رابطة مالكى الاكسيل-الجزء الأول

[modynet16]

حاجة غريبة

لو سمحتم انا عندى حاجة غريبة !!!
لما اجى امشى بالعربية الاقى عداد الحرارة والبنزين يروحوا طالعين مرة واحدة لاخر العداد يعنى عداد الحرارة مثلا يعدى الاحمر كلة على الرغم ان العربية مش بتكون سخنة واول لما اهدى واقف ترجع العدادات لوضعها الطبيعى ودة بيزيد اكتر لو انا زود بنزين علشان لجرى مثلا...

[Lion_Heart]

يا جماعة هل الدبرياج اللى بيركب لللأكسل يوجد منه انواع ؟ و ايه أفضل الانواع ؟
و ياترى يعمل كام ؟ و مصنعية التركيب تعمل كام ؟؟

مثلا فى المساعدين يوجد مونرو او كونى و هما افضل من المساعدين الاصلى فهل بالنسبة للدبرياج فى انواع مشهورة بجانب الاصلى أكفأ و أفضل ؟؟

[M.FOUAD]

يا باشا متشكر جدا على الرد الوافي ده بس محتاج اعرف تفاصيل اكثر
يعني حضرتك قلت ان المبلغ يجيب اكسيل ممتازة عايز اعرف تبقي العربية عامله ازاي
يعني تكون موديل كام ورشة برة ولا لا وبتعمل في حدود كام الف كيلو وكماليتها تكون اية وياترى تستحمل مشوار كل يوم من مايو لمدينة نصر؟
وبردة لو شاهين عايز اعرف نفس التفاصيل لانها من كلام حضرتك واضح انها اقوى فتسد معاي في المشوار بتاع كل يوم ده
وسؤال تالت- وعارف اني رخم ومتقل عليك سامحني انا اول مرة اسوق-ياتري بخبرتك مصاريف اي عربية من دول تكون في حدود كام يعني تاخد بنزين كام واد اية ومصارفها الدورية تكون ازاي؟
وعلى فكرة مش شرط ال3عربيات دول يعني لو حضرتك شايف ان المبلغ ده يجيب انواع تانية مناسبة لي اكتر ياريت اسمع اقتراحك واقتراح باقي اعضاء المنتدى الكرام
وجزاك الله خيرا

الاكسيل هتبقى1300 تكييف بس راشة برة لو عايزها فابريقة برة مش هتقل عن 32 -33 و هتلاقيها مبهدلة لو لقيتها اصلا الموديل و العداد مش هيفرقوا اوي اهم حاجة الحالة
الشاهين ممكن تجيب موديات 97-98 من غيركمالييات او 95 مكيفة او دوجان كاملة
البنزين الثلاثة بيشتغلوا ب 80 عادي و قطع غيارهم اسعارها متقاربة جدا و رخيصة بالنسبة للاستهلاك الاكسل بتعمل 220 كيلو في الصفيحة في وسط البلد و 260-270 على السريع
ممكن تشوف كيا برايد سيدان
دول اكثر حاجة يناسبوك فية حاجات تانية كثير بنفس السعر زي ابيزا 94 فيات بونتو اوبل كورسا

[M.FOUAD]

لو سمحتم انا عندى حاجة غريبة !!!
لما اجى امشى بالعربية الاقى عداد الحرارة والبنزين يروحوا طالعين مرة واحدة لاخر العداد يعنى عداد الحرارة مثلا يعدى الاحمر كلة على الرغم ان العربية مش بتكون سخنة واول لما اهدى واقف ترجع العدادات لوضعها الطبيعى ودة بيزيد اكتر لو انا زود بنزين علشان لجرى مثلا...

اعتقد دية مشكلة الاراضي خلي الكهربائي يتاكد انه متربطين كويس لو مطلعتش هي المشكلة
روح شارع احمد سعيد فية اكثر من واحد بتاع عدادات هيحلولك المشكلة

[Lion_Heart]

ياعم نادر انت فين ؟

يا جماعة هل الدبرياج اللى بيركب لللأكسل يوجد منه انواع ؟ و ايه أفضل الانواع ؟
و ياترى يعمل كام ؟ و مصنعية التركيب تعمل كام ؟؟

مثلا فى المساعدين يوجد مونرو او كونى و هما افضل من المساعدين الاصلى فهل بالنسبة للدبرياج فى انواع مشهورة بجانب الاصلى أكفأ و أفضل ؟؟

