رابطة مالكى الاكسيل-الجزء الأول

[Nader]

عندى النهارددة اكتشفت ان المية الخضرا بتغلى فى القربه لدرجة الغليان وبتفور كمان والموتور بيسخن فوق المعدل الطبيعى (بيوصل لنصف المؤشر)
مش عارف ايه الاسباب وكيفية العلاج -ارجو المساعدة

يوجد اكثر من سبب:

1- تأكد من فيوزات مروحة تبريد الردياتير الرئيسية وان مروحة التبريد تعمل .

2- تلأكد من ثرموستات الردياتير وانه يقوم بتشغيل مروحة التبريد في الوقت المناسب.

3- تأكد من عمل طلمبة المياة بشكل جيد.

4-إذا تأكدت من عمل كل ما سبق بشكل جيد، اغسل دورة التبريد وسلك الردياتير.

[Nader]

السلام عليكم ورحمة الله وبركاتة
أنا عندي عربية أكسيل 95 1500cc
وكنت خلاص بفكر أبيعها وبعد تفكير عميق قررت الاحتفاظ بها ولكن عايز أظبطها وأروشها
أولا عايز أجيب ماتور وعايز أظبط العفشة وأجيب مساعدين علشان احس بالراحة في المطبات وأجيب أكصدامات وأخيرا اروشها بحاجات كثيرة ممكن تساعدوني أعمل اية وأبداء الزاي واهم حاجة متخمش لأني خيبة في الحاجات دية ودة كان من أسباب أني عايز أبيع العربية وأجيب حاجة جديدة
أرجو المساعدة
والسلام عليكم

بالنسبة للموتور ممكن تاخد معاك ميكانيكي وتنزل بورسعيد تجيب واحد على التجربة.


العفشة هتغير فيها اية؟؟

عموماً سعر طقم المساعدين الكامل هيكلفك في حدود 800 جنية بالتركيب.


الاكصدامات اشتريها استيراد احسن لان خامت الأصلي افضل 100 مرة من الجديد.... بس طبعاً حالة الباكصدامات هتكون هي الفيصل.

[Lion_Heart]

يااااااااه أخيرا ظهرت يا عم نادر انته بتختبر غلاوتك عندنا ولا ايه ..
نورت مكانك يا راجل يا محترم
لو اتأخرت تانى انا اللى هأعملك عقوبة مش الادارة

[Nader]

معلش شوية ظروف منعتني من متابعة الموضوع بشكل دوري.... شكراً لك وشكراً على الرسالة.

[Lion_Heart]

معلش شوية ظروف منعتني من متابعة الموضوع بشكل دوري.... شكراً لك وشكراً على الرسالة.

الشكر لله ,
ربنا معاك , و ربنا ييسرلك امورك .

[kamalabdelaziz]

مشط الكهرباء فى الإسبراتير

السلام عليكم يا جماعه
انا معايا اكسل هاتش باك 94 ومغلبانى ، العربيه كانت ماشيه زى الفل لحد ما جت مره واحده قطعت ومش عايزه تدور الميكانيكى قاللى ده المشط اللى فى الاسبراتير رحت اشتريت واحد من عند الزرانى فى اسكندريه ب 240 جنيه ، ركبته الميكانيكى قاللى انه مش اصلى وبيخلى الموتور مش مضبوط ، المهم رحت للزرانى قاللى ان المشط سليم بس الكهرباء الى رايحاله ضعيفه وراح مركب كتاوت على الموبينه
لقيت العربيه تقيله وبتغلبنى فى الدواره ، رجعتله تانى قاللى العيب فى الكربراتير والميكانيكى يقوللى المشط
مش عارف اعمل ايه
فى حاجه كمان كل ما اى اشاره العربيه تقطع منى و ما بتسحبش
افيدونى لو سمحتم

-----------------------------
مشط الكهرباء فى الإسبراتير هو العنصر رقم واحد الذى يجب أن تشتريه أصلى من غبورأو من موزع معتمد ولا تسمع كلام أحد يقول غير ذلك .

