لماذا كل هذا الهجوم علي هيونداي ! ؟

[MMamdouh]

حبيبي يادوحة .....

ربنا يخلليك يا هندسة

بس أطلع معاه علي طريق مفتوح و شوف هو ممكن يعمل أيه

طريق مفتوح ليه؟؟... هو انا عبيط؟؟؟... كدة زى الفل اوى

مع ان والله مروق واحد بسيراتو على الدائرى من المريوطية للاوتوستراد قبل كدة بس هو اللى سواق انتيخ و معندوش فكرة مش ضعف من العربية... جزء كبير من الموضوع بيعتمد على السواق و ناس كتير مبتاخدش بالها من الحتة دى

صاحبنا اللى فى الرحاب اخدتة الجلالة و ادانى head start على اساس انى راكب معزة فا حبيت اوريلة ان عربيتة ملهاش وجود الا بعد ال100 و قد كان... مع ان عربيتى اقدم ب10 سنين و راكب فيها 3 انفار

انا عارف ان بعد ال100 هيسيبنى و يمشى عشان كدة مش هجرى معاه فوق خالص بس انا بكرة نظرة الاستعلاء اللى بتبقى فى عيون الناس اللى راكبة عربيات موديل السنة لما يعدى جنب عربية قديمة

بس أيه رأيك في الفرامل بتاعتها ؟؟

10 على 10 ما شاء الله

نورت الموضوع يا سيادة المستشار

دا نورك يا هندسة

MMamdouh

[MMamdouh]

جربت بABS وبدون ABS بردة مش بحس بنفس ال ABS اللى موجود فى الاوروبى انا سوقت فانتازيا كتير وعارف انا بقولك اية

معلش سؤال فنى عشان انا معلوماتى على قدى... هو الABS اللى فى الاوروبى بيعمل حاجة غير الABS اللى فى الاسيوى؟؟؟؟

MMamdouh

[CryptonX]

معلش سؤال فنى عشان انا معلوماتى على قدى... هو الabs اللى فى الاوروبى بيعمل حاجة غير الabs اللى فى الاسيوى؟؟؟؟

mmamdouh

لا مافي bosch اوروبي .. و فيه bosch كوري :)

وغير كدة تصميم الفرامل نفسه ... في الاوروبي ديسكات الفرامل مدورة و مخرمة ... في الكوري ديسكات الفرامل مربعة و مشرشرة ..

والخامات طبعا ! فرامل الاوروبي تلسمها .. ناعمة و طرية زي التابلوهات بتاعتهم, انما فرامل الكوري بتبقى خشنة و ممكن تعور .. بلاستيك.

[CryptonX]

the elantra did stand out in braking ability, clawing its way to a dead stop from 60 mph in 122 feet. Stopped side-by-side with a civic and a mazda3, the civic would be four feet and the mazda a full 13 feet farther into a barrier than the hyundai. Testers noted the pedal works linearly without any annoying grabby or dead spots.

ترجمة سريعة ؟
الالنترا (الكوري 1800 سي سي كمان) وقفت من سرعة 100 كم في الساعة في 37 متر
بينما السيفيك (الياباني النجمة الفلة الشمعة) وقفت من سرعة 100 كم في 38 متر
و المازدا 3 (الياباني .. تحفة القيادة الرياضية) وقفت من سرعة 100 كم في 41 متر ..

يعني بفرض ان في عربية واقفة قدامك على بعد 40 متر وانت ماشي على 100 ..
الانترا حتقف اول واحدة بفرق 3 امتار كاملة
السيفيك حتقف قبلها بمترين
المازدا حتاخدها متر لقدام >> loooooooooool

[ashouhdy]

Hyundai i30 vs Kia cee'd vs Volkswagen Golf - YouTube

فرامل احسن من الجولف وثبات مش شايف فرق الصراحة ... اتفرجوا على الفيديو كامل

[Formulator]

@ CryptonX

ماينفعش ياباشا تصنف أى حد بينتقد العربيات الكورى على انه واحد من الـ3 Categories بتوعك؟؟!!!

