رابطة مالكى الاكسيل-الجزء الأول

[emadsenger]

السادة اعضاء المنتدي المحترمين
السلام عليكم ورحمة الله وبركاته

ارجو من حضراتكم الافادة عن استهلاك السيارة الاكسيل للبنزين مع العلم بانها 1500 سي سي حيث ان متوسط استهلاكها معايا 180 كم أو اقل وانا حاسس ان الاستهلاك كده عالي وكنت سالت قبل كده أحد الزملاء بالمنتدي و افاد بان الاستهلاك 260 كم ، 280 كم ومش عارف اعمل ايه
ولو كان في حد بيصلح الكربراتير ويكون كويس وعن تجربة ارجو ارسال اسمه وعنوانه .............وشكرا لكم جميعا.

[m_elmahdy]

السلام عليكم ورحمة الله وبركاته
بعض أسعار قطع الغيار
مانفول استيراد 100 جنيه
جوان مانفول 10 جنيه
جوان كربيراتير 2.5 جنيه
مصنعية 40 جنيه
علشان نفك المانفول القديم ونركب الجديد الميكانيكى فك العمة و الكربيراتير والإسبيراتير وغسل الكربيراتير من برة بالبنزين المهم بعد التركيب والتجربة لاحظت الآتى عند التسخين صباحا أحتاج إلى أن اكرك للعربية كتير أو أدوس جامد على البنزين أو أشد الشفاط وبعد دة كله ممكن تبطل وده ما كانش بيحصل قبل كدة
قلت ممكن وهوة بينظف الكربيراتير من برة الرشاش اتسد رحتله تانى وخليته يفك الكربيراتير وينظف ويسلك الرشاشات ويغسله من جوة
النهاردة وانا سايق العربية لاحظت انها عند النقل تروح متاخدة معايا زي ما يكون عطسة أو عضة
دة ممكن يكون ايه ؟
أرجو من المهندس نادر وأعضاء المنتدى المحترمين سرعة المساعدة وجزاكم الله خيرا

[mero25]

السلام عليكم ورحمة الله وبركاته
بعض أسعار قطع الغيار
مانفول استيراد 100 جنيه
جوان مانفول 10 جنيه
جوان كربيراتير 2.5 جنيه
مصنعية 40 جنيه
علشان نفك المانفول القديم ونركب الجديد الميكانيكى فك العمة و الكربيراتير والإسبيراتير وغسل الكربيراتير من برة بالبنزين المهم بعد التركيب والتجربة لاحظت الآتى عند التسخين صباحا أحتاج إلى أن اكرك للعربية كتير أو أدوس جامد على البنزين أو أشد الشفاط وبعد دة كله ممكن تبطل وده ما كانش بيحصل قبل كدة
قلت ممكن وهوة بينظف الكربيراتير من برة الرشاش اتسد رحتله تانى وخليته يفك الكربيراتير وينظف ويسلك الرشاشات ويغسله من جوة
النهاردة وانا سايق العربية لاحظت انها عند النقل تروح متاخدة معايا زي ما يكون عطسة أو عضة
دة ممكن يكون ايه ؟
أرجو من المهندس نادر وأعضاء المنتدى المحترمين سرعة المساعدة وجزاكم الله خيرا

انا عندى نفس المشكلة دى

[Nader]

السلام عليكم ورحمة الله وبركاته
بعض أسعار قطع الغيار
مانفول استيراد 100 جنيه
جوان مانفول 10 جنيه
جوان كربيراتير 2.5 جنيه
مصنعية 40 جنيه
علشان نفك المانفول القديم ونركب الجديد الميكانيكى فك العمة و الكربيراتير والإسبيراتير وغسل الكربيراتير من برة بالبنزين المهم بعد التركيب والتجربة لاحظت الآتى عند التسخين صباحا أحتاج إلى أن اكرك للعربية كتير أو أدوس جامد على البنزين أو أشد الشفاط وبعد دة كله ممكن تبطل وده ما كانش بيحصل قبل كدة
قلت ممكن وهوة بينظف الكربيراتير من برة الرشاش اتسد رحتله تانى وخليته يفك الكربيراتير وينظف ويسلك الرشاشات ويغسله من جوة
النهاردة وانا سايق العربية لاحظت انها عند النقل تروح متاخدة معايا زي ما يكون عطسة أو عضة
دة ممكن يكون ايه ؟
أرجو من المهندس نادر وأعضاء المنتدى المحترمين سرعة المساعدة وجزاكم الله خيرا

شوف بالنسبة للعطسة اللي بتقول عليها او تقدر تقول ان العربية بتقفش لما تديها بنزين، لو الموضوع دة بيحصل معاك في بداية الحركة فقط فدة بيحصل طبيعي لان العربية بتكون محتاجة تتسخن.


عموماً اول ما تيجي تدور العربية لازم تشد الشفاط لـ3/4 على الاقل لسهولة التدوير من اول مرة، اما إذا كنت بتعمل كدة اصلاً والعربية بتتخنق منك يبقى الكهربة في الحالة دي محتاجة تظبيط.

