رابطة مالكي الElantra من 2007 الى 2011

[shiko85]

يا باشا العربيات كسر الزيرو علي كونتكت فيها كويس و فيها مبالغ فيه
و طبعا مفيش حاجه اسمها سعر نهائي فاصل و انت و شطارتك بس متنساش ان لسه فيه مصاريف نقل الملكيه و اللي بتزيد كل ما كانت العربيه موديل احدث
الجين تو لو عجباك توكل علي الله و اشتريها بس احسب سعرها بعد القسط و لو فكرت تبيع و قارن اسعار قطع الغيار و متستعجلش
ادخل علي صفحة البروتون و اسأل عليها و شوف اهم الموضوعات و اسأل علي العيوب و المميزات و ان شاء الله الأعضاء هناك يقدروا يفيدوك و طبعا الزيرو ممتاز بس انا قلت رأيي اني لو مكانك مش هفكر فالجين تو خالص
دور علي سيراتو كسر زيرو هتلاقي او اوبترا
دور و ماتستعجلش خالص لان الفلوس مش هتيجي بسهوله و كمان مترضاش بأي حل لمجرد انك تعبت من التفكير او من عدم وجود عربيه، معلش اتعب دلوقتي شويه و ان شاء الله ربنا هيكرمك بعربيه كويسه

[m7md3ssem]

ربنا يكرمك يارب
مش عارف اقولك ايه
انا فعلا هصبر شوية وهبص على السيراتو لكن الاوبترا مش عجباني

[m7md3ssem]

ايه رايك لو استنيت شوية وكمل 110 مثلا واجيب ريو هاتشباك كسر في فكونتكات حاجات كتير اقل من 20000كم واسعار تحت 120 متهيالي ممكن تخلص 110
ايه رايك فالريو ده عشان مجربتهاش

[shiko85]

ربنا يكرمك يارب
مش عارف اقولك ايه
انا فعلا هصبر شوية وهبص على السيراتو لكن الاوبترا مش عجباني

ربنا يكرمك ان شاء الله

[shiko85]

انا مجربتش الريو، انا بصيت علي كونتكت لاقيت عربيات كتير متوسط السعر 100 ممكن تفاصل معاهم و تنزل من السعر شويه

[basemlove]

ممكن اعرف نوع الكاسيت الكلاريون ده اسمه ايه وممكن صوره ليه

[mahmoud_afifi]

ممكن اعرف نوع الكاسيت الكلاريون ده اسمه ايه وممكن صوره ليه

ده شكله http://www.zercustoms.com/news/image...n-CX609E-1.jpg
وانا شوفته عند السجان في شارع دمشق

على حسب ماهو مكتوب في الموقع ده الموديل بتاعه Clarion CX609E

[m7md3ssem]

تمام كدة ياباشا

[roland_yamaha]

العربيه موديل 2007 عايز اروشها شوية كالاتى :
جنوط 15 ويفضل ايه ومن فين والسعر
كاسيت شاشه كبيره كامل نوع كويس فى حدود 1000 جم
نوع كاوتش كويس اركبه على الجنوط علما بان الى عندى كونتنينتال سى للغايه 165/95
عايز اركب زينون للعالى فقط علشان معميش الناس وعندى فوج بس لمض عاديه لو ممكن اغيرها بس اعرف اجيب نوع ايه
عايز اغير نور الصالون وممكن التابلوه بس لو التابلوه هيتشال كله يبقا بلاش
.... هل ممكن اغير طاره الدريكسون واعملها مالتى ولو ينفع ههتكلف كام
لو فيه حاجه تانيه ممكن تنصحونى وشكرا لكل من ساهم فى انشاء الموضوع الشيق ده .

