رابطة مالكى الاكسيل-الجزء الأول

[strongxx]

تحياتي لجميع الاعضاء الكرام
بالنسبة لموضوع الزيت انا اشتريت عربيتي من سنتين و كان صاحب العربية بيحط موبيل 1 الي بيعمل10000 كيلو و كان معاد التغيير قرب بس لما قست الزيت لاقيته ناقص
غيرت الزيت برضة موبيل1 و تابعته لاحظت ان الزيت عند 7.5 الاف بينقص للحد الادني Minimum
سألت في موبيل قالي خليك في زيت اللي 100 جنية ده من 3 الاف لغايه 5 الاف
نفس المشكله الزيت بينقص سمعت من المهندس نادر ان شل كويس جربته بس خلي صوت العربية يعلي
غيرت بتوتل لقيته مش بطال و غيرته 3 مرات قبل كده وماشي
المرة دي غيرت بزيت مصر للبترول العلبة الذهبي اسمها تقريبا 10000sp و بتعمل من 3 ال 5 الاف كيلوو بيتهيألي انه نفس الموضوع ما فيش فرق غير في السعر و حاجة تانية موبيل 1 في الاول بيخلي صوت العربية تقريبا ما فيش واما غيركده كله عادي و فيه فرق تاني ان اي زيت غير موبيل 1 لو نقص ممكن تزوده
و الله العظيم ان شفت مرسيدس زلمكة بتحط من مصر للبترول نفس الزيت
معلش طولت

بعد التحيه والسلام....

انا عايز أقولك حاجه بسيطه...مش شرط نوع العربيه يحدد الزيت إلي بيتحط..انا عن نفسي شوفت عربيه بي إم 318 i بتحط زيت التعاون ال 10.000 كيلو...يعني لا شيل ولا موبيل..بس الفكره كلها بتتلخص انت قدرتك الماديه كام والزيت إلي بيريح عربيتك..وإن جينا للحق كله زيت واحد وتقريبا إلي حد كبير نفس الخواص مع إختلاف بسيط وهو ده إلي بيريح عربيه عن عربيه تانيه

وبعدين من إجمالي الكلام الموجود في الرابطه كله فأحب أقولك أن فيه نوعين زيت الشيل أبو علبه صفرا وزيت شيل أبو علبه حمرا..... الإتنين دول الأكتر شعبيه وسط ملاك الإكسيل وخصوصا انه بيراعي الموتور كويس وبيحافظ عليه فعلا

وفي الأول والأخر مافيش عربيه زي التانيه حتي لو نفس النوع شوف الزيت إلي يريحك وتوكل علي الله

[amirhafez]

السلام عليكم اعضاء المنتدى الكرام
من فضلكم لو ممكن اى حد يفيدنى فى المشكلة اللى انا فيها
انا معايا إكسيل 1998 1300cc كان عندى مشكلة فى البوبينة وقد تم استبدالها باخرى جديدة القديمة كانت اوريجينال والجديدة ماركة بوش وايضا غيرت البوجيهات وبعد ذلك تكررت نفس المشكلة اللى هى تقطيع عند اسير ونتش ولكن هذا يحدث عندما ادوس على البدال الخاص بالبنزين جامد مرة واحدة اين تكمن المشكلة هذا هو السؤال مع انى نظفت الكاربيراتير الخاص بالبنزين وايضا الفلتر الخاص بالبنزين لا يوجد بة مشكلة
فى انتظار ردودكم والف شكر على المساعدة

[kmfb78]

عايز اضبط التكهات اضبطها على السخن و لا على البارد

[osos38516]

لسه سأل على الكبالن عند ابو زيد فى فيصل قالى معندوش غير تيوانى ب 190 جنيةو معندوش مساعدين يا ريت لو حد مركبهم قريب او سأل المنير اللى فيصل عن اسعار الكبالن ايه و المساعدين امامى و خلفى

[TAMER13]

