رابطة مالكى الاكسيل-الجزء الأول

[mohsen2005ib]

كل عام وانتم جميعا بخير عايز اعمل دوكو و سمكرة في العربية وكمان تغير فى الفرش يعنى بالعربي تجديد العربية واضافة بعض التغيرات العربية اكسل 1300 و 1997 اية راى الخبراء فى الموقع فين المكان المناسب لعمل تجديد فى العربية والسعر لو امكن علما بانى اسكن بالقاهرة الجديدة ولكم جزيل الشكر علشان انا هارخص اول السنة

[Lion_Heart]

الفتيس بيتحل و بياخد طبعا وقت بس لو صنيعى شاطر خلية يعملهالك و ممكن تسال مركز الصيانة هيكلف كام قبل ما تعملة و لو السعر مناسب يبقى افضل طبعا
يفضل تغيير الطقم كامل يعنى محدش يقولك الاسطوانة ممكن تمشى او الديسك يمشى كلة مرة واحدة احسن

شكرا لك .

[صفوت منصور]

اولا الف مبروك و ربنا يباركلك
وش الفانوس نوعه ايه كورى و لا تايوانى و بتركبه عند مين الكهربائى و لا بتاع الاكسسوارات ؟
الكسوة جلد سودة للفتيس 5 جنيه و الكسوة جلد سودة لرأس الفتيس 5 جنيه مقصود بيهم ايه (الكسوة اللى على زراع الفتيس ولا حاجة تانية ) ؟؟
شكرا لك .

وش الفانوس تايوانى صورة طبق الأصل من الأصلى بيتركب عند الكهربائى ، بيفك الوش ويقطعه بالقطر وبيركب الوش التانى بالسيليكون.

الكسوة هى على زراع الفتيس مع كسوة لرأس الفتيس ذاته.

أخوكم صفوت

[johnnaguib]

كل عام وانتم جميعا بخير عايز اعمل دوكو و سمكرة في العربية وكمان تغير فى الفرش يعنى بالعربي تجديد العربية واضافة بعض التغيرات العربية اكسل 1300 و 1997 اية راى الخبراء فى الموقع فين المكان المناسب لعمل تجديد فى العربية والسعر لو امكن علما بانى اسكن بالقاهرة الجديدة ولكم جزيل الشكر علشان انا هارخص اول السنة

بالنسبة للسمكرة دة بيختلف من عربية الى عربية على حسب الشكل الخارجى بتاعها محدش يقدر يقولك كام بالظبط الا الصنيعى لما يشوفها
اما الدوكو لو هتعمل العربية فرن دة بيبقى من رنج 1000 - 1500 على حسب الصنيعى و نوع البوية و المعجون الى هيتحط فى العربية
و على فكرة دة ممكن تعملة فى اى مكان قريب ليك و طالما انك فى القاهرة الجديدة حاول تروح الحرفيين ممكن تلاقى اسعار حلوة بس فاصل معاهم شوية

[hasyou2004]

إشتريت إكسيل 1500 98 قبل العيد مباشرة

إشتريت إكسيل 1500 98 قبل العيد مباشرة حالتها ممتازة
واشتريت عدد 2 أكرة باب خلفي خارجيه (الفبر)الواحدة بـ 20 جنيه (كوري )
وأنا متابع الرابطة وسعيد بها وبما تقدمه لخدمة الأعضاء
وأرجو تقبلي عضوا بها

[y_ammar2000]

السلام عليكم
يا معشر الاكسلويين
انا قررت اجدد العربيه عندى مشاكل فى العفشه وكدا كدا حرش
كونت عاوز اعرف عفشجى يكون كويس وأمين وواحد سمكرى وكمان بتاع دوكو كويس
الرخصه حتخلص فى شهر 3 القادم
العربية اكسل 1500 موديل 95

[y_ammar2000]

