الكورى اتطور فى اية؟؟؟ سمسم يسال و الهيونداوية تجيب :)

[yasserelsayad]

لا حول ولا قوة الا بالله دة من اية دة ياباشا اكيد شوفتها وانت صايم

او يمكن انت ماركبتش السيفيك من سنة 2008 اللى كانت بتنزل طنابير خلفية كانت السيفيك 2007-2008 وبعد كدة خلاص بقى كلة ديسكات على الاربع عجلات لحد وقتنا هذا

لما كل واحد مايعرفش حاجة عن السيفيك ولا الهوندا بتتكلموا عليها

معلش معلش هدى نفسك كدا بس واقرا كويس
فى فعل ماضى فى الكلام وقولت انا مش عارف ايه نظمها دلوقتى

[abdulkhaleq]

الاوروبي دي تقريبا فيها esp و 6 ايرباج وكل مواصفات الامان ، وارخص من السيفيك ب 25 الف ، وموتور اقوى ، ومش عاجباك صح ؟

ايوه بس مش دي اللي موجوده هناك
هما كانوا بيقولوا كده لكنها كانت بس ايرباج واحده والموتور ال gdi
والبلاستيك هو هو ماتغيرش

[abdulkhaleq]

تصحيحا لكلام حضرتك المعرض دا أنا جبت منه العربية دي من 6 شهور و ب 132 ألف مش 175 ألف

كلامي مش غلط
انا لما كلمتهم طلبوا السعر ده
ده اذا كان نفس المعرض اصلا

[SAMEH_FOUAD]

خلاص تمام لحد ما تعمل التجربة المفصلة ابقى قول ، غير كدة مش من حقك انت كمان تتكلم عليها ( بنفس المنطق )

ياباشا انا مش هتلكم عن عربية ماركبتهاش , بس انا معملتش التقرير لحد دلوقتى عشان العربية كانت لسة معملتش 5000 كيلو

ان شاء الله هية فاضلها حوالى 1000 كيلو وتوصل ل 5000 كيلو ويتعملها الصيانة وان شاء الله هتلاقوا التقرير منور

[SAMEH_FOUAD]

معلش معلش هدى نفسك كدا بس واقرا كويس
فى فعل ماضى فى الكلام وقولت انا مش عارف ايه نظمها دلوقتى

وانت بردة هدى نفسك واقرى مشاركتى كويس , هتلاقينى قايلك انت ماركبتش سيفيك من 2008

[lordvoldmort]

كلامي مش غلط
انا لما كلمتهم طلبوا السعر ده
ده اذا كان نفس المعرض اصلا

هو نفس المعرض و إسمه الحبيب كار في مكرم عبيد و أنا فاكر كويس الموضوع اللي كان معمول في منتدي تاني و فاكر ردك كويس هناك و انا كلمتهم اكتلر من مرة قبل الرد بتاع حضرتك و بعده محدش جابلي سيرة 175 ألف دي خالص

[abdulkhaleq]

هو نفس المعرض و إسمه الحبيب كار في مكرم عبيد و أنا فاكر كويس الموضوع اللي كان معمول في منتدي تاني و فاكر ردك كويس هناك و انا كلمتهم اكتلر من مرة قبل الرد بتاع حضرتك و بعده محدش جابلي سيرة 175 ألف دي خالص

خلاص يبقو الناس بيحبوك وبيكرموك ياسيدي :)

[yasserelsayad]

وانت بردة هدى نفسك واقرى مشاركتى كويس , هتلاقينى قايلك انت ماركبتش سيفيك من 2008

انا الحمد لله هادى وزى الفل
وركبت سيفيك عادى من 2008 بس بركزتش هى فرامل ورا ايه
بس باردوا 2008 دى مش بعيد .. السيراتو لما نزلت فى 2009 كانت بفرامل قدام و ورا ديسكات

[SAMEH_FOUAD]

انا الحمد لله هادى وزى الفل
وركبت سيفيك عادى من 2008 بس بركزتش هى فرامل ورا ايه
بس باردوا 2008 دى مش بعيد .. السيراتو لما نزلت فى 2009 كانت بفرامل قدام و ورا ديسكات

يارب دايما

دية ال s.x ياباشا مش الفئات العادية

واللى كان بيخلى السيفيك بتنزل بطنابير ان ماكنش فية غير فئة واحدة بس lxi ماكنش فية vti , والتوكيل حب يشوف الدنيا هتشمى ازاى مانفعش معاة يدوبك سنة ونص بالظبط ورجع الدنيا تانى عادى

[Formulator]

الله يرحمه بقى

انا بتكلم على ال design language الجديدة ، ( سانتا في و ix35 والنترا واكسنت و i30 وسوناتا و i40 وازيرا )

تمام أوى،
دلوقتى هيونداى Chief-Designer بتاع أوروبا هو Thomas Burkle
(هو ده صاحب concept الـFluidic-Sculpture المضروب )..

