ما هو تقييمك لوكيل هيونداي و مراكز الخدمه

[monykoky]

توكيل نصاب اقل مايقال عنه وعن تجربه شخصيه انا اشتريت مش الاسبراتير من التوكيل الي في شارع دمشق ورحت اركبو طلع بايظ ودايخ علشان ارجعو مش عارف

[telarius]

انا مش عارف ليه محدش جاب سيرة كارفان مدينة نصر
المكان هادى جداً و سريع مع ان الورشة صغيرة
انا مش عارف كفائتهم الميكانكية إيه بالظبط بس مفيش مشكلة قلتلهم عليه الا و قاللى المهندس ان دى طبيعة الفيرنا او السبب نوع الكاوتش الردىء التركى اللى راكب فيها
ولا الزنة العجيبة اللى بسمعها اول ما امشى على 100 من عند التابلو
قاللى هيعملها ساعة ما رحت اعمل صيانة ال 15000 و خفت شوية لكن ما رضيش يقوللى سببها
بس عموماً هما ممتازين لكن ماهمش دعوة لا بتأمين ولا ضمان ولا سمكرة ميكانيكا و عفشة بس
و عملت صيانة ال15000 بحوالى 160
ربنا يستر على ال 20000 اللى جايا انا مش مطمن اصل عمرى ما شفت مصرى امين لازم فيها نوع من النصب او السرقة
زى المهندس اللى فى ابو رواش اللى قالى ما تعملش ال 5000 ابقى إعمل ال 10000 و كل 10 بعد كدة و الضمان برضوا محفوظ مع إن اللى فى كارافان أكدوا لى غير كدة
انا بصراحة مش عارف الضمان راح عليا ولا لأ مع إن العربية مليانة بلاوى عيوب تقفيل حتى الزجاج بيخبط جامد لما يقفل من يوم ما استلمتها
مش عارف اكبر دماغى ولا اضيع يوم فى قليوب؟؟؟
إيه رأيكم

[dodtystar]

تم حصولك على انذار مصاحب بوقف شهر لعمل دعاية بدون الرجوع للادارة-في حالة التكرار او الدخول بعضوية اخرى وقف نهائي

الادارة 1

[boos2222]

بصراحة انا خفت عشان عايز اخذ هونداي اىنترا2010

[boos2222]

مع العلم ان معاملة الموظفين عند الوكيل كويسه (الوكيل في ليبيا)

[enghany]

استهبالللللللللللللل

[katz]

i have done the 1000 service today at the "Technology center" in port said
i paied 140 pounds for mobil oil 5000 and the flter
they were nice and took less than hour

[assem_omar]

ده انا لسه ماستلمتش واتخانقت معاهم خناقه جامده بسبب الكذب واللف والدوران وكأن الواحد بيشحت منهم ... ده كلوا وانا لسه في المبيعات انال في الصيانه هيعملوا فيه ايه

[حمادة صقر]

انا معايا فيرنا 2008 روحتلهم اخر مرة والعربية كانت زى الفل قالولى العفشة بتاعة الجنب اليمين الورا بايظة وعايزة تتغير والشمعدان مشروخ وهتكلف 2000 جنية و صدقتهم وكنت رايح قلت اعدى على مكنايكى يبص عليها قالى مفيش حاجة ونزلت شفتها معاه مفيهاش حاجة وديتها على واحد تانى قالى مفيهاش حاجة و ودتها عند واحد تالت بردو مفيهاش حاجة وروحت غسلت العربية من تحت و بصيت عليها مفيهاش حاجة وماشية زى الفل بقالها 8 شهور من ساعتها ومفيهاش اى حاجة واضح ان العملية فى غبور بقت سرقة ونصب

[mada_76]