- يعنى اللى راكب عربية Euro, وعارف (طبعا) ان فيه أفضل منها, وأساسى عايز يغير لأعلى..
وعربيته فيها كل "الأوبشنز" بتاع الكورى + فيها الأساسيات الـTechnology (والأوبشنز) اللى عمر الكورى ماهيشوفها...

- وبيلاقى قطع غيارها فـ التوكيل وبرا التوكيل (فـ مصر), ولو عايز Performance/Aftermarket Parts بيجيبها (من برا مصر) بسعر أرخص..
(وخد بالك برضه ان معظم العربيات دى مش أى حد بيركبها.. غالبا بيبقوا Enthusiasm).. وعارفين يتعاملوا أزاى.

وحته كيا-هيونداى حواليه فـ كل حته دى مش ميزة على فكرة.. وأصلا هى ماتستاهلش تبقى أرخص بـ30% بس؟؟!!! (المفروض تبقى أرخص بـ50-60%)..

وفرق الأداء عمره ماهيبقى 20% بس..!!
ولو 20%.. ليه سقطت فرق المكونات والتقفيل والصنعة والـTech والاختبارات والهندسة ووو...etc
وأظن دى كلها حاجات بتسمع فـ العربية, السواق الـbelow Average هيقدرها..

ليه بقى تفترض ان عنده عقد نقص بيطلعها عـ الكورى (سواء هو أو اللى راكب عربية قديمة وعاجباه)؟؟!!
ليه مايبقاش الـBar/ Standards بتاعته فـ العربيات أعلى من اللى هيونداى-كيا بتعمله, وكل مايركب عربية كورى يحس باشمئزاز؟؟!!!
ليه ماتقولش ان اللى معاه عربية قديمة بس Performance/Sport مش هيقدر ينزل منها ويركب كورى.. وطبعا لوعايز أوروبى بنفس الأداء هيدفع مليون جنيه..؟؟!!!

غريب جدا المعيار بتاعك الصراحة!!!

لا مافي bosch اوروبي .. و فيه bosch كوري :)

وغير كدة تصميم الفرامل نفسه ... في الاوروبي ديسكات الفرامل مدورة و مخرمة ... في الكوري ديسكات الفرامل مربعة و مشرشرة ..
والخامات طبعا ! فرامل الاوروبي تلسمها .. ناعمة و طرية زي التابلوهات بتاعتهم, انما فرامل الكوري بتبقى خشنة و ممكن تعور .. بلاستيك.

لا لأ, كده تخبيط..!! ماهو حاجة من 2:
- يا اما انت ماتعرفش ان فيه كذا شركة فـ العالم بتعمل ABS غير بوش.. (زى AP-Racing, Delphi, Lucas)...
- يا ماتعرفش ان اللى راكب عندكم فـ الهيونداى-كيا موديول اسمه Mando ABS (وتقدر تفتح الكبوت وتقفله).. هههههههههههههه

BTW: شركة Mando الكورية دى عاملة تقريبا كل حاجة فـ عربيات هيونداى-كيا.. الفرامل, المساعدين , الطلمبات, الـinjection, الكهرباء...etc

لكن عشان تقوللى ان Module الـABS اللى راكب فـ الكورى Bosch ABS 8.0/8.1.. لأ معلش, ده ولا حتى الموديول القديم Bosch ABS 5.3.

لأن ده ببساطة يتعارض مع قاعدة استرخاص المكونات اللى معتمدة فـ الصناعة الكورية..؟!! هههههههههههه

ماهى دى ثقافة المكونات اللى بنتكلم عليها, (مش لازم كل الناس تعرفها)..
بس طبيعى لما تشترى عربية Euro Specs'ed... يبقى كل الميكانيكا بوش, وكل الكهرباء Marelli..

