رابطة مالكى الاكسيل-الجزء الأول

[good09]

هل العربيات اللى فيها زجاج كهربا الزراير بتكون فى الباب و لا الكونسول ؟؟
ولو حبيت اركبه اعمل ايه ؟؟ يعنى اجيب الفيبر اللى الباب اللى فيه الزراير ده لو فى الباب و لا يركب ازاى ؟؟

[Sala7.Bravo]

هل العربيات اللى فيها زجاج كهربا الزراير بتكون فى الباب و لا الكونسول ؟؟
ولو حبيت اركبه اعمل ايه ؟؟ يعنى اجيب الفيبر اللى الباب اللى فيه الزراير ده لو فى الباب و لا يركب ازاى ؟؟

زراير الزجاج بتكون ما بين الهاند بريك والفتيس وبتكون ما بين الكورسين تحت بالنسبة للزجاج إلي ورا

[good09]

زراير الزجاج بتكون ما بين الهاند بريك والفتيس وبتكون ما بين الكورسين تحت بالنسبة للزجاج إلي ورا

شكرا لك ,

[dr_raveheart84]

السلام عليكم
دلوقتي لما اجي ادور العربيه وتدور بلاقي رعشه في العربيه وهيه في مكانها
بحس الدركسيون فيه هزه لدرجه ان المفاتيح اللي في الكونتاكت بتشخشخ
يا تري ايه سببها؟

[Nader]

السلام عليكم
دلوقتي لما اجي ادور العربيه وتدور بلاقي رعشه في العربيه وهيه في مكانها
بحس الدركسيون فيه هزه لدرجه ان المفاتيح اللي في الكونتاكت بتشخشخ
يا تري ايه سببها؟

لو قواعد الموتور سليمة يبقى انت محتاج تعلي كهربة العربية شوية.

[Nader]

ياريت كمان اعرف هل كل ال 1300 97 اربعة غيار و هل ينفع انى اركب ال5 غيار بدل الاربعة بدون مشاكل ؟؟
تنصجونى بايه اركب تكييف لل 1300 97 غير مكيفة و لا بلاش

الخمسة غيار + غيار خلفي بيركب على نفس الموتور الـ4 غيار + غيار خلفي بدون أي تعديلات.

[star1991]

ازيكم ياحلى اعضاء انا عارض سيارتي الاكسيل للبيع


موديل94كوري مواصفات خليجيه
تكييف وسنتر لوك
فضي ميتالك
1300 سي سي
دواخل فابريكه
رخصه من المالك حتى شهر3/2012
مفيهاش اي توكيلات وتاني يد فقط اي تاني مالك ليها في المرور
حاله الصاج الخارجيه فوق الممتازه ليس بها اي صدمات او خبطات
حاله الصالون ممتازه والفرش الاصلي بتاع السياره
العفشه ممتازه والثبات ممتاز
حاله الموتور جيده
كاوتش جديد وكذلك بطاريه
عربيه لقطه وفرصه لاي حد ياخدها
السياره موجوده في شبين القناطر محافظه القليوبيه
السعر33500
قابل للتفاوض تليفون0162732626

[good09]

يعنى اجيب العداد و مجرد انى افك الموجود احط مكانه العداد اللى فيه الــ rpm بدون اى لعب و لا تركيبه هيكون فيه مشكلة و على فكرة الفيرنا بيركب فيها على طول بدون لعب هل فى الاكسل كده كمان

ياترى ايه الاجابة هل هأوصل حاجة ولا هيركب على طول زى الفيرنا

[Nader]

غالباً هتحتاج توصل سلكتين عداد الـ rpm بالموبينة

[abou-yahia]

دلوقتي انا غيرت الرادياتير بتاع العربيه اكسيل 1300 98 وبرضه الحراره لسه مش مضبوطه يعني برضه بتيجي عند النص في السلانسيه بس اه صحيح موش بتعديه لاكن الجو موش حر عشان تكون كده ايه تاني ممكن يساعد في تضبيط موضوع الحراره ده

[Nader]

دلوقتي انا غيرت الرادياتير بتاع العربيه اكسيل 1300 98 وبرضه الحراره لسه مش مضبوطه يعني برضه بتيجي عند النص في السلانسيه بس اه صحيح موش بتعديه لاكن الجو موش حر عشان تكون كده ايه تاني ممكن يساعد في تضبيط موضوع الحراره ده

ركب ثرموستات واطي، اللي عندك بيشتغل 90، ركب بدالة 80، او ممكن تشيل ثرموستات الكوعة خالص انا شايلها ومريح دماغي (دة غير الثرموستات اللي راكب على الريدياتير، اوعى تشيله!).

[good09]

غالباً هتحتاج توصل سلكتين عداد الـ rpm بالموبينة

و هل العداد بيكون فيه مكان للسلكتين دول و لا بيتلحموا فيه ؟

[Nader]

لا انت بتشوف السلكتين بتوع عداد rpm وبتقشرهم قبل الفيشة، خلي كهربائي يظبطهولك.

[abou-yahia]

ركب ثرموستات واطي، اللي عندك بيشتغل 90، ركب بدالة 80، او ممكن تشيل ثرموستات الكوعة خالص انا شايلها ومريح دماغي (دة غير الثرموستات اللي راكب على الريدياتير، اوعى تشيله!).

انا ركبت واحد 85 وبرضك طيب منين اعرف طرمبه الميه كويسه ولا ايه حالتها وهل هيه ممكن تكون سبب في موضوع الحراره ده

[Nader]

انا ركبت واحد 85 وبرضك طيب منين اعرف طرمبه الميه كويسه ولا ايه حالتها وهل هيه ممكن تكون سبب في موضوع الحراره ده

ممكن بس لو من الطرمبة هتسمع صوتها أو هتلاقيها مش بتلف بسلاسة.