ما هو تقييمك لوكيل هيونداي و مراكز الخدمه

[Ashraf_Ibrahim]

انا جربت غبور قليوب في صيانة الألف وال 5000 وال 15000 كم
ناس محترمة جدا ومواعيدهم تكاد تكون مظبوطة دايما
وجربت غبور ابو رواش في صيانة ال 10000 كم
بس للأسف مواعيدهم في الضياع
اديتهم العربية 9 الصبح وخدتها 6 اخر النهار وكانت مرة معملتهاش تاني
اما بالنسبة لصيانة ال 20000 كم فعملتها في مركز تكنو وان وتكنو بوش في مدينة السلام
والمركز رائع جدا الحقيقة ومعاملة الناس محترمة فوق ما تتخيل وبينفذوا طلباتك كلها وزمن الصيانة قياسي ويكفي انك شايف عربيتك في كل حاجة بتتعمل ليك
يمكن لو قلت ان شغلهم انضف من غبور نفسه محدش هيصدقني بس دا اللي لاحظته الحقيقة
وان شاء الله ناوي اكمل معاهم صياناتي كلها باذن الله -تكنو وان-

[tamatemo]

انا بطلت اتعامل مع غبور قليوب تماما وبقيت اروح مركز الخدمة في طنطا

ايجي اوتو

بصراحة ناس في قمة الاحترام ولو فيه حاجة فعلا في العربية بيقولك عليها بامانه ولو فيه حاجة انتا محتاجة بيجبها من تحت الارض

انا معاهم من صيانة ال 10 لصيانة ال 30 لغاية دلوقتي زي الفل

[shamy]

سيء جدا ذهبت بسيارتى توكيل شرم الشيخ كان الاكصدام الامامى مفكوك من الجنب سلمت السيارة للفنى وانظرت وبعد نصف ساعة استلمت السيارة وحسبت على اللى طلبة ورحت اغسل السيارة وفوجئت بالاكصدام فك تانى وكانت المفاجئة تم لحام الاكصدام فى التوكيل يااخوانى بطفى السجائر والامير يرضى مين ورحت لفنى فى ورشة خاصة وجاب مادتين وتم مزجهم ولحم الاكصدام تمام

[shamy]

ياخوانى غبور منع دخول اى سيارة للجدمة فى التوكيل الخليجى او الكورى علشان انت اشتريت من برة خليهم ينفعوكم والمركز الذى يتعامل مع اى سيارة هيونداى مش من عند غبور يتم فصل مدير الصيانة هذا ماقيل لى بالنص من توكيل شرم الشيخ ويريت صوتى يوصل للشركة الام فى كوريا لان كدة هابيع عربيتى وهاركب تكتك لة قطع غيار

[msaber2004]

هذا التوكيل سىء تعاملت مع التوكيل فرع الاسكندرية تصورو اولا استلموا منى العربية علشان اغير الزيت اللى بعد ال1000 كم الاولى ويعملوا تربيط طلعت العربية بعد انتظار3 ساعات مخدوشة فى الرفرف اليمين والزيت لما شيكت علية (طبعا تانى يوم) طلع زيادة 1 كيلو عن المطلوب. حا اسيب لكم الحكم علية . طبعا قررت ماليش دعوة بيهم وخلينى مع الاسطى بلية احسن.
وكل سنة وانتم طيبين

[Ashraf_Ibrahim]

ازاي زيادة في الزيت 1 كجم؟!
جركن الزيت 4 لتر
وهي بتاخد 3.5 لتر مع عدم تغيير الفلتر وبتغيير الفلتر بتاخد 3.75 لتر يعني بيتبقا تقريبا ربع لتر في الجركن !
هيجيبولك كيلو زيادة منين بقا؟!

[uyuyu]

عاوزة ميكانيكى محترم لصيانة ماتريكس خليجى يكون بيفهم فى الخليجى كوووووووووووويس
ياريت حد يفيدنى لانى العربية بتسخن وبتعطل منى

[Ashraf_Ibrahim]

عاوزة ميكانيكى محترم لصيانة ماتريكس خليجى يكون بيفهم فى الخليجى كوووووووووووويس
ياريت حد يفيدنى لانى العربية بتسخن وبتعطل منى

انا اعرف ميكانيكي كويس بس في شبرا

[msaber2004]

أخى أشرف احب اعرفك ان اللى شرحتة حدث عند الوكيل اما حكاية الجركن 4 لتر فدى عليها علامة استفهام يسأل عنها اللى غير الزيت لاننى ماكنتش معاة وقتها بس عربيتى فيها 1كيلو زيادة ورحت محطة موبيل اللى فى سموحة وشال الزيت الزيادة واللة على ما اقولة شهيد0 وكل عام وانتم بخير

[Ashraf_Ibrahim]

أخى أشرف احب اعرفك ان اللى شرحتة حدث عند الوكيل اما حكاية الجركن 4 لتر فدى عليها علامة استفهام يسأل عنها اللى غير الزيت لاننى ماكنتش معاة وقتها بس عربيتى فيها 1كيلو زيادة ورحت محطة موبيل اللى فى سموحة وشال الزيت الزيادة واللة على ما اقولة شهيد0 وكل عام وانتم بخير

انا مصدقك طبعا يا صديقي وعمري ما بكدبك
انا بس كنت بوضح ليك سعة جركن الزيت قد ايه وكنت بستعجب ازاي فيه كيلو زيت زيادة
بس انا لو مكانك مكونتش شلت الزيادة وكنت طلعت على التوكيل بهدلتهم اساسا

[msaber2004]

شكرا ليك اخى اشرف على التوضيح وكل عام وانت بخير بمناسبة عيد الفطر المبارك

[Ashraf_Ibrahim]

وانت بخير يا صابر

[hawary2]

متابع باهتمام

[engahmed29]

قمت بإجراء صيانة الخمس الاف كم لسيارتى فى مركز الاسكندرية لخدمة و صيانة السيارات و تقديرى له 5/10 و الاسباب كالتالى :

المميزات :
1- فاضى
2- يمكنك مراقبة ما يحدث بالسيارة من خلال زجاج
3- يوجد internet wifi


العيوب :
1- اكتشفت بالصدفة انهم لم يكشفوا على ماء البطارية و لاحظت انها شبه فارغة و قمت بزيدتها زجاجة و ربع ماء مقطر
2- الدواسات اتبهدلت شحم
3- التكييف لا يعمل بصالة الانتظار
4- قام الفنيون بوضع علبة الزيت و علبة الفلتر على شنطة السيارة ثم رفعها الى الاعلى ، و عندما اراد علبة الزيت و الفلتر قام باستخدام عصا ية حديد لانزالهما مما ادى لخرابيش بجسم السيارة
5- كان فى عوجة فى الدركسيون و اخذ المهندس السيارة فى جولة نصف ساعة و بعد استلامها المشكلة كما هى

[el_nahal2004]

ربنا يستر الواحد مشفش منهم حاجة وحشة لغاية دلوقت
وياارب مايشوف من الى بسمعه عنه