رابطة مالكى الاكسيل-الجزء الأول

[magdy_momo]

يا جماعه انا العربيه عندي دخلت في الرصيف
و كنت عايز اقولكم علي الحجات اللي حصلت عشان تشوفو هتتكلف كام
عشان هي مركونه تحت البيت مبتتحركش
1- الاكصدام اتكسر من ناحيه الشمال و هغيره
عايز اعرف سعر الجديد و المستعمل منه
2-الفانوس الشمال برده اتشرخ و عايز اعرف وش الفانوس الكويس بكام
3-المقص الشمال اتكسر و عايز اعرف اجيبه جديد و لا مستعمل
الكوري الجديد سالت عليه كان ب 140 و عايز اعرف سعره مستعمل كام
4-ده غير طبعا شغل السمكري و تقريبا هي فيها زرجينه بسيطه
يا ريت يا جماعه تردو عليا ضروري علشان العربيه مركونه

[y_ammar2000]

السلام عليكم
ازيكم معشر الاكسل وسلام مخصوص الى الباش مهندس نادر
عندى سؤال ويا ريت القى جوابه سمعت صوت فى العفشه
فروحت البنزينه ورفعت العربيه لقيت الراجل كشف على العفشه وقالى العفشه زى الفل والمساعدين تمام جدااا
بس علبه الدريكسوين كلها (كامله)عاوزه تتغير لانها بتنشع زيت وهى الى عامله الصوت والمشاكل الى انا حاسس بيها اثناء القياده الى هى عباره عن صوت خبط بس ساعة المطباط فقط وقالى انها ممكت تعمل من 550 الى 600 جنيه استعمال الخارج
السؤال هل العلبه ممكن تتصلح ولو مش ممكن تتصلح القيها فين ؟
ولو ممكن تتصلح اصلحها فين ؟ وتكلفة التصليح كام ؟

[y_ammar2000]

معلومه العربييه موديل 95 و 1500 سى سى وشاريها من ست شهور تقريبا

[y_ammar2000]

السلام عليكم
الى الاخ مجدى مومو
اسعار بعض الاشياء الى قدرت اجبها نظرا للوقت
كبالن 350 جنيه (ايطالي)
مساعدين امامي Kybياباني 450
و الخلفي 260
قاعدة موتور امامية 35 جنيه
قاعدة خلفية 45 جنيه
وش سيلندر (استيراد)800 جنيه
بلي عجل امامي 65
تيل فرامل امامي (الاصلي) 90 جنيه
فانوس امامي (ديبو تايواني ) 100 جنيه
فانوس اشارة (ديبو بردو) 25 جنيه
الفوانيس الخلفية يستحسن تيجي استيراد لان اللي في السوق كله اي كلام
الفانوس بحوالي 80 جنيه مع ان الجديد ب60
مقصات امامية 240 جنيه
اكصدام امامي ب 170 جنيه
كبوت استيراد ب 350 جنيه مع ان الجديد ب 280 بس تايواني و خفيف
رادياتير استيراد ب 200 جنيه

[magdy_momo]

متشكر جدا لردك يا عمار
بس الاكصدام ابو 170 ده جديد و لا مستعمل
و يا تري انت تقصد الكوري و لا صناعه تانيه

[hosamabraq]

السلام عليكم يا شباب

أنا عندي مشكلة إن العربية بتنقط زيت موتور من تحت، غسلتها من تحت وبعدين روحت لميكانيكي قاللي إن جوان الكرتيرة عايز يتغير، بعد شوية الميكانيكي قفل وفضل الوضع على ماهو عليه لغاية ميعاد تغيير الزيت ما جه إمبارح، روحت لميكانيكي تاني علشان الأول كان قفل، راح بص بصة سريعة كده وبعدين قاللي لأ ده مش جوان كرتيرة ده مش عارف حاجة إسمها "أوسيل الكبالن الخلفية"، وإن كل الإكسيل بيظهر فيها العيب ده، وقال إنه محتاج يشيل الفتيس من مكانه ويغير الأوسيل وإحتمال يغير طقم دبرياج لو لقاه مش كويس وقال إن الموضوع هيتكلف مصنعية 150 جنيه وهياخد يوم...

تفتكروا أيهما كلامه صح؟؟؟

برجاء الرد من الأخوة ذوي الخبرة ومن الأخ نادر

بالمناسبة الأخ نادر بقاله حوالي 4 صفحات مش ظاهر خالص، يا ريت حد يطمئننا عليه

جزاكم الله خيراً

[amroahmed2]

ممكن يكون الشكمان بس مهما حصل فيه مش هيسخنها للدرجه دى .
راجع الردياتير (أغسله فى محطه ) وراجع نسبة لزوجة الزيت وأظبط التكيهات عند ميكانيكى محترف وان شاء الله خير

انا كان عندى نفس المشكلة و كانت بتسخن بجنون و غسلت الريداتير و عملت كل حاجة و برضة بتسخن و بعدين فى الاخر وديتها لميكانيكى شاطر ( ربنا يكرمة) اكتشف وجود تأكل فى حاجة اسمها طبة جنب الموتور و بتسرب مية علطول و قام غير عدد اتنين طبة متاكلين و الحمد لله العربية بقت زى الفل و رجعت لطبيعتها

[kokmedo]

السلام عليكم ورحمة الله وبركاتة
كنت عايز أعرف محل حلو اظبط عندة السنتر والأنذار وكمان عايز أركب زي الماتريكس لما يكون اي باب مفتوح تقعد تعمل صوت وبعد شوية السنتر بيغلق لوحدة اعمل اية وأشتري أية وروح لمين
أرجو الرد سريعا
والسلام عليكم ورحمة الله وبركاتة

[kokmedo]

السلام عليكم ورحمة الله وبركاتة
كنت عايز أعرف محل حلو اظبط عندة السنتر والأنذار وكمان عايز أركب زي الماتريكس لما يكون اي باب مفتوح تقعد تعمل صوت وبعد شوية السنتر بيغلق لوحدة اعمل اية وأشتري أية وروح لمين
أرجو الرد سريعا
والسلام عليكم ورحمة الله وبركاتة

[strongxx]

ايه يا جماعه إيه أخباركم وحشتوني والله


علي فكره انا من كام يوم كنت قايل في نفس الموضوع اني حقلب العربيه بتاعتي الإكسيل موديل 94 1500 من اوتوماتيك للمانيوال

الحمد لله أول امبارح نزلت أشتري قطع الغيار والميكانيكي قالي انا حنزل معاك علشان ونشتري الحاجه علشان متقولش اني مغلي عليك في سعر حاجه من القطع دي

المهم انا نزلت انا وهو وروحنا نشتري الحاجه وعلي ما أفتكرت حكتب لكم أسعار القطع إلي جبتها إلي انا فاكر أسعارها

ماكينه جير مانيوال فقط ب 750

عصايه فتيس بالدراعات 350

الفلام 200 تقريبا

أسطوانه وديسك وبليه دبرياج 320

ده إلي انا فاكره طبعا لان فيه لسه الكاربراتير وقطع كتير ححاول أفتكر أسعارها بس الموضوع كله كلفني كده بالظبط 2000 جنيه عدا ونقدا والميكانيكي قالي انه حياخد 200 جنيه مصنعيه

وامبارح بليل روحت له لقيته بيقفل فيها وقالي تعلالي بكره الظهر إلي هو انهارده يعني تكون خلاص أتظبطتت علشان نطلع نجربها علي ال 5 نقلات بتاعتها علي الطريق السريع

وإن شاء الله حوافيكم بأخر المستجدات والجديد في عمليه النقل دي من الاوتوماتيك للمانيوال

[wesam_salom]

ايه يا جماعه إيه أخباركم وحشتوني والله


علي فكره انا من كام يوم كنت قايل في نفس الموضوع اني حقلب العربيه بتاعتي الإكسيل موديل 94 1500 من اوتوماتيك للمانيوال

الحمد لله أول امبارح نزلت أشتري قطع الغيار والميكانيكي قالي انا حنزل معاك علشان ونشتري الحاجه علشان متقولش اني مغلي عليك في سعر حاجه من القطع دي

المهم انا نزلت انا وهو وروحنا نشتري الحاجه وعلي ما أفتكرت حكتب لكم أسعار القطع إلي جبتها إلي انا فاكر أسعارها

ماكينه جير مانيوال فقط ب 750

عصايه فتيس بالدراعات 350

الفلام 200 تقريبا

أسطوانه وديسك وبليه دبرياج 320

ده إلي انا فاكره طبعا لان فيه لسه الكاربراتير وقطع كتير ححاول أفتكر أسعارها بس الموضوع كله كلفني كده بالظبط 2000 جنيه عدا ونقدا والميكانيكي قالي انه حياخد 200 جنيه مصنعيه

وامبارح بليل روحت له لقيته بيقفل فيها وقالي تعلالي بكره الظهر إلي هو انهارده يعني تكون خلاص أتظبطتت علشان نطلع نجربها علي ال 5 نقلات بتاعتها علي الطريق السريع

وإن شاء الله حوافيكم بأخر المستجدات والجديد في عمليه النقل دي من الاوتوماتيك للمانيوال

ربنا يكملها على خير يا باشا
ومبروك مقدما
بس انا حاسس انها كده غاليه شويه
انا لما عملتها اتكلفت اقل من كده
بس انا اشتريت الحاجه كلها على بعضها
يعنى الفتيس كامل انا اللى فكيته من ماكينه استيراد
فتيس بطقم الدبرياج بالفلام بالدراع وايد الفتيس كلهم من مكان واحد

بس ما حتاجتش كربراتير (ممكن انت بتغيره لسبب تانى)

المهم هو هيفتح مكان يعدى منه سلك الدبرياج
هتلاقى المكان ده باين من جوه علشان ميفتحش حته غلط
خبطه صغيره هيفتح لوحده
حته صاج رقيقه جدا زى الطبه
وقبلتنى حاجه صغيره كمان
المارش بقى صوته مزعج
جبت واحد جديد وبعت القديم
وهتحتاج الغطا الجلد اللى بيقفل على ايد الفتيس علشان متغيرش الكونسول كله
المهم طمنا عملت ايه معاك

وجربها على مهلك
وعرف الميكانيكى نك هترجعله تانى لو اى حجه مش مظبوطه
وان شاء الله هتبقى احسن من الاول

[strongxx]

موبي تك باشا.....شكرا علي ردك الكريم

بالنسبة للمارش انا فعلا غيرته لان ناس كتير قالوا لي انه حيعمل معاك صوت وحش

وبالنسبه للأسعار هيه ممكن تكون غاليه شويه بس أنت عارف البلد دي الوحيده إلي الحاجه بتغلي فيها كل يوم وممكن ترخص يوم عن يوم يعني الواحد يشتري ويسلم أمره لربنا وخلاص

بالنسبه للكونسول ان غيرته كله بصراحه كان أحسن من الاوتوماتيك فيه بوكيت اكتر ويعني عملي اكتر

وبالنسبه للكربراتير انا غيرته لانه اتلعب فيه كتير والأسلاك إلي فيه اتقطعت واتبهدلت بسبب عبقريه الصنايعيه لانه كان أي سلك طالع وميعرفهوش ده بتاع ايه يقولك ده ملهوش لزمه يقوم بكل شجاعه ماسك القصافه ويقطعه من جدوره

بالنسبه للتجربه انا اخدت الميكانيكي معايا وانا بشتري القطع وهو إلي فكهم بنفسه وطبعا الحاجات كلها علي تجربه والميكانيكي كمان قلت له حاخد من العربيه بعد ما تخلص علي التجربه طبعا لحد ما تتظبط وهو كده كده قالي انه بعد ما يخلصها حيطلع معايا علي السريع ونجربها علي الخمس سرعات

وربنا يقدم ما فيه الخير

[kokmedo]

السلام عليكم ورحمة الله وبركاتة
أنا عندي عربية أكسيل 95 1500cc
وكنت خلاص بفكر أبيعها وبعد تفكير عميق قررت الاحتفاظ بها ولكن عايز أظبطها وأروشها
أولا عايز أجيب ماتور وعايز أظبط العفشة وأجيب مساعدين علشان احس بالراحة في المطبات وأجيب أكصدامات وأخيرا اروشها بحاجات كثيرة ممكن تساعدوني أعمل اية وأبداء الزاي واهم حاجة متخمش لأني خيبة في الحاجات دية ودة كان من أسباب أني عايز أبيع العربية وأجيب حاجة جديدة
أرجو المساعدة
والسلام عليكم

[mero25]

عندى النهارددة اكتشفت ان المية الخضرا بتغلى فى القربه لدرجة الغليان وبتفور كمان والموتور بيسخن فوق المعدل الطبيعى (بيوصل لنصف المؤشر)
مش عارف ايه الاسباب وكيفية العلاج -ارجو المساعدة

[mero25]

طبعا كانا ملاحظيين ان بانشغال واختفاء المهندس نادر وبعض الاخوه النشطيين امثاله اصبح القسم غير نشط ويسودة الهدوء والحيوية
عسى ان يكون المانع خير
وشكرا لجميع الاعضاء