شوف حضرتك
هو انت فاكر ان بيركل ده أو Chapman الجديد (ex-BM) هو اللى بيحدد أو حتى بيـRefine الديزاين وتعديلات الإيرو بعد ما يختبر فـ الـWind-Tunnel؟؟!!!

يعنى
الـDesign Ffffff Lang مش هى اللى هتقول العربية Aerodynamically Valid ولا لأ؟!!!
حضرتك الرولز عربية مربعات (صندوق box) وبيتعمل فيها كم هائل من شغل الـAero... مثلا

[Formulator]

هي غلطت فعلا ، عاملة عربية مفروض انها small family car ومكتبتش عليها انها مش عربية رياضية ولا بتاعة غرز وادرينالين لانها مش بوجاتي او لامبو ،

هو الإدرينالين مايطلعش غير من عربية Super-Coupe إيطالى؟؟؟!!
ماتخنقوناش بقى،
هى لما تطلع ثباتها ضعيف وهاندلينج بتاعها زفت وفراملها تعبانة--- يبقى الإلنترا "مش عربية رياضية"؟؟؟!!!

أمال الناس دى:
AshTurbo
SE_coralsea
devil_storm
BuNsH_FoX
yasserelsayad
mahmoud affifi

بيتكلموا فـ سرعات عالية وغرز وmanoeuvres وشد وجرى ليــــــــــه؟؟؟!!!!!!

ياراجل دا الباشمهندس منسق كل كام يوم يفقعنا تقرير عن مشوار أو Test-drive عن الإلنترا؟؟!!! ماشى...
- بس ماتقوليش 180 و200 والعربية ثابتة؟؟!!!
- وبأخد بيها غرز على 160 ومابتعومش؟!! (أكيد كان بينقل حارة بس)..!!!

تصدقوا بالله..
أنا الإلنترا الجديدة دى أقدر أخرجها برا الـLimits بتاعتها فـ سرعات أقل من 110-120 كم/س
قالك على 180؟؟!!! هههههههههههههههه

طب أنا عايز دكر راكب إلانترا ياخد الدركسيون كده يمين فـ شمال min. input ورا بعض كده على 140-150 وشوف أيه اللى هيحصل؟!!
أنتو بتتكلموا فـ أيـــــــــــــــــــه؟؟!!!

[Formulator]

يا راجل ده اللامبو بتقلب في مطبات الهوا ( cc-رد استاذ محمد-علام )

e Respect للأستاذ محمد-علام

اللامبو من أيام الـDiablo بتنزل ضد-الإنقلاب..؟؟!!! وششششششش كده أيوه
ده warranty معروف فـ اللامبورجينى.. بس Limited بتشغيل الـElectronics

شوف..
- الألمان بيعملوا السوبر-كوبيه Front-Rear Layout (شوف كل الـAMG/// والـM///)
بيقولك وضعية المحرك دى أسهل فـ القيادة وأكثر أمانا.

- الطليان لأ، الأساسى عندهم Mid-Rear Layout زى عربيات السباق.. الموتور فـ ظهرك؟!!
(شوف الـ458 والـEnzo فـ الفيررارى، وكل اللامبو: الأفنتادور والجياردو)
قالك وضعية المحرك دى: أسرع acceleration وتوب-سبيد، أمتع فـ القيادة.. وكمان بتسهله يـLower الـC of G؛ سوبر-سبورت كوبيه بجد.
بس أصعب فـ السواقة (محتاجة Training)، وأخطر لو العربية خرجت Out of Control

عشان كده لما ربنا يكرمك وتشترى 458 italia ولا Aventador.. الوكيل هيجيبلك واحد من الـDriving-Academy يأهلك قبل ماتستلم العربية..؟!!

