رابطة مالكي الElantra من 2007 الى 2011

[mahmoud_afifi]

طيب احنا ليه مانعملش جروب لينا على الفيس ؟

عشان مش كل الناس عندها فيس او بتدخل على الفيس كتير.

[mahmoud_afifi]

عاملوا فايبر للاسف مفيش منوا رابر بس باقي العتب رابر
عاملوا في بورسعيد وكلفني ٤٠٠ جنيه فايبر و ١٥٠ رش
بس طبعا ١٥٠ دا عشان كنت رشو مط عشان كنت عامل العربية كلها ستيكر مط
وحاليا رجعتها اللون الفابريكة

بس بصراحه شغله حلو ماشاء الله.
ربنا يباركلك فيها ويحفظها من العين

[حسن عبد الحليم]

ربنا يرزقك ان شاء الله :)

انا قريت review عن الix35 موديل 2014 في موقع اجنبي ان في تعديلات في العفشه للأفضل طبعا عشان الطرق الغير ممهده ويكون الاحساس بيها قليل. بس اللي مخليني مش متأكد انه كاتب في استراليا ما قالش عامة ! مش عارف التحسينات دي للسوق الاسترالي بس ولا كله !

عامة ان شاء الله حد من ملاكها بس موديل 2014 يفيدوك ويطمنوك من نقطة الراحه دي.

تحياتي لحضرتك :)

ربنا يبارك في عمرك استاذنا ...
غاالبا التغيرات بتكون برا لانهم حيغيروا السعر اكيد لو كانوا عدلوا حاجة

انا بس عرفت ان الesp مش موجود الا في الفئة العالية بس وكنت فاكره فى كل الموديلات :(


الحيرة زادت والله ربنا يستر ويسهل بقى

وشكرا لاهتمامك

خالص تحياتي،،،

[Mada34]

بس بصراحه شغله حلو ماشاء الله.
ربنا يباركلك فيها ويحفظها من العين

ربنا يخليك :)
كنت عايز اسأل بما ان كلو معاه الشكل دا
اخبار الفرامل ايه ؟؟!
انا من ساعة مل غيرت الفابريكا مغيرتش تيل عدل
العربية تعتبر مبتقفش. !

[mahmoud_afifi]

ربنا يبارك في عمرك استاذنا ...
غاالبا التغيرات بتكون برا لانهم حيغيروا السعر اكيد لو كانوا عدلوا حاجة

انا بس عرفت ان الesp مش موجود الا في الفئة العالية بس وكنت فاكره فى كل الموديلات :(


الحيرة زادت والله ربنا يستر ويسهل بقى

وشكرا لاهتمامك

خالص تحياتي،،،

لأ بالعكس التغييرات الخارجيه مش قوي. يعني كلها ليدات وحاجات مش هتنزل غير في الفئات العاليه. انما في تعديلات في العفشه مابتأثرش على السعر. على سبيل المثال لو ركبت النترا 2008 وركبت النترا 2010. مافيش فرق في السعر بس في فرق في الركوبه نفسها. الدركسيون في ال2008 اخف من 2010 والعفشه في ال2010 انشف شوية من 2008. والاتنين كانوا نفس السعر زيرو.

والesp مهم وكل حاجه بس هتلاقي نفسك دخلت في مبلغ كبير عن اللي عامل حسابك عليه. في السبورتاج اعتقد مش نازل في اول فئه برضه !
بالتوفيق ان شاء الله

[mahmoud_afifi]

ربنا يخليك :)
كنت عايز اسأل بما ان كلو معاه الشكل دا
اخبار الفرامل ايه ؟؟!
انا من ساعة مل غيرت الفابريكا مغيرتش تيل عدل
العربية تعتبر مبتقفش. !

انا جربت كذا نوع من التيل
الاصلي الفبريكا- جولد - الاصلي - موبيس

اكتشفت ان تقريبا كلهم نفس الاداء او قريبين من بعض والاختلاف في دوسة الفرامل. في نوع بيستجيب اول لما تلمس وفي نوع لازم تدوس شوية. بس اللي كويس مقابل السعر الموبيس. سعره في السوق من 140ل150.

بما ان عندك العربيه مابتقفش يبقى شوف الكاوتش. بقاله قد ايه وعامل كام كيلو.
ولو محتاج يتغير قولي وانا هنصحك بأنواع كويسه في الفرامل

[Mada34]

انا جربت كذا نوع من التيل
الاصلي الفبريكا- جولد - الاصلي - موبيس

اكتشفت ان تقريبا كلهم نفس الاداء او قريبين من بعض والاختلاف في دوسة الفرامل. في نوع بيستجيب اول لما تلمس وفي نوع لازم تدوس شوية. بس اللي كويس مقابل السعر الموبيس. سعره في السوق من 140ل150.