بالبحث فى المنتدى توصلت للاتى:
ساكس صناعة ألمانى بس للاسف مش متوفر الاصلى و المضروب منه كتير
و سمعت كمان فاليو صناعة اسبانى

فهل الفاليو بينزل مضروب و لا اصلى وده كويس و ايه ظروفه ؟


المهم كنت سألت فى مركز صيانه معتمد و قالى انه هيجيب الاصلى بتاعها مش عارف ده هيكون كورى ولا ايه ؟
بلية 155
اسطوانه 227
ديسك 259

المصنعية 250 جنيه
فايه رأيكم

[ahmedhtaher]

انا عندي صوت تزيئي وراء علي طول وتكة في المطبات ورحت للعفشجي قالي ان المساعدين مفيش فيها حاجة حد يقولي الصوت دة من ايه

[ibrahimsaad]

ياجماعه لقيت بنزين بينزل من العربيه وانا بفول كشفت عليها لقيت وصله الكاوتش الكوع بتاع التنك اللى بيتصل بالزور فيه خرم ولفيت عندنا فى كفرالشيخ مالقتش الكوع دع خالص وناس قالوا لى اجيب مستعمل ملقتش برده وقالوا ان قطع غيارها ابتدى يقل فى السوق فياترى الاقيها فين لانى عطلان والعربيه واقفه لان البيه الميكانيكى لما فكه قطعه وبهدله

[Lion_Heart]

انا عندي صوت تزيئي وراء علي طول وتكة في المطبات ورحت للعفشجي قالي ان المساعدين مفيش فيها حاجة حد يقولي الصوت دة من ايه

احتمال تكون الكنبة كلبساتها عاوزة تتحكم كويس و هيه اللى بتعمل الصوت ده

[Lion_Heart]

ياجماعه لقيت بنزين بينزل من العربيه وانا بفول كشفت عليها لقيت وصله الكاوتش الكوع بتاع التنك اللى بيتصل بالزور فيه خرم ولفيت عندنا فى كفرالشيخ مالقتش الكوع دع خالص وناس قالوا لى اجيب مستعمل ملقتش برده وقالوا ان قطع غيارها ابتدى يقل فى السوق فياترى الاقيها فين لانى عطلان والعربيه واقفه لان البيه الميكانيكى لما فكه قطعه وبهدله

لو تقدر تنزل المنصورة هتلاقيها فى منطقة الحسنبة اسأل عادل و ديع على الجديد لو مالقيتش عندك فى الشارع كتير اوى بيبعوا مستورد و ربنا معاك

[ahmedhtaher]

احتمال تكون الكنبة كلبساتها عاوزة تتحكم كويس و هيه اللى بتعمل الصوت ده

اولا شكرا علي ردك لكن الصوت في العربية من وراء مش في الكنبة

[M.FOUAD]

انا عندي صوت تزيئي وراء علي طول وتكة في المطبات ورحت للعفشجي قالي ان المساعدين مفيش فيها حاجة حد يقولي الصوت دة من ايه

بص على كاوتش الشكمان ممكن يكون مقطوع و بيخلي الشكمان يتهز في مكانة

[ibrahimsaad]

لو تقدر تنزل المنصورة هتلاقيها فى منطقة الحسنبة اسأل عادل و ديع على الجديد لو مالقيتش عندك فى الشارع كتير اوى بيبعوا مستورد و ربنا معاك

اشكرك جدا
بس هو الاسم كده صح الحسنبه

[haitham83]

انا عندي صوت تزيئي وراء علي طول وتكة في المطبات ورحت للعفشجي قالي ان المساعدين مفيش فيها حاجة حد يقولي الصوت دة من ايه

عندى كمان و طلع ان السوسته بتاعه العربيه اللى ورا بيبقى فيها كاوتشه اتاكلت و الياي بتاعها بيخبط فى الحديدة اللى تحتيها فى المطبات

[kamose]

صوت طقطقه في العجل الامامي

السلام عليكم ورحمة الله وبركاته

شكر وتقدير للاخوه القائمين علي المساعده والردود

اريد ان اطرح بين يديكم هذه المشكله .. اسمع صوت تقطقه في العجل الامامي مع العلم السياره موديل 97 اتوماتيك كامله .. ممكن اعرف السبب وطريقة الاصلاح .. ولو في اي نصائح للموديل دا.

اشكركم

[M.FOUAD]

اشكرك جدا
بس هو الاسم كده صح الحسنبه

لا اعتقد يقصد الحسنية دية مشهورة بقطع الغيار في المنصورة