السلام عليكم
توكيل سيء سيء سيء سي.. س... س.....س.....
اولا انا لازم اخد اجازة من الشغل عشان اروح اعمل صيانة لان الموضوع بياخد يوم كامل يعني تروح الساعة 9 الصبح تمشي على الساعة 5 المغرب ومرة روحت وقولت اخد معايا مراتي كان نفسها تروح معايا عشان تهون عليا اليوم وكمان هي مسكينة بشتوف الاعلانات وفاكرة ان الواقع زي الاعلان . اليوم ده انا روحت الساعة 9 ولغاية الساعة 7 بليل ماكنوش اشتغلوا في العربية اصلا ونزلت تحت ودخلت الصالة واتخانقت واكتشفت انهم نسيوا العربية ومحدش كان عارف يرد عليا لانهم طبعا غلطانين .
ثانيا المهندس اللى بيستلم منك العربية بتشوفه الصبح وهو بياخد العربية وتيجي على الساعة 6 تسال عليه يقولك اصل الشيفت اتغير والمهندس ده مشي وبعدين يندهو عليك عشان تكع الدنانير وبعد ماتكع تروح تاخد عربيتك وتمشي . طيب حصل فيها ايه ؟ صلحتوا العيب اللى انا قولت عليه ؟ كان في صوت تخبيط كده ياترى الصوت كان من ايه ؟ طيب الصوت راح ؟ لا مجيب وكل اللى انا بحسه ان الدركسيون نشف شوية وبقت العربية ماسكه نفسها وفرامل اليد بقت اخر حلاوة وده عشان هما ربطوا العفشة ورجلشوا الفرامل ويومين تلاتة وتحس انك كانك يابو زيد ماغزيت .
موضوع الضمان بقى اللى هما علموه جديد ده لغاية 100000 كيلو , انا كنت عديت ال 60000 وقولت خلاص انا كده مش هاروح تاني هناك لكن لقيتهم مدوا فترة الضمان الى 100000 باثر رجعى قولت يااااااااااااه اخيرا منير غبور حب يصالح الناس .
روحت من فترة وانا عامل 90000 وكان عندي الكلاكس بيعلق احيانا والساعة الديجيتال دي اللى في التابلوه تحس ان نص الارقام مطفي وزرار الانتظار بيكون في لمبة بتنور مع الانتظار ومع نور التابلوه .
قولت اغير الكلام ده كله في الضمان قبل مايخلص بقى . فرصه يا معلم .
لقيت المهندس بيقولي اني خرجت بره الضمان لان الفترة اللى هما مدوها دي تشمل الموتور والفتيس فقط ولازم تكون من بعد 60000 بتعمل صيانة كل 5000 عندهم والا انت بره الضمان .
قولت ياسيدي مش مهم مانا كنت كده كده بره الضمان . اغير الحاجات البسيطة على حسابي واهو كله عشان عربيتي الجيتز حببتي اللى مش بستخصر فيها حاجة والله .
لقيته بيقولي الكلاكس سعره 300 والساعة هاتعمل 600 والزرار بتاع الانتظار هايتغير كله عشان مش هاينفع نغير اللمبة وده سعره 180 .
دي حكايتي مع غبور بالنسبة للصيانة وفي فرصة تاني هابقى احكيلكم حكايتي مع قسم الهياكل عشان صوابعى وجعتني من كتر الكتابة
سلامو عليكو

[bebo75]

انا بقه اول ما جبت الماتركس استعمال رحت فرع قليوب عشان الزحمة الى فى الاسكندريه والعربيه كانت فيها صرخه اول ما تدور ولما كنت بلف الطاره يمين او شمال ولما تسخن تشتغل عادى قالولى خرطوم الخارج بتاع الباور مسدود ويتكلف 650 جنيه قلتلهم زى بعضه على بركة الله منه كنت شريها جديد وفرحان بيها المهم قعدت من الساعه 11 لغاية 2 بعد الظهر وشايفهم فكين خرطوم كبير من العربيهفيه ماسوره حديد رايحين جايين بيه وبعدين قالولى معلش مش موجود فى المخزن تعالى الاسبوع الجاى ومعلش حنكلفك ثمن عبوه زيت باكم عشان القديم نزل على الارض ولو زعلان نشيلو احنا قلتلهم لا والله على حسابى وبالفعل مشيت وعلى ميعاد الاسبوع الجاى وبالصدفه بتكلم مع صاحبى وكان بيفهم كويس فى الميكانيكا اخدنى عند ميكانيكى وشد على سير الدينامو وراحت الصرخه وبقه كل شىء تمام . الحمد لله ربنا ستر والظروف هيه الى نجتنى من النصابين دول وحسبى الله ونعم الوكيل

[AnaHyundai]

حد جرب الكويت و البلاد العربيه . اللى فى شارع التحرير

[dooola]

مع احترامي الشديد لأرائكم أنا لا أمتلك سياره هيونداي ولاكني مهندس ورشه بأحد المراكز المشهوره
المهم المشكله هي السكوت
المفروض انا أبلغلت عن مشكله في سيارتي ولم تحل او حدث لي مشكله بسبب (تشخيص خطاء - عيب حدث متزامن مع الصيانه ) أتقدم بشكوى لـ(مهندس الورشه / مدير الصيانه / مدير المركز)
السكوت و الانصراف ليس حلا


ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون

28/4/2010
4:50 am

مشرف 12 ب

[MIZO0O]

السلام عليكم

اسمحوا لي يا جماعه كلام الاخ dooolaمظبوط جدا

انا مدير مركز وكيل والحمد لله مفيش عندنا اي شكاوي ولا مشاكل

المهم بالنسبه للوقت التنسيق مع المهندس المسؤول او مدير الفرع

وبكل صدق و امانه بيقولك على الوقت المتوقع

اما عن جوده الشغل و الاتقان من حقك تتابع كل الخطوات واكيد العربيه

مش بتتسلم الا بعد التجربه من المختصين في المركز و تجربتك

الشخصيه

[vernaviva]

يا جماعة ادخلوا على موضوع الحكاية الثانية مع بارومة الفيرنا فيفا و توكيل غبور و جهاز حماية المستهلك و انتوا تعرفوا و تشوفوا الصور