يعنى من الآخر:
ماتجيبليش فيد لمورتشيالاجو بتتشقلب ولا بتخبط فـ الرصيف والحيط وتمشى على جنبها.. وتقوللى أهو اللامبو كمان بتتقلب.؟؟؟!!
وفـ الآخر يطلع الـA.H. اللى كان سايقها ماشى على Race-Mode والـCT-Off ومفيش أى ابن-تيييييييييت الكترونيكس بتحميه؟؟!!!

وتقدر تشوف فيدز عـ اليوتيوب للامبو وفيرراى وبورشات بتلف حوالين نفسها وتعوم وتخبط عشان الحته دى.

Rgds،

[محمد-علام]

قالك ادخله على 90 وشوف هيحصل ايه !!! انت مركبتش بى ام قبل كدا ولا ايه؟؟

وبعدين عديت العربيات لحد 180 ايه المشكلة .. ما انا قولتلك قبل كدا دا شغل مواتير

يا عم الحاج إنت فيه ايه بالضبط ....في فرق بين دخلت الملف 90 امامي وفي فرق بين دخلته بنفس السرعة خلفي ..اناحاخش بوشي وإنت حتخش بجنبك ....أنا مليش شكل اطلاقا وانا داخل بس دااااخل ...وإنت شكلك تحفة وإنت داخل ده الفرق

يا سيدي ركبت m3 و m5 و m6 بس يا معلم أنا سواق امامي ومليش في الخلفي ولو سمحت متقولش السواق بيسوق أي حاجة معلش يعني

وبعدين يا سيدي أنا باقولك بجيب 180 ...فيها مشكلة دي بالنسبالك عدي ممكن أفتح الكنترول لحد 230 واللهِ ...بس أنا مقلتش حاجة غريبة لما قلت إني بجيب 180

[محمد-علام]

يـــــاسر باشا اخبــــارك اى ؟!
أنت مخدتش بــــــــالك هوة قـــــال يزنقك بالكــــــورى اللى مـعاك ومخدش بالة بالبى ام ,,
ربنا يباركلك فيهم يارب وعايزين نشوفك بقى فى مقابلة الخميس اللى جاية :)

لا كبيير أنا لابازنوء ولا بأربط صامولة و واخد بالي من ال BMW كويس بس فعلا أنا مش بأتكلم كلام أهبل
هو قالي handling قلتله ماشي تعالى ملفات عارف ليه علشان الأمامي باي حالة من الاحوال أجمد بكتير بس ملوش شكل جمالي وهو طالع من الملف أو داخله ....لكن في سباقات السرعة زي time attak // speed challange // outo cross دايما الأمامي متفوق عن الخلفي وده شيء معروف ...وعامةً حصل خير وكاني مقلتش حاجة

[محمد-علام]

ماهو انت لو تنزل من عـ موقع/الموقع بتاع هونضاى وتشوف بعينك..
مكنتش هتقول كده،
- معظم الإلنترا اللى ماشية فـ الشوارع .. الفرامل ورا Drum (أحقر حاجة فـ فئتها الصراحة)

شوف يا mody3on
هقولك حاجة من غير زعل.. انت برضه آخرك النت
- معلش يعنى: انت من الأقاليم (مش من القاهرة يعنى)، مش قصدى حاجة بس ما بتشوفش اللى إحنا بنشوفه
- بتتكلم فـ أسعار العربيات بالدولار الأمريكانى والإسترالى..؟!!
- مقارناتك وتقييماتك كلها من على Top-Gear و Motor-Trend و Edmunds...ووو etc.
بيفهموا وكل حاجة.. بس بيتكلموا فـ عربيات وSpecs (وبنزين وطرق) غير اللى إحنا بنتكلم فيها.

صعب أوى واحد بالـAttitude ده.. يبقى مقنع فـ رأيه
على الأقل مقارنة بالشباب اللى شافوا وركبوا وجربوا وقعدو فـ الشارع والحرفيين وعند الميكانيكية وراحوا Events وعدلوا عربياتهم وهبأوا على كله حاجة؟؟!!!

هقولها مرة كمان ليك وللكوريين: جربوا يا جدعااااااااااااااااان، إركبوا عربيات تانى وانت تعرفوا؟؟!!!

Rgds،