[kokmedo]

كنت عايز أعرف سعر الأكصدام الأمامي والخلفي أستيراد بكام ومنين بس ضروري جدا لأني محتاج أنزل أشتري وأحد لأني الأكصدام الخلفي بتاعي مكسور ومحتاج أجيب واحد بسرعة بس يكون نضيف وأنا سمعت الأستيراد أحسن من الجديد ممكن تساعدوني بأسرع وقت ولكم كل الشكر والأحترام علي هذا الموضوع المتميز

[m_elmahdy]

شوف بالنسبة للعطسة اللي بتقول عليها او تقدر تقول ان العربية بتقفش لما تديها بنزين، لو الموضوع دة بيحصل معاك في بداية الحركة فقط فدة بيحصل طبيعي لان العربية بتكون محتاجة تتسخن.


عموماً اول ما تيجي تدور العربية لازم تشد الشفاط لـ3/4 على الاقل لسهولة التدوير من اول مرة، اما إذا كنت بتعمل كدة اصلاً والعربية بتتخنق منك يبقى الكهربة في الحالة دي محتاجة تظبيط.

شكرا يا بشمهندس نادر على الرد
انا روحت للميكانيكى تانى ظبطت لى الهوا من خلال مسمار الهوا والعربية إلى حد ما بقت كوبسة
المشكلة دلوقتى إنى لما كنت بسخن العربية الصبح قبل كدة مكنتش بشد الشفاط
دلوقتى بضطر فعلا اشده علشان سهولة التدوير
ازاى اخلص من المشكلة دى واقدر اسخن العربية من غير ما اشد الشفاط
وجزاك الله كل خير

[Nader]

المشكلة دلوقتى إنى لما كنت بسخن العربية الصبح قبل كدة مكنتش بشد الشفاط
دلوقتى بضطر فعلا اشده علشان سهولة التدوير
ازاى اخلص من المشكلة دى واقدر اسخن العربية من غير ما اشد الشفاط
وجزاك الله كل خير

طيب انت كنت بتكارك بنزين قبل ما تدور؟

تدوير العربية صباحا بيحتاج كمية اكبر من البنزين، في معظم السبارات التي تعتمد على الرشاشات كوسيلة لحقن الوقود الشفاط بيكون اوتوماتيك ومرتبط بوحدة التحكم لتحدد له فترة عملة ومتى يتوقف عن العمل.

اما السيارات التي لا يتوفر بها شفاط كهربائي فيقوم السائق بشد الشفاط قبل إدارة المحرك لتساعد على إدارة المحرك من أول محاولة.


يعني لو عاوز تستغنى عن الشفاط يبقى هتدوس بنزين وانت بتدور والموتور بارد والزيت راكن في الكرتيرة = احتكاك اكثر.

[Nader]

كنت عايز أعرف سعر الأكصدام الأمامي والخلفي أستيراد بكام ومنين بس ضروري جدا لأني محتاج أنزل أشتري وأحد لأني الأكصدام الخلفي بتاعي مكسور ومحتاج أجيب واحد بسرعة بس يكون نضيف وأنا سمعت الأستيراد أحسن من الجديد ممكن تساعدوني بأسرع وقت ولكم كل الشكر والأحترام علي هذا الموضوع المتميز

دور في الصفحات السابقة، انا كنت فاكر ان في احد الاخوة كان كاتب الاسعار.

[kokmedo]

طيب أجيبة منين

[Nader]

هتلاقية في الوكالة وفي الحرفيين.

[kokmedo]

أنا عندي الكوبلن اليمين الأمامي بيطقطق وأنا بلف يمين كدة عايز يتغير ولو عايز يتغير متعرفش ما هو أفضل نوع أية وأجيبة منين وبكام وهل الميكانيكي هو اللي بيركبة ولا مين
ممكن المساعدة

[Nader]

أنا عندي الكوبلن اليمين الأمامي بيطقطق وأنا بلف يمين كدة عايز يتغير ولو عايز يتغير متعرفش ما هو أفضل نوع أية وأجيبة منين وبكام وهل الميكانيكي هو اللي بيركبة ولا مين
ممكن المساعدة

كدة الكبالن بتودع خلاص، ابعد عن الصيني والتايواني، راجع الاسعار من هنا

[kokmedo]

شكرا لك يا مستر نادر
جزاك الله كل خير

[Nader]

جزانا الله وجزاكم خيراً

[hosamabraq]

السلام عليكم يا شباب

أنا عندي مشكلة إن العربية بتنقط زيت موتور من تحت، غسلتها من تحت وبعدين روحت لميكانيكي قاللي إن جوان الكرتيرة عايز يتغير، بعد شوية الميكانيكي قفل وفضل الوضع على ماهو عليه لغاية ميعاد تغيير الزيت ما جه، روحت لميكانيكي تاني علشان الأول كان قفل، راح بص بصة سريعة كده وبعدين قاللي لأ ده مش جوان كرتيرة ده أوسيل الكبلن الخلفي، وإن كل الإكسيل بيظهر فيها العيب ده، وقال إنه محتاج يشيل الفتيس من مكانه ويغير الأوسيل وإحتمال يغير طقم دبرياج لو لقاه مش كويس وقال إن الموضوع هيتكلف مصنعية 150 جنيه وهياخد يوم...

تفتكروا أيهما كلامه صح؟؟؟

أنا مش عايز أجرب، عايز أصلحها مرة واحدة وخلاص

برجاء الرد من الأخ نادر

جزاكم الله خيراً