رابطة مالكى الاكسيل-الجزء الأول

[smallpharaoh]

ايه الحلاوه دى انت بصراحه اديت روح للرابطه الف شكر ليك انا بعد ما غيرت زيت للقتيس عند واحد ميكانيكى الاقى الفتيس تقيل جدا رحتله شحم الواير و ما حسيتش بفرق و انا بغير زيت موتور قلت للراجل بص على زيت الفتيس بيفتح الطبه اللى بيشوف منها جابت زيت قعد يفضى بتاع نص لتر و بعدين الفتيس رجع انعم من الاول

بص يا باشا زيت الفتيش فى المانيوال بتاع العربية 1لتر و800 ملى مكعب معرفش هنا بيقسوا بالوزن على العموم بص عن تجربة زيت الفتيس لما يبقى تقيل ( ذو لزوجة عالية ) بيبقى الغيار تقيل فى الاول وبعد ما تمشى بالعربية شوية والفتيس يسخن تلاقى الغيار بقه ناعم مية معاك ... فالاحسن غير بزيت لزوجته قليله زى فالفلينا وحتلاقى فيه اختلاف كبير وربنا يوفقك

[magid1010]

معرفش الحقيقة

انا بصيت عندي ملقتش ولا سلكة خارجة
الحتة ده متقفلة

الف شكر يا جو هو فعلا مش و اصل بالسوكيت اللى فى الصوره لمبه الشنطه دى حتتجننى مش عارف واصله بايه

[wael6]

بص يا باشا زيت الفتيش فى المانيوال بتاع العربية 1لتر و800 ملى مكعب معرفش هنا بيقسوا بالوزن على العموم بص عن تجربة زيت الفتيس لما يبقى تقيل ( ذو لزوجة عالية ) بيبقى الغيار تقيل فى الاول وبعد ما تمشى بالعربية شوية والفتيس يسخن تلاقى الغيار بقه ناعم مية معاك ... فالاحسن غير بزيت لزوجته قليله زى فالفلينا وحتلاقى فيه اختلاف كبير وربنا يوفقك

كلام جميل
انا عندى الفتيس حاططله موبيل 80-90
وعندى ونه خفيفه جدا
هل احط زيت تقيل مع زيت شنبر او اضافه امريكية لمعالجة الونه ولا اغير الزيت لموبيل برده
لان العفشجي كان قالى نزل الزيت واعمله كغسيل للفتيس
والغريب انه حط حوالى 3 لتر الا ربع زيت
وكنت اعانى من دقرة فى العصايا
بس لما بدوس دبرياج للارض بيكون ناعم جدا
مع ان نقطة الفصل للدبرياج فى النص
اسف للاطاله
ومتابع للاهمية القصوى
وشكرا جزيلا

[amirboulos]

يا شباب حد يساعدني لو سمحتوا ....عندي رجه جامده في العربيه لما بدوس علي البنزين او لما بشيل رجلي من عليه ...زي ما يكون الموتور سايب مع العلم اني لسه مغير قواعد موتور اماميه وخلفية .... ورجعت تاني للعفشجي قالي الموتور مربوط كويس ...دا ممكن يكون الكربراتير عايز يتنضف والبوجيهات تتغير ...طبعا انا مش مقتنع بالكلام ده قوي ..... حد عنده تفسير للموضوع ده وازاي اعرف ان المشكله في القواعد وانه ركبها كويس مثلا ...ارجو المساعده

[kmfb78]