بما ان عندك العربيه مابتقفش يبقى شوف الكاوتش. بقاله قد ايه وعامل كام كيلو.
ولو محتاج يتغير قولي وانا هنصحك بأنواع كويسه في الفرامل

الكاوتش لسا بحالة الزيرو بس هيا مشكلت فرامل
انا معايا عربية تانية بس فيها abs فا طبعا من ساعة ما جبتها وانا حاسس بالفرق الشاسع
بين العادي وال abs وفكرت كتير اعدل فالفرامل بس ناس كتير تقولي بلاش وملوش لازمة

[bellcronary]

كان عندي نفس المشلكة الانذار شغال بدون سرينة وكان العيب في السرينة
هتغير السرينة
وانصحك تغير الانذار كلة لان من النوع السيئ كثير الاعطال

أشكر حضرتك و أشكر كل الاخوه اللى اهتموا بمشكلتى .........فعلا طلع العيب فى السرينه و جبت واحده تانيه و غيرتها بنفسى

[mahmoud_afifi]

الكاوتش لسا بحالة الزيرو بس هيا مشكلت فرامل
انا معايا عربية تانية بس فيها abs فا طبعا من ساعة ما جبتها وانا حاسس بالفرق الشاسع
بين العادي وال abs وفكرت كتير اعدل فالفرامل بس ناس كتير تقولي بلاش وملوش لازمة

قوة الفرامل ملهاش علاقه بوجود الabs او لأ. الabs عشان يمنع الانغلاق التام (الزحف).
انا نفسي اعدل في الفرامل بس هتكلف كتير جداااا
اعتقد انت كده محتاج تكشف على الفرامل

[Mada34]

قوة الفرامل ملهاش علاقه بوجود الabs او لأ. الabs عشان يمنع الانغلاق التام (الزحف).
انا نفسي اعدل في الفرامل بس هتكلف كتير جداااا
اعتقد انت كده محتاج تكشف على الفرامل

اكشف على ايه بالظبط ماهو دا البسأل فيه
انا كنت بفكر اجيب تيل الفرامل بتاع التوكيل هل هيفرف !

[mahmoud_afifi]

اكشف على ايه بالظبط ماهو دا البسأل فيه
انا كنت بفكر اجيب تيل الفرامل بتاع التوكيل هل هيفرف !

زيت الفرامل.
والتيل بتاع التوكيل هيفرق اكيد بس مش عارف بنسبة قد ايه.

[bellcronary]

فى يا جماعه حد عنده فكره زجاجات الاسبراى الخاصه برش الالوان و خاصة الفضى بتتباع فين و هل ينفع استخدمها فى رش الطاسات بتاعة العجل...... و ايه أفضل طريقه لاعاده اللون الاسود للكاوتش هو فعلا ينفع الورنيش بتاع الاحذيه.............مع وافر التحيه و التقدير

[mahmoud_afifi]

فى يا جماعه حد عنده فكره زجاجات الاسبراى الخاصه برش الالوان و خاصة الفضى بتتباع فين و هل ينفع استخدمها فى رش الطاسات بتاعة العجل...... و ايه أفضل طريقه لاعاده اللون الاسود للكاوتش هو فعلا ينفع الورنيش بتاع الاحذيه.............مع وافر التحيه و التقدير

لو تقصد سبراي الالوان العادي موجود عند بتاع الحدايد والبويات. مره استعملته بس لون اسود عشان ارش الجنط الاسود لأن كان لونه راح من اماكن واماكن لأ. والنتيجه كانت روعه. بالنسبه للطاسه اعتقد هيعمل شغل برضه بس يستحسن تسنفرها كويس بسنفره ناعمه وبعدين ترشها حبه حبه عشان ماتسيلش منك.

بالنسبه لتسويد الكاوتش المفروض بيبقى في فوم للحاجات دي وفي انوع افضل منها بتكون على شكل GEL ودي اللي بجد جباره بتخلي الكاوتش اسود فتره طويله حتى بعد ما يتغسل. بس طبعا غالي شوية
ممكن تجيب ملمع التابلوه armor all وتعمل بيه وهيجيب معاك نتيجه كويسه. بس يستحسن بعد الكاوتش مايكون مغسول ومفيش عليه تراب.

[bellcronary]

لو تقصد سبراي الالوان العادي موجود عند بتاع الحدايد والبويات. مره استعملته بس لون اسود عشان ارش الجنط الاسود لأن كان لونه راح من اماكن واماكن لأ. والنتيجه كانت روعه. بالنسبه للطاسه اعتقد هيعمل شغل برضه بس يستحسن تسنفرها كويس بسنفره ناعمه وبعدين ترشها حبه حبه عشان ماتسيلش منك.

بالنسبه لتسويد الكاوتش المفروض بيبقى في فوم للحاجات دي وفي انوع افضل منها بتكون على شكل gel ودي اللي بجد جباره بتخلي الكاوتش اسود فتره طويله حتى بعد ما يتغسل. بس طبعا غالي شوية
ممكن تجيب ملمع التابلوه armor all وتعمل بيه وهيجيب معاك نتيجه كويسه. بس يستحسن بعد الكاوتش مايكون مغسول ومفيش عليه تراب.

متشكر جدا على رد حضرتك

[mahmoud_afifi]

متشكر جدا على رد حضرتك

انت تؤمر