لسه سأل على الكبالن عند ابو زيد فى فيصل قالى معندوش غير تيوانى ب 190 جنيةو معندوش مساعدين يا ريت لو حد مركبهم قريب او سأل المنير اللى فيصل عن اسعار الكبالن ايه و المساعدين امامى و خلفى

ده رقم المنير 37812429

[HASS7]

ارجو المساعده

ارغب في شراء سياره جيده اقتصاديه في قطع الغيار والبنزين وقويه وثابته علي السرعه العاليه فهل الاكسيل بها ما يفي بالغرض حيث ان كثير السفر فاريد ان اعرف اقصي سرعه لها علي الطريق والثبات ارجو التوضيح والنصيحه وهل الاكسيل هتستحمل السفر الكتير علي الصحراوي بسرعه تتجاوز 120 وربما 140

[al_manara]

ارغب في شراء سياره جيده اقتصاديه في قطع الغيار والبنزين وقويه وثابته علي السرعه العاليه فهل الاكسيل بها ما يفي بالغرض حيث ان كثير السفر فاريد ان اعرف اقصي سرعه لها علي الطريق والثبات ارجو التوضيح والنصيحه وهل الاكسيل هتستحمل السفر الكتير علي الصحراوي بسرعه تتجاوز 120 وربما 140

قطع الغيار متوفرة جديدة واستيراد واسعارها ممتازة
البنزين طبعا علي حسب حالة العربية هي بتعمل في المتوسط 200 كيلو في الصفيحة (من 200 الي 260) (حسب تجربتي)
اما السرعة انامجربتش وياريت بلاش منها (ربنا يستر طريقنا جميعا)

[Angel_wolf]

الاكسل بعد ال 120 لا تسالنى من انا
هية من 0 ل 100 حلو اوى وعظيم وفتاك ورائع بالنسبة لعربية اخر انتاج ليها كان من 12 سنة لكن من 100 ل 120 تقيلة شوية بعد ال120 ربنا يديك طول العمر هى مش سفيك تشد بعد 120 الثبات شغال معاك لحد 100 معقول يعنى نقدر نقول كويس بعد كدة لا علشان الامانة العلمية

[maged]

زرار فتح الشنطه الكهرباء فى الاكسيل ال 1500 اتكسر يا ترى ثمنه كام استيراد او جديد

محدش رد عليا ليهههههههههههههههههههههه
شكرا

[HASS7]

اشكركم جميعا بس انا كده هتردد اكتر

[dodo20102010]

انا بجيب بالكسيل لغايه 180 وسرعتها حلوه وثباتها كويس جدا وممبقاش قلقان خالص

[Lion_Heart]

انا بجيب بالكسيل لغايه 180 وسرعتها حلوه وثباتها كويس جدا وممبقاش قلقان خالص

طبعا بتهزر ؟؟

[ahmedhtaher]

ياريت لو حد يعرف ميكانيكي وعفشجي متخصص هيونداي بس يكون شاطر

( صناعي بمعني الكلمة ) يقولنا عليه علشان نستفاد منه ويكونوا شبه اساسين

العربيات المنتدي ويكون عن تجربة ( انا ساكن في امبابة )

[mohamed1987]

ياجماعة هى الاكسيل موديل 1998 تعمل كام مع العلم انها مغيرة 4 باب و2 رفرف بس الحوض والشنطة والسقف تمام الفبريكة ومغيرة اكصدامين واوتو كاملة تعمل كام ياترى ياخبراء الاكسيل اه وطقم كاوتش وجنوط وبطارية جداد

[osos38516]

الاكسيل بتعض عند نقل الفتيس فى الغيارات الاول و الثانى و لقد غيرت زيت الفتيس و بقى الوضع كما هو
هل الاكسيل بشكل عام كده و لا عندى مشكله فى الفتيس
كيف اعرف ان سحب العربيه او سرعتها مش طبيعية او اقل من المعتاد سيارتى اكسيل 95 كورى 1500 سي سي