بصوا يا رجالة انا روحت ظبط العفشة من اسبوعين تقريبا طبعا العفشجى فك الكبالن الكوبلن اليمين اللى هو الطويل اللى فيه الكوباية خدته وروحت ظبطه عند واحد بتاع كبالن قبل عزبة سلبى اسمه هانى راجل محترم جدا المهم قالى عايز جديد ماشى عايز استيراد ماشى اصلحه ماشى وطبعا انتو عارفين الحالة المالية الايام دى قولتله صلحه بيجيب كوباية غير بتاعتى متصلحة ويركبها ب 40 جنيه وغير كوتشتين وشحمهم ب 20 جنيه تمام وروحت ركبت وزودت زيت الفتيس طبعا زيت الفتيس نقص قولنا اولسيه رجعت تانى للعفشجى غيرت الاولسيه جاب زيت تانى ... قولت نوع الاولسيه وحش رجعت جبت الاصلى المهم وهو بيفك قولتله هات الكوبلن ارجع لهانى اشوف الكوباية يمكن تكون مشمظبوطة ... طلع ايه بقه فى نهاية الكوبلن الجزء المشرشر اللى بيدخل جوه الفتيس بيبقى فيه تيلة زى الحلقة ليها منيم بتنام فيه وتدخل جوه الفتيس دى ملقنهاش ... اتضح ايه بقه الواد اللى عند العفشجى ميعرفش يركب الكوبلن بها شكله شالها او وقعت منه لف مكانها حتة سلك نحاس رفيع شعر بتاع الكبالن قالى ايه ده يا استاذ لازم التيلة دى بص على كل الكبالن هنا كده هات واحد من غير تيلة قولتله عندك حق .... المهم ركب التيلة ورجعت ركبت الكوبلن وزودت زيت فتيس ولسه مستنى النتيجة بس ان شاء الله خير ... انا بقولوكوا عشان كل واحد ياخد باله لو فك كوبلن ان التيلة دى موجودة وميدوخش زى ما انا دوخت

حضرتك راجل محترم و ربنا وقع على ناس ولاد حلال انا صرفت على موضوع الزيت ده 500 من غير نتيجة كل ماروح لحد و اقولة الفتيس بينقص يقولى الاولسية غيرت الاولسية ده 5 مرات و كل مره بدفع 20 و فيه مرة دفعت فيها 120 علشان بشيل الزيت و فضل زى ماهو و اخر مزهقت سبته و بقيتازود كل شوية حضرتك اقولتلى على الحل هروح اشوف التيلة ديه و يارب تكون هى السبب و شكرا

[samirsaid1]

ممكن أعرف مكان فلتر التكييف للاكسيل 97

وبيتفك إزاى لو ممكن

[Tarek_Swelm]

الف شكر يا جو هو فعلا مش و اصل بالسوكيت اللى فى الصوره لمبه الشنطه دى حتتجننى مش عارف واصله بايه

انا اللمبة مكنتش بتنور برضة و وديت العربية لكهربائي علشان اركب الانذار و بصلي عليها بالمرة و ركبلي زرار جنب القفل بتاع الشنطة علشان لما افتح الشنطة اللمبة تنور , لو الاسلاك ممدودة و كل حاجة جاهزة و ناقص بس تركيب الزرار اعملها بنفسك , لو الاسلاك ناقصة روح لكهربائي احسن و مش حتاخد ربع ساعة بس اهم حاجة تتاكد انك لما بتقفل الشنطة اللمبة تتطفي , والا حتيجي بعد ركنة كام يوم العربية مش حتدور معاك .

[tamer_a7]

ممكن أعرف مكان فلتر التكييف للاكسيل 97

وبيتفك إزاى لو ممكن

ما فيش للاسف فلتر تكييف في الاكسيل الهواء بيخش مباشره علي الثلاجه وهو دا اللي بيخليها تتسد بعد فتره

[smallpharaoh]

حضرتك راجل محترم و ربنا وقع على ناس ولاد حلال انا صرفت على موضوع الزيت ده 500 من غير نتيجة كل ماروح لحد و اقولة الفتيس بينقص يقولى الاولسية غيرت الاولسية ده 5 مرات و كل مره بدفع 20 و فيه مرة دفعت فيها 120 علشان بشيل الزيت و فضل زى ماهو و اخر مزهقت سبته و بقيتازود كل شوية حضرتك اقولتلى على الحل هروح اشوف التيلة ديه و يارب تكون هى السبب و شكرا

يا راجل 500 جنيه والصنايعى ولا فى دماغه والله انا معارف اقول ايه .. ربنا يهدى الصنايعية لو انت فى القاهرة انا ممكن اجى معاك بعربيتى نروح للعفشجى بتاعى وناخد الكوبلن ونروح به الى هانى بتاع الكبالن... فى المطرية

[kmfb78]

يا راجل 500 جنيه والصنايعى ولا فى دماغه والله انا معارف اقول ايه .. ربنا يهدى الصنايعية لو انت فى القاهرة انا ممكن اجى معاك بعربيتى نروح للعفشجى بتاعى وناخد الكوبلن ونروح به الى هانى بتاع الكبالن... فى المطرية