شوف الإعلان ده ممكن يفيدك
4 جنوط بالكاوتش ..هيونداي اوريجنال وارد روسيا ... - زينة و قطع سيارات في مصر الجديدة | دوبيزل مصر

[basemlove]

حد ركب كاميرا خلفية وليها لازمة ولا عادى وبكام

[mohammed adel]

رجة (ترتيلة) فى موتور النترا 2009 مش لاقى لها حل

بعد السلام عليكم ورحمة الله انا بحب اشكركم جميعا لان لوفيه اى مشكلة الواحد فعلا بيسارع ويدخل على نايل موتورز بدل مايدوخ هنا وهناك من غير فايدة انا حضرتكم معايا النترا 2009 اوتو ماشية فوق ال 100000 كم والمشكلة هى كالاتى :-

أولا انا عندى رجة (ترتيلة ) فى الموتور روحت مركز صيانة والمهندس فحص العربية بالجهاز وقاللى ان الرجة بسبب الرشاشات وخلانى شوفت بنفسى وهو موصل الجهاز بالعربية وكان بيدى امر من الجهاز ان بيفصل رشاش رشاش والموتور عمل رجة جامدة فى كل رشاش كان بيفصلة بمعنى ان الرشاش شغال تمام ولما يفصلة فالطبيعى ان الموتور يعمل رجة بس لما كان بيفصل رشاش رقم 3 العربية ما كانتش بتحس بيه خالص وقاللى العيب فى رقم 3 راح حط الرشاشات كلها على جهاز تظيف وظبط الرشاشات بالكمبيوتر (الترا سونيك )ونضفهم كلهم وظبطهم بس بعد ما مشيت بالعربية وسخنت رجعت نفس الرجة تانى (وهى فعلا كدة من الاول ان العربية وهى باردة الموتور بيبقى شبه طبيعي بس لما تسحن يبدأ يظر المستخبي) فرجعت للمهندس تانى فقاللى ان اسيب العربية له يوم كامل عالشان يعرف العيب !!!!!!!!!!!!!!!!!!!!!!! لكن فيه حاجة مهمة هحكيها لحضراتكم بالتفصيل وهى :-
ان من فترة طويلة العربية كانت بترتل جامد جدااااااااااااا اكتر من الترتيلة الموجودة حاليا ولما روحت لميكانيكى بقى يجرب (موبينات البوجيهات) موبينة -موبينة لغاية لما اكتشف ان موبينة البوجيه( رقم 3 )هى اللى فيها المشكلة لان لما كان بيفصل الموبينات الاخرى واحدة واحدة كان الموتور بيهتز جامد ويحس بيها الا الموبينة (رقم 3 )الموتور ما كانش حاسس بيها خالص(نفس قصة الجهاز اللى حكيت لحضرتك عليها بس الاختلاف ان المرة دية الرشاش رقم 3 بدل الموبينة رقم 3 ) وفعلا شريت موبينة اصلية وركبتها وراحت الترتيلة الجامدة(وكله بقى تمام ) لكن فضل الموتور بيرتل بسيط زى الاول (نفس الترتيلة اللى كانت موجودة قبل تغيير البوبينة ) بمعنى ان الموتور من فترة كبيرة كان بيرتل بسيط جداااااا لكن بعد كدة بقى يرتل جامدا لكن مع تغيير الموبينة راحت الترتيلة الجامدة وفضلت الترتيلة البسيطة الاولى(مش عارف هل فيه علاقة بين الترتيلة الاولى والتريلة التانية ؟؟؟؟) علاقة ولا ايه الحكاية !!!!!
يارب الاقى عند حضراتكم التفسير الصحيح لأن لو مشيت ورا كلام الميكانيكية مش هخلص!!!!!!!!!!!!!( اسف ان بطول على حضرتك فى الشرح بس انا بحب اشرح بالتفصيل )
عاجز جدااااااااااااااااااااااااااااااااا عن الشكرررررررررررررررررررررررررررر

[mohammed adel]

متاااااااااااااااااااااااااااااااااااااااااااااااا اااااااااابع

[mohammed adel]

ايه يا جماعة هو الموضوع صعب للدرجة دية ؟؟؟؟؟؟؟؟؟؟؟؟؟

[mohammed adel]

ايه يا جماعة يعنى الموضوع مكتوب من فترة ومش لاقى اى حل الناس كلها ما عندهاش حل او حتى قولوا على حد كويس اروحله ويشوفلى القصة دية حلها ايه ولا كمان متعرفوش مهندس او ميكانيكي كويس !!!!!!!!!!!!!!!!!!!!!!

[azwoz65]

حد ركب كاميرا خلفية وليها لازمة ولا عادى وبكام

بتركب بدل لمبة النمرة الخلفية
وشغالى معايا تمام والحمد لله