السلام عليكم
عندى سؤالمحيرنى ويا ريت م . نادر يجاوبنى عليه
عندى مؤثر الحرارة مش بيتحرك من مكانه بالرغم من ان المروحة بتكون شغاله (يا دوب بيرفع درجه واحده بس بالرغم من ان المروحة بتشتغل مده طويله تقريبا ممكن توصل خمس دقائق)
هذا مع العلم انى لسه مغير صباع الحراره من شهر تقريبا

[hakim]

الف الف شكر للاخ فؤاد والاخ ( المنارة ) على الرد وانا الحقيقة معجب جدا بالمنتدى المفيد ده الواحد ساعات بيحس انه تايه في بحر النت وما بيصدق يلاقي حاجة مفيدة والحمد لله انا حاجات كتيرة بصلحها في العربية من نفسي لان انا حابب كده بصرف النظر عن توفير النقود

[kmfb78]

السلام عليكم و رحمة الله و بركاته انا عضو قديم بس كنت انقطعت و رجعت و دلوقتى كنت عايز اغير سير الكاتينة و الدينو حد يعرف هتتكلف كام و الشاسية الحديد بتاع الاكصدام اتعوج و عايز اعدله ينفع

[kmfb78]

فيه اخبار عن زيادة سعر البنزين لذلك انصح بالتحول الى الغاز الطبيعى و كنت كتبت فى المنتدى قبل كده عن الموضوع

[M.FOUAD]

السلام عليكم و رحمة الله و بركاته انا عضو قديم بس كنت انقطعت و رجعت و دلوقتى كنت عايز اغير سير الكاتينة و الدينو حد يعرف هتتكلف كام و الشاسية الحديد بتاع الاكصدام اتعوج و عايز اعدله ينفع

سير الكاتينة ب 30 جنية و الدينامو ب 20 جنية
الشاسية يبستعدل عند بتوع الفبر بس لو في الاكصدام الامامي ثمنة مش غالي ب 150 جنية تقريبا يبقى تغييرة احسن و اسهل

[Nader]

السلام عليكم
عندى سؤالمحيرنى ويا ريت م . نادر يجاوبنى عليه
عندى مؤثر الحرارة مش بيتحرك من مكانه بالرغم من ان المروحة بتكون شغاله (يا دوب بيرفع درجه واحده بس بالرغم من ان المروحة بتشتغل مده طويله تقريبا ممكن توصل خمس دقائق)
هذا مع العلم انى لسه مغير صباع الحراره من شهر تقريبا

الطبيعي في الصيف عداد الحرارة بيكون عند الربع الأول ولو واقف لفترة طويلة في إشارة ممكن يرتفع للثلث الأول، اما في الشتاء فمؤشر الحرارة يكاد يكون تحت الربع الأول خصوصاً لو بتخرج بدري قبل 10 وبترجع بعد غروب الشمس. لو في إشارة ممكن يرتفع مؤشر الحرارة عن إلى الربع او فوقة بنسبة بسيطة.


-الثرموستات اللي غيرتة بيشتغل على درجة حرارة كام؟
-ثرموستات الكوعة متركب ولا شيلتة في الصيف؟

[kmfb78]

ازيك يا استاذ نادر و الله و حشنى بمشركاتك الجملية و القيمة ارجو من سيتك توضيح ليه العربيه لما باجى اغير على التانى بتترج

[Lion_Heart]

وش الفانوس تايوانى صورة طبق الأصل من الأصلى بيتركب عند الكهربائى ، بيفك الوش ويقطعه بالقطر وبيركب الوش التانى بالسيليكون.

الكسوة هى على زراع الفتيس مع كسوة لرأس الفتيس ذاته.

أخوكم صفوت

شكرا لك .

[Nader]

ازيك يا استاذ نادر و الله و حشنى بمشركاتك الجملية و القيمة ارجو من سيتك توضيح ليه العربيه لما باجى اغير على التانى بتترج

شكراً لك

لو المشكلة بتحصل والعربية باردة اول ما بتمشي بها ممكن يبقى الموضوع طبيعي

لو بتحصل على طول يبقى هتدخل على تغيير طقم الدبرياج .