جهاز جديد محترم بدلا من هذا العذاب و العطلة للناس و السيارة اتبهدلت عندهم بسبب الفك و التركيب المستمر لجهاز الانذار و ما فيش داعى اقولك على باقى المصائب و النصب اللى حصلى عندهم لان هذا يحتاج الى موضوع منفصل و ربنا ينتقم منهم.

[engme]

غير منظم - لا يمكن مقرنته بتيوتا ايجبت حبث النظام والمصداقية والانضباط

[theking2690]

يا استاذ ماتريكساوى انا مش بقول على غبور حلو و لا حاجه انا بقول ان العضو alivara بيقيم التوكيل و هو مالوش اساسا تعامل على يبقى هيقيمه على اساس ايه و لا حضرتك رأيك ايه؟

[Matrixawy]

يا استاذ ماتريكساوى انا مش بقول على غبور حلو و لا حاجه انا بقول ان العضو alivara بيقيم التوكيل و هو مالوش اساسا تعامل على يبقى هيقيمه على اساس ايه و لا حضرتك رأيك ايه؟

يكفى لأى شخص من اى منتدى اخر ان يدخل هنا و يلف لفة فى منتدى هيونداى الملىء بالكوارث عن غبور و هو هيعرف كويس يقيم غبور و ربنا يسترها معاك و مع سيارتك و لا تتعرض لما تعرضت له انا او غيرى فى هذا التوكيل .

[theking2690]

ما هو المشكله ان الاخ alivara مش داخل يقيم غبور لأ ده داخل يقيم هيونداى ككل و بيقول انها شركه تعبانه فأنا بقوله انو هو بيقيمها كده على اى اساس و هو مالوش تعامل معاها يعنى قبل كده عمل مقارنه بين الالنترا و الياريس و هو اساسا عايز يجيب ياريس طيب تسأل ليه من الاول و بتقول ياريس و لا الالنترا و تشتم فى الالنترا و انت عاوز ياريس انا رأى ان الواحد مايذمش فى اى عربيه قبل ما يجربها يعنى انا هسأل حضرتك سؤال ايه رأيك فى الماتريكس كعربيه بعيدا عن غبور خالص رد حضرتك مهما ان كان هيكون نابع عن تجربه مش مجرد كلام زى اللى الاخ alivara بيعمله

[Matrixawy]

ما هو المشكله ان الاخ alivara مش داخل يقيم غبور لأ ده داخل يقيم هيونداى ككل و بيقول انها شركه تعبانه فأنا بقوله انو هو بيقيمها كده على اى اساس و هو مالوش تعامل معاها يعنى قبل كده عمل مقارنه بين الالنترا و الياريس و هو اساسا عايز يجيب ياريس طيب تسأل ليه من الاول و بتقول ياريس و لا الالنترا و تشتم فى الالنترا و انت عاوز ياريس انا رأى ان الواحد مايذمش فى اى عربيه قبل ما يجربها يعنى انا هسأل حضرتك سؤال ايه رأيك فى الماتريكس كعربيه بعيدا عن غبور خالص رد حضرتك مهما ان كان هيكون نابع عن تجربه مش مجرد كلام زى اللى الاخ alivara بيعمله

الماتريكس سيارة جيدة حتى الان و لكن يعيبها التوكيل فهو غير امين على الاطلاق و به كمية اهمال غير عادية و ان شاء الله ناوى اجرب توكيل ابوغالى يمكن يطلع احسن من ابو رواش