ترجمة سريعة ؟
الالنترا (الكوري 1800 سي سي كمان) وقفت من سرعة 100 كم في الساعة في 37 متر
بينما السيفيك (الياباني النجمة الفلة الشمعة) وقفت من سرعة 100 كم في 38 متر
و المازدا 3 (الياباني .. تحفة القيادة الرياضية) وقفت من سرعة 100 كم في 41 متر ..

لأ معلش,
برضه ده كلام فيه استخفاف بالناس يا كريبتون..؟؟!!!
أيه ياعم انت فاكرنى الراجل اللى واقف ورا عمر سليمان؟؟؟!!
أولا: هاتلنا اللينك.. عشان نشوف بقية الـTests, ونعرف المجلة/الموقع ليه مصداقية (أمريكانى) ولا لأ..؟؟!!
مانت ماتجيبليش Quote من مجلة مضروبة أو Blog بيعمل دعاية للكورى.. وتقوللى أهو.

يعني بفرض ان في عربية واقفة قدامك على بعد 40 متر وانت ماشي على 100 ..
الانترا حتقف اول واحدة بفرق 3 امتار كاملة
السيفيك حتقف قبلها بمترين
المازدا حتاخدها متر لقدام >> loooooooooool

ثانيا: بص ياباشا.. الـData دى مهمة جدا عشان نشوف المصداقية والـValidity بتاع الأختبار ده؟؟ ممكن تجيبهالنا لو سمحت؟!!
- أوزان الـ3 عربيات.. الألنترا, السيفيك والمازدا3.. Curb/Kerb Weight
- مقاسات ديسكات الفرامل بتاع الـ3 عربيات..؟؟!!!!!!

مانت ماتقوليش الالنترا وقفت الأول, وتطلع فـ الآخر هيونداى مركبة ديسكات فرامل أكبر من الـAverage بتاع الفئة.. (ولو انها مش عادتهم) ههههههههههههه
+ على عربية وزنها خفيف,
وكل حاجة فـ العربية بعد كده أقل من الفئة بتاعتها (شاسيه وعفشة وموتور وفتيس)..
وتبقى كده الألنترا أحسن من السيفيك والمازدا... والفوكاس والكروز والجيتا (هما دول مش نفس الفئة فـ أمريكا ولا أيه يا كريبتو؟؟!!!)

لأن لو كده, يبقى فيه كلام تانى لا مؤاخذة...

الكلام التانى:
- محدش يكلمنى على الهيونداى بتاع أمريكا (ولا انت مش مقتنع ان بتاع أمريكا "معمولة من ماء ذهب !!" على رأيك..؟؟؟!! هههههههههههههه

مثال واقعى فـ الـReal-Life بقى (وأنا ركبت الألنترا الجديدة وجريت بيها):
- لو بنجرى عـ الدائرى (هنا فـ مصر) بنفس الـ3 عربيات (بـSpecs مصر) على 120-140 كم/س..
ولقينا الطريق واقف بعد 50-60 متر مثلا.. وكله عمل Full-Brake, تفتكر أيه اللى هيحصل؟؟
تقديرى: السيفيك والمازدا3 هيقفوا (حتى قبل الـobstacle أو Just-Hit)...
والالنترا هتاخد أول عربيتين-3 قدامها (غالبا هيبقوا كورى), طاااااااااااخ بوووووووم فشششششششششششششش.. ههههههههههههههههههه...