[kamalabdelaziz]

رد:العربية بتنقط زيت من تحت

السلام عليكم يا شباب

أنا عندي مشكلة إن العربية بتنقط زيت موتور من تحت، غسلتها من تحت وبعدين روحت لميكانيكي قاللي إن جوان الكرتيرة عايز يتغير، بعد شوية الميكانيكي قفل وفضل الوضع على ماهو عليه لغاية ميعاد تغيير الزيت ما جه إمبارح، روحت لميكانيكي تاني علشان الأول كان قفل، راح بص بصة سريعة كده وبعدين قاللي لأ ده مش جوان كرتيرة ده مش عارف حاجة إسمها "أوسيل الكبالن الخلفية"، وإن كل الإكسيل بيظهر فيها العيب ده، وقال إنه محتاج يشيل الفتيس من مكانه ويغير الأوسيل وإحتمال يغير طقم دبرياج لو لقاه مش كويس وقال إن الموضوع هيتكلف مصنعية 150 جنيه وهياخد يوم...

تفتكروا أيهما كلامه صح؟؟؟

برجاء الرد من الأخوة ذوي الخبرة ومن الأخ نادر

بالمناسبة الأخ نادر بقاله حوالي 4 صفحات مش ظاهر خالص، يا ريت حد يطمئننا عليه

جزاكم الله خيراً

----------------------------
باشا : طقم الدبرياج مالوش دعوةبالزيت
طقم الدبرياج له أعراض تانية
ماتسيبش دماغك للميكانيكى -- روح إرفع العربية وبص بنفسك
أما بالنسبة للأويل سيل فثمنهما معاً 10 جنيه وممكن تجيب بتاع اللانسر البطة بـ 20جنيه

[mero25]

يوجد اكثر من سبب:

1- تأكد من فيوزات مروحة تبريد الردياتير الرئيسية وان مروحة التبريد تعمل .

2- تلأكد من ثرموستات الردياتير وانه يقوم بتشغيل مروحة التبريد في الوقت المناسب.

3- تأكد من عمل طلمبة المياة بشكل جيد.

4-إذا تأكدت من عمل كل ما سبق بشكل جيد، اغسل دورة التبريد وسلك الردياتير.

حمدا لله على سلامة رجوعك لارض المنتدى نادر باشا

عاى فكرة انا أتاكدت من كل اللى انت قولت علية بس كله تمام لدرجة ان غيرت جوان وش السلندر
وغيرت غطاء الريداتير واختبرت وسلكت
ولسه برضة المياة بتغلى وتزيد فى قربة المياة حتى خروجها من القربة
مع ملاحظة انى مش بزودالمياة فى القربة عن مستوى العلامة
ماذا تفعل لو كنت مكانى؟؟!!

[Johnny82]

مساء الفل يا جماعة الباور وتركيبة كلفنى 1400 جنية يمكن تقدر تجيبة من الوكالة ارخص لو هتجيبة بنفسك حتة حتة,
بس انا عندى سؤال لية العربية الشاهين المستعملة اغلى من الأكسيل لان سعرها بيعدى 35 الف:b4_237:
هل لانها انجكشن

[Lion_Heart]

استفسار
و انا عند الميكانيكى قالى ان العربية من تحت الموتور (مش اللى فوق العجل ) بيكون فى عدد 2 كارتيرة فبر للحماية و قالى دول أكيد كانوا عندك , فنصحنى انى أجيب 2 كارتيرة للموتور من تحت ,
فهل فعلا موجود كده فى عربياتكم .

[kamalabdelaziz]

رد: 2 كارتيرة تحت الموتور

استفسار
و انا عند الميكانيكى قالى ان العربية من تحت الموتور (مش اللى فوق العجل ) بيكون فى عدد 2 كارتيرة فبر للحماية و قالى دول أكيد كانوا عندك , فنصحنى انى أجيب 2 كارتيرة للموتور من تحت ,
فهل فعلا موجود كده فى عربياتكم .