تسلم يا غالى و الكلام ده عند 4 صنعية مش واحد ممكن تدينى عنوان الاسطى هانى ده و انا هرحلوه انا من الحدائق

[smallpharaoh]

يا شباب حد يساعدني لو سمحتوا ....عندي رجه جامده في العربيه لما بدوس علي البنزين او لما بشيل رجلي من عليه ...زي ما يكون الموتور سايب مع العلم اني لسه مغير قواعد موتور اماميه وخلفية .... ورجعت تاني للعفشجي قالي الموتور مربوط كويس ...دا ممكن يكون الكربراتير عايز يتنضف والبوجيهات تتغير ...طبعا انا مش مقتنع بالكلام ده قوي ..... حد عنده تفسير للموضوع ده وازاي اعرف ان المشكله في القواعد وانه ركبها كويس مثلا ...ارجو المساعده

بص يا باشا الرجة اللى بتحصل من غير ماتزود بنزين دى انت عايز تعلى العربية شوية والرجة اللى بتحصل لما تدوس بنزين دى ممكن تبقى بك السلانسيه يبقى كلام الراجل اللى قالك نضف الكربراتير ده صحيح ان شاء الله بسيطة ... وقواعد الموتور لو عايز تعرف انها سليمة ادى العربية الاول من غير ماتدورها وحاول تحرك العربية قدام وورا وانت بتحاول تحركها بص على الموتور بيتحرك او اى رجه فيه وربنا يوفقك ويا ريت حد يشاركنى الرأى عشان انا على ادى فى العربيات

[smallpharaoh]

تسلم يا غالى و الكلام ده عند 4 صنعية مش واحد ممكن تدينى عنوان الاسطى هانى ده و انا هرحلوه انا من الحدائق

بص يا سيدى الفاضل هو فى شارع الورشة متفرع من شارع التروللى والرشاح وده تليفونه 0126954965
انت لو سالت عليه كل الناس حدلك هو مشهور وانت ممكن تروح بعربيتك هناك بجواره واحد ميكانيكى حيفكلك الكبالن زى ماهو قالى بس انا مكنتش اعرف الموضوع ده ففكيت الكوبلن عند العفشجى وخود معاك اولسيه عشان ماتتعطلش وقوله انا من طرف محمود بتاع الاكسيل اللى جالك اخر مرة هو وولاد خاله ومعاهم العربية المازدا الحمرا وخد منك تلات كروت وربنا يوفقك ان شاء الله وتتطلع التيلة والله حاجة هايفة جدا بس مع احترامى لكل الصنايعية اللى معظمهم متسربين التعليم اللى مفيش فى قلوبهم رحمة

[amirboulos]

يا شباب حد يساعدني لو سمحتوا ....عندي رجه جامده في العربيه لما بدوس علي البنزين او لما بشيل رجلي من عليه ...زي ما يكون الموتور سايب مع العلم اني لسه مغير قواعد موتور اماميه وخلفية .... ورجعت تاني للعفشجي قالي الموتور مربوط كويس ...دا ممكن يكون الكربراتير عايز يتنضف والبوجيهات تتغير ...طبعا انا مش مقتنع بالكلام ده قوي ..... حد عنده تفسير للموضوع ده وازاي اعرف ان المشكله في القواعد وانه ركبها كويس مثلا ...ارجو المساعده

[amr78falcon]

الاحظ وجود نقط زيت خفيفة تحت العربية ورحت للميكانيكى قلى دة اولسية الكرنك رايكم اة وهل ممكن مغيروش

[magid1010]

انا اللمبة مكنتش بتنور برضة و وديت العربية لكهربائي علشان اركب الانذار و بصلي عليها بالمرة و ركبلي زرار جنب القفل بتاع الشنطة علشان لما افتح الشنطة اللمبة تنور , لو الاسلاك ممدودة و كل حاجة جاهزة و ناقص بس تركيب الزرار اعملها بنفسك , لو الاسلاك ناقصة روح لكهربائي احسن و مش حتاخد ربع ساعة بس اهم حاجة تتاكد انك لما بتقفل الشنطة اللمبة تتطفي , والا حتيجي بعد ركنة كام يوم العربية مش حتدور معاك .

الف شكر لردك حاروح لكهربائى و اخليه يبص عليها