[ابو ليلى]

انتو خلصتو عندنا وجيتو هنا
semsem kane
formulator
وحشتونى ....نتكلم باليل علشان الموضوع طويل

[mody3on]

انا بصراحة في كل الريفيوهات مشفتش حد بيقول ان ال abs الكوري كخة والاوروبي احسن بكتير
عامة ادي ريفيو للالنترا من موقع ( امريكاني ) وواخدة التقييم الرابع في فئتها Small cars بعد الفيت والفييستا والفوكس ( احسن من مازدا 3 والامبريزا والسيفيك )
2012 Hyundai Elantra Reviews, Pictures and Prices | U.S. News Best Cars

[ashouhdy]

formulator semsem kane لسة فيكl النقطة ان اى تفوق لاى عربية كورى فى اى اختبار حيبقى :

1- متفبرك
2- متعدلة
3- المنافسين مش متظبطين

ولية بتقولوا استرخاص اذا كان العربيات الاسيوى واخدين top10 فى اكثر العربيات اعتمادية وقلة الاعطال ومفيش منهم ولا عربية واحدة اوروبى !!!!!!!!!!!!!! (التقييم دة فى اوروبا على فكرة)

لية فاكرين ان كل الناس بتجرى على 180 وبتقفش فرامل مرة واحدة او كل الناس بيهمها كل يوم التسارع من 0 ل 180 فى قد اية

انا اة اعترف احيانا بحن للتسارع والحرق بس يمكن مرتين فى الشهر مش كل يوم ! فلمقابل واخد عربية اعتمادية ناعمة مريحة قليلة الاعطال كثيرة الكماليات ومفيهاش استرخاص على فكرة وقطع غيارها متوافرة فى كل مكان !!

موضوع صحبك دة بقى ياsmsm

انا مش عايز اقولك ان لما حبيت ابيع الهيونداى اتباعت فى 8 ساعات ومش عايز اقولك ان مقابل خدمة 4 سنين هيونداى قدام اوكتافياa4 كانت الهيونداى مغيرة تيل فرامل بس بينما الاوكتافيا مغيرة غوايش اول وتانى وسكترا و مساعدين امامى واسطوانة !!!

غير ان ياجماعة العالم كلة كلة بيعترف بتفوق الكورى على اليابانى والاوروبى فى بعض الفئات وبيدولوة اعلى التقييمات بدليل سيارة العام وبدليل احلى تصميمات كمان


اة نسيت الدفاع حيكون اصل بتاعة برة غير هنا !!!

[ashouhdy]

فى فيديو انا حطة فوق محدش عبررة على فكرة هههههههههه فى ان فرامل الكورى احسن من الجولف وفية ان اختبارات الثبات العربية معومتش ومقلبتش بل تكاد تكون افضل

هيونداى مركز رابع

2012 Hyundai Elantra Reviews, Pictures and Prices | U.S. News Best Cars

نص التقييم كيا-هيونداى !!

Best Affordable Small Cars Rankings | U.S. News Best Cars

أسوأ شركة اوبل اسوأ سيارة الفورد كا افضل سيارة ومصننع ليكزس

JD Power Survey 2011 - The best and worst... - Car and Car-Buying News - What Car?

تعليق من واحد اجنبى

Funny in how I checked car rating to see how good they are before buying one and I did not find Hyundai's in the top 10 worse cars list. Also funny how Hyundai's are winning more awards than any other car make at this time. Sound like someone need to go blow their smoke somewhere else. I have found Hyundai's to be a very good car and the new ones are getting better.

[AutoTycoon]

دي ريفيو من واحد اوروبي معندوش عقدة :

http://www.youtube.com/watch?v=F5IZYnIvgZk=

[Hosam_Optrawy]

بالنسبه للعربيات ال Euro

يكفى ان السنه اللى فاتت مبيعات 2011 فى اوروبا كانت كالتالى

جولف - استرا - فوكس - ميجان - 308 - A3 - بى ام Series1 - سيتروين C4 - هيونداى i30

متفوقه على عربيات زى الليون والبرافو والفا روميو جوليتا ومرسيدس B Class وفولفو وسيفيك وغيرهم

وفى المانيا

جولف - استرا - فوكس - A3 - بى ام Series1 - هيونداى i30

شوف بقى مين تحتها

وقبل ما فورميلاتور يجى يقولى اصل دى Korean Cheap Cars مضروبه والتانيين Euro Hot Hatch أصلى , ال i30 سعرها فى اوروبا قريب جدا من كل العربيات دى , لو هى فعلا رخيصه وتعبانه مكنش حد اشتراها او على الاقل تبقى فى اخر الليست , مش تبقى رقم 6 فى فئتها فى المانيا و 9 على مستوى اوروبا كلها !! فى الهوت هاتش اللى هى تخصصهم