--------------------------------------
طبعاً موجودة (بلاستيك)
وثمنهما حوالى50جنيه بالكتير
مهمين علشان المية والتراب
بالإضافة للأهمية للإيروديناميك ع السرعة

[Nader]

حمدا لله على سلامة رجوعك لارض المنتدى نادر باشا

عاى فكرة انا أتاكدت من كل اللى انت قولت علية بس كله تمام لدرجة ان غيرت جوان وش السلندر
وغيرت غطاء الريداتير واختبرت وسلكت
ولسه برضة المياة بتغلى وتزيد فى قربة المياة حتى خروجها من القربة
مع ملاحظة انى مش بزودالمياة فى القربة عن مستوى العلامة
ماذا تفعل لو كنت مكانى؟؟!!

لو الثرموستات شغال طبيعي يبقى احتما يكون عندك مشكلة في وش السلندر، خلي ميكانيكي يكشف على الموتور على الله تكون الكهربة عالية ومحتاجة تنزل شوية ومتكونش حاجة اكبر...

بس المهم راجع الأول كويس على جميع الوصلات والخراطيم وراجع على ضغط المياة في الخراطيم بعد ما المروحة ما تشتغل، شوف الضغط زيادة ولا هتعرف تضغط على الخراطيم بسلاسة.

[Lion_Heart]

بالإضافة للأهمية للإيروديناميك ع السرعة

ياريت توضح المقصود ..بالايروديناميك
وهل بالاضافة لتاثيره ع السرعة ممكن له اثر ع الصوت كمان ... يعنى تخفيف الصوت اللى عامل زى الهدير الناتج من السرعة وارتطامه بأسفل الموتور .

[kamalabdelaziz]

رد: الإيروديناميك

ياريت توضح المقصود ..بالايروديناميك
وهل بالاضافة لتاثيره ع السرعة ممكن له اثر ع الصوت كمان ... يعنى تخفيف الصوت اللى عامل زى الهدير الناتج من السرعة وارتطامه بأسفل الموتور .

------------------------------------
ممكن يكون الصوت اللى بتتكلم عنه سببه عدم وجود كارتيرات أسفل الموتور ولكن لا يمكننى الجزم بذلك لأنه ممكن يكون صوت الفتيس مثلاً.
أما عن الإيروديناميك: فيمكنك الإطلاع عن الموضوع بالبحث فى google حتى تعرف أكثر مما أخبرك به.
المفروض إن الهواء يمر أسفل السيارة فى خطوط إنسيابية ولا يتخللها حتى لا تزيد مقاومته يؤثر على السرعة وأيضا ينتج عنه صوت.
كمان كلما قلت كمية الهواء المارة أسفل السيارة كان أفضل لثبات السيارة على الأرض ، فمثلا جناح الطائرة يرفعها بسبب مرور خطوط الهواء الإنسيابية بشكل معين "أسفل" الجناح.
ويمكنك ملاحظة أن سيارات السباق تكون قريبة من الأرض ومتركبلها أعتاب أمامية وجانبية لمنع مرور الهواء من أسفل.

المهم إنك حتحس بفرق بعد ماتركب الكارتيرات.

[Lion_Heart]

------------------------------------
ممكن يكون الصوت اللى بتتكلم عنه سببه عدم وجود كارتيرات أسفل الموتور ولكن لا يمكننى الجزم بذلك لأنه ممكن يكون صوت الفتيس مثلاً.
أما عن الإيروديناميك: فيمكنك الإطلاع عن الموضوع بالبحث فى google حتى تعرف أكثر مما أخبرك به.
المفروض إن الهواء يمر أسفل السيارة فى خطوط إنسيابية ولا يتخللها حتى لا تزيد مقاومته يؤثر على السرعة وأيضا ينتج عنه صوت.
كمان كلما قلت كمية الهواء المارة أسفل السيارة كان أفضل لثبات السيارة على الأرض ، فمثلا جناح الطائرة يرفعها بسبب مرور خطوط الهواء الإنسيابية بشكل معين "أسفل" الجناح.
ويمكنك ملاحظة أن سيارات السباق تكون قريبة من الأرض ومتركبلها أعتاب أمامية وجانبية لمنع مرور الهواء من أسفل.

المهم إنك حتحس بفرق بعد ماتركب الكارتيرات.

شكرا للتوضيح .