الكلام دا كله بال i30 القديمه كمان اللى من 2007 , مابالكم بالجديده مع السييد الجديده :)

[Samir Elshahawy]

صاحبنا اللى فى الرحاب اخدتة الجلالة و ادانى head start على اساس انى راكب معزة فا حبيت اوريلة ان عربيتة ملهاش وجود الا بعد ال100 و قد كان... مع ان عربيتى اقدم ب10 سنين و راكب فيها 3 انفار

انا عارف ان بعد ال100 هيسيبنى و يمشى عشان كدة مش هجرى معاه فوق خالص بس انا بكرة نظرة الاستعلاء اللى بتبقى فى عيون الناس اللى راكبة عربيات موديل السنة لما يعدى جنب عربية قديمة

mmamdouh

ده أسمه نقص و مالوش علاقة بالعربية
للأسف زي مافيه ناس بتكون راكبة عربيات حديثة و مابتعرفش تسوقها و ييجي واحد معاه 128 و يكون بيسوق أحسن منه و مش بس كده .... ده ممكن اللي سايق ال 128 تكون أخلاقه أحسن

للأسف ماحدش فهم المغزي من الموضوع غير عدد محدود جدا ممن شاركوا فيه بينما البعض الاخر بيتكلم للمرة المليون عن الكوري و الاوروبي و الياباني و مافيش فايدة مقتنعين أن الكوريين مابيعرفوش مع أننا مش من حقنا كمصر نتكلم لأننا مابنعرفش نعمل حاجة غير الكلام و النقد في ناس سابقانا ب 1000 سنة ضوئية

شكرا يا سيادة المستشار علي تشريفك الموضوع مرة تانية و حقيقي دايما بأسعد بمشاركاتك زي ما بأسعد بمقابلاتك

[Samir Elshahawy]

semsem kane
formulator

بالرغم من هجومكم الحاد علي الكوري بشكل عام فأنا بأعتز جدا بمشاركاتكم في الموضوع و شايف أنها أكسبته طعم خاص و أضافات فنية عالية جدا سواء منكم أو ممن شاركوا بالرد عليكم و بصراحة أستفدت كتير جدا من تلك الاضافات

لذا أنا بأدعوكم لحضور مقابلة "هيونداي" القادمة لأستكمال النقاش و بادعوكم أيضا للمشاركة في التقييم العملي لكل سيارات هيونداي لأننا محتاجين ناس برضه تنقد و تطلع العيوب في سياراتنا مش بس تمح فيها و تذكر المميزات

[ashouhdy]

ولا واحدة أوروبى

هيونداى-كيا 3 مراكز من اول 11

الباسات الجديدة ثالث اختيار من نمرة11 تقاسمت الموقع 11 مع الاوبتيما

Best Affordable Midsize Cars Rankings | U.S. News Best Cars

هوندا سيفيك2012 ضد كروز2011 ضد الانترا2011

وطبعا السيفيك سورى الكروز طبعا الفائز هيونداى !!

اقروا بقى التعليق بتاع الموقع

When you drive the 2012 Honda Civic back to back with the 2011 Chevrolet Cruze and the redesigned 2011 Hyundai Elantra, though, you have to concede that Honda doesn't own this class anymore.

ترجمة سريعة مع انى عارف ان كلكم اساتذة يعنى

لما تسوق السيفيك وبعدين الكروز وبعديين الالنترا حتعرف ان السيفيك خلاص مبقتش التوب بتاع الفئة دى خلاص :))) هههههههه

2012 Honda Civic vs. 2011 Chevrolet Cruze vs. 2011 Hyundai